#حبيبه 🦋
# البارت الرابع والخمسون
محمد ،، باللهي ياصافي شيلها وخلي سلمى تطمئن ع التحليل ابروحه
صافي ،، اكيد حاضر
محمد ،، سامحنا ع التعب
صافي ،، كانك ناسي ندكرك راهي اختي مزالت
محمد ،، ههههههه
عارف بس نا عارف هي شنو وكيف رأسها يابس
صافي ،، ولا يهمك بكره بأذن لله من الصبح نعدو
محمد ،، سلم ع الكل
صافي ،، يوصل
سلمى من بعيد
كيف صار يااحميده متبيش اتكلمنا
صافي قعد يضحك وقاللها في عرب اخرى شاغلينه
محمد ،، راء تزعل يا راجل ماتقوللهش هك
برم صافي شور سلمى شافها كيف زعلانه وفمها متقوس على تحت صبا من مكانه وعدا شورها
صافي ،، حي زعلت من جدها
محمد ،، لا
مش قتلك اختى وعارفها
صافي ،، انبصر معاكي والله سالني عليكي انتي الأوله
رفعت سلمى ايديها وحطتهن على وجها وقعدت تبكي
محمد ،، لا لا متقولش هذي هي لي تبكي
صافي، ، صكر خليني انشوف البكايه لي عندي
وصكر من دون مايسمعه
صافي ،، والله انبصر معاكي
سوما حبيبتي وقمعز على اصابعه قدامها وقعد ايهدي فيها
صبا من جنبها وعدا جاب امياه وجاءها هاكي اشربي ياعيوني هيا عشان خاطري
ميدو ،، تي نعن جد اقعدت تبكي
محمد ،، والله صافي دفلي ابره امعفنه بكل عندها
ميدو ،، باهي اصبر اشوي ورن عليها فيديو
محمد ،، اين اصبر انرن توا كان هضا والله ماهي ساكته
رن محمد فيديو على صافي
صافي ،، اهو ايرن فيديو راء نفتح
سلمى ،، مزالت تبكي
صبا صافي ابسرعه جاب ديشمبر لسلمى عشان تلبسه لانها كانت لابسه بجامه حرير شورت وصدرها شيفون
صافي ،، البسي هيا محمد رد ايرن من جديد
فتح عليه
ها يااحميده
محمد ،، وين سلمى
صافي،، اهي جنبي
حولت سلمى ايديها ولبست الديشمبر هي وتبكي
محمد ،، عطيها لي
صافي قمعز في جنبها وقاله احكي اهي قدامك
محمد ،، سلمى
سلمى ،، مبتش اترد
محمد ،، معقوله تزعلي مني نا
وتصدقي انتي اني منسألش عليكي ولا على وحده من خواتك
انتن قبل ماتكونن خواتي راء انتن بناتي لي شلت مسوليتكن من ونا اصغير
رفعت سلمى رأسها وبحتت فيه والدموع كانن يمنعن فيها من شوفته
محمد ،، ردي عليا ليش ساكته
نا نسيب العالم كله وننسى العالم كله ولا ننساكن انتن
وانتي بالذات عارفه الشي هضا
وبعدين نا اتصلت بصافي عشان نجوى وضعها مش عجبني
ونا حاسس اني قصرت معها وسافرت بعد الفرح طول وسيبتها
تمت سلمى اتعض في فمها من جوا ومردتش عليه امسحت ادموعها
محمد ،، صدقيني مافي حد اغلى من مريم وخواتي ولا حد ايجي فمكانكن
بس حتى انتي مفروض تقدري ضرفي وتعدريني
ومتنسيش ان هذي نجوى لي انتن عندها خوات مش بنات عم وهي توا مراتي واختكن كيف مانا خوكن
محمد ،، متبيش تحكي
سلمى ،،
محمد ،، صافي
خدا صافي الفون من سلمى
محمد ،، رد بالك منها
و نجوى متشيلهش تو ايجي حوده ويه ياخدوها من فالصبح
صافي ،، كنك يا راجل راهي اختي
محمد ،، وهي مراتي ومسئوليتي نا توا ع العموم
سامحني ع الازعاج
رد بالك من هلك سلام
ميدو ،، وووووواو
معقوله لدرجه هذي زعلت
محمد ،، سلمى من يوم لي جوز فيه باتي وهي عندها هاجس ان الكل حيبعد عنا
ونا عارفه كيف كانت حالتها لم اجوز الحاج تعبت وتعبنا كلنا معها
ميدو ،، خاطري نعرف شن لي خلى خالي يجوز
محمد ،، أتصدق لليوم هضا نا بروحي مش عارف السبب بس نحس فيه انه غلط بجوازه الثاني
مش عشان امي لا عشان ظلمني نا وخوتي لم ابتعد عنا ولم حرمنا نكبرو تحت اجناحه لم تمى عمي صالح اقرب منه لنا
................
