حبيبه

#حبيبه 🦋67

#حبيبه 🦋
#البارت السابع والستون
فالوقت لي كان خوها ايهدرز مع خطيبته هو كان فعالم ابروحه 💔
خشت اجديده بشواش على غرفته لانه شافت الضي مزال والع
بحتت فالغرفه ما لقت حد
السرير فاضي والمكتب عليها اوراق وكان فاضي
قدمت خطوات وصبت قدام المكتب شافت عليه اصور
رفعتهن كانن له وهو فبرالين مع وليد
حطت لصور ورفعت الورقه شافت عليه اسم ايه كان مكتوب بخط حلوه ومزخرف وكان جار عليه واجد
واضح من شكل الورقه انه كان يكتب ويرد ايجر عليه
كان كاتب ابيات شعر وشتاوي
قعدت اجديده تقراء فيهن
منهن
1-امرايف تعال منام .......اجبر بخاطري بيش ننظرك
2- مطراح ياعزيز النبض .....مكانك لي ما تعرفه
3-الوقت والغلا والقسم .....تراخن ونا جيت بينهن
4-نا عارفك للغير مانك لي ....امغير بلا راده اغليت علي
اما الشعر فكان
مصعب
تستاهلي ياعين مايجرالك
ياما نهوك وما نفع عقالك
من قالك غاليهم
ومن قالك ود وحنان اعطيهم
ومن قالك ياعين اشقي بيهم
طريق الغلا قتلك طريق مهالك
ابكي عليهم دوم ما تنسيهم
مليت ننصح فيك مالي ومالك
ما عمر يوم دمعك اثر فيهم
سريب الغلا نار و وجع تمالك
حالك بروحك ساهرة راجيهم
حتي عدوك نين راف بحالك
وجعها قلبها على مصعب اكثر من ما هو موجوع
وبعدين حست بنسمه امسقعه والستائر لي على باب البلكون تحركن
عرفت ان مصعب قاعد فيه
اجديده ،، منين طلعتي ياويه عشان اتعذبي اوليدي
ربي يريح قلبه يارب ويجبر بخاطرك ياعالي يامولاي 
نا ماصدقت طلع من حالة الحزن لي كان فيها
استغفرالله العظيم وخلاص
عدت شور البلكونه وبحتت وين ما يقعد كيف ماهي  متعوده
شافته امقمعز ع الكرسي الهزاز لي كان حاطه الروحه وماد كرعيه حاطهن ع الطاوله لي قدامه
اجديده ود ،، مصعب  مصعب
نط وهو مفزوع من صوت اجديده
اجديده ،، اسم لله عليك اوليدي
وقربت منه
سامحني حبيبي فجعتك
مصعب ،، لا عادي ياامي متدوريش
اجديده ،، باهي هيا سلم اوليدي
نوض من هنا وخش وسيب عنك التخميم
صدقني اوليدي لي عنده قسم في شي الا ما تكون له طال الزمان ولا اقصر
مصعب ،، حاجة شنو ياامي بس
اجديده ،، مدام قلت امي
يبقى نا امك وحاسه بيك 
مصعب ،، الموضوع هضك فوتيه ياامي
كيف ما نا فايته
اجديده ،، باهي هيا اماله خش وتوضى وصلي قيام اليل وارقد سلم اوليدي
خليني حتى نا نرقد ونا مطمئنه وبالي متريح عليك
مصعب  ،، حاضر حاضر
وحط يدا على كتفها ولف يدا عليها وخش هو وياها جوا
............
