حبيبه

#حبيبه 🦋 55

#حبيبه 🦋
#البارت  الخامس والخمسون

طمني على وليد يا ميدو ومتوريش عليا شي

عشان خاطري خليك صريح معايا

ميدو  ،، اهم شي توعديني انك ما تحكيش الحد

لعند انشوف شن ايسير معانا

دانه، ، وهي وميت من الخوف على خوها

وعد ....

هيا احكي

ميدو ،، اوعديني هيا واول ما نرن عليكي ردي عليا

دانه ،، وعد

ميدو ،، وليد ........

دانه،، 🥺

.....................
حوده كان شايل القاتوه لي طلبته سولي وعدا شور المحل بتاع التغليف

نزل القاتوه صوره له مع الهديه

بعدين مشى شور حوش جدي احمد

وصل عندهم رن على مصعب ،

حوده ،، سلام

مصعب باستغراب ،، وعليكم السلام

حوده ،، اكيد معرفتنيش

مصعب ،، لا والله بسليمتك

حوده ،، نا محمود عبدالرحيم القاضي

مصعب ،، يا مرحبا حوده ولا لا

حوده ،، انعم حوده

لو انت فالحوش ياريت تطلعلي نا قدام حوشكم

مصعب ،، ليش ما دقيت يا راجل هيا اني جايك

طلع مصعب بسرعه لقى حوده امصبي قدام سيارته ومنسند بضهرا ع السياره وحاط ايديه فجيبوه

ركز عليه مصعب وابتسم

حوده و ويه هم أكثر اثنين يشابهو فالملامح  البشره الحنطيه والشعر الأسود والعيون السود والجمال العربي المميز بالون العين ورسمة الحاجب

مد يدا وسلم عليه

مصعب ،، تفضل امعايا

حوده ،، فالخير ان شاء الله

جايب معايا امانه لدكتور احمد من هله

مصعب ،، باهي خش على ما جاء احمد اشرب قهوه

حوده ،، والله مستعجل عندي قرايا 

وبعدين هله قالو نعطيها لك انت

مصعب ،، مفش مشكله لكن المره جايه تقعد

حوده ،، وانت طيب ان شاء الله

مصعب ،، تسلم

عدا حودا شور باب السياره افتحه ونزل منه بوكس الهديه

كان لابسه كامله بنطلون وقميص وجاكه وشوز

والتحفه كان احصان اسود

والعلبه لي فيها القاتوه و سولي طلبت الوان من لون الابسه وكانت طالعه حلوه

مصعب اوو  امدلعينه احمد

ان شاء الله غير الحلو هي لي دايرته

حوده ،، متفرحش مش هي

مصعب ،، قصدك شغل سوق

حوده بعفويه قال ،، لا ويه شورها الحلو

مصعب هنا قلبه 💓

وكأنه حوده قاله ويه دايرته لك

حوده ،، قصدي من الحوش

مصعب ،، يسلمو ايديها ان شاء الله تو انضوق ونحكم

حوده ،، راجي احمد وعدا ركب فسيارته

مصعب حط الحاجه ع المدخل وجاء شور القزاز لي فجنب حوده وقاله

أسأل الحاجه كان تبي اتدز حاجه لمحمد

ونا تو انمر عليكم الاثنين فالحوش حتى الحاجه تبيكم

حوده ،، تانس في اي وقت وان شاء الله تو نسالها ونكلمك

سلم على حني  والحاج واجد

مصعب يوصل سلامك
قعد مصعب امصبي لعند عدا حوده لي تلاقى هو احمد في طلعته من الشارع

دار احمد اكلاكس لحوده

وحوده رد عليه بكلاكس وعدا
استغرب احمد وجود حوده

وصل لحوشهم درس سيارته امنها وخذ لحوشهم

سمع اجديده ود وهي اتقول

ماشاءالله ماشاءالله 

مصعب ،، طلعت حره مش بس دكتوره

اجديده ،، ربي يحفظها ويسعدها

احمد ،، السلام عليكم

هم، ، وعليكم السلام والرحمه

احمد ،، قمعز امقابلهم في من اتقرمو

اجديده، ، عرب مش شورك

مصعب ،، ايوه اسرار مع امي انت اطلع منها

صبا احمد من مكانه

صار مش شوري ياامي باهي

اجديده ،، هههههه

سلم مراتك تقوللها اسرارك إلا اوليدي ما عند لمن يقول اسراره  ولا عنده لمن ايفضفض علي