ميدو ،، كان انقولك اني شفت اميره .فلان.
محمد ،، شنو
ميدو ،، اها اميره
محمد ،، قصدك لي شفنها المره لي فاتت هي
ميدو ،، ايوه طلعت هي
محمد ،، بس مع من جايه هنا
ميدو ،، هضا لي للازم نعرفه
محمد ،، بس هي دايره قيلات شكله عندها حاجه جايه تعاين عليها
ميدو ،، لي كيف هذين مايسرلهن شي
..................
صافي كان حاط سلمى في حضنه ويلعب على شعرها بيدا وهي مغطيه روحه بالنصوله اكثوفها بس باينات
سلمى ،، مش زعلان مني
صافي ،، نزعل منهم كلهم إلا انتي
سلمى ،، انحبك
صافي ،، مش اكتر مني
سلمى ،، ونا نبيك اتحبني ديما هك
حطت يدها على صدرا وقعدت تحكي وتحرك في يدها عليه
نبيك تحتويني كيف توا نبيك اتحمل طفولتي لي انعيش فيها معاك
صافي ،، انتي مش بس حبيبتي ومراتي انتي
بنتي لي منبيش نحرمها من شي ونبي نعوضها عن كل شي أثر فيها وزعلها
سلمى ،، رفعت وجها وبحتت فيه ونزلت دمعه من محجر عينها كانت اتراجي في صافي بس يحكي عشان تنطلق
وحكي صافي مش اي كلام
لان صافي قدر خلال الشهرين هذين يحتوي سلمى ويتقبل منها كل شي وميرفضلهش طلب
لانه شايفها الانسانه الواعيه والحساسه شايفها حبيبته لي يحبها
وبنته لي انحرمت من الاب فطفولتها وهالشي اثر عليها
ويحول ايعوضها وينسياها اي ذكرى مؤلمه عاشتها
حتى لم غارت من نجوى( اخته) على خوها
مشى الامر عادي ومكانش سمع شي
لانه عارف ان يقدر يخليها تطلع من الحاله هذي
ومش رح اتكررها فالجديد لانه يعرف كيف يخليها اتعيش بس له
..................
