#حبيبه🦋
#البارت التاسع والاربعون
مني عزقت لغطاء من عليها وصبت بالقوه
لا عارفه وتأكد اني مش محتاجتلك
بنتك امتى ما تبيها نشوفها بس نحن خ .... ومكملتش كلمتها لانها حست بمغص
ايمان اه وحطت يدها على بطنها من تحت
يوسف ،، مني شن فيكي
مني ،، قمعزت ع السرير وباين عليها الألم
يوسف ،، قدم شورها وقمعز على اركبه قدمها حبيبتي كنك مني ياعيوني
مني ،، ما فيا شي حول بس
يوسف ،، وجعته كلمة مني له وصبا
طلع من الدار وعدا شور سيما 🌸 قمعز وهو يبحت فيها ويدكر في كلام ايمان لي مستعدا اتسيبه
مني طلعت من دارها وعدت شور دار سيما حطتلها دبشها فشنطة وطلعت حطتها فالصاله وخشت لدارها لبست البشت ابتاعها وطلعت وهي اتكر في شنطتها
يوسف سمع صوت الشنطه برم بحت فيها وصبا من مكانه وهو مصدوم
فيش اتديري انتي
لي للازم يندار
يوسف ،، هضا كله عشان خايف عليكي
هضا كله عشان منبيش شي ايسيرلك
على الاقل مش توا عشان نا عارف وانتي عارفه خطورة الحمل عليكي ومسح وجه باايديه
مني ،، باهي شن اندير نا
تنزيل البيبي منش منزلته
يوسف برم وجه ايبحت في سيما لي كانت في كرسيها
بس عقل يفكر في كلام ايمان
يوسف ،، باهي خلينا تسألوا اي دكتوره مادام سلمى مش هنا
مني ،، يعني شنو
يوسف ،، يعني متنزليهش
مني ،، ابتسمت
يوسف ،، ماقلتش نزليه إلا عشان خايف عليكي
انتي عندي اهم من ميه عيل
مني ،، نزلن ادموعها
يوسف ،، عليش لبكاء توا .
مني ،، كنت خايف منك تجبرني انزله
يوسف ،، تاكدي انك اهم شخص فحياتي واي شي في خطوره عليكي نا مستغني عنه
مني ،، عدت شور يوسف بسرعه وخشت في حضنه
يوسف خدا مني فحضنه وضمها لصدرا بالقوه وكان يحصل يدفنها جوا قلبه عشان مايفقدهش فيوم ويلقى روحه بلاها
مني رفعت رأسها اتبحت فيه لقت اعيونه مليانات ادموع
مني ،، عليش هذين توا
يوسف ،، مافيش شي اطمني
مني ،، نبي يكون عندنا اعيال
منبيش سيما بعد تكبر تلقى روحه وحيده
حتى لو انت درت عيله اخرى ....
حط يدا على فمها ومخلهش اتكمل كلامها
يوسف ،، فيش تخرطي انتي
نا فغيرك انتي مستحيل انبحت مش نرتبط
شكله الحمل المره هذي ملخبط هرموناتك😉
مني حولت يدا من على فمها
مني ،، شن قصدك
يوسف ،، دار حركه بيدا على راسه بالجنب وضحك
مني ،، مكلوب إلا أنت باهي وضربتا بيدها على صدرا
يوسف ،، انتي قدها رفعت يدك هذي
مني ،، هههههه قدها
يوسف ،، باهي تعالي وريني كيف قدها
مني ،، هههههه حول ياسامط
يوسف ،، ربي يخليكي لي ومايحرمنيش منك
محمد ،، ها شن دايره توا
صافي ،، بعد حكت هي وليد ارقدت على طول
محمد ،، متخافش عليها ان شاء الله تو تهدى وتقبل الامر
صافي ،، ان شاء الله
والله يا راجل كنت خايف عليها عشان هك قلت بعد اتكونو انتو هنا يكون افضل
ولو معتز نبهني انها للازم تعلم قبل ما وليد يسافر كنت خليتها لعند ما روحنا
محمد ،، سلمى وليد علاقتهم وكأنهم خوت وحط معاهم وصال
صافي ،، كنت نحساب ساره اقرب وحده لها
محمد ،، والله ماني عارف بس وليد عندها أخ تقدر تعتمد عليه
صافي ،، ان شاء الله يروح طيب
محمد ،، ان شاء الله حتى هو تعبان خدا علاجه ورقد
صافي، ، امتى طالعين
محمد ،، فالصبح بدري نكونو فالمطار
صافي ،، تمام اول ما توعى فالصبح رن عليا
محمد ،، ان شاء الله ما توصي على شي
