#البارت الثالث والثلاثون
كلما أحسنت نيتك احسن الله حالك ☘ وكلما تمنيت الخير لغيرك أتاك الخير من حيث لا تحتسب 💙🌸
وصال ،، فوتيه يزعل يومين ويجي ايرضيكي بروحه
سلمى ،، انتي مش واثقه منه
ويه ،، ما هذا لي قهرني
نا ،، خلاص ورأس ويه ماتقهري روحك كيف ما قالت سولي يومين ويجيكي هذا كان ما جش بكره
دانه ،، نقولك حاجه
اسمعي
اللي باعنا ، خسر دلعنا
وتمت دانه ترقص صبيت نا وايمان ونجوى معها
ونغنو بصوت عالي
اللي باعنا ، خسر دلعنا
رح لحالهُ يلا يودعنا
بالسلامه والقلب ناسيه
واللي سابنا قفلنا بابنا
يلا بينا وفرنا تعبنا
الحياه مش واقفه عليه
اللي باعنا، خسر دلعنا
وصال ،، ازي ياباردات باع عينكن انشاءالله
كلكن عارفات كيف وليد يحب ويه ، سوء تفاهم وتو ينحل
ويه ،، 🥺
سلمى ،، صح المشاكل ديما يسيرن متخليش حد ايخش بينكم وتو تنحل عادي
ونحن نحكو سمعنا صوت الباب ايخبط
سلمى ،، طفن الخرا فكنا منا صوته عالي
دانه ،، ان شاءالله غير ما وليد منفصل بعدك
وصال ،، نا راقده مش شوري
نجوى ،، نا مدام وعندي راجل متجيش يضربني
نا ،، كنكن تحكن مع بعضكن
اسكتن خلنا نعرفو من
صافي ،، شنو كل ما ندورك يابرو تقولي في حوش خالي عششت عندهم
معتز ،، هههههه والله نلقى روحي ما شيلهم بلا راده
صافي ،، كل ما تطلع من احذاي ومنلقكش انقول ان شاء الله غير ما ماشي للدكتور
معتز ،، تي بعد كسرت يدا يحرم يفتح فمه
صافي ،، عارفك المره الجايه تكسرله رقبته
معتز ،، يستاهل عيل الفاسد يقولي نا نبيها تي انوري
د🚫 امه شن يبي
صافي ،، باهي شن جوك معها
معتز ،، مرتاح ومش امصدق اني مكبد فيها ومش حامل يوم يهلب بلاها
صافي ،، لي يسمعك اتقول اول مره اتكبد
معتز ،، وحياتك نستني كل لي قبلها
صافي ،، حط يدا على ركبة معتز وخبط عليه وقاله
احسن عديل والله
معتز ،، بجوده بصافي
وتمو يضحكو هم الاثنين 😅😅
محمد كان واعي في داره وحاط ورق وبيرو قدامه ويحسب في مصاريف الفرح والاثات والسياق
كان شايل الهم بروحه ومش لاقي حد ينسند عليه
محمد وهو مغمض اعيونه وراسه على مسند السرير يارب فرجها من عندك
(لو علم الذين إذونا ماكان لهم من خير في قلوبنا لما فعلو ) عن أبي اتكلم💔
محمد بحت فالورقه وشاف روحه شن كاتب بين القوسين شطب عليها بالبيرو زين ورد بحت فيها اخرى
وقال استغفر الله العظيم واتوب اليه
وصبا خش للحمام وتوضى وصلى وقعد على صلايته يستغفر 💙
سلمى ،، صبت افتحت الباب لي كان يخبط عليهن
لقت عمو قدامها
عمو صالح ،، مازلتن واعيات
دانه ،، بعد عرفتا باتها طلعتله
مزلنا مارقدنا انت ليش واعي مزلت
عمو ،، انخبط على باب خوكن مبش ايرد انشغلت عليه وسمعت صوت اغاني عندكن قلت نسألكن عليه
وصال ،، بحتت في ويه
وطلعت ،، كان قاعد يابابا مع الواحد في جناحه
عمو ،، كلا نوم مش نوم
رني يا سولي عليه