ثاني يوم
فكليه الآداب تحديدآ
معتز ،، درس السياره بتاعه ونزل شايل بوكيه لليليز لونه ابيض وبينك امغلفه بطريقه حلوه
وهو لابس جاكه كحليه ازرق و تيشرت ابيض عليه الوقو لماركه Dolce&GaBbana بالون الأزرق
وبنطلون نفس لون الجاكه وكندره سلو سوده
وطريقه مشطة اشعره ولحيته وشكله لي طالع واو وطرف يخلي اي بنت تنتبهله وتركز بس عليه
اما هو فامكنش ايشوف في حد كان ايدور بعيونه عليا
قدر يعرف مني من دون ما نحس موعد محاضرتي اليوم وامتى نطلع
نا كنت طالعه من المحاضره ونا منتبه ع دانه شن تحكيلي
اما دانه فكانت تحكي وعيونها جن على معتز وهو جاي شورنا صفرت دانه وهي تقول اي ده
نا ،، كنك يافرخه اتصفري
دانه ،، شوفي لي جاي من غادي
نا ،، من
وبحتت وين ما تبحت دانه شوفت حبي وهو جاي شوري والبسمه لي تسحر فيا كل ماتشوفها مرسومه عليه
وعيون البنات كلهن عليه
شفت دانه طالعه وفجنبها بشتي تمشي معها
كانت منتبه مع دانه هي وتحكي
وبعدين التفت شوري وشفاتني نا تلقئين ابتسمت لمه شفتها
كانت طالعه حلوه ومميزه
كل شي فيها البنت هذي يسحرني ويزيد حبي لها
نا ،، عليش امبلامات فيه هذين
دانه ،، ولد عمتك طرف اغبر وستايل وكريزمه وجنتل و بزنس مان
نا ،، باهي صكري فمك
دانه ،، حي ع المشيه ولا لبسه والنظاره
نا ،، باهي نا شكلي اكويس
دانه ،، قمر ياخيه انتي
نا كنت لابسه بلوزه كحليه طولها فوق من نص الفخد وعليها جاكيت بيج كنت دايره حركه فالاكمام لفيت كم لبلوزه فوق كم الجاكيت وتنيتهن مع بعضها طلع شكلهن حلو وبنطلون بيج اغمق من درجة الجاكه بشوي فيه اخطوط من لون القميص
وشوز عالي اسود فيه حركه بالبيج من قدام وكسرت
الالون بالوشاح لي كان من درجات الاحمر القاتم مع الكحلي والشنطه نفس لون الوشاح الأحمر وكان البيلت
ابتاعها طويل
اما وجهي مكنتش نحب انحط ميك اب أوفر فالجامعه ومكتفيه بلمسات بسيطه ماسكره وروج لحمي من ماركة مات اكيد ❤ وفونديشن وبلشر
نا ،، دندون جد
دانه ،،يس 😘 جاء اسكتي
معتز ،، سلام ورفع نظارته وحطها على راسه
نحن ،، سلام
معتز ،، شن جوكن
دانه، ، اكيد تمام بعد شوفتك
معتز ،، ههههه تسلمي
نا ،، ...
دانه ،، نجيب حاجه ناكلها ونجي
معتز ،، خودي راحتك
معتز ،، مدلي الباقه تفضلي
نا ،، ميرسي وكانن في بنات هالبات
رديت قلت ونا نبحت فيهن
ميرسي حبيبي
معتز ،، اعيون حبيبك انتي
نا ،، شن المفاجأة هذي
معتز ،، شنو معجباتكش
نا ،، اكيد عجبتني وبالذات الليليز ياخد القلب
معتز ،، لا وين القلب ناخدها نا بس
نا ،، وانتي ماليه ياعمري
معتز ،، شنو ديما سمحه هك انتي
نا ،، اكيد
معتز ،، لا هكي الموضوع ميطمنش
وقعد ايبحت فالشباب هو ويحكي
نا ،، فيش اتبحت
معتز ،، ابدآ
نا ،، حبيبي متجيش نا معاك وانت اتبحت غادي
معتز ،، لا ياعمري فهمتي غلط
نا ،، مفش حاجه اسمها فهمتي غلط نا معاك وانت عيونك فالبنات وهن على سبله
معتز ،، يعني ان تغاري يابشه
كان في مقعد اقريب منا سيبته امصبي وعديت قمعزت فيه وحطيت الباقه فجنبي وحطيت اكراع فوق اكراع وبرمت وجهي
شفت الاستاد لي يعطي فينا فمادة phonetic
امصبي مع طالب وعيونه عليا
معتز عرف انها غمت عندي وهذي اول مره ايشوفني كيف رقيتلي منه
لحقني وجاء قمعز جنبي رفع الباقه لي كانت بيني وبينه وحطها فجنبي من الجهه الثانيه
خفت معتز ايركز عليه برمت شوره
معتز ،، ليش سيبتيني وجيتي هنا
نا ،، عشان تاخد راحتك وتختار على مهلك
معتز ،، هههههههههه
نا ،، عليش تسهوك
معتز ،، عشان طلع عقلك اصغير
انتي عميتي اعيوني ع البنات كلهن خلاص منشوفش فغيرك
صدقيني
نا ،، معناها متبحتش فيهن ونا معاك
معتز ،، حاضر
نا ،، وحتى ونا مش معاك متبحتش فيهن
معتز ،، في حد عنده القمر هذا ويبحت فالنجوم
نا ،، نا قمرك ونا نجمتك وهن شي
معتز ،، انتي حبي وبس .