صافي ،، سلامتك
محمد ،، تصبح على خير
صافي ،، وانت من اهله
نهى صافي المكالمة وفتح باب البلكونة وخش بشواش وصكر الباب ورد عليها الستائر
سلمى سمعت صوت الباب أبرمت للجهه الثانيه
شن داير توا
صافي سمع صوت سلمى وهي تسأل فيه
صافي ،، قصدك وليد
وجاء قريب من السرير لين لسليبر وقمعز وانسند ع المخده لي فمكانه
سلمى ،، اها
صافي فتح يدا لها وقاللها تعالي
سلمى اسحبت روحه وخشت تحت ذراع وليد وحطت رأسها على صدره جهه اليسار تسمع في نبض قلبه
صافي ،، كلمني محمد يسأل عليكي وقالي انه كويس وطيارتهم فالصبح
سلمى رفعت رأسها فوق وبحتت في صافي
كانن اعيونها مليانات ادموع
نقدرو نعدو للمطار عشان نسلمو عليها
صافي طبس باس جبينها
ولف يدا على خصرها ومسك أصابع يدها بيدا اليمين
وهو ايبحت فعيونها
انتي تبي هكي ؟
هزت راسها
صافي ،، حاضر انشيلك انتي بس تومري
سلمى ردت نزلت رأسها على صدره
قعدت ساكته فتره بعدين قالت
متوقعتش فيوم وليد يمرض ولا يجيه الخبيث
صافي ،، قدر الله وما شاء فعل
سلمى ،، ونعم بالله
تعرف توا صدقت كلام الناس لي يقول بأن المرض مايجيش إلا للطيب
صافي ،، متوقعتش علاقتك بيه اقريبه هك وبعد معتز قالي شيلها لدبي واتفق مع ميدو وليد انهم يقعدو اليوم عشانك استغربت بس
معتز قالي كلكم تعتبرو فوليد أخ لكم مش ولد عم بس
وانك حتاثري واجد لو معرفتيش بالذات ان محمد قطع قعدت فمصر وروح عشان يمشي معاه
سلمى ،، نحن من قبل ونحن وصغار كنا كانه حوش واحد وحتى لم اجوز باتي عمي صالح مسيبنش بكل
ماما معش خلتنا نطلعو من الحوش بس وليد كان يسرق فسيارة عمي ويجينا ومرات ايجيب فالبنات معه
كان واضعنا المادي على قدنا وعشان منحسوش بالفرق
عمي خلانا كلنا نقعدو فنفس المدرسه
بابا كان يبي ماما اتنازل على فكرة الطلاق عشان هك وضعنا قعد على قدنا بس ماما صكرت رأسها وحصلت الطلاق عن طريق المحكمه لي صرفتلنا نفقه ضعيفه
وماما معش تكلمت عشان وضع بابا مبتش اتكلم رضت بالقيمه وسكتت
واصرت ان نحن نكملو تعليمنا ويكون عالي حتى لو اشتغلت اليل مع النهار
فالوقت هضا وليد زاد قرب منا
مصروفه فالمدرسه كان يقسم فيه علينا نا ومحمد ومني وهو بحكم عمرنا وقرينا فنفس المدرسه
وكان حصل افلوس يشري حاجات ويجينا بيهن
أتصدق مرات واجد وليد كان فيها أقرب لنا من بابا ومن ناس واجد فنجاحي من ثالثه إعدادي هو كان آخر سنه فالثانوي نفس مني ومحمد في أوله جامعه كانت اعميمه فايزه تبي اتديرله حفله النجاح رفض عشان نحن منزعلوش
وكيف هو يديروله ونحن لا
وبعد خشيت الجامعه هو لي شرالي كل شي ناقصني
وايام العملي بعد ايروح من الاردن يكون جايبلي حاجات لي عشان الجامعه
اكيد مينسش في مني بيبا و يه
نزلن ادموع سلمى وهي تحكي الصافي علاقتنا وعلاقتها بوليد كيف كانت
صافي ،، تعرفي مش زعلان بكل ع الحب لي فقلبك له لاني مطمن ان مكانة وليد هي الأخوه
ومتأكد ان الحب لي فقلبك لي اكبر واسمى وغير
عشان هك مش حاسس بغيره بالعكس نحسدكم ع الترابط القوي
سلمى ضربته على صدرا يعني هضا لي طلع معاك توا
ما حتى انتو علاقتكم قويه
صافي ،، اوكي قويه بس مش زيكم
وليد عاش معاكم تفاصيل واجد فحياتكم نحن كنا ابعاد فيها عليكم
سلمى ،، مكنتوش ابعاد لانكم تبو البعد لا