احمد  هو ماشي لداره ويرقى مع الدروج برم شورهم

يتحرك واحسن بنت فليبيا تكون له

اجديده ،، ان شاء الله ربي كريم يجبر بخاطره ويسعده حنوني

مصعب تنهد تنهيده شقت قلب اجديده لي عارفه شن لي حاسس بيه وشن لي فخاطره
الدكتور ،، سيكون من الصعب عليه تقبل الامر فهو ليس من السهل تقبله بهده السرعه

محمد ،، مالذي يجب أن نفعله موعد العمليه اصبح قريبآ ونحن لا نرغب في خسارته

ميدو ،، أعتقد بأن فكرة الطبيب وليم هي الأنسب

فالمعالج النفسي هو مايحتاجه له وليد ليتقبل  فكرة انه

اصبح ........

محمد ،، وانا ارى دلك ايضآ

الدكتور، ، إذا ساستعدي الطبيب  تشارلز للبدء معه من صباح الغد

........

سلمى ،، ها يا حوده كيف صار لعند توا مدزيتلش اسمه

حوده ،، لا دزيته على فون صافي نحسابه هو لي ماشي

سلمى ،، لا لا  ماشين مع بعضنا

حوده ،، تبيني اندزه اخرى

سلمى ،، لا ياعيوني خلاص

صافى ،، احم

سلمى وهي تضحك سلم على ماما و البنات

حوده ،، يوصل ، خلينا انشوفوكي

سلمى ،، ان شاء الله الجمعه انكون عندكم

حوده ،، ان شاء الله وانتي طيبه

ماتوصي على شي

سلمى ،، نجك لي سلامتك بس ياعيوني

وصكرت

صافي ،، من لي اعيونك

سلمى ،، وهي تضحك حوده اعيوني

صافي ،، عينك نا بس اعيونك وقلبك وعمرك وروحك وكبيدتك وكل شي

سلمى ،، حتى هو خويا الله حصه فيا

صافي ،، لا حصه ولا محاضره

انتي لي نا بس ونا فحبك اناني ومنبيش حد ايشاركني فيكي

سلمى ،، ونا منبيش حد ايشاركني فيك عشان نا عايش بس بيك

مسك يدها وقربها منه وباسها بوسه طويله

تعبر عن كل لي حاسس بيه مع سلمى

سلمى ،، نحبك نا

صافي ،، تي كان ماطريق وشارع راء وريتك الحب على اوصوله كيف يكون

سلمى ،، هههههههه

صافي ،، اضحكي لكن تو ايبانلك بعد انروحو 😘

سلمى ،، تو انشوفو

صافي ،، راء تقعدي تعيطي بعدها

سلمى ،، هههههه للازم منه

صافي ،، نعلي نا من قطوستي اح وخلاص

سلمى ،، 😳

صافي ،، هههههههه

..............

خش احمد لداره لاقى فيها بوكس ع السرير تفاجاه بوجوده وقدم شوره طبس وقعد ايبحت فيه

اشوي وفونه رن طلعه من جيبه وهو مبتسم لانه نغمة سولي هي الوحيده لي مميزه ومختلفه عندا