نا ،، حولها النظاره من على شعرك
معتز ،، ليش
نا ،، هك نبيها
معتز ،، تبيني تلبسها
نا ،، لا بعدين معش انشوف اعيونك
.........
صافي ،، تو انرن عليها نا انكلمها
سلمى ،، مرات تزعل مني لا لا فوت
صافي ،، مش شورك انتي ، انزلي هيا عشان انوصلك
سلمى ،، أوفي مفش داعي نعرف انخش ابروحي
صافي ،، ونا منتريحش إلا هك
سلمى ،، مدام هك هيا
نزلت سلمى وراحت صافي لعند صكر السياره وبرم شورها ومد يدا لها وخش هو وياها للمستشفى
صافي ،، اول ما تكملي رني عليا
سلمى ،، قبل ما نكمل اخرى.
ابتسم صافي على كلمتها وطلع
..........
اعميمه نجاة
ليش لكي فتره مختفيه
ساره ،، قاعده والله بس تعبانه اشوي
اعميمه ،، كنك ابعيد السوء
ساره ،، الوحم دايرها فيا
اعميمه ،، ماشاءالله تبارك الله مبروك ياعمري مبروك ان على خير وسلام
ساره ،، الله يبارك فيكي
اعميمه ،، ليش مارنيتي راء خليت معتز جابك هنا بعد مصطفى مسافر
ساره ،، معتز ها😏
اعميمه بحتت فيها كيف دارت
كنه مزعلك معتز ولا شن داير
ساره بحده
معتز ،، من يوم عرف لي اسمها #حبيبه وهي مغيرته عليا
اعميمه ،، ليش شن دارتلك
ساره ،، حتى في حوشي ميجيني ولا يقول اختي
خايفه منه يرد لاميره كان جاني
وبعدين معتز كيف اميره مش حيلقى
عمي عبدالله لي كان طالع من داره سمع ساره شن تحكي
نا شن قايل عليها الخرا هذي مش قايل اسمها منسمعش
هنا
ساره ،، بابا
عمي ،، معتز راجل وفيه عقل ومش بنت اصغيره لي تخليه ينسى اخته
ساره ،، مش قصدي يابابا انت فهمتني غلط
عمي ،، لا نا فاهم وليدي اكويس وعارف نا شن عندي
انتي تريحي وين ما تبي وخلي خوك ايتريح
ومتخلينش انقول كلام يزعلك
وراء #حبيبه تكون بنت خالك ولا ناسيه ان هالمسكينه لي رباتك تكون عمتها
ساره فسرها (حتى انت يابابا )،، لا مش ناسيه
اعميمه صبت من مكانها وعدت شور عمي عبدالله
ياحاج ساره مش قصدها وبعدين هي واخده على خاطرها من خوها
عمي ،، لي واخد على خاطره يرفع تليفونه ويرن على خوه ويسأل
مش ايحط لوم على ناس ثانيه
اعميمه ،، مش قصدها ياحاج وبعدين باركلها راك اقريب تقعد جد
عمي ،، بحت في ساره وقال
على خير ان شاء الله ولف وطلع برا الحوش بكل
اعميمه ،، تعالي معايا قبل ما تروح ايمان وقوليلي فيش خاطرك
ساره ،، نبي انخش داري انتريح
اعميمه ،، باهي شن تبي تاكلي
ساره ،، متفرقش
اعميمه ،، باهي عدي تريحي توا
............