عشان ماما كانت خايفه علينا نفشلو فدرستنا بعدين ايحطو الوم عليها هي ويقولو معرفتش اتربيهم
حنى اعيال اعميمه نجاة مكنوش ايجو عندنا واجد
كنا انتلاقو فحوش جدي محمد أكثر شي
صافي ،، صح نذكر لمى كنتي تلبسي فالكبوط الوردي وتحطي فالبرنوز على راسك
كنت نعلق عليكي نا ومعتز وانتي تقعدي اتطنشي
بس اتصدقي كنتي ومزلتي احلى بنت شافتها عيني
سلمى ،، هههههه
نذكر بعد خالد طيحك من ع الدراجه عشان هو ياخده
صافي ،، هههه وتو قعد ضابط يا عليك زمان
تذكري بعد مني ضربتنا
هههههه
مشى اليل على صافي وسلمى وهم يحكو على ذكريات
مرن عليها اسنين واسنين في منهم الحلو وفي منها المر الحزين
نا ،، اي وه ، قلتها بصوت متقطع
معتز ،، شنو رقدتي
نا ،، اممممم
معتز ،، بشتي تسمعي فيا ❤
نا ،، بيبا نا
معتز عرفني راقده ونحكي معه
معتز ،، لا بشتي انتي
نا ،، بس
معتز ،، وروحي انتي❤
نا كنت حاطه التلفون جنبي ع المخده وراقده استنيت
معتز واجد بس مرنش
ازعلت منه ورقدت ونا زعلانه
معتز ،، نوم العوافي ياعمري😘
ويه ،، دانه يادانه نوضي نوضي
دانه ،، كنك شن في
ويه ،، رقم دولي ايرن عليكي
دانه قمعزت في سريرها باهي ردي
ويه ،، هاكي انتي افتحي
افتحت ويه
ردي ع المسنجر يافرخه وصكر في وجها
ويه ،، من
دانه، ، الغليظ ميدو
ويه ،، كنه صكر
دانه رن تليفونها فيدها من جديد
اهو رن و افتحت ابسرعه عشان اتهزبه
دانه ،، الفرخات لي تعرفهن ويحكن معاك وقعدت عالقه وتهزب
لكن وقفت بعد سمعت ضحكت ميدو لي جاي من الطرف الثاني من الفون
دانه، ، عليش تسهوك وانت بارد
ميدو ،، هضا كله وم م ازالت الساعه واحد وماله كان واعيه فالصبح كيف يقعد شكلك😂😂😂😂
ويه ،، ههههه
دانه ،، شن دخلك انت وقعدت اتسقم في شعرها
ميدو ،، يا مشفشفه هههه اتسقمي ولا ما تسقمي غوله
دانه، ، غوله لي تجوزها
ميدو ،، 😂
ماقتلك غوله عليش تغلطي في روحك
طبست ويه عشان معتز ايشوفها
ويه ،، كيف حال وليد
ميدو ،، اوووو بنت خالي الحب كله
دانه، ،😏
ميدو ،، بلا تلواي شوارب انتي هك وياما دايره فيا
ويه ،، ههههه
ميدو ،، والله نسيتك بكل بعد حقيت الغوله لي وراكي
اطمني وليد اكويس وراقد
ويه ،، باهي الحمدلله انتى طالعين
ميدو ،، مع السته ونص
ويه ،، كلمني بعد توصلو
ميدو ،، حاضر
ويه ،، حضرلك الخير
ميدو ،، تسلمي
دانه ،، صكري عليه البارد
ميدو ، ، والله يامشفشفه اتص.......
ومخلتش دانه ايكمل كلام وصكرت في وجه
وميدو حط راسه ع الكنبه وكتب رساله ودزها لدانه وضحك وغمض اعيونه هو ومبتسم
ويه ،، هييي صكرت فوجه
دانه ،، يستاهل الثقيل
وصلت رساله ميدو
ويه ،، حي دزلك رساله
طز فيه تحكي وهي تحل في فونها
حقت الرساله هك صار فيه 😨
دانه ،، حقي البارد
ويه خدت الفون وقرت الرساله بصوت عالي
*يامي غوله فجعتني*🤣🤣
دانه ،، غوله امك
ويه ،، هههههه عيب عمتك
دانه ، ، مش قصدي هههههه لكن صح شكلي يفجع
ويه ،، مش واجد بس يقهر فيكي
دانه ،، بس حقيتي هو كيف ايهبل عليك لحيه وشعر ولا لابس كت عشان ايزيد يقهرني
ويه ،، هههههههه
دانه ،، نعلي اصدقت بيبا لي تقول ذبت فيه❤
ويه ،، خليني نعدي انتوضى ونصلي خيرلي
دانه، ، ادعيلي معاكي
ويه ،، باهي مشت خطوتين بعدين وقفت وبرمت شور دانه لاقتها مازالت ماسكه الفون وتبحت فيه