ثاني يوم فالصبح
وعيت نجوى فتحت اعيونها وردت غمضتهن
محمد ابتسم
كان وجه اقريب من وجها نفسهم كان مختلط ببعض
حط يدا على خدها وقعد ايحرك في اصابعه
صباحو العيون الأسماح لي رايفتلهن
نجوى ،، صباحك رايق
من امتي واعي
محمد ،، قوليلي رقدت عشان انقولك امتى اوعيت
قرب وجه منها لامس خشمه لخشمها 
ردت نجوى غمضت اعيونها وهي مبتسمه
محمد ،، مزلت مااشبعت منك
كان يحكي وهو يحرك في خشمه
مش امصدق انك قدامي
نجوى ،، اه
محمد وخر وجه وقرن حواجبه كنك شن حسيتي
نجوى ،،  متخافش
محمد ،، كيف متخافش
مدت يدها وخدت يد محمد وحطتها على نهايه بطنها من جهة اليسار
محمد ،، قصدك ايتحرك
نجوى ،، امس بعد حضنتني خبطني بالقوه وتوا دارها اخرى
محمد قرب وجه من بطني وقعد يحكي
كيف صار يابطل راء مايصيرش منه الجو هضا
متخلنيش نزعل منك
راء ميت ارياف على امك وعليك وقرب باس بطنها مره واثنين وثلاثه
رفع راسه وقال
ربي ايباركلي فيك
نجوى ،، وكان جت بنت
محمد ،، احسسي عيل بس اذا بنت معناها راحت عليك
نجوى بوجه زعلان ،، اسمله عليا نا ديما رايحه عليا
محمد ،، لا كله ولا زعلك انتي حبيبتي ونور اعيوني راء انتي مايجي في مكانك حد صدقيني
وقرب منها وراح هو وياها فخبر كان
.................
مرت فتره اسبوعين ونجوى قعدت فيهن في مصراته ومشى ميدو بعد نهى شغله قعد معاهم وروح خالد
لي كان مشغول ايجهز الفرحه
وكيفه معتز لي كان ايجهز لخطبتنا
طلب مني ما انجهز شي ولا نتعب روحي
والفاتحه حصير مع فاتحه ايمان يعني حتكون فحوش اعميمه نجاة وبابا مكنش عنده مانع لا هو ولا محمد ولا عمي صالح
بس كنا مستنين طلعت وليد من المستشفى
............
مشينا للجامعه كل وحده فينا حطها حوده في كليتها
ونا ودندون خشينا كليتنا
كنت ماشيه شور القاعه لي فيها  المحاضره
حسيت بدانه اتكر فكرعيها كر
نا ،، هيا سقدي روحك
دانه ،، معنديش نيه
نا ،، اوكال هو نعزم فيكي عليه نا
هيا راء كان وصلنا ابعده والله ماهو مخششنا
دانه  ،، هضا عليش منبيش عشان الدكتور البارد
نا  صبيت امقابلتها ،، بارد ولا ساخن المهم نحضرو فكينا من البايخه
دانه ،، عاد انتي طول الوقت اعيونه عليك حتى كان تاخرتي تو ايخششك
نا ،، بس نا منبحتش فيه
وفكينا منها الدوه هذي يسمعها معتز يحسابه حاجه اخرى
دانه  ،، باهي ياستي اسفين
نا ،، تبي اتخشي ولا نعدي ابروحي
هزت راسها وكانت في ضحكه خبيثه على وجها
نا ،، يعني نعدي ابروحي
دانه ،، يس
نا ،، معناها سي يو ياعمري
دانه ،، طريقك بيضه مربوحه
نا   ،، ازي بارده
وعديت للمحاضره  وسيبتها ابروحه
قعدت دانه ع الكراسي اتفرج علي ماشي ولي جاي وتشوف فالواقفين مع بعضهم 
بعدين ملت صبت شور الكافتيريا
خدت كبتشينو وقمعزت ع طاوله وحدها
كانت فجنب الشباك تقدر اتشوف لي جاي ولي ماشي
قعد فونها ايرن
رفعته لاقته ميدو قلبه بدء 💗
دراته سايلنت
عاود من جديد طفته بكل فالمره الثانيه
كملت قهوتها رفعت يدها عشان تعرف الوقت
على خشت ميدو للكفتريا وتلاقي العيون مع بعضهن
ضغط ميدو على اسنونه وصبا في مكانه ايبحت فيها
بحت ع الطاوله شاف فونها قدامها
هلب من جنبها مبش ايعبرها  هي اعيونها قعدن عليها