فتح الخط وهو مبتسم

احمد ،، عمري

وصال ،، هابي بيرث داي تو يو💞هابي بيرث داي تو يو

احمد ،، مش حيكون سعيد إلا بوجودك معايا

لأنك احلى شي صار فحياتي كلها

وصال ،، كل سنه وانت نصيبي وحبيبي

احمد ،، ربي يخليكي لي

وصال ،، هيا انزل تحت

احمد ،، عليش

وصال ،، انزل من دون ما تسأل

احمد ،، تمام انصكر

وصال ،، لا لا متصكرش خليني امعاك ع الخط

احمد ،، حاضر ياستي

وصال ،، هيا

طلعت احمد من داره ونزل تحت واول ما وصل الاخر درجه

مصعب  شغل اغنية هابي بيرث داي

وطربق الميش لي  كله زينه

وكانت اجديده امجهزه القاتوه وشمعه مولعتها له 

قعدت اجديده اتصفق

وصال ،، تمنى امنيه في سرك وبعدها طفي الشمعه

احمد ،، باهي

وصال ،، هيا تمني

وتمنى احمد( ان ربي يجمعه بسولي  )❤

لي دخلت الفرحه لقلبه وحياته وبيتهم بعد كم سنه حزن

وهذا كان اول عيد ميلاد يندار عندهم من وفاة امه وباته

اجديده ،، العمر كله حبيبي

احمد ،، فحياتك ياغاليه

مصعب ،، العمر كله

احمد ،، تسلم

مصعب ،، القاتوه مش لك  انت شورك الشمعه بس

احمد ،، وعليش ان شاءالله

وصال كانت تسمع فيهم وتضحك .

مصعب ،، غير انهي مكالمتك وتعال كان لقيتها

احمد ،، تسمعي فيه سلفك لمفيص

وصال ،، ههههه نسمع

خليك امعاهم ونا تو انكلمك بعدين

احمد ،، تمام

وصال ،، باي

مصعب ،، وهو يزمط فالقطعه لي فمه شن رايك

اجديده ود ،، تبارك الله

احمد ايبحت فيهم ومش فاهم

على خشت جدي احمد وهو يبحت فالصاله والزينه المرشوشه ع الارض والتورته لي ياكلو فيها

جدي ،، في حفله من ورانا

اجديده ،، عيد ميلاد احمد

وكنتك دزتلنا تورته عشانه

جدي ،، العمر كله يااحمد

احمد ،، فحياتك ان شاء الله

جدي ،، ضوقونا منها هذي هي لي دراتها

مصعب بسرعه تكلم لا لا مش هي

اجديده ضحكت عليه كيف نط وحكى وفمه مليان اوكال

احمد غير راك اتغص

🤣🤣

...............

مني ،، لا لا مش تعبانه اطمني

ماما ،، باهي الحمدلله

حسيت صوتك تعبان وداهشه

مني ،، متنشغليش عليا يا عيوني

ماما ،، كان مانشغلت عليكم على من ننشغل انتو كل دنيتي

مني ،، ياعيوني اني ردي بالك من صحتك ومادام انتي ابخير اكيد حنكون بخير

ماما ،، كلمتني عمتك نجاة تبيني نمشي معاها شور عيت عمك صالح

قلت انقولك انتي قبل ما نقولها لهم

مني ،، ان شاء الله خير شن في

ماما  ،، نبي انقولك ان صافي جاء وقالي ان سلمى تبي الجيه عندنا عشان هك قلت انقولها لكي

مني ،، وامتى جايه

ماما ،، الجمعه ان شاء الله

مني ،، خلاص الخميس نا جايه عندك وماتشيلي هم شي

ماما ،، لا ماني شايله هم

احلام عطتني مبلغ تو نصرف منه ونشوف كيف نديرو

مني ،، كلمي عماتي  اليوم وهم مش برانيه وبأذن لله تفرج

ماما ،، ان شاء الله

مني ،، سلمي عليهم عيت عمي لعند ما نشوفهم

يوسف خايف عليا وميبينش نطلع وحتى شغل الحوش ما يبنيش نقربه كل حاجه ايدير فيها هو

ماما ،، ربي يخلي لك لكن مافي خير من برمة الوليه في حوشها

او اندزلك خواتك كان عندك حاجه تبي دور يبرملك عليه

مني ،، لا ماتدزيهن تلقيهن غارقات حتى هن جامعه وقرايا

ماما ،، يسير خير بكرة الاثنين كان ماعندهن شي ايجنك

بوسي سيما🌸 و سلمى ع يوسف وردي بالك من صحتك

مني ،، حاضر يوصل 

..................

.........
معتز ،، شنو يابشتي

نا ،، هم حبيبي

معتز ،، هيا صحصحي نبي نحكي معاكي

نا ،، نسمع فيك

معتز ،، هههههه

عارفك راقده راء اشوي ونجي ناخد خالتي 

نطيت من مكاني وقمعزت

وين ماشيين انت وماما !!!