حوده بعد روح من المدرسه تكى ع الجامعه خداء نجوى هي وصال وايمان و تكو على ويه حتى هي وعدو شور المختبر
دارت التحليل
وصال ،، حوده لو مفيش تعب شيلنا شور المحلات
حوده ،، وين تبي
وصال ،، نبي محلات الشباب
حوده ،، شنو
وصال ،، ههههههه
مش نازالين نا حجزت ع النت بااسمك انت خش استلم عشان نغلفوهن
حوده ،، اها باهي
نجوى ،، نعلي من سلفي النار
ايمان ،، هضا كيف طبع صافي ومعتز
ويه ،، من عاشر القوم
لا بال هو ديما معهم
نزل حوده جاب الحاجه
حوده ،، اكدي عليها اذا هي واكدي ع المقاس
ويه برمت شورها عشان اتشوف
ايمان ،، الله اتهبل الجاكه ياسولي
وصال ،، ذوقي اكيد اتهبل
نجوى ،، عليك غرور
وصال ،، اسمها ثقه ياحبي هذي
حوده ،، هههههه
هيا سقدي روحك
نجوى ،، فوت المختبر توا
وهيا شور المحل بتاع التغليف .
وصفت سولي المكان لي تبيه
وعدو شوره اول ما وصلن غادي انزلن كلهن
حوده ،، امشن بلا صوت
فكني من الجو فالشارع .
نجوى بصوت واطي ،، عليك الحصله شر من محمد
خشن البنات للمحل
قعدت سولي اتشوف في الصور المعروضه
ويه ،، تعالي شوفي الطريقه هذي
وصال ،، روعه بكل بالذات البوكس لونه اسود مش عادي
ويه ،، اساليه ع الاكسسوارت في منهن
صاحب المحل سمعهن
لا معنديش حاليآ بس أجار التوفرات اذا حابه تشريهن
عند محل قوتشي لي فبدايه الشارع وانتي طالع من هنا على يدك اليسار
نجوى ،، اه عرفته خديت منه حاجات فالفرح
ويه ،، بعيد قصدك
نجوى ،، لا قريب
طلعن البنات على حوده
حوده ،، خلاص كملتن
وصال ،، محل واحد وبعدها نردو هنا وخلاص .
حوده ،، ميبيش ايزعل وصال
بحت فيهن وبعدين قال هيا اركبن باهي
اركبن البنات
حوده ،، وين
ايمان الشارع لي مقابلك آخر محل ع اليسار
حوده تم
وقف بيهن قدام المحل كان في كافي امقابله
حوده ،، ننزل انجيب قهوه على ما انتن كملتن
ويه ،، عدت شور حوده والبنات خشن للمحل
ويه ،، امسك هذين جيب معاك عصير فرش للبنات
حوده ،، منوره
خشت ويه ع المحل
لقتهن منتشرات ويتفرجن
حكت بصوت عالي
ها شنو لقيتن
هو كان يشوف فحسبات المحل رفع رأسه يتاكد من الصوت لي سمعه
قلب فر فمكانه بعد شافها💓
مسح العرق لي ع جبينه وقعد بعيونه معها
كان في شاب معهن ايقوللهن ع الاسعار
ويه سيبتهن وعدت شور الانتيكه لي لفتت انتباها