مقدرتش اتكلم المكان كان امعبى طلبه
خدا قهوه ورد طلع من دون حتى مايبحت فيها
  لمت هي حاجتها ع السريع وطلعت وراها
شافته هو ماشي كيف اعيون البنات عليه وكلهن ايبحتن فيه
شاف واحد يعرفه وقف ايسلم عليه
حط يده على جبينه عشان الشمس امقابلته بعدين برم بالعكس عشان اضايق منها
شاف دانه كيف كانت امصبيه وتبحت فيه
كمل كلامه مع الشاب
قعد كيف ماهو مبش ايتحرك ولا هي قدمت شوره ولا حكت امعه
نزل نظارته لي كان حاطهن على اشعره ولبسهن
وقدم شورها
دانه نزلت وبدت تمشي كانت مشيتها بطيئه
وهو مشيته سريعه
وصلو فبعضهم وقفو
دانه اتبحت في جنبها اتشوف فالبنات كيف ايبحتن
هو ليش مارديتي
هي شن تبي جاي هنا
ميدو ،، صار شن نبي جاي
اسف شكلي خربت عليكي وجيت في وقت مش هو
دانه ،، فيش اتخرف انت وشن خربت
لو  سمحت احكي اكويس وبلا دوه زايده
ميدو بصوت واطي وهو ضاغط على سنونه،، شنو معناها انرن عليك ماترديش وبعدين تقفليه
تبي اتقولي انك فالمحاضره لكن ربي كشف بيكي
دانه بعد سمعت اخر كلمه اعيونها تعبن ادموع ومشت وسيبته
طلعت فونها وفتحاته
وهو قعد في مكانه مقهور منها وعليها
تبي اترن على عمي صالح
اذكرت انه مش قاعد اذكرت كيف هم مطرطشين
هي  و وصال عندنا
وعمي واعميمه فايزه فمصراته مع وليد
قمعزت ع الكراسي وقعدت تبكي وهي واتبحت في الفون
ميدو قعد فمكانه ومتحركش
ايبحت فيها
وهي تبكي وتمسح فدموعها
ميدو حس ب 💔 على ابكائها وندم ان حكى معها هك
شوي وشافني ونا طالعه وجايه شورها
نا ،، وين كنتي من بدري وندور فيكي
شفتها كيف تبكي وتمسح فدموعها
خفت عليها
كنك شن في احكي
دانه ،، امتى ايروحو هلي
نا ،، شن صاير يادانه شن في
دانه ،، نبي بابا وليد نا من غيرهم ولا شي نبي سندي يابيبا
بوجع لاني اكثر حد فاهم الاحساس هضا مش من توا من لمه كنت اصغيره ونا حاسه بالنقص ع قد ماحاولت ماما وعمي ومحمد ايسد الفارغ لي حاسين بيه بس شي
غياب الاب محد يقدر يملاه 
قمعزت أحدها وقعدت نبكي
ميدو انتبه اني حتى نا نبكي معها
غمت عنده اكثر من الاول وجاء شورنا وهو مظلمه عنده
صبن صبن وانتن قاعدات اتباكن هنا صبن الناس اتفرج عليكن
نا ندمت هضا امتى جاء عشان ايشوفنا
ميدو بصوت علي ،، قلت صبن نا
صبيت نا ودانه لي كانت اتطنش عليه رغم ان خايفه منه لانه اول مره اتشوف وجه وهو معصب وضاغط على اسنونه
عدينا معه شور سيارته
ركبت نا من قدام ودانه ورايا
اول ماركبت دانه كان في باقه ورده كبيره جوري مغلفه بورق تغليف لونه اسود ومربوطه بحزام خيش
كان شكلها wow
بحت هو من عند المرايا شافها وين اتبحت
علق السياره وطلع هو ساكت وصلنا للحوش نزلت دانه الاوله وبعدين نزلت وراها
ونزل ميدو بس سيب سيارته والعه
خشيت للحوش خش وراي
نادني
#حبيبه
التفت ورايا ، نعم
هو حط يدا على وجه ومسحه بيها
ميدو  ،، كنت  جايها ونرن وهي مش امعبرتني
وطفت فونها وقاعده مكسده فالكفتريا
نا فالاول مبيتش نظلمها وقلت بلكي عندها محاضره
خشيت اللكفتريا نبي ناخد قهوه
لقيت الانسه قاعده فيها
انتي احكمي ابروحك من الغلطان
نا  ،، متظلمهش وميعديش تفكيرك لبعيد دانه نفسيتها تعبانه ومرايفه على هلها
ميدو ،، .....