معتز ،، اهو اوعيتي بعد عرفتي فيها مشوار

نا ،، ما مش وقت اطلوع ياعمري

نعسانه وعندي اقرايا وبعدها نبي نساعد ماما ونشوف ويه كان عندها حلو انساعدها فيه والله تعبانه 🥺

معتز ،، وجعته بيبا كيف تعبانه وهو يزيد فيها تعب

وهي شايله كل هالحمل هضا وهي مزالت اصغيره

باهي ياروحي ارقدي وبعد تفضي رني عليا

نا ،، حبيبي فكنا عاد متزعلش خلاص والله اوعييت

وها صبيت حتى من سريري وتو ندير قهوه عشان انصحصح

معتز ،، اولآ مش زعلان منك

ثانيآ مكنتش نبيكي اتصبي

ثالثآ بعد تقعدي تعبانه دزيلي رساله وطفي فونك

نا ،، متدورش هضا الروتين اليومي

معتز ،، كيف

نا ،، هذي الحياه اليوميه ابتاعي تعودت عليها

وفسرها

*(متنسش ان حياتنآ مش مرفها زي حياة باقي الناس او اغلبهم )*

معتز ضغط على اسنونه وحس روحه ان موجوع عليها

نا ،، باهي وين شايل ماما

معتز ،، اأأ ماشيه هي وعمتك لعيت خالي صالح

نا ،، اه ، باهي

معتز ،، نشوفك بعدين

نا ،، تمام باي

معتز ،، باي

خشيت للمطبخ لقيت ويه تشتغل على حلو جديد

نا ،، شنو طلبيه

ويه ،، لا نجرب

كنك شكلك غامه عندك

عديت شور دولاب المطبخ وطلعت البكرج عشان اندير قهوتي

لا مش رقيتلي

ويه ،، باهي كنك

نا ،، تعبانه ياويه نا تعبت نحس في روحي مرهقه  ونحس فجسمي تعبان

ويه عدت شور باب المطبخ وصكراته خايفه من ماما تسمعني ، وجت شوري وحولت البكرج من يدي وكرت الكرسي و قالتلي قمعزي تعالي

قمعزت ع الكرسي وخليت البحر لي كنت حابسته ينطلق ويعبر عن هيجانه وغضبه وسخطه 😭

ويه كرت راسي شورها وحضنتني

كنك يا بيبا شن لي خلاكي تبكي هكي معتز امزعلك

نا كنت نبكي وخلاص

ويه ،، احكي عشان اتريحي

نا ،،  تعبانه بس مفيش شي

محمد الله غالب عليه مع وليد

سلمى ماما متبيهش اتجي عشان معندنش بيش نستقبلو عربها 

ومني اتجي مره وبعدها اتريح

حوده تعبان كيفنا وساكت

انتي شر  مني نا وحوده

ماما تحرق في روحها حرق عشان تصرف علينا

بابا وين

بابا وين يقدر ايجي يشيل عنا الهم هضا كله يقدر يا ويه يقدر وهو تقول ما ضنى حد غير عزو   شوفيه وشوفي حوده واعرفي الفرق بينهم

هو صح ماذنبه شي لكن حتى نحن ماذنبنا شي

حوده لي شال الهم واشتغل بدري ونحرم من مية حاجه عند الشباب لي فعمره

فالوقت لي الحاجه متوفره عند عزو بس لانه عايش مع بابا

نبي انعيش مع ماما من دون ما نشوف ادموعها

نبي نروح من الكليه نسهر ونتفرج ونقرأ من دون ما نقول عندي شغل ولا هم

قمعزت ويه ع الكرسي لي امقابلني و قالتلي

تعرفي مستعده نخدم 24 ساعه ونتعب ونقرأ

مستعده انموت فالثانيه الف موته ونكمل عمري كله هك بس ايروح وليد طيب

يبراء يابيبا نبيه يبراء ويجي صاح ويشوف بعيونه ويمشي على رجليه ويقولي خلاص ياويه هزمته الخبيت وتغلبت عليه

كل التعب والهم  يزولن غير ايروح وليد ونزلن ادموع ويه لي كانت امقويه روحه كل المده لي فاتت

نا مديت يدي ومسكت يدها ان شاء الله يروح طيب ويبراء ان شاء الله ونفرحو بيكم

ويه ،، يارب اشفيه

نا ،، سامحيني عشان بكيتك

ويه ،، متدوريش بلكي الدموع هن اسهل حل نقدرو انديروه لمى تهزمنا حياتنا
ماما كانت جايه تبي تحكي معانا على زورة سلمى

سمعت كلامنا كله

فتحت الباب وخشت علينا اسحبت الكرسي وقمعزت

الشي لي صار مش بيدي

زواج بوكن وتهربه من المسئوليه مش بيدي

نسيانه لنا ونا قلت لنا لانه حتى نا نساني وهملني كيف ما نساكم

لو تبن حياة احسن من هذي تقدرن تعدن اتعيشن معه

اكيد حتعيشن مرتحات الف مره ماديآ وافضل من عيشتكن معاي

نا مجبرتش حد يقعد معايا ولا جبرت حد يتعب عشان ايساعدني

محمد كان يقرأ ويشتغل ومفش مره سمعته شكاء ولا بكاء ولا قال مليت من خواتي وطلع دكتور وناجح وقد روحه ودار الروحه اسم وسمعه بدون ما يحتاج لعبدالرحيم

نا نبي حوده يقعد كيف محمد يشقى ويتعب ويقرأ

وينجح من دون ما يحتاج لباته

اذا هو تعب من حياته معاي يقدر يعدي وياخدكن معه ونا نمشي لخوتي

عبدالرحيم اجوز عليا من دون علمي اجوز فالسر

وبعد توفى جدكن جت نوريه معه من برا وقال هذي مراتي قدام الناس كلها ما راعش كرامتي ولا شكلي قدام الناس جابها وحطها فوسطنا ويبني نتقبل الامر

عادي يبني نعيش معه ومكانش دار شي

ولانه مش نا لي ندير العيبه سككت وخليت العزاء يمشي عادي ومبيتش اندير مشكله معه

بس عيون الناس مرحمتنيش

اعيونهم كانت تحكي فالكلام لي مقدروش ايقولوه بأفوامهم قعدت نشتغل وحطه اجهدي كله فالشغل عشان البركان لي جوا مينوضش

عمتكن فايزه كانت اتحاول اتوسيني وجدتكن سلمى الله يرحمها قالتلي كان تبيني انلزهم  وحياتك غلاوتك عندي انلزهم

قلتلها لا مش نا لي نكون سبب في لزت زوجي وبات اعيالي من حوش هله

(نا هذي كانت اول مره نسمع فيها ماما اتقول على بابا زوجي)
بعد أربعين جدكن طلبت من جدتكن الاذن عشان انروح للحوش عبدالرحيم كان مسافر بس نوريه كانت قاعده

خديتكم ومشيت بيكم للحوش على كراعيا
(نا ينعلي بس المسافه بعيده من هنا لغادي )
كنت نبي ننفجر نبي نبكي نبي انعيط نبي نعرف شن السبب لي خله عبدالرحيم لي كان يحلف برأسي ويغار عليا من نسمة الريح يجوز عليا كنت نبي انموت ونعرف

ولأنه نوريه كانت قاعده مقدرتش لا نبكي ولا نضعف قدامها ولا قدام حد من العيله
روحت بيكم ومكنتش انشوف فشي  حوده كان على يدي اصغير ومحمد كان ماسكني مع يد وبيده الثانيه ماسك ويه و سلمى لي كانت ماسكه ايمان لي كانت شايلتك يابيبا

ادموعي لي ينزلن معش خلني انحق شي فالطريق ولا فالشوارع  ومحمد كان هو عيني وهو كراعي وهو سندي لي خاف عليا وعلى خواته من اول يوم طلعت فيه من حوش جدكن

كنت نمشي ونبكي ولي يهلب ايبحت فيا

قعدت فالحوش اسبوع فحاله ونا نظف ونغسل ونكت ونرد نغسل ونظف ونكت الحاجه النظيفه انعاود عليها مره واثنين وثلاته

كنت فعقاب اليل نقعد واعيه كنت انراجي فيه ايجي ايقولي شن السبب لي خله ايهيني نا ام اعياله

ويصغر بيا قدام كله عيلته مش بس عمه وخواته وخوه ليش ماجبها ايام عمي حي ليش ماجابها اول ما جوزها ليش نبي نعرف شن لي عندها هي ومعنديش نا هي فيش اسمح مني هي فيش احسن مني هي من وكيف خشت حياة كنت كيف الهبله نحكي مع روحي ومع محمد وايمان ونسيت سلمى لي كانت متعلقه عبدالرحيم حد الجنون نسيت بنتي لي كانت اتشوف فدموعي انسيت بنتي ونسيت انها تفهم وتحس وعرفت شن لي داره باتها فيا وفيها وفيكم

(ونزلن ادموع ماما هنا )

كنت نراجي فيه على نار 

بس هو لا جاء ولا عبرني وكنت نحسب ان مزال امسافر لعند تاسع يوم جو فيه عمتكن نجاة وفايزه وعمكن صالح

قالي صالح معندش وجه ايقابلك بيه

ونجاة قالتلي قالتلك امي تعالي جدتكن كانت فالرابط ومتقدرش تطلع

قتلهن مش قادره نمشي ونشوف الوليه لي بدلني بيها قدامي

ردت عليا فايزه و قالتلي مش قاعده روحت معه لها ثلاثه ايام

نا هنا حصلت كف جديد منه

طرت ونزلت كيف ايروح وما يجيني كيف ياخدها هي وميجيش ايقولي شن عذره

نجاة ،، خويا غلطان ومعندش عذر ايوجهك بيه وحتى بعد جاب عليكي ما جاب إلا العطيبه

رديت وقتلها ان شاء الله شن اتكون المهم دارها يافايزه دارها يانجاة  وجرحني  دارها ومعدش حتى العشره لي بينا ريته غير حكالي مش ننصدم صدمة عمري قدام الناس

صالح، ، عبدالرحيم قال لي تبيها مريم نا حاضر ونصفتها اتجيها نا هنا كنه الشيطان حكى على لساني قتله انصفتي هي الحوش لي يبني  فيه ايسجله باسمي  ومقعدتش حتى اسبوع الا ونا محوله للحوش لي نحن فيه هضا

وباتكن لا جاني ولا دورنا نقلت دبش البس بس وداري والباقي كله قعد فاضي وصكرته ومشيت لحوش عيت جدكن

جدتكن قعدت اتعارك كان لها شهرين ونص فالرابط جاء باتكن من السفر هو ونوريه لي كانت معه وين ما يمشي

دزت   عليه  جدتكن وعاركته على اهماله لي ولكم

هو تأسف وقال حقها عليا

هنا مقدرتش تمسك روحي وقلت

نا ،، حقي لي نبيه منكم هو طلاقي

اشهقن عماتكن وعمكن ومرضت جدتكن وهو قال لو كان تمى آخر يوم فعمري طلاق ما نطلاقها

ونوريه ماعجبتهش كلمة عبدالرحيم

لي فطنتلها فاطمه بعد لوت وجه وقعدت اتطنش

كان لاهي في شغله وحياة الجديده معها وهي مكنتش اتسيب  فيه حتى بعد حملت كانت تمشي و اتجي معه

بس نا كنت مصكره راسي وصممت ع الطلاق وخديته منه بعد هي جابت معتز نا أطلقت

وبعدها جدتكن توفت والباقي انتن عارفته
نا ،، ونحن ياماما حياة انتي مش فيها منبوهش ونقعدو قليلات اصل كان عشنا مع وحده خدت منا بابا وحرمتنا منه

ويه ،، كلام بيبا صح مستحيل انعيش فمكان مريومه مش فيه

ماما ضحكت على كلمة ويه

ويه ،، عجباتك مريومه عارفه ان بابا هو لي يقولك فيها

نا بست ماما على رأسها وقتلها

سامحيني ياماما وحقك عليا وكل التعب ايهون  عشان شوفتك معانا

ماما ،، انتو لي سامحوني عشان انانيتي حرمتكن اتعيشن فخير بوكن ورزقه

حوده لي كان امصبي ورانا ويسمع في كلام ماما

جاء قرب من ماما وحضنها من لاوراء

انتي وجودك اكبر نعمه انتي اكبر رزق من ربي

ربي ما يحرمنا منك ولا من وجودك

نا و ويه ،، امين

............