ويه ،، مش كان تجي معايا انصلو خير من مسكة الفون
دانه بحتت في ويه شن تقوللها
هيا باهي
ويه ابتسمت
وعدن مع بعضهن فالوقت لي نا وسولي وايمان ونجوى كنا امرقدات فيه وباقي الحوش امرقد ماعاد عمي لي كان ماسك المصحف ويقرأ
دانه نزلت الصاله لي تحت هي ويه
دانه ،،غريبه ضي المربوعه والع
ويه ،، حوده روح للحوش من فيها
دانه ،، اكيد ناسينه والع تعالي نطفو
وين ما قربنا البنات منها سمع صوت عمي يقرأ في سورة * ياسين*💙 ويبكي
_فمن المعروف أن سورة ياسين هى قلب القرآن وشفاء لكل داء، سورة يس لها تأثيرها فى طلب الشفاء وازالة العين والحسد، والاستعاذة بالله من الشيطان 🍃
Natash sa
صبنا دانه ويه ايبحتن في بعضهن بعدين ويه قدمت خطوات لعند وصلت باب المربوعه وشافت عمي كيف كان منهار وهو لي كان داير روحه قوي ومتحمل لي صاير في وليد
ويقوي فيهم كلهم وهو يلجى لله عشان يستمد قوته من آياته وقرانه الكريم
ويه ،، تو ايجي يا عمو بصوت كله ألم ودمعه محبوسه وعبره خنقتها
عمي برم بحت فلصوت لي وراءه وحط ايدا على وجهه يمسح فدموعه
ويه وهي اتقدم شوره
تو ايجي بأذن لله تنجح العمليه ويجي احساسي ايقولي انه مش حيسيبنا متاكده ان وليد ميسيبش هله ولا لي يحبوه
عمي ،، يارب يارب
ويه، ، منك ومن ماما ومن اعميمه نستمد فقوتي منبيش انشوفك وانت هك
عمي حط يدا على قلبه وشير عليه
هضا موجوع يابنيتي غصبن عني وحياة عمك غصبن عني
ويه قمعزت قدامه ومسكت يدا وبحتت وراها تبحت في دانه لي كانت نازحه من الدموع
عشاني وعشان البنات لي ميتحملشن ايشوفنك هكي
عمي رفع رأسه وبحت في دانه لي كانت امصبيه برا المربوعه وتبكي
مد يدا وقاللها تعالي يابابا تعالي
جت دانه تحري وخشت في حضن عمي وانهارت من البكاء
عمي يمسح على ضهرها ويسكت فيها
هيا صبن عشان اتصلن معايا هيا سلم ابنياتي وبحت في دانه
ثاني يوم فالصبح ناضت سلمى بدري خشت دوشت ونوضت صافي عشان يعدو يسلمو على وليد
صافي ،، صباح السماحه
سلمى ،، صباحك
صافي ،، وين النشاط هذا
سلمى ،، كيف انسيت قصدك
صافي ،، لا مش ناسي
بس اوعديني قبل
سلمى ،، بشنو
صبا قدامها وقاللها متبكيش بكل
سلمى عضت شفايفها على جوا
صافي ،، ها شنو صعب
سلمى ،، باهي منبكيش
صافي ،، عشان خاطري منبيش انشوفك تبكي بكل
سلمى ،، ان شاء الله بس
صافي ،، من غير بس عدي البسي عشان ننزلو نفطرو قبل
سلمى ،، تمام
صافي ،، تمام هك حاف
سلمى ،، لا بالقشطة
صافي ،، نعلي وزيدي عليها من الكرز لي قدامي وكان ايبحت في شفايفها وقرب منها 😘🙊🙈
مش شورنا نحن Natash sa 💙
ناض محمد هو الأول بعدين نوض وليد واخر واحد ميدو لانه عارفه طول مارقد
نزلو المطعم عشان يفطرو وكان بوفيه مفتوح
وليد جيبولي عصير بس مفش نيه
محمد للازم ما تاكل سواء فيه ولا مفيش الفطور اهم وجبه بالنسبه لك
وليد بس يا راجل
مخلهش محمد ايكمل كلامه وعدا شور البوفيه واختارله شن ياكل وجابله عصير فرش
ميدو ،، حتى نا ناخد كيف وليد
محمد ،، ياريت هكي افضل
ميدو ،، نجرب ، وبحت في تبسي وليد شن فيه
وليد ،، عليش اتمقل
ميدو ،، هههههه نبي نجيب كيف فطورك سهفني
كان يبي ايشجع وليد عشان ياكل
محمد عجباته حركة ميدو وابتسم على جنب
جاب ميدو فطوره وقمعز يفطر معهم
محمد خبط ابيدا على جبينه وقال ييي
وليد وميدو بحتو فيه بااستغرب
ميدو ،، شن في
محمد ،، انسيت انرن على صافي قالي بعد اتنوض واعيني
وليد ،، عليش اتوعي فيه شن عنده
محمد ،، يبي ايجيب سلمى للمطار
وليد ،، والله ما في داعي
محمد ،، امصكره رأسها وانت عارفها مع العناد
وليد ،، خليهم مراقدين امس تعبت وبكت واجد
محمد ،، هك قولك
ميدو ،، عرسان مرله امبارح صباحي
وليد ،، هههههه لانقنك امسخ
محمد ،، والله صدق ميدو
ميدو ،، ههههههه بنت سيدي كان جبتها معاك خير تونسك
محمد ،، اين اتونسني تي فمصر وطلعت عيني
وليد هو ياكل زمط لي فمه وقال كيف خلاتك اتجي هذي
لي مش فهمها
محمد ،،
فلاش باك
محمد ،، إذا قتلك نبي نسافر مع وليد متزعليش
نجوى ،، عليش وين ماشي
محمد برم شورها بجسمه وبحت في وجها وقعد ساكت
نجوى ،، عليش احكي كنك سكتت
محمد مسك يد نجوى ونزل راسه ايبحت في أيديهم وقال وليد مريض
نجوى، ، شنو
محمد ،، واحتمال شفائه فيد الله بس كتشخيص طبي ضئيل
نجوى ،، ليش شن عنده
محمد ،، ورم فالراس
تمت تاخد فالنفس بالقوه من خشمها ومحمد يسمع في صوت نفسها بس مبش ايبحت فيها
نجوى ،، خبيث يعني
محمد ،، خبيث وان شاءالله مش شرس
نجوى،، يانعلي
ضئيل يعني كم فالميه
محمد ،، 20%النجاح بدون سايد ايفكت
نجوى ،، شن ممكن ايكون نتيجه السايد ايفكت يعني
محمد ،، فقدان البصر أو الشلل الكلي
نجوى، ، لا لا متقولهش
محمد ،، للازم ما تعرفي عشان السبب الوحيد لي يخليني نقطع شهر العسل ونروح بيكي اليوم للازم ما تكوني عارفته
نجوى ،، انت عارفه اني مستحيل نزعل منك
اهم شي توا صحته وليد
محمد ،، استودعنه الله
نجوى ،، ان شاء الله
محمد خداء نجوى في حضنه وقعد عقله مع وضع وليد لي مشكوك فيه
ميدو ،، اووي وين رحت
وليد ،، عند الحب اكيد
محمد ،، صبو صبو خير ماتفوتنا الطياره
طلعو شور المطار وكان الصمت هو السائد طول الطريق
دارو الاجرات بسرعه بحكم شغل وليد وميدو وقعدو فصالة الانتظار
ميدو صبا من مكانه
محمد ،، وين ماشي
ميدو ،، هنا قريب
وطلع ميدو عشان ايجيب صافي وسلمى لي رنو عليه
ميدو ،، اوووو هلا بالعرسان انستو
صافي ،، عدي يامسخ معقوله ما ترنوش عليا
ميدو ،، قلنا خليهم ايتريحو اكيد سهرانين و 😉
سلمى قعد وجها حمر وانحرجت
صافي ،، ولد عمتك هضا معندش افرينوات بكل
سلمى ،، وين محمد و وليد
ميدو ،، هيا تعالو من هنا
سلمى ،، اول ماشفاتهم تمت تسرع
صافي كان ماسك يد سلمى حس بيها بعد سرعت في مشيتها
بشويش راء اتطيحي مع الكعب
سلمى قربت منه وبصوت واطي وانت فجنبي ومعاي مستحيل أن ط ي ح
صافي ،، نعلي نا
ميدو كان يمشي وراهم فطن لسلمى وهي تحكي
احم راعو مشاعرنا
صافي ،، ههههه شي كبس عاد انت .
ميدو ،، مسلسل تركي ممثلين لليبين
صافي ،، هههه لانقنك ....
ميدو ،، امسك عندك معاك المدام بلاش تفليم
محمد شاف سلمى وصافي
اهم جو العرسان
وليد كان ماسك فونه وفاتح على صوره هو و ويه
رفع رأسه ايبحت وين ما محمد ايبحت
سلمى ،، سوربرايز
صافي، ، صبحكم الله بالخير يا هرابيين
ميدو من وراء صافي
قالو عرسان خليهم امراقدين
سلمى ،، انت اسكت ومعش تحكي بكل
ميدو ،، هه وحط يدا على فمه🤭
وليد ،، والله مافي داعي اتعبو اروحكم
سلمى ،، مفش تعب
شن داير انت اليوم
وليد ،، الحمدلله بخير
سلمى ،، اول ما توصلو كلموني طول
وليد ،، ان شاء الله
صافي ،، مش ناقصكم شي
وليد ،، تسلم بارك الله فيك
صافي ،، أي شي رنو عليا
محمد ،، تسلم
نادو على رحلة برلين
مد صافي يدا لوليد وسلم عليه وحضنه وخبط على كتفه انشوفك طيب ان شاء الله
وليد ،، ان شاء الله رد بالك من اختي
صافي ابتسم
وليد مد يدا لسلمى ومسك يدها بيديه الاثنين منوصيكش على امي والبنات
سلمى ،، من غير ما تقول وعيونها امتلين ادموع
وليد ،، ردي بالك من ويه وخليها تحقق حلمها فالجراحه و حيمرن عليها ايام صعبات كوني جنبها
سلمى ،، متقولش هك حتجي ونفرحو بيكم ان شاء الله
وخر وليد وسلمو على ميدو ومحمد
خشو شور مدخل الطائرات
وقعدو سلمى وصافي معاهم بعيونهم من وراء الباب الفاصل
نزلت ادموع سلمى وهي اتقول اتروح طيب اتروح طيب يارب يارب 💔
صافي حط يدا على كتف سلمى ليمين وقربها شوره
رقيو الشباب الطائره وطارو وهم كلهم امل فالله بشفاء وليد
وليد كتب رساله لويه وصكر فونه لانه ممنوع يقعد مفتوح او ديرا طيران
المهم طلعو صافي وسلمى من المطار
صافي ،، شن رايك ندهور اشوي
سلمى ،، هزت راسها
صافي ،، شنو مفهمتش
سلمى ،، باهي
صافي ،، باهي ايقلد فيها
سلمى، ، بلا سماطه ☺
صافي ،، ايوه هك ابتسمي وخليها على الله
سلمى ،، والنعم بالله
اوعيت بدري بحتت جنبي لقيت البنات كلهن امرقدات
مسكت فوني انبحت فالساعه
لقيتها ثمانيه ونص خشيت فتحت الرمز لقيته مكالمه مستلمه من معتز ركزت ع الساعه كانت مع الواحد
وشفت الثواني ماشيات يعني حكيت معه
عصرت مخي مذكرتش شي
خشيت على التسجيل
سمعت مكالمتي معه
"في عقلي هيي عليك اهبال"
معتز ،، كنك قراننهن من الصبح
خالد ،، مافي شي
معتز سحب الكرسي وقمعز جنبه
قصدك مزالت منسفطه عليك
خالد ،، قول فايتك مش امغير منسفطه يا راجل عليك اعناد فيها لا وأخرى اتقولي باهي لي مخليتك طلعت الفرح
معتز ،، هههههه والله وصار منها اختي
خالد ،، لا اطمن من الناحية هذي لا صاير وصاير اخرى
صبا معتز وهو يضحك وعدا شور سيارته
شنو معندكش عمل انت
خالد ،، اليوم راحتي
معتز ،، معناها صبي عدي شورهم غادي
خالد ،، لا لا فكني
معتز ،، هههههه ياجبان
خالد ،، هذي نتوقع منها أي حاجه
معتز ،، خلي فونك مفتوح ع العصر نبيك تقعد واتي
خالد صبا من مكانه وعدا شور سيارته معتز
ان شاء الله خير شن في
معتز ،، في حاجه فعقلي كان صار منها تو انكلمك
خالد ،، مش املاحظ شي
معتز ،، شنو
خالد بوجه زعلان ،، قعدت غير نا وانت
معتز ،، ان شاء الله ايروحو بيه بريان
خالد ،، ان شاء الله
انت شن احساسك
معتز ،، لي نا عارفه اني ماسك قلبي بايدي ومتوكل على الله
خالد وخر من ع القزاز وفرد طوله
توكل توكل اخرتك على شغلك
معتز ،، سالم يبي يمشي شورهم
خالد ،، غير أماكن رحلاته هو وزميل معه عشان يقعد ايطل عليهم
معتز ،، باهي اكويس
هي ماتوصي على شي
خالد ،، في امان لله
ناضت ويه متاخر لانها مرقدتش إلا فالصبح لقتن كلنا فدار المعيشه
ويه ،، ليش ما وعيتني
اعميمه فايزه ،، عمك قالي انك انتي لي واتيتله الفطور
ويه ،، سمعت صوت سيارته يسخن فيها عرفته يبي يطلع
نزلت لقيت مش فاطر
اعميمه فايزه ،، من كثر الصداع رقدت معش حسيت بشي
ماما ،، بعد اتصلي قيسيلها ضغطها .
ويه ،، صليت الحمد لله
وعدت ويه عشان اتجيب جهاز الضغط بتاع ماما
وناخد تليفونها بالمره
أمسكت ويه فونها ولقت عليه رساله
فتحت ع الرسائل بسرعه
لقت وليد
*نا توا فالطائره طالعين توا البرلين انحبك ❤*
ويه،، ونا نموت فيكي ياعمري بحتت لساعه الإرسال لقتها 8 ردت بحتت فالوقت لقته 1:30
نزلت ويه وهي مبتسمه
نا كنت انبحت فيها كيف اتحرك وفي ابتسامه على وجها
قاست الضغط لعميمه لاقته اكويس
صبت عشان تطلع من الدار طلعت وراها
نا ،، شنو سر الابتسامه
ويه ،، مفيش شي
نا ،، عليا نا
اكيد لقيتي رساله من وليد اخرى
ويه ،، كيف عرفتي
نا ،، من طلعته من هنا وهو كل مايتحرك ايدز رساله
ويه ،، خلاص اقريب يوصلو
نا ،، قصدك طلعو
ويه ،، اها من الصبح
نا ،، تقريبآ 6ساعات من دبي لبرلين(ألمانيا)
ويه ،، اها سته صح بس تعرفي ان شاء الله غير ما يتعب لانه المسافه طويله
نا ،، محمد معه متخفيش
رد فم ويه تقوس ع لوطه وعيونها زعلن
نا ،، خليكي متفائلة انتي بس
ويه ،، ان شاء الله
يوسف ،، شن حاسه روحك توا
مني ،، اكويسه
يوسف ،، ليش امتعبه روحك ودايره غداء
جبت امعايا واتي
مني ،، عرفتك اتحب تاكل من ايديا
يوسف ،، ربي يخليكي لي
اها صح حجزتلك اليوم بعد المغرب موعدك
منى ،، باهي
خش دوش عشان انتغدو
يوسف حس بخوف مني بس مبش يتكلم
عدت مني شور المطبخ اتحط فالغداء ع الطاوله
وطلعت صحن السلطه من الثلاجه
يوسف كان امصبي في باب المطبخ ايتفرج عليها كيف اتحرك ومتأكد من ان عقلها يشتغل
يوسف ،، مني مني
بس هي مردتش عليه قرب منها ومسك الصحن من يدها
كنك ما تردي اتكلم فيكي
مني ،، والله ما سمعتك
كنك شن تبي
يوسف ،، بيسان ليش راقده
مني ،، غديتها ورقدت طول
يوسف سحب الكرسي وقمعز
طلعت مني الطحين من الفرن كان ساخن وريحته
يمي 😋
يوسف ،، اووو بشاميل
مني ،، وبانيه وبطاطا
يوسف ،، وتبي تحرميني من هضا كله وتعدي حرجانه🤣
مني ،، ازي عليك يعني تبيني نقعد عشان بطنك
يوسف وهو يقص فالمكرونه عشان يحط في صحنه
لا عشان انتي فهمتني شن انحب
مني ،، يعني مش عشان اتحبني
يوسف ،، خلينا نضربوها تو بشاميل وبعدين نضربوها
طرح بليردو ع السرير تو تعرفي كيف انحبك
مني ،، 🥰
يوسف ،، نعلي نا وخلاص
مني ،، كول كول
يوسف ،، ناكل ونحلي بالكنافه لي قدامي 😘
معتز ،، هلا
نا ،، اهلين
معتز ،، شنو متبيش اتشوفيني
نا ،، عادي عليش
معتز ،، شنو لي عادي
نا ،، عادي يعني
معتز ،، صار شوفتي تمت عادي باهي الحق عليا
نا ،، معتز متفهمنيش غلط
معتز ،، اوكي يا #حبيبه صكري
نا ،، اسمعني بس .....
هيي هضا شكله ازعل من جده
دانه ،، كنه
نا ،، قالي ........
وحكيت لدانه لي صار .
دانه ،، مش من توا قاعد مع بابا وحوده
نا ،، باهي وكان قاعد جاي لخاله مش جايني
دانه ،، باهي جاي لبابا بس فنفس الوقت يبي ايشوفك
نا ،، مش وقت زعل بكل راء
دانه ،، خلاص اطلعي شوفيه قبل ما يروح
نا ،، بس عمي قاعد وحوده
دانه ،، تو نطلع معاكي
وبعدين حوده يبي ايشيل نجوى لحوش هلها
نا ،، باهي هيا عليك قصه حتى هو
شنو انغير لبستي
دانه ،، غيري علي مانا عديت شوره عشان نمسكه قبل ما يطلع
نا ،، نجك لي ياسلفتي انتي 😘
دانه، ، سلفة عينك الحمرا
نا ،، عيني عسليه
دانه، ، باهي ياصقع انتي سقدي روحك
طلعت دانه ونا طلعت بنطلون اقماش رصاصي مربعات كله ضابط وطلعت معه بلوزه سوده ناعمه كانت فيه حركه من عند الرقبه طويله وترتبط ربط
لبست ورفعت اشعري كله فوق من دون ما نمشطه طلع شكله حلو حطيت روج مات لي نحبه
وبخيت عطر
خديت سلبر بتاع دانه لونه اسود فيه ورده كبيره من قدام بحت فشكلي فالمرايا كنت طالعه حلوه عزقت بوسه الروحي وطلعت
