حبيبه

#البارت الخامس عشر

صاحبه ،، تمام ياعيني اليوم ولله بكره الصبح المعلومات ايكونن عندك
صافي ،، عارفك ماتقصرش المهم الكلام بينا ومحد يعلم بيه
جاء معتز وصافي مازال يحكي بس ومايشوفش فيه

صافي ،، برم شاف معتز قال لصاحبه تمام صكر انت توا

معتز ،، هز براسه
صافي ،، عشان ايغير الموضوع مزلنا انراجو في رحمة بنت خالك
معتز ،، والله اصليه لي عرفت اتطيحك
صافي ،، ضحك
احلى طيحه وحياتك عندي طحت امصبي 😉

ايمان ،، اسماء جبتلي حنه ولصقه عشان انحني
سلمى ،، شن رايك انحنيكي تو وبعدها اتفكيها بدري و تقدري اترضعي سيما براحتك
ايمان ،، تمام حتى هو رأي
نا ،، نفرشلك في دارنا عشان تقدري ترقدي
وصال وين لصقتك
ايمان ،، هيا تو نطلعها
فرشت لمني وبدت وصال تلصقلها و ويه ودانه بدن ايحنن فيها
دانه ،، حنت اميره يوم بيانها تهبل
سلمى ،، غريبه حنت مع انه معتز ميحبهش وساره قالتها له
وصال ،، ميقبلهش في امه وخوته اكيد فيها هي غير
سلمي ،، هي قالت نا نموت فيها ، بس ساره نبهتها على معتز انه ميحبهش
ويه ،، الحمدلله وليد ايموت فيها
نا ،، اهو خطبها وهي حنت ومازال تو اتحقو تمشي فكلامها عليه
دانه ،، طبست عليا وقالتلي هذي غيره ولله شنو بصوت واطي
نا ،، باللهي درقي وجك ورفعت سيما وطلعت شور ماما
ويه ،، حطيها وتعالي
نا ،، 😏
ايمان ،، كنها بيبا عصبت
وصال ،، كان عندي خو اخرى راء خطبتله بيبا وقهرت معتز لي قهرها
سلمى ،، بيبا مازالت اصغيره وبعدين معتز يحب اميره له سنتين وكلنا عارفين عليش قهرها
ايمان ،، نعلي قصدكن بيبا تحب معتز رأيت الفصعونه ياما يطلع منها
دانه ،، اصغير غير البخت
ويه ،، هي مش اتحبه بس عاجبها
سلمى ،، رقعي عاد انتي
ويه ،، خلاص عاد راء تسمعكن تزعل ولله يعلمها محمد يوريها
وصال ،، اسمله علينا هم ايحبو ويتمعشقو ونحن ممنوع
سلمى ،، بعد يوعى من النوم قوليله

نجوى ،، خير ياعميمه كيف حالك
اعميمه فايزه اهلين انجيوه وين امك
نجوى ،، اهي جايه ورايا
ايمان تسمع في صوت نجوي
جيجي تعالي هنا فالمطبخ
نجوى ،، خير يالحب
ايمان ،، رايق العطيب
نجوى ،، هههههه مش امغير
ايمان ،، روقيني امعاكي
نجوى ،، مادي طلبني امبارح
ايمان ،، مبروك ياعمري ، بس امتى جاكم 🤔
نجوى ،، لا مجنش هنا ، طلبني من خوتي امبارح فالمزرعه
ايمان ،، هههههه لا اطمني بأذن لله تزرعي طول
نجوى ،، ازي ياسخيفه ، بس والله ما توقعته ايديرها
ايمان ،، نجي ولد خالي
نجوى ،، ولد عينك معش تحكي عليه
ايمان ،، واااااك كلا انتي شن تبي اتديري فيه
نجوى ،، ههههههه ياما جايه من خير
ايمان ،، والله إلا مسكين باهي ، صوت امك جت
نجوى ،، يعني مش عمتك
ايمان ،، احلى عمه لي جباتلي اودي
نجوى ،، ايوه هك
ايمان ،، تعالي امسكي الصفره و
حطت نجوى الكيكه لي دايرتها وسلمت على اعميمه سليمه
اعميمه فايزه ،، حسبتي الشباب
ايمان ،، عقبتلهم
صافي خش ايشم في بنة الكيكه
صافي ،، خير ياهلنا
وراها معتز يضحك
كلهن ،، خير
معتز ،، هلك مازالو عند هلهم
صافي ،، نعلي منهم نا
معتز ،، والله وطحت يا نصي
صافي ،، احلى طيحه ياغالي 😉
اعميمه سليمه ،، فيش تحكو انتو
معتز ،، يا عمتي صافي متحشم منك ومش عارف يحكي
اعميمه سليمه ،، ان شاءالله خير شن داير راء يقعد ضارب شي حد امكسره
معتز ،، هههههههه لا يا عمتي متخافيش
اعميمه نجاة ،، احكي انت ياصافي فكك منه هضا
صافي ،، نا طلبت سلمى بنت عمي عبدالرحيم من محمد
اعميمه سليمه ،، ماشاءالله وكنك ما قلتها لباتك وعمك يمشو يطلبوها لك
معتز ،، الاخ متحشم من باته
اعميمه نجاة ،، يا زين ما اخترت ياصافي مش عشان بنت خوي لكن بنات مريم ماينهنن
صافي ،، بارك الله فيك يا عمتي
اعميمه نجاة ،، سبحان الله ع القسم
ربي يرد تعبها خير مريم تعبت عليهن وربتهن وعلمتهن احسن تعليم
اعميمه سليمه ،، مازال غير محمد وبيبا اتهنه عليهم
نجوى ،، انسحبت بشويش وخشت المطبخ بعد سمعت اسم محمد
صافي ،، لا وين محمد طلب نجوى منا
اعميمه سليمه ،، نجوى اختك
معتز ،، اها نجوى
اعميمه نجاة ،، ماشاءالله ربي يكمل عليهم ياسليمه و يفرحك بيهم
اعميمه سليمه ،، سلمك ان شاء الله
صافي ،، راء نا قتله ناخدو رايها قبل مرات متوافقش ام لسان
معتز ،، مش كانت هنا هي وين راحت
ايمان ،، تو انصبي ا نشوفها
اعميمه نجاة ،، متحرجوش عاد انتم
معتز ،، اهو الحاج جاء ومعه عمي ابراهيم
عمي عبدالله و ابراهيم ،، السلام عليكم
كلهم ،، وعليكم السلام
اعميمه نجاة ،، جيبي قهوه يا ايمان
عمي عبدالله ،، اماله وين عدالة الشاهي
اعميمه ،، هيا تو انجيبها
اعميمه سليمه ،، لا خليك متريحه تو اتجيبها نجوى
صافي نغز معتز عشان يطلعو
معتز ،، عطاه الحمرا وفاته
صافي ،،يبحت في معتز وصبا طلع
عمي عبدالله ،، وين طالع ياصافي
صافي ،، عندي تليفون انديره ونجي