سلمى ،، حي 🤭❤

صافي ،، شن في

سلمى ،، وهي اتشوف فنتيجة التحليل لي فيدها

رن على محمد

صافي ،، محمد خوك

سلمى ،، اها هو رن هيا

صافي ،، باهي اصبري بس

رن عليه بالنت بسرعه ومحمد كان واقف برا هو وميدو يستنو في المعالج النفسي ايجيهم

محمد ،، هضا صافي ان شاء الله خير

ميدو ،، رد بس عليش خايف

فتح محمد الخط وكان اتصال فيديو

لقى سلمى ماسك الفون وحاطه نتيجه التحليل امقابله الشاشه

محمد ،، من الدهشه و الفرحه هو ويقرأ في نتيجة التحليل كانن اعيونه مدمعات

سلمى ،، نا قريب نقعد عمه وانت تقعد بابا محمد

ميدو وصافي فهمو شن في بعد كلام سلمى

سلمى ،، مبروك يا دكتور

ميدو ،، مبروك يا معلم بس كيف صار عن طريق المراسله الحمل صار

صافي ،، هههههه لم فمك يامسخ

محمد ،، ههههه عصا واحد فلام

ميدو ،، عليش توا سلمى دكتوره وأكثر  وحده عارفه الكلام  لي ساير ولا لا يا سلمى

صافي كر الفون من سلمى لي كانت تضحك

تعرف كان متصكر بلاك نخلي محمد يعطيك بوني يلمك

ميدو ،، هههههه صقع عليك حمادي هضا الحب بعدها والله ليلته امطينه من جيجي

محمد ،، ههههههه نعن جده متدورش يا راجل يقهر فيك بس

قالولي نجوى عرفت

صافي ،، لا مزال

محمد ،، باهي متقولولهش اني عرفت

صافي تم يا معلم

محمد ،، ياسوما

سلمى ،، نعم يابابي

محمد ،، نبيكي تردي بالك منها هي والبيبي  وخليها اتابع  عندك

سلمى ،، لو هي حبت حاضر من عيوني

محمد ،، حسب ما شفت له اشهرين

سلمى ،، لا اشهرين واسبوع او أكثر بشوي حنطمن عليها

ونطمنك

محمد ،، ان شاء الله

صافي ،، انتو فالمستشفى

محمد ،، اها  نراجو فالدكتور بتاع وليد

صافي ،، تمام سلمو عليه

محمد ،، يوصل

وصكر محمد وهو فرحان على خشت المعالج النفسي لي حكي هو محمد وميدو على حالة وليد وبعدين طلب ان ايخش عليه ابروحه

 

وليد كانت حالة النفسية تعبانه جدآ وحتى بعد خش عليه المعالج النفسي ما تغير شي

طلع حكى هو ومحمد وميدو عن حالة وليد وعدم  تقبله لوضعه الجديد

ميدو ،، شن الحل

محمد ،، إذا  الحاج جاء يحضر العمليه حنطلب منك ايقدم الموعد لو فيها حتى اسبوع

ميدو ،، قصدك عشان

محمد قاطع ميدو وقاله هي الوحيده لي تقدر اتخليه  يتغلب ع المرض وجودها حيكون دعم له

ميدو ،، وخالي يقبل

محمد ،، الحاج وعدها  وان شاء الله ايجيبها معه

ميدو ،، ان شاء الله 

............
ماما شن رايكم تمشو معانا لحوش عمكم

حوده نا اعفيني عن قرايا وموعد مع الاستاذ بعد ساعه

ماما ،، ييي والله انسيته بكل

حوده ،، عدو انتو ونا تو نقرأ لعند  ايجي الأستاذ

ماما ،، وانتن

ويه ،، نمشو رايفت على عمو صالح

نا ،، حتى نا نبي انشوف سولي وعمو

ماما ،، معناها هيا وتن اروحكن

..............