وصال ،، حاضر هيا
ويه ،، قعدت مشغوله عليه وحست بالذنب
وصال ،، اهو يضرب فونه
عمو عدا قريب من الجناح وسمع صوت الفون جوا وتأكد ان وليد طالع
وليد ،، كان قاعد في داره وغامه عندا
شاف رقم غريب ايرن عليه فالأول ما عدلش عليه وبعد كثر رن رد عليه
وليد ،، سمع صوت شهقات بنت كانت تبكي بس معرفش من هي
وهو مازال فاتح الفون سمع صوت خالته وهي اتعيط و اتقول حي عليا بنتي عدت فيها
كأنها اختك ياسميه
وسمع خالته وهي تبكي
عزق فونه فالدار وخدا مفتاح سيارته وطلع شور حوش خالته لي كانت بينهم مسافه وكان يجري طول الطريق
وليد وصل حوش خالته ونزل ايدق عليه بالقوه
افتحت سميه الباب
وليد ،، كأنها خالتي اتعيط
سميه ،، نسمه انتحرت
وليد ،، شنو
وخش يجري لاقها طايحه على الأرض وامها فجنبها وتبكي
وليد ،، جيبلي عبايه بسرعه وهيا يا خالتي معايا
خالته ،، نعلي يا وليد نسمه ماتت نعلي ابنيتي
وليد ،، وهو حاط يدا على رقبتها يشوف فالنبض
صبي هيا البسي بسرعه
رفع وليد نسمه وبعد مالبستها اختها وطلع بيها لمستشفى هو وخالته وسميه
خدوها منه في الإسعاف وقاللهم وخدا دواء مش لها بالغلط
درولها غسيل معده
الدكتور ،، الحمدلله على سلامتها وضعها توا احسن
والحمد لله كميه الدواء لي خداته مش واجد
امها، ، الحمدلله ياربي
سميه ،، نقدرو انخشو عليها يا دكتور
الدكتور ،، ربع ساعه وتكون عندكم فالغرفه
وليد ،، بارك الله فيك يا دكتور
الدكتور ،، البركه فالجميع وعدا وسيبهم
وليد ،، تعالي يا خالتي نقعدو فالغرفه على ما جت
فتح عمي باب الجناح بالمفتاح الإضافي لي عندهم
كان فاضي وتليفون وليد معزوق جنب الشوفنيره في داره
عمي قعد مشغول على وليد لي اول مره في حياته ايديرها ويطلع من دون ما يقول
ويه ،، صبت توضت وتمت تدعي لربي ان وليد مايسرله شي وحست بالندم ليش دارت هك
البنات قاعدات فالدار وشوي اشوي يصبن ع الروشن ايبحتن لسيارة وليد جت ولا مازال
فالمستشفى
جابو نسمه الغرفه
وبعد شافت وليد امصبي فالغرفه أبرمت وجها ماتبيش اتبحت فيه على اساس زعلانه منه
امها ،، تحضن فيها ليش ياماما درتي هكي وشغلتيني عليكي
نسمه ،، تمت تبكي وهضا جزء من خطتها عشان وليد يحن عليها وينتبهلها
سميه ،، خلاص ياماما أحمدي ربي وصلي لي مصارلها شي
وليد ،، الحمدلله على سلامتها
خالته ،، الله يسلمك اوليدي
وليد ،، قرب من سرير نسمه وقعد ايبحت فيها وجعته خالته كيف تبكي
وليد ،، صبي ياخالتي عشان انوصلك انتي وسميه
خالته ،، لا منقدرش انسيبها ابروحه
وليد ،، عليش خايفه المستشفى مليان ممرضات ونا تو انجي نقعد معها
فرحت نسمه بعد سمعت كلام وليد
سميه ،، عدي انتي ياماما ونا تو نقعد معها
وليد ،، لا ميقعد حد
توا نحطكن ونرد عليها
خالته ،، باهي هيا يا سومه
وليد وهو شايل خالته أذكر أنه تليفونه مش امعه