نزلت تحت لقيت العيله كلها فالصاله ايهدرزو ومنسجمين شفت دانه امصبيه في فالوسط وتحكي مع معتز لي كان منتبه معاها
نا "يسير منها الفرخه دانه"
تعمدت اني اندير صوت ع الدروج ونا نازاله عشان منتبهلي
قعدت انخبط في السليبر بالقوه على الرخام
ونا عيني عليه
رفع رأسه عشان ايبحت فيا
معش نزلها
"نا العب يلا "
اعميمه فاطمه وسولي كانن مقمعزات جنبه اسمعن الصوت شافني وردن بحتتن
نا ،، درت روحي انبحت في فوني
اعيال اعميمه فاطمه كانو فجنب ماما
نا ،، نجيهم ياخيه امتى جيتو
مويد وعصومي ،، تو جينا
نا ،، ياخيه محلاكم وقعدت انبوس فيهم وهم منحرجين
ومتأكدة ان معتز اعيونه معايا
اعميمه فاطمه ،، شوفي من رافع عينه معاكي
نا ،، ههههه
قصدك راما
اعميمه ،، من غيرها
معتز ،، انحرج ونزل اعيونه تحت
صبيت وجيت شورها
نا ،، راما حياتي ياناس
رفعت ايديها فوق تبيني نرفعها
كنت نبي انروح كلمتني دانه وقالتلي خالتي فاطمه تبيك
خشيت عليها
سألتني على الشباب طمنتها عليهم وبعدين قعدت نحكي نا ودانه
سمعت صوت تخبيط ع الدروج رفعت عيني وشفت قمر نازال ع الارض
كانت طالعه جميله بلبستها وطريقة لبلوزه لي جوا البنطلون طيرتلي عقلي وقعدت امعاها ومش شايف غيرها نسيت كل لي جنبي حتى دانه معش سمعت صوتها
نزلت وعدت شور مويد وعصومي
زادت ولعت النار فيا بعد نزلت عليهم وقعدت اتبوس فيهم نا هنا خلاص انتهيت كان انحصل .....
انتبهت لخالتي وهي تنابش فيها
بعدين هي جت شورنا عشان تمسك راما لي تبيها
خفت تاخدها فحضنها وترفعها
تبو اتقولو هبل قولو
المهم وهي معايا لا تحضن حد ولا تبوس حد 🔥
معتز ،، غير سلمي قبل
نا سمعت معتز شن قال برمت شوره ونا رافعه حاجبي
مد يدا لي عشان نسلم عليه
بحتت في يدا ومديت يدي له
معتز ،، وانتي امصبيه امصبيه جيبلي امياه
نا ،، باهي
راما قعدت تبكي عشان سيبتها
صبا معتز عشان ياخدها من اعميمه
تعالي هي
اعميمه ،، لمصبي كله صاحبها هذي
نا ،، تعمدت اني اتطول فالمطبخ عشان ايجيني
معتز يحكي لراما شكلهم يصنعو فيها لمياه
خلينا انشوفوها
دانه ،، عطيها لي ياعزو
معتز ،، امسكي
وخش عليا فالمطبخ
معتز ،، شنو تصنعي فيها لمياه
نا ،، تؤ تؤ
معتز قرب مني ونا انسندت بضهري على الرخامه
شنو الحركات هذين
نا ،، اين حركات
معتز ،، البوس لي توا
درت روحي مش فاهمه
اين بوس وحركات كنك انت اليوم
معتز ،، شن قايلك نا
نا ،، شنو
معتز ،، تبي تكلبيني انتي شكلك
نا بصوت اح ،، بعيد السوء حبيبي انت
معتز تنح ومعش عرف شن ايقول
نا ،، حبيبي
معتز ،، اعيونه
نا ابتسمت وعرفت اني سيطرت ع الوضع
قعدت ساكته وبعدين عطيته المياه هاك اشرب
معتز ،، اسقيني لانقني ميت جفا ارويني ❤🔥
نا ،، من لي مجافيك
معتز ،، حبيبتي
نا ،، شينه حبيتك لي مجافيتك
معتز ،، لا قمر غير خليها اتحن عليا
نا ،، ههههه نجك لي
معتز ،، بعد انقولك تعالي انشوفك معش اتقولي عليش
نا ،، حبيبي والله انتحشم
معتز ،، من مَن
نا ،، من عمي وعماتي و
معتز ،، كان نزلتي سلمتي وشفتك شن يبي ايسير كيفك كيف باقي البنات لي قاعدات
نا ،، لا مش كيفهن نا حبيبتك
معتز ،، انتي عمري انتي
نا ،، باهي هيا اطلع خلاص
معتز ،، باهي متبيش انشيلك لسوق تاخدي حاجتك بتاع الجامعه
نا ،، لا مش نقصني شي توا
معتز ،، كيف توا
نا ،، يعني مازال منبيش نشري توا عندي كم حاجه جديده نمشي بيهن
معتز ،، بشه ردي بالك اتفكري فالفلوس راء لي تبيها انجيبها لكي ما تحرميش روحك من شي
نا ،، ربي يخليك لي
بس والله ما نبي شي توا
معتز ،، باهي امتى ماشيه
نا ،، السبت
🦋البارت نزلته عشان الناس لي متفاعله معايا عارفه انه اقصير بس كتبته علي شانكن حبيباتي 💞💞
Natash sa 🖤♟