ايمان ،، حاسه ان ماما في حاجه امضايقتها ومتبيش تحكي

خالد ،، لو في حاجه لا سمح الله كنتي اول وحده حتعرفي

ايمان ،، من جيت ساره امس وهي مضايقه

ساره متغيره واجد ومش ساره لوله لي نعرفوها

وكأنه انسانه غريبه علينا

خالد ،، سبحان الله الإنسان كيف ايتغير على صاحبه

اتصدقي حتى نا امس بعد خشيت ولا وجها عليا ودارت روحه ماشفتنيش

صافي قالي فوته

ايمان ،، من قصة اميره هذي وهي رايحه لا تطاق

خالد ،، اتملح هي وياها ماعز علينا غير الخرا هذك  اتخش عيلتنا

ايمان ،، بابا امس غامتله من ساره وحتى ع الغداء مبش ايقمعز معانا قال طالع.

خالد ،، جاء عندنا وتغداء مع الشايب

ايمان ،، قالتلي نجوى

خالد ،، حبيبي منبيكش اتضايقي روحك بكل

نبي نفسيتك  اتكون مرتاحه امس الشايب

قال كلمني عمي صالح وقال خلو الفرح يطلع في موعده

ايمان ،، قصدك توا

خالد ،، بعد أسبوعين ياعمري والله ماعاد فيها

اهو خالك وقال طلعو

بعدين نا معش نقدر نصبر بلاكي

ايمان ،، بس كيف وميدو مش قاعد

خالد، ، اهو حتى نحن سالم مش قاعد ومحمد وليد لكن والله حسي بيا نعش نقدر نستطيع

اضحكت ايمان ع الكلمه

باه خليني نمشي اليوم مع ماما ونشوف شن رايك عيت خالي منبوش نحن نفرحو وهم ياخدو موقف منا

خالد ،، تمام ياعيوني لي ايريحك  شوفيه

ايمان ،، اكيد راحتي فقربك ومعاك  بس متنسش ان الفرحه حتكون ناقصه بلا البنات

وانت اتشوف في ساره ابروحك يعني نا لو البنات مجيتش تأكد اني منقعدش ابروحي

خالد ،، لو مش راضيين تاكدي مش حنطلع  الفرح لعند ايروحو الشباب تمام هكي

ايمان ،، نحبك نا

خالد ،، ونا نحبك

هيا معناها نعدي نا بعد انتي ماشيه

ايمان ،، وين ماشي

خالد ،، انشوف حاجات ناقصتني للحوش

ايمان ،، متاخدش شي لعند اتصورلي

خالد ،، حاضر من وشير على اعيونه

ايمان ،، تسلملي حبيبي

............

وصلو صافي وسلمى فالوقت لي كان فيه خالد طالع من حوش اعميمه نجاة

صافي ،، اووووو راضيين عليك لي طالع مبتسم

خالد ،، الهى فلي عندك وفوتني انت وعينك

ضحكت سلمى

صافي ،، كيف صار يافندي خالد ابراهيم

موهبتك الحكومه

خالد ،، يا راجل ماصدقنها رضيت علينا

خلينا فرحنين وصلي على نبيك

صافي ،، صحه لها بنت عمي

سلمى ،، حتى هي خوالها عيت القاضي

خالد وصافي ،، اووووووو

قويه يا دكتوره

سلمي ،، اكيد ارضنا واعر بنات محمد القاضي

خالد ،، راهو خال عمك كانك ناسيه

سلمى، ، ههههه لا مش ناسيه

وصافي نفس طبع اولاد القاضي ولله الحمد

بعدين قريب تقعد خال اولاد محمد عبدالرحيم  القاضي

خالد قرن حواجبه عشان يستوعب

سلمى خشت وسيبته مع صافي لي يضحك على شكل خالد وهو يركز فكلامها عشان يفهمه

خالد ،، قصدك نجوى أأ

صافي ،، ايوه قصدها قريب تقعد خال يافندي

خالد ،، ام لسان لا متقولهش هههههه

هيا سقد روحك حتى انت وجيبلنا اوليد يبقى حفيد عيت ......  وخواله عيت القاضي

صافي ،، ان شاء الله

ادعيلنا بس اتصيب معانا

خالد ،، ههههههه ربي كريم وراء مزلتو عرسان عيشو حياتكم ولاحقين ع الوع ويع

صافي ،، لانقني نبي عيل منها نبي عيلتي تكمل  بيبي منها

خالد ،، ان شاء الله ربك يعطيك

صافي ،، يارب🤲
Natash sa🖤♟