نا ،، اعذرها ياميدو اكيد معندهش قصد بالشي لي دارته
واكيد مكنتش تبيك تسمع صوتها وهي زعلانه
ميدو ،، حصل خير
باهي خشي شوفيها وتو انرن عليك نطمن عليها
نا ،، انزل انت وين ماشي
ميدو ،، نبي نطق فصافي ومعتز انشوفهم
نا ،، قصدك وصلت اليوم
ميدو ،، لا امبارح فاليل بس خشيت رقدت طول
نا ، ، اها
اصبري اشوي
طلع بسرعه
جاب بوكيه الورد وكيس اصغير بتاع هدايا
مدهن لي
نا  ،، الله ياميدو
ايهبل البوكيه مش عادي وقربته مني وقعدت انشم في ريحة كان روعه من الاخير
ميدو ،، امسكي هضا وعطيهن لها
نا ،، وليش ما تعطيهن انت
ميدو ،، لا لا
عطيهن انتي وردي بالك منهآ
نا ،، ناخد منه ورده
ميدو ،، كان عطتك خودي
نا  ، ، ازي 😏
ميدو ،، ههههه انبصر امعاكي يهبله
نا ،، تو انقول لمعتز ايجيبلي
ميدو ،، وراكي عرم ومازال تبي
نا ،، منشبعش منه
احلى شي فالوجود
ميدو ،، هههههه
باهي متبو شي مانقصاكن شي
نا ،، سلامتك
............
كان قاعد بين وبين نفسه يقول فابيات شعر
كان متمني لو يكتبهن وهي تقراهن
كان له فتره ينظم فيهن
كان يقول
ياخيرة النسـوان تبقى الخيــره
وتبقى كبيـــرة وغاليـــه فى عينى
مهما شكرتك ما تسد شكيره
ومهما عطيتـــك ما انخلــــص دينى
ياشايله مواجــع معــاى كثيره
وعند الشـــــدايد دعـــوتك تحمينى
فيك حن عمرى مالقيت نظيره
وفيك ود عايش فى جذور كنينى
انتى السعادة وفرحتى الكبيره
وانتى غلا منقـــوش فـوق جبينى
يلى بلاك العمر هــــم او حيره
ويلى بـــلاك الوقــــت مـــا يعنينى
والعين من غيرك تعيش ضريره
والعقــل يذهــب كان فارقتينى
وتنهال من عينى دموع غزيره
لوكــــان غبتــى يوم مــــا جيتينى
أمى وأمى أسم مـا فى غيره
وعاشق حروفه فى جميع أسنينى
كانت امصبيه عند باب الغرفه تسمع فيها وهو ايقول فشعره لها بس ودموعها على خدها سيل
نجوى مدت يدها ولفتها وراء ضهر اعميمه فايزه لي كانت تسمع في وليد وتبكي
احضنتها زين واعميمه مازالت تبكي لدرجه انها شهقت
وليد هنا انتبه انهم مش وحده فالغرفه قال
#امي
اعميمه فايزه ،، اعيون امك انت
وليد مد يد ،، تعالي
اعميمه قعدت تمسح فدموعها وتبحت في نجوى لي كانت جايه معها
نجوى هزت راسها بمعنى عدي
مشت اعميمه شوره وهو يسمع في خطواتها جايه شوره
قمعزت فجنبه وقالتله
نعم ياامي
وليد ،، ليش تبكي
ومد يد لها وهي امسكتها وطبست باستها لها وهو قعد يبي يحضنها ويبوس راسها قعد ايمد فيده الثانيه ايدور فيها
قربت هي منه وحضنته وهو قربها له وباسها
نجوى حتى هي قعدت ابكي وهي اتشوف فيهم   
اعميمه فايزه ،، حي بكينا انجيوه
وليد انحرج بعد عرف ان نجوى مع امه وسمعته
نجوى ،، ههه لا لا يااعميمه مانبيكش
وليد ،، باهي كنه صوتك
نجوى ،، شكلي نبي ناخد برد الجو متغيير عليا
وليد ،، البسي ثقيل
ع خشت محمد
من لي تلبس ثقيل
نجوى ،، وعليكم السلام
اضحكو كلهم
نجوى ،، غير سلم بعدها قصقص
وليد ،، مايبي شي ايفوته
محمد ،، باهي ياستي حقكم عليا
عدا شور اعميمه فايزه
كيف حالك اليوم
اعميمه ،، الحمدلله
محمد ،، تو امي كلمتني تسأل عليكم كلكم
نجوى ،، تسأل عليها العافيه
كلهم ،، امين
محمد ،، باهي من لي تلبس ثقيل
وليد ،، المدام صوتها تبي تمرض
محمد بخوف ،، كنك اتحسي في حاجه
نجوى ،، لا لا مفيش شي اطمن
محمد ،، اكيد راء كان مريض احكي
اعميمه ،، متخافش تو نطلبولها حاجه دافيه
تشربها وتو تبقى تمام
محمد ،، انت قاعدات هنا
نجوى ،، مليت من الشقه
وليد ،، وجايه للبوسكو  هنا عاد
نجوى ،، هههههه لا جايه لهلي
محمد ،، غلباتك
اعميمه، ، صدقت نحن هلها
وليد  ،، نجوى محد يغلبها
نجوى  ،، راء خيرلك راء ياوليد
محمد ،، نا ماشي الشغلي
وليد، ، اهرب اهرب
محمد ،، والله ماصارت بس الله غالب
اعميمه، ، ربي يساعدك
محمد ،، ان شاءالله
متطلبوش غداء نا تو نطلب ونجي انتغداء معاكم
.........