وقال اكيد باتي تو اينوض يبي يصلي الفجر وينشغل عليا
خالته ،، سامحني يا وليد تعبتك معانا
وليد ،، متقوليش هكي انتي في حسبة امي والبنات كيف خواتي
خالته ،، بارك الله فيك
وليد ،، إذا ماعندكش مانع يا خالتي انتكي ع الحوش وناخد تليفوني انسيته مرات تبي تطمني ولا تحكي مع نسمه
خالته ،، خود راحتك
ويه كملت صلاه وصبت على قزاز الفرانده لي فالصاله وتعبت من التصابيه لان كراعيها مش شايلتها من الخوف عليه
قمعزت على كرسي امقابل الفرانده هي تحق لي برا
ولي برا ما يقدرش ايحقها
ويه ،، اول ما يجي لازم ما نصالحه ونعتذر منه
زعلته مني وطلع وسيب الحوش ع سبه اهبالي وغيرتي
وقعدت اتلوم في روحه
ويه ،، شافت ضي السياره فرحت وعرفت ان وليد روح
قعدت اتراجي فيه
درس وليد السياره ونزل بس مطفهش وهضا لي خلى ويه تركز
ويه ،، كنه ما ..... 😟 هذين فيش ايديرن معه فالسياره فالوقت هضا
خش وليد من دون ما ينتبه ورقى فوق بسرعه
ويه ،، من الصدمه لعند قمعزت
كانت اتشوف في وحده من قدام بس مش باينه عليها
وسميه امقعزه فالكرسي لي وراء وليد بانت عليها وعرفتها
وليد ،، خدا تليفونه وجاي يبي ينزل
عمي ،، وين كنت فالوقت هضا الفجر اقريب وانت برا
وليد ،، توا انجي ونحكيلك ما تنشغلش
عمي ،، كيف ما ننشغلش
وليد ،، مع اصحابي قاعد
ويه ،، كانت امصبيه وراءه وسمعت كلامه انزلت منها دمعه لانها عرفته يكذب
عمي ،، باهي طمني عليك
وليد ،، ان شاءالله وبرم عشان يطلع لقى ويه امصبيه وماسكه في التربزين بتاع الدروج وعيونها مليانات ادموع
ويه ،، اصحابك فالسياره ايراجو
وليد ،، عرف ويه شافتهن معه مسح وجه بيدا ونزل اعيونه وعدا
ويه ،، خشت على البنات منهاره وتبكي
دانه ،، عليش تبكي بس
ويه ،، كانت تحكي والكلام مش مفهوم منها
نا ،، وجعتني ويه وبيكتها حضنتها وقعدت نبكي معها
البنات كلهن تاثرن من بكاء ويه لي كانت منهاره
سلمى صبت فكت ويه مني وخششتها للحمام غسلتها وجها وطلعت بيها
سلمى ،، قولي كنك وبشويش ومن دون بكاء عشان نفهم
ويه ،، ردت تبكي وحكت شن قال وليد وهي شن حقت
وصال ،، شن يبي فيهن شايلهن في اليل
نجوى ،، قولي وين ماشي بيهن
ايمان ،، طح سعدهن السيبات، اكيد نسمه هذي لي مقمعزه من قدام
ويه ،، نا لي حماره خفت عليه وهو ماشي يصيع معاهن
لكن والله تندم يا وليد وما عاد اتطولني 😭
سلمى ،، خلاص اهذي انتي توا ، الله اعلم عليش شايلهن وبعدين ماتنسيش انهن بنات خالته وخوهن محبوس وباتهن متوفي يعني ما عندهم حد
ويه ،، أبرمت وجها شور الساس وبكت وبعدها ارقدت
وليد ،، خش على نسمه لقاها راقده
طلع قعد قدام الغرفه وقمعز ع الكرسي لي برا خشت الممرضه شافتها
الممرضه ،، اختك وعييت كان تبي اتشوفها
وليد ،، بارك الله فيكي
خش وليد ع نسمه لي كانت راقده فالسريره
نسمه اول ما شافته خش قمعزت
