حبيبه

#حبيبه 🦋 35

#البارت الخامس والثلاثون

ويه ،، حي قالو النتيجه طلعت
نا ،، وين طلعت قصدي من قالها
ماما ،، فجعتي اختك بسم لله
ويه ،، تو فالرديو قاعدين ايقولو في الأسماء كل مدرسه وأسماء الطلبه لي فيها ناجحين
نا ،، حي عليا ونا شن صار فيا ازعمك
ماما ،، بإذن لله ناجحه
سلمى ،، حقي وجها كيف تما من الخوف
نا ،، قعدت نبكي من كثر الخوف
ماما ،، تعالي هنا عليش لبكاء بأذن لله ناجحه
عدت ويه جابت الرديو وشغلته اقريب منا
خش حوده وفيدا سيما🌸 شايلها
حوده ،، كنه بيبا تبكي
مني ،، خايفه من النتيجه قاعدين ايقولو في الأسماء
حوده ،، عطيني رقم جلوسك تو اتطلعها لكي عليش الخوف
سلمى ،، تو انحقوك انت السنه الجايه
حوده ،، نا السنه ممتاز راء متنسيهش
ماما ،، ماشاءالله الله اكبر
ويه ،، ماما خايفه عليك من العين
سلمى ،، حوده واقطع الخبر
نا ،، هاك عصا الرقم
حوده ،، ملي عليا
نا ،، 85379
حوده ،، قعد ايحاول الكن النت طلع ضعيف وعليه ضغط واجد
نا ،، قعدت على أن اعصابي
من العشيه لعند بعد المغرب
سمعنا صوت سيارات ايبين فالشارع
طلع محمود ايبحت
لقهم معتز وصافي وعمي صالح
نزلو كلهم
نحن سمعنا الصوت في صورنا طلعنا عشان انشوف من
اول ما طلعت معتز وحوده وصافي قعدو ايولعو في الميش
البنات ،، مبروك يابيبا ممتاز
نا ،، قعدت نبكي
ماما ،، مش قتلك بأذن لله ناجحه
وقعدت ماما اتزغرت ومني اتزغرت
وعمتي نجاة حتى هي زغرتتلي
عمي صالح ،، مبروك النجاح
نا ،، الله يبارك فيك يا عمو
ماما ،، تفضلو خشو
نجوى ،، مبروك غلاتي
نا ،، الله يبارك فيكي
وصال ،، مبروك ياعمري انتي
نا ودانه شن صار فيها
دانه، ، باهي لي اذكرتيني
نجحت ياحنه
نا ،، عديت حضنتها مبروك لي ولكي
دانه ،، المهم نجحنا
عمي ،، عاد انتي نجاحك معجزه
نا ،، شن تقديرك
دانه، ، جيد 🙈
ايمان ،، شن شعورك توا
نا ،، قعدت نبكي اخرى
ايمان ،، ياهبله نجحتي عليش لبكاء
نا ،، كنت خايفه نسقط
من طلعها لي
معتز ،، اكيد نا يابشه
نا ،، هزيت راسي صح
معتز ،، مبروك
نا ،، الله يبارك فيك
صافي ،، مبروك يابيبا واخيرآ
نا ،، هههه الله يبارك فيك
طلع معتز وصافي وخشو جايبن قاتوه وتورته وعصير
ماما ،، عليش امتعبين اروحكم
عمي ،، ان شاءالله ديما فالنجاح
جهزن البنات الحاجه وحطو التورته ع الطاوله فالصاله وفجنبها القاتوه والعصائر
طيبت ويه قهوه وحطت معه حلو
رنت اعميمه نجاة على اعميمه فاطمه وقالتلها ان نجحت نا ودانه
اعميمه فاطمه ،، مفتاح اليوم عنده شغل بكره بأذن لله انجيهن
عطيهن لي انباركلهن
اعميمه ،، الو مبروك النجاح
دانه ،، افتحت السبيكر ،،
نا ودانه الله ايبارك فيكي
دانه ،، مبروك هكي حاف مايسرش منها
اعميمه ،، لووووووووولي لووووووووولي
معتز ،، امنوره يا خالتي
اعميمه فاطمه ،، في فرحك ان شاءالله يا معتز
معتز ،، بحت فيا وقال
ان شاء الله قريب
نا ،، انسحبت وخشيت للمطبخ