دانه ،، من قالك نبيهن نا
نا ،، راء انتي الغلطانه
دانه ،، يقلب وجه ما نبي منه شي
ويه وصال  فوقت واحد ،، عطيها لي
نا ودانه ،،🥺
دانه ،، تعطيهن عينك هاتي هنا
وكرت الكيس مني بالقوه
نا ،، بشواش يافرخه
دانه ،، نعزقها فالكناسه ولا نعطيها لكن
وصال ،، ازي
ويه ،، بكل
نا ،، عليك طمع كلا انتن
دانه ،، مش سادهن لي يجيهن
نا ،، والله الله
دانه ،، كنك انتي
نا ،، مش عارف
وطربقنا كلنا ضحك
🤣🤣🤣🤣
دانه ،، مش طبيعيه
نا ،، بكل
دانه ،، هههه
نا ،، ازي عليكي يادونه
دانه ،، ما انتي كان بكيت تبكي وكان ضحكت تضحكي
نا ،، ابكي مره اخرى معش نبكي معاكي تو اتشوفي
وصال  و ويه ،، هههههه
نا ،، مش طبيعيات هذين
خشت علينا ماما لي كانت تسمع في صوت ضحكنا وهي شايله سيما🌸
ماما ،، دوم الضحك
سيما كانت اتبحت فيهن كيف يضحكن
وقعدت حتى هي تضحك
نا ،، تعالي ياسهواكه انتي
مدتلي ايدها
نا ،، شن جو
سيما ،، مام (تمام )
ماما ،، اساليها وين مني
نا ،، وين ماما
سيما ،، عدا ابه (عدت للابره)
نا ،، هههههه
نجك لي
وصال ،، هاتيها العسل
نا ،، عدي لسولي
وصال ،،  قولي خويله وانتي شي
نا ،، أأأأأأ
ماما ،، اعقلي خلاص يبو يقرو فاتحتك
راء كان قعدتي هك نحلف ماهي صايره
نا ،، 🥺
ماما ،، رأيتن كيف دارت
ويه ،، هههه خوف حمر يامامي
وصال ،، مش امغير
دانه  ،، حرام عليكن اترعشن فيها
نا برمت شور دانه وعزقتلها بوسه
سيما بعد شافتني دارت كيفي
نا ،، ههههه ببغاء
ماما ،، صلي على نبيك
نا والبنات ،، عليه افضل الصلاة والسلام
.........
