حبيبه

#حبيبه 🦋 80

#حبيبه 🦋

#البارت_الثمانون

هناك شخص
يُشعرك وانت بقربه
بأنك ارقى ،، بأنك اقوى
بانك الاجمل ،، بأنك الافضل
#احذر_ان_تفرط_فيه
فهذا لا يتكرر كثيرآ !

صافي جهز غرفه خاصه بالتوام
واشتغل عليها بنفسه كان ايجهز فيها وكانه ايجهز فيها لعيال لي دمه ولحمه
كان يشتغل فيها بكل حب
حتى وليد لي جاء عندا بعد سمع من ميدو عجبه شغل صافي ومعتز نفس الشي
كان فرحنين بشوفة صافي كيف متحمس وهو يشتغل على كل شي بروحه
ساعده معتز ولان وليد حب  انه يشارك امعاهم مقدرش ايخبي عليهم
وقاللهم بطريقه فاجتهم وفنفس الوقت طارو من الفرحه
وليد ،، مش شايف لو خليت لون الغرفه كلها ابيض كانت حتكون احلى واشتغلت بالفوم قطع افضل
معتز ،، فكره والله
وليد قدم شور الحائط لي مصبي عليه صافي
تقدر الجيهه هذي تخليها امخططه بالون الفوم لي اخترتهن
معتز بحت فوليد كيف ايتحرك باريحيه
وصافي لي كان امصبي وماسك المسطره قعد ايبحت فيه
وليد تقريبآ هك حتطلع احلى ولا لا
معتز لا لا
بالهي قولها
صافي ،، قول
وليد ،، شنو انقول
معتز قدم شور العصا لي كانت محطوطه فجنب كرسي وليد
قول انك تخلصت منها
صافي ،،  انت شايفني صح
وليد ،، صح
معتز ،، يحي العدل يحي العدل
ميدو قعد يضحك عليهم
وع كلمة معتز بالذات
صافي عزق روحه من ع السلوم عليه
ومعتز جاء فوقهم وميدو فوق منهم
اقلبو حوش صافي بالعيال والضحك
والفرحه عمت الحوش وقلوبهم  بلي سمعوه
معتز ،، لعند امتي
وليد ،، بعد بكره الصبح طالعين لمصراته وان شاءالله خير
بعد الاربعين ان شاءالله انقول
صافي ،، يافرحة عمي صالح
ميدو ،، تي والله بعد فرحة ويه ماعاد في
تي البنت اقريب طرشقت
كل اشوي اترن عليه وتطمن
وتقول شن اعيونك اكويسات
خايفه لا يرد ياعمي
صافي بعيد السوء يراء تحرك من مكانك
.................
بعد يومين
يوسف ،، كان خايف يمشي لحوشه ويشوف الشي لي هارب منه
بس لانه مطر ايدير الشي هضا عشان شغله
اول مافتح باب الحوش حس بوجع فقلبه
كان كل مايقدم خطوه يحس بالنار تولع فيه
كانت مني قاعده فكل مكان فالحوش كان وين مايعطي وجه لمكان ايشوفه واقف اتدير فشي
كانت كلمه واحده على لسانه يارب قويني يارب يارب
كان متاكده انه حينهار وفعلآ هضا لي صار
لانه بعد خش لغرفتهم(دار نومهم ) اذكر كل شي اجمعه بمني وباحلى ايامهم بكلامها وهمسها بطريقتها فتعبيرها على حبها
فلمستها له فنبرة صوتها فكل شي
اذكر حتى ريحة عطرها
للاسف مقدرش يطلع من حزنه ومعتقدش يوسف لي يعشق مني يقدر يطلع منها لان مني ساكنه فيه لانها هي الروح لي قاعده معه
صافي كان يرن على يوسف لي ماردش عليه .عداله فحوش هله قاله باته ان تقريبآ فحوشه عشان يجيب اورق شغل ولاب ابتاعه
طلع صافي شور حوشىيوسف لي شاف سيارت
قاعده برا والباب الخارجي مفتوح
خش للباب الداخلي وقعد ايدق عليه وطول وهو ايخبط عليه
يوسف كان يسمع فالباب وميبيش يفتح بس اصرار صافي خلاه ايصبي
فتح الباب وصافي شاف يوسف في حاله يرثى لها
يوسف سيب الباب مفتوح وخش من دون مايتكلم لانه ادموعه وشكله كانن كافلات انهن يحكن شن فيه 💔
...........................