#البارت التاسع عشر
سلمى كملت شغلها وجاها محمد روح بيها ، استغربت سلمى من هدوء محمد وكانت خايفه موت
نا ، خشيت للحوش وغيرت ادبشي وصليت الظهر
وخشيت على ماما فالمطبخ قعدت انساعد فيها
ماما ،، ايمان قالت تو انجي بعد الغداء
نا ،، كنها ما جت تغدت معانا لنا مده عليها
ماما ،، قتلها تعالي دايره رز امبوخ غالي عليك قالت عقبيلي منه
نا ،، معناها ندير طجين بسبوسه غاليه على يوسف مع القهوه
ماما ،، اعجني حتى بيتزا وتو اتديرها ويه مع الشاهي
نا ،، حاضر بس خلي محمد ايجيب جبنه معندنش
صافي روح بالعامل لحوشه وقال تريح وبعد اتفك الجبس تقدر اترد
العامل ،، بس انا عايزك انت اتوديني للعياده عشان الجبس
صافي ،، تم يوم لي عندك مراجعه تو انجي انشيلك
العامل ،، تسلم يا باشمهندس
صافي ،، اوكي سلام
معتز ،، ها وينك يا باشا
صافي ،، عندي موضوع انتمه ونجيك
معتز ،، ان شاءالله خير شن في
صافي ،، الامور تمام ما تدورش
معتز ،، مش عارف امتى يعقل الاخ ويحكلي
حوده ،، كنه صافي
معتز ،، نا وحدي ماني عارف ، بس ساهل ، حط حوده قدام حوشنا وروح لحوشهم
وصل معتز ملقش سيارة صافي ، نزل ومشى لفيلة عمي ابراهيم
معتز ،، السلام عليكم
عمي ابراهيم وخالد ،، وعليكم السلام
معتز سلم على عمي وخالد وقمعز جنبهم
قعدو يحكو ع العمل
اعميمه سليمه ،، وين صافي يا معتز
معتز ،، طلع مع عامل طايح من فوق للمستشفى
اعميمه ،، ان شاءالله غير منضرش
معتز ،، شكله خفيفه غير العامل ايدير فالطروح عشان انعينوه نحن
اعميمه ،، اعتبروها صدقه عليكم وعلى جدودكم ونا ديما انوصي في صافي على العامل إلا الموظفين حقهم مضمون
معتز ،، اكيد يا عمتي من دون وصى كلا ولا
عرق الأجير
اعميمه ،، بارك الله فيك
معتز ،، كيف صار عندك انت
خالد ،، اليوم عديت بعد رن عليا عمي عبدالرحيم
لقيت كل شي جاهز وحتى اورق النقل اموقعين عليهن
معتز ،، واسطتك قويه لي عدا معاك خالي
خالد ،، بعد خش كلهم خافو منه ومن دون ما يتكلم كل شي جاه لعندا
معتز ،، اهم شي حصلت النقل وتريحت من البهدله
خالد ،، بارك الله فيه والله
عمي ،، عبدالرحيم فاهم شغله اكويس وهضا لي خلى عندا كلمه ومكانه في شغله حتى بعد لي صار فليبيا مازال في مكانه لانه راجل وطني وعنده مبدأ وهدف واضح ويحب وطنه وشغله
فون محمد رن وسلمى بحتت فيه غير ماشفتش الاسم
محمد ،، ايوه ، نعم
سلمى ،، قلبها وقف ومعرفتش مع من يحكي
محمد صكر الفون وحطه جنبه ، ومبش ايتكلم
سلمى ،، تبحت فالشارع وهي ميت خوف من محمد
ويه ،، روحت من الجامعه مع وليد ووصال
ويه ،، هيا انزلي معايا يا سولي
وليد ،، وصال بس لي تنزل
ويه ،، هههههه عارفتك تبيها الخشه
وليد ،، باهي منيش خاش توا😉
ويه ،، وجها قعد حمر ،، ونزلت
وصال ،، هيا باي ، سلمي عليهن
ويه ،، بايات ، يوصل سلامك
YOU ARE READING
حبيبه
ChickLitروايتي هي عبارة عن علاقات أُسريه فقدنها للاسف مع الزمن 💔 هي روايه عائله تروي التلاحم الأسري لي كل شخص يتمنى يكون موجود فوسطه شخصياتها من وحي الخيال وليس لها وجود فالواقع بطلتها #حبيبه🦋 البنت لي كلكم حتحبوها وتحسو بيها وبمعانتها والالم لي عاش م...