جت مني ويوسف وقعدو للعشاء
جت سلمى وصافي قبل المغرب بعد كملت العياده
طلعت قعدت فالصور نبرم عليه مع جيت معتز وميدو لي فتحلهم حوده الباب
ميدو ،، ربي يعاون
نا ،، الله يسلمك
معتز  ،، ربي يعاون
نا بعد سمعت صوته وشفته شن لاباس حتى الرد مرديتش عليه
معتز ،، بشتي
ميدو ،، احم لا لا نمشي خير
نا ،، 😳
معتز ،، بلا قول هذي مفروض
ميدو ،، اسفين ياسيدي
غير يابيبا صحبتنا وين
نا ،، مع البنات جوا
ميدو ،، باهي
معتز لي حط ايديه فجيوبه وقعد ايبحت فيا
ونا من جوا لا حرام عليك مش هك
والله ما نتحمل انشوفك هكي
نحضنه ولا نبوسه ولا ولا
وقعدت نبتسم ابروحي
معتز ،، اعيونك يقولن فكل شي
نا ،، نعم
معتز ،، لدرجه هذي عاجبك
نا 😣،، متشوفش روحك واجد
معتز ،، مستحيل  اصلآ منشوفش غير فيكي
نا ،، ايوه
معتز ،، ياشريره
نا بدلع ،، نا
معتز ،، عض على فمه نعلي نا
نا ،، كنت نبي نغير الموضوع خايفه ماما ولا حوده يجوني
شنو ياعمري كملت شغلك لي قتلي عليه ولا مزال
معتز   ،، خلاص تشطيبات هانت
نا ،، ربي يساعدك
معتز ،، ان شاءالله ونفرح بيكي ونتريح لمه انشوفك فجنبي وفحضني
نا ،، كنك انت اليوم
معتز ،، خلاص والله ماعاد فيها
صبرت الا واجد وراء احتمال تكملي السمستر هضا نطلع الفرح طول
نا ،، بس متفقنش هك نحن ونا مزلت ما وتيت شي
معتز ،، من توا انقولك فيها سلك فابره ماتجيبهن معاكي
نا ،، بس ميجش هك عاد
معتز ،، ماتشليش هم شي
منسق الكل حاجه اهم شي ركزيلي فقرايتك واي شي فخاطرك قوليلي عليه ونا حاضر من اعيوني
نا بصوت هادي  ،، تسلملي اعيونك حبيبي
معتز ،، اعيون حبيبك انتي
وربي ما نبي شي من الدنيا هذي غيرك
نا ،، ونا لك ياعمري
معتز ،، ان شاءالله 
نا  ،، هيا انخشو
معتز ،، من في
نا ،، كلهم قاعدين
معتز ،، خشي باهي وغيرلي لبستك هذي ولفي اشعرك
نا ،، كنك عليش
معتز ،، كان متبينش نزعل منك ديري لي قتلك عليه
نا ،، مع انه لبستي مستوره بس حاضر
معتز ،، يحضرلك الخير ان شاءالله
............
نجوى ،، مش حابب تسمع شي
وليد ،، شي كيف شنو
نجوى ،، شعر اغنيه او حتى موسيقى هاديه
وليد ،، لي فتره معش سمعت شي
نجوى ،، ليش
وليد ،، ميدو كان يقعد فجنبي ايدندن مره مره كنت نسمع فيه ويعجبني صوته من ايام الدراسه
نجوى ،، عنده صوت مش عادي ميدو وحتى سالم خوي صوته ايهبل لم يغني
نذكر زمان نحن وصغار ديما ايغني فاغأني ايهاب توفيق وراغب علامه
صوته ايهبل
بس مسكين ديما امحصل هزيبه من جدي الله يرحمه
ايقول قلة الادب لي تخرف فيه
وليد ،، ههههه
نجوى ،، وحتى من بابا
باهي شن رايك كان سمعتك شي خاص لك متاكده اول ما تسمعه حا يعجبك
وليد ،، باهي ياستي سمعيني
نجوى ،، حاضر هيا
وشغلت نجوى التسجيل
وليد اول ماسمع الصوت
حس بقلبه انقلع من مكانه من كثر النبض
ونجوى لاحظت هالشي من اعيونه ع الرغم لي صاير فيهن
نجوى حطت الفون فجنب وليد وطلعت وسيبته
وليد فهم انها طلعت
قعد ايتلمس فمصدر الصوت ومسك الفون فيده وقعد المركز مع كلمتها
لي عين عيّت لا تفارق شاشة الجوال
مثل العليل اللي يعلل علّته بدواها
أشتاق أسمع صوته الّلي يشبه الموال
ذاك الذي يقّض جروحي وإستحل أقصاها
أضيع من بعد الألو وأسرح ثواني طوال
وأنسى بقايا هرّجته وأموت لا أنهاها
أتذكر إني اسمعه ولا ادري وش ان هو قال
قولٍ كما أحلام الكرى من أصبح انساها
قرمٍ من اقروم العرب ما يقبل الإذلال
حرٍ رقى عسرٍ صعيبٍ صاعد أعلاها
والمهرة عزٍ ناباها إن ساقها خيّال
وكم من أصيلة ذلّها جاهل إذا جاها
والبور تبقى مقفرة لو صابها همّال
وارض ٍ بتحيي امواتها من مُختزن ماها
ويه ،، اعيوني رايفت عليك
هيا شد حيلك وتعالي
ولله انت مش امرايف كيفي
رد بالك من روحي لي معاك وتعالي بسرعه
#ويتك
Natash sa 🖤 ♟