كانت أم شايله طفلها على ضهرها وماسكه جرة لمياة فجنبها كانت عاريه بس مغطيلها صدرها بيدين طفلها
كأنها تحفه لسيده هنديه
رفعتها ويه وقعدت أتأمل فيها وبعدين شافت سعرها نزلتها وطلعت البورتفي وشافت كم افلوسها لقت القيمه
لي معها اقل من السعر
عدت شور البنات
صبا هو من ع الكاشير ومشى شورهن
وقال بصوت كله رجوله وقار
نورتن المحل
ابرمن شوره كلهن يبن يعرفن من لي تكلم
مصعب ،، كيف حال مرات خوي
وصال ،، مصعب
مصعب ،، شن الأخبار
وصال ،، تمام الحمد لله
ويه ،، كانت ماطه شافيفها على جوا وضاغطه عليهن بسنونها
وصال ،، كيف حال اجديده وجدي
مصعب ،، بخير كلهم
ويه وخرت وابتعدت عنهم وقعدت تذكر فالموقف لي صار فالكليه وهي ومضيقه اعيونها
مصعب ،، شنو حال وليد
وصال ،، ان شاء الله طيب على وضعه
مصعب ،، يوم الثلاثاء ماشيلهم
ويه ،، سمعت الكلمه برمت شوره
وكانها ياروحي تبي تعلق فيه أو تكون جزء منه شي من أغراضه الخاصه بيه لي حيحملهن معه بس لانه مجرد أشياء خاصه بيه
ركز مصعب على ويه لي برمت شوره اول ما سمعت كلامه
وصال ،، عندك شغل غادي
مصعب ،، لا والله ماشي عشان وليد مخصوص
ويه لا شعوريآ نزلت منها دمعه وقالت يا ريتني معاك
نجوى ايمان وصال مصعب كلهم بحتو فيها
وصال ،، بنت عمي وخطيبة وليد
مصعب قدم شورها ومد يدا لها وقال
ربي يشفيه ويجمعك بيها عن قريب
ويه ،، مدت يدها وسلمت
مصعب ،، لأول مره يتمنى لو هي له
لأول مره يتمنى لو يمسح الدمعه لي نزلت منها
لأول مره يتمنى لو يقدر يحضنها
مصعب ،وهو ماسك يد ويه
ياريت نقدر انشيل معاي
بس الله غالب
ويه سحبت يدها
ومصعب طلع منديل من جيبه ومدا لها
برم شور وصال لي كانن البنات فجنبها
وصال ،، بنات عمى
وشيرت على نجوى وقالت زوجة محمد
مصعب ،، اشرفنا
البنات ،، تسلم
مصعب المحل محلكن
هن ،، شكرآ وتسلم بأصوات متقطعة
خدت وصال شن تبي
ونجوى وايمان خدن حتى هن
حلف مصعب وقال المره هذي عليا
بحت في ويه وقال
شنو الدكتوره معجبهش شي
ويه وهي محرجه كل شي حلو
مصعب ،، معناها كل المحل لكي لو تبي
ويه ،، شكرآ
اكيد حوده ايقول طولتن نا طالعه
طلعت ويه وعيون مصعب كانن عليها ونجوى لاحظت هالشي بس مبتش اتكلم عشان خاطر وليد وصال لي كانت معاهم
طلعن البنات اركبن لقن ويه ساكته وحوده فجنبها ساكت مدت ويه العصير للبنات
وصال ،، لانقنه جاء في وقته .
نجوى ،، نا نبي فراوله
حوده ،، حتى لو مافيش انجيبلك
ايمان ،، ياعيني
حوده ،، توصيات الدكتور محمد
ويه ،، هههههه كل شوي ايرن ايوصي ويسأل عليها
ايمان ،، ان شاء الله نفرحو بجيتهم طيبين
كلهم ،، ان شاء الله
وصال ،، بكره عندك اول طلبيه ياويه
ويه ،، اها ان شاء الله اليله نسهر عليها وميجيش الصبح إلا وهي واتيه
نجوى وايمان مكننش فهمات
نجوى ،، طلبية شنو
وقال، ، ..............وحكت كل شي للبنات
ايمان ،، والله مشروع حلو وانتي شاطره فيه الحلو من قبل
نجوى ،، صح احسن وحده اتدير حلو فالعيله هي ويه وحتى بيبا ماشاءالله عليها
حوده ،، ونا شوري الديلفري
وصال ،، كان نحطو صورتك ونكتبو عليك Delivery
يقعدن الطلبات بالهبل ع ويه
نجوى ،، هههههه
ايمان ،، شكلك انت الوحيد لي تبي تطلع من بنات العيله
لكن تعرف اصبر لعند اتخرج وتعيين وتدير حوش اتكون بنتي نا جايه وكابره
حوده ،، عليك طول امرجاء قيسه
وصال، ، البنات ابسرعه ما يكبرن
ويه ،، نقول
حوده ،، شنو
ويه ،، لي قال عليه عزو
حوده ،، هههههه فكيني منه الهبل هضا
البنات ،، كنه شن قال
حوده ،، ايهدرز الحيوان وحاكي لخواته شكله
ويه ،، تو نحكيلكن نا.........
............ .
صافي ،، من قالك انت
معتز ،، محمد وميدو كلمتهم مليش نص ساعه
بس محصلتش فرصه نحكيلك
صافي ،، لا حوله ولا قوة إلا بالله
معتز ،، والله خايف على خالي وعلى ويه أكثر شي
صافي ،، ربي يصبرهم ان شاء الله
.................
صافي ،، نا مش براني عليكي ولا شنو
ماما ،، اكيد هذي مش محتاجه اثنين يحكو فيها .
صافي ،، معناها اعتبريني كيف محمد
واقل شي خليني انجيبها كيف ما دار نجوى
خشت على هلي بحلو
ماما ،، والله ما ودي فيها إلا تخش على هلها وهي شايله معها كيف مايشلن العرايس .
لكن هي صكرت رأسها وقالت بعد ايجي محمد من برا
انشيللهم وامك وافقتها الراي
صافي ،، نحن مش برانيه و نا لو مش شايف سلمى خاطرها اتجيكي راء ماجيتش وما تكلمتش
ماما ،، خلاص معناها جيبها الجمعه وغداكم عندي
ورد بالك ياصافي اتكلف على روحك والله نزعل منك
صافي ،، حاضر كل شي الا زعلك
خير واجد سلمى وزعلها .
ماما ،، سلمى حساسه اشوي بس مع الوقت اتعود وتاقلم
صافي ،، على قلبي كيف العسل
ماما ،، ربي يسعدكم و نشوف اعويلتكم ان شاء الله
صافي ،، ان شاء الله
...................
سالم ،، انتي شكلك تبيني نندم ع اليوم لي جبتك فيه هنا
اميره ،، انت وعدتني ان كراعي ايرد كيف قبل
مقتليش ان لو منجنش العمليات يبترو لي
سالم ،، احمدي ربك نا انقدتك من الموت لولاي نا الله اعلم شن صار فيكي
اميره ،، والحل توا نا منقدرش انعيش هكي الموت اشرفلي مية مره
سالم ،، ههههههه
اشرفلك ها ياشريفه انتي
اسمعي تبي نديرولك اكراعي صناعي ويقعد هضا افضل شي صار فوضعك
متبيش خليك هك والكراع قصينه قصينه
متنسيش ان فيك السكر
اميره حطت رأسها ع المخده لي جنبها وقعدت تبكي
اذكرت انه بعد حوالي 7 ايام جاء خوها مفتاح لم امه تعبت واصرت عليه نمشيلها جايبلها دبش ووكال وقاللها بعد كم يوم ايجي يطلعها من هنا
قعدت اميره محبوسه فالمزرعه فتره طويله من دون ما تعالج اكراعه وبعدين تبرأ منها وقالها ردي بالك اتورينا وجك امك انجلطت وخواتك معش يبن ايشوفنك وباتك مات
من قوه الصدمه خشها السكر ومن حسن حضنها جرحه كان ملتهب لانه محصلش الرعايه صحيه من الاول
اميره كانت عارفه علاقة سالم باهله ولأنه هو ويسافر كان ايحاول ايتواصل امعاها ايام وهي مرتبطه بمعتز
وعشان هي تبي تنتقم منهم عرفت كيف توصل فيه من جديد
وهو لي خلاها تسافر طبعآ اختها هي لي جبتلها اوراقها
وجواز سفرها وكل شي ايخصها وطلبت منها نعش انكلمها
حسبي الله ونعم الوكيل فيك يا معتز انت وصافي
سالم ،،نا طالعه وانتي فكري على مهلك
اميره ،، وين ماشي كل يوم تسيب فيا ابروحي
سالم ،، ردي بالك اتصدقي انك مراتي
وتساليني وين ماشي وين جاي
..................
ميدو ،، يرن على دانه وهي متردش
قعد حوالي ساعه بعدين دزلها مقطع فيديو
وكان امركب عليه اصورهم وهم فالبحر والمزرعه
وصل المقطع لدانه لي كانت اتشوف فالبيج الخاص بينا
استغربت لانه ميدو ميدزش ع الخاص
افتحت ولقت قدامها المقطع .
كانت اغنية مفتاح امعليف وصورهم
امرايف عليك نبيك غير اتجيني
يبرن اجروحي بيك ياناسيني
امرايف عليك نبيك غير اتجيني
زاد اريافي وماقدرت نحمل غيبتك ياجافي
ومزلت كي ماكنت ديما وافي وشاري غلاك
امرايف عليك نبيك غير اتجيني
يبرن اجروحي بيك ياناسيني
ولي درته راضي وبيدي خاطري جبرته
حتى الغلا مايهون وانت هنته
ماندير كي مادرت يا مشقيني
امرايف عليك نبيك غير اتجيني
يبرن اجروحي بيك ياناسيني
ااااااااي
لي غليته بجد خساره لي غليته بجد اخساره
لي غليته بجد انسيني والعشره ما عد خساره 💔
دانه افتحت اعيونها على وسعهن وهي تسمع في كلام الاغنيه
طح اسعده هضا فيش ايخرف
رنت عليه فيديو
كانت طالقه شعرها المقصوص ولابسه بدي وردي هادي
وبنطلون استرتش كحلي ومقمعزه على سريرها
ميدو شاف الاتصال ابتسم ابتسامة نصر
وفتح عليها
دانه ،، صار خساره
نا اخساره يا ميدو نا
ميدو ،، غير سلمي قبل وانتي خاشه فينا بالقوه
دانه ،، نا اتدزلي
نا مانعدش فالعشره ولا انت لي تهرب مني ومتبيش اترد عليا 💔
ميدو قعد ايبحت فيها كيف تعارك وتحرك في يدها
وركز على شكلها كيف طالع
دانه، ، دورلك وحده من غادي اتعد العشره
ميدو ،، شن اتديرلك متبيش اتردي
بس شن رايك فالصور
دانه ابتسمت ودارت روحه مش امعدله
ميدو ،، من عيونك هذين شكلهن عجبنك
دانه ،، ياواثق انت
ميدو ،، رايفت عليكي
دانه ،، 😳
ميدو ،، وعلى اهبالك وهرجتك واهم شي رايفت على
اعويناتك❤
دانه ،، أأأ شن أخبار وليد
ميدو ،، عرف انها تهرب منه
شنو مرايفتيش عليا
دانه ،، ومحمد شن جوا
ميدو ،، اكويسين وحتى نا بشوفتك قعدت احسن
دانه ،، دوم ان شاء الله
طمني على وليد يا ميدو ومتوريش عليا شي
عشان خاطري خليك صريح معايا
ميدو ،، اهم شي توعديني انك ما تحكيش الحد
لعند انشوف شن ايسير معانا
دانه، ، وهي ميته من الخوف على خوها
وعد ....
هيا احكي
Natash sa 🖤♟