وليد ،، ها شنو توا احسن
نسمه ،، الحمدلله
وليد ،، ليش درتي في روحك هكي، مش عارفه انه حرام وان لي يموت وهو منتحر للنار طول
نسمه، ، عليش انعيش وانتم كلكم تكرهونا
وليد ،، مافي حد يكرهكم ليش تحكي هكي
نسمه ،، بدليل كلامك لي قدام بنات خالتك وعمك واني قليلة أدب وقعدت تبكي
وليد ،، حس بالذنب
نسمه ،، مش ذنبنا الشي لي داره بابا ولا داره خوي
مفش حد يختار هله
وليد ،، خلاص اهدي توا ونا اسف مكنش قصدي بس كنت راقيلي وجيتي انتي قدامي حقك عليا
نسمه ،، ادموعها ينزلن لكن عقلها تفكيره حقير وتشغل فيه لصالحه
وليد ،، صبي توضي وصلي واستغفري ربي ع الشي لي درتي
واحمدي ربك ان عطكي فرصه عشان تستغفري فيها
نسمه ،، جت تنزل من السرير
دارت روحه دايخه وتبي اتطيح مسكها وليد مع خصرها بسرعه وكرها شوره
نسمه ،، رفعت يدها وحطتها على صدر وليد وقعدت اتبحت فيه
وليد ،، انتبه لحركتها حول يدا من عليها و وخر
شنو تقدري تمشي بروحك ولا تريحي اشوي
نسمه ،، نمشي بس انت خليك اقريب مني
وليد ،، باهي هيا
وقعدت تمشي وماسك في يد وليد خشت للحمام اكرمكم الله وتوضت وطلعت لقت وليد مقمعز ايبحت في فونه
حطت يدها على راسها ونادته
نسمه ،، وليد تعالي سندني نحس فروحي دايخه
وليد ،، صبا ومسكها مع يدها لكن هي لصقت فيه وحطت يدها وراء ضهرا
وليد ،، بحت فيها وسكت
لبست وشاحها وقمعزت على سريرها اتصلي عليه
وليد ،، قعد يذكر في شكل ايه وهي تبكي وأذكر كلمتها قبل ما ينزل *(اصحابك ايراجو فيك )
صبا توضأ وطرح الصلايه فالغرفه وصلى وطلع برا الدار
فالصبح الدكتور دار خروج لنسمه
اتصل وليد بخالته وقاللها توتي روحه هي وسميه عشان تمشي معه لحوشهم
خالته في الاول ارفضت لكن بعد إصرار وليد وافقت
سميه ،، عليش ياماما نمشو ونسمه مازالت مريضه
امها ،، والله هو لي اصر عليا
سميه ،، اكيد من نسمه
وصال وليد قدام حوش خالته
جت نسمه تبي تنزل قاللها خليكي نجيب خالتي وسميه ونجي
نسمه ،، كان تبي اتشيلنا لحوش عيت جدي منيش ماشيه خالك مايطيقنش بكل
وليد ،، لا اطمني نبي انشيلكن عندنا نحن
نسمه ،، مرات ايه تضايق مني
وليد ،، مبش ايوضح شي ، لا ويه متضايقش
نسمه ،، بس هي تغار عليك
وليد ،، نزل وسيبها
ونسمه مبتش تنزل تركب من لاوراء وقعدت فجنب وليد
كنا كلنا قاعدين نفطرو فالصاله
انفتح الباب وسمعنا صوت عمي صالح وهو ايقول
تفضلي تفضلي
خالته ،، يزيد فضلك يا حاج
خشت وكانت وراها سميه فيدها شنطة دبشهم
وراهن وليد لي ماسك يد نسمه ويسند فيها عشان تمشي
صبت اعميمه سليمه وماما واعميمه فاطمه ونجاة يسلمن
اعميمه فايزه ،، نعلي كنها نسمه بعيد السوء
وليد ،، ضغطها نازل واطريت انشيلها امس للمستشفى
خالته وسميه ،، بحتن فيه كيف كذب ومقالش ان نسمه انتحرت
نسمه ،، كانت على وجها ضحكة نصر
