#حبيبه 🦋
#البارت الثالث والستون
ان الله معنا وان الحياه بكل مجريتها ستهون💫
ماما ،، اكيد تو ايرن علينا واحد منهم وسعو بالكم اشوي
اعميمه نجاة ،، صدقت مريم اصبرو بس
كانت اعميمه فايزه قاعده على اعصابها وتبكي ونستنى في اي حد يطمنها
عمي صالح حلف علينا ما حد ايرن لعند يتصلو هم من غادي
الشباب كانو معتز وحوده وخالد وصافي وحتي يوسف قاعدين مع عمي صالح
وعمامي جوا
عمي ابراهيم وعمي عبدالله وعمي مفتاح وعم بابا
الحاج منصور القاضي (كان اذكرتن ولده علي لي كان خاطب سلمى)
كانت كلهم قاعدين عشان عملية وليد
وكلنا انراجو في مكالمه تطمنا
عمي صالح كان يسمع فيهم ايهدرزو ويهز فراسه ويقول اها وخلاص وهو عقله وقلبه مع وليد
استاذن منهم وصبا للحمام حشاكم توضى
ورد ع المربوعه فجنب ضنا عمته وعمه وشباب العيله
طرح صلايته ورفع ايديه فوق لربه دعاء ان ربي يحفظله وليد وتنجح عمليته صلى ركعتين وطول وهو ساجد لله
كمل صلاته وخدا مصحفه من جنبه وقرأ سورة يس لانه عارف ان وليد ايحبها
...........
ميدو ،، خالي صالح اكيد ايراجي في خبر ايطمن
بابا ،، اكيد بس منقدروش انرنو لعند ايجي محمد ويطمنا نحن ونعرفو شن نبو انقولولهم
مصعب ،، الحاج عنده الحق
..........
درست سيارة احمد كان جاي حتى هو عشان عمي وعشان وصال بالدرجه الاوله
كان جايب معه اجديده ود وجدي احمد
نزل احمد دق ع الباب لي فالوسط ونزل جدي احمد وراها
طلع حوده عشان يفتح شافهم
ابتسم وسلم عليهم
جدي احمد ،، وين عمك
حوده ،، فالمربوعه ياجدي تفضل
ابتسم جدي احمد وعجبته كلمة (جدي ) من حوده
قال ياالله وخش
وحوده واحمد عدو شور الجديده ود فتحلها حوده الباب وسلم عليها وكب على راسها
اجديده ود ،، الله يربحك ياغالي يا ولد الغاليه
حوده ،، سلمك سلمك
هيا تفضلي كلهن قاعدات جو
اجديده ،، ايزيد فضلك
خش حوده وهو ماسك يد اجديده علينا كلنا فرحنا بعد شفنها وصبينا عشان انسلمو عليها
CITEȘTI
حبيبه
ChickLitروايتي هي عبارة عن علاقات أُسريه فقدنها للاسف مع الزمن 💔 هي روايه عائله تروي التلاحم الأسري لي كل شخص يتمنى يكون موجود فوسطه شخصياتها من وحي الخيال وليس لها وجود فالواقع بطلتها #حبيبه🦋 البنت لي كلكم حتحبوها وتحسو بيها وبمعانتها والالم لي عاش م...
