حبيبه

حبيبه 🦋90

حبيبه 🦋
#البارت_الاخير_الجزء_الاول

ميدو ،، نحس فيها مش فرحانه
حتى بعد حددنا موعد الفرح مفرحتش
اعميمه فاطمه ،، ينعن بوه لي يلومها خيها وحيدها لي تعوزت فيه
اعميمه نجاة ،، ايوه الله
ايمان ،، تحمل ورد بالك اتقوللها شي كلمه اتزعلها
ميدو ،، لا وين نزعلها نا نبي نعرف شن لي يفرحه ونديره لها
اعميمه نجاة ،، تو بعد الفرح تاخدها وتطلع بيها برا تو نفسيتها تحسن وترد دانه لي كلنا عارفينها
ومع هضا كله راء دانه وضعها احسن من ويه بواجد
لي حتى بعد اجوزت مسلحتش الاسود
والراجل صابر ومتحمل
اعميمه فاطمه ،، نعلي على ويه ولي صاير فيها
كل ما نشوفها نحس قلبي هضا يوجعني
ويخطر عليا وليد
ايمان ،، والله مصعب راحل مافي منه
خدها وهو عارف وضعها ورضا بكل اشروطها
ميدو ،، يوم فاتحته
فلاش باك 💫💫
محمد ،، شن صار اقتنعت
سلمى ،، هذي راس يابس
ماما ،، عدي انت البس العصر اقريب وسيبها لي نا
نا ،، مفش داعي تضغطو عليها
مصعب راضي وانتم سيبوها على راحتها
نجوى ،، تو انخش عليها نا نجرب نقنعها
ويه افتحت باب الدار وطلعت
هضا شكلي وهو هك عاجبه باهي ، مش عاجبه يعدي ايدور عروس بعيد عني تلبسله وتمكيجله
ماما ،، عيب عليكي الخبر لي اتديري فيه
اقل شي عدي ديري فتله وحواجب الراجل
يبي يجي ياخدك ع 9 وانتي عند هالوقت ما درتي شي ولا وتيتي روحك

ماما مزالت تحكي سمعنا صوت الجرس بتاع الباب ومن كثر ماطول عرفنا انها سولي لانه هذي حركتها
عديت نا عشان نفتح
لقيت عزو فاتحلها وياخد منها في سوت باق كبير
نا هلا بالحامل والمحمول
وصال، ، هلا بيكي
شن صار عند عروستنا
نا ،، اسسس راء تسمعك فكينا منها
وصال ،، 💔
ربي يرحمك ياخوي
نا ،، امين
وصال ،، اتصدقي على قد ما نا حزينه على غيبت خوي ع قد ما واجعيين مصعب و ويه
نا ،، ربي يهدي سرها ويه ويجبر كسرها
وصال ،، امين
نا ،، هيا خشي
خشينا لقيناهم كلهم في دارنا نا و ويه
وعزو حط الباق وطلع

سلمت وصال عليهم كلهم
ونجوى استأذنت عشان اتشوف محمد قبل ما يعدي للفاتحه
لانه حتى هي فشلت في اقناع ويه

وصال ،، قربت من السوت باق ، وقالت
هذي من مصعب
و وصاني انقولك للازم تلبسيها عشان حتكون مريحه لك
ويه ارفعت حاجبها
شنو
وصال ،، قالك التسعه ونص نكون عندك ونالقاكي
لابستها
ويه ،، هضا شكله يبي يغير الاتفاق من توا
معلش مازلنا ع البر
ونا خاطي هضا مش لابسه
وكانت مطلعه عبايه و وشاح سود
ماما ،، ربي يهديكي انتي ربي يهديكي على خشت عماتي على ماما وهي تعارك
سلمى ،، خلاص ياماما
وقربت سلمى من الباق افتحته
وكانت الصدمه لويه ولنا كلنا بعد شفنا مصعب شن جايبلها
و ويه معش حلت فمها وبولا كلمه
والباقي اطلعو من الدار
وصال اطلعت لأحمد لي كان ايراجي فيها برا
وعدت لحوش عربها