ويه ،، كانت امقمعزه وتبحت في وليد كيف ماسك يدها ويمشي فيها وتشوف في الضحكه على وجه نسمه
دانه ،، جت جنب وليد وخدت منه نسمه وقالتلها تعالي هنا قمعزي
سلمى ،، الف سلامه عليه ، شنو يا عمو نطلعو
عمي صالح ،، هيا السياره ساخنه
ويه ،، صبت من مكانها راجوني اشوي بس نبي نمشي معاكم
عمي ،، نا فالسياره قاعد
ويه ،، هلبت من جنبهم ومكناش في حد جاهم من برا
وعيون وليد كان عليها ويتبع فيها بعيونه
رقت فوق لبست بنطلون وبلوزه اقصيره بكل
وبخت عطرها وحطت وشاح حط على رأسها لي كان شعرها باين منه
نزلت ويه من فوق
وصال ،، سلمى ماشيه للعياده وانتي وين ماشيه
ويه ،، نبي نعدي لحوشنا حوده ومحمد غادي
وليد ،، يسمع فيها ويبحت في لبستها وكان دمه محروق منها
ماما ،، باهي بعد توصلي طمنيني وتو فالعشيه انجي نا وبيبا
خالته ،، والله مانك امروحه يا مريم اقعدي معاي وتو بكره ان شاء الله ارتاحي
ويه ،، نا طالعه
اطلعت ويه وسلمى لي شافت عمي كان امصبي مع طرف مش عادي
وهو انتبه عليهن وهن طالعات وركز على ويه ولبستها وطريقة شعرها
عمي ،، تفضل يامصعب مانكش براني
مصعب ،، لا والله ورايا عمل حتى نا
طلع وليد شاف مصعب وباته عدا شورهم
عمي ،، اهو وليد جاك نا طالع بالبنات مع سلامه
مصعب ،، في امان لله ،وسلم على وليد
وليد ،، تفضل خش
مصعب ،، كان الامانه واتيه عطيها لي
وليد ،، خبط يدا على راسه وقاله والله انشغلت امبارح ونسيت انوتيه لك ، وكانن اعيونه على سيارته عمي
مصعب ،، معناها اليوم مايسير شي
وليد ،، فالعشيه ايكونن جاهزات ان شاء الله
مصعب ،، تمام انتلاقو ، سلم ع الاهل
خش وليد جوا ورقى لجناحه على طول وقعد ايفكر في ويه وحركتها وعرف انها مقدرتش اتشوفه ماسك يد نسمه عشان هك روحت للحوش من دون ما تكلم
وصال ،، كانت قاعده معايا فالمطبخ
نا ،، وجعتني ويه كيف اتبحت فيه وهو ماسك يدها
وصال ،، نا بروحي انصدمت ومعش عرفت انتحرك من مكاني
نا ،، ربي يهديهم وخلاص
نجوى ،، شايله الصفرا في يدها
عندها حق ويه اتروح الصراحه لا تطاق البنت
نا ،، انتي وطي صوتك راء تسمعك اعميمه
نجوى ،، ساكته بكل حتى نا
سلمى ،، الو صباح الخير
حوده ،، صباح النور
سلمى ،، وين قاعد
حوده ،، فالحوش
سلمى ،، تمام اقعد ومتعديش اليوم للعمل ورن على معتز قوله
حوده ،، تمام باهي
دوت سومه رساله لصافي ان هي تبي تطلع من العمل ع حوشنا ومش ماشيه لحوش عمي وقالت له نا مزلت فالطريق بعد توصل انكلمك
صافي ،، ان شاءالله خير
معتز ،، شن في كنك
صافي ،، انت حوده قالك مش جاي للعمل ونا سلمى قالتلي مروحه من العمل ع الحوش
اكيد في حاجه ع اساس مزالو قاعدين في حوش عمهم
معتز ،، اليوم تو انعدي لمحمد ونشوف الوضع عندهم
صافي ،، معتقدش محمد كان صايره حاجه يحكي انت بيبا ماقالتلك شي
معتز ،، لا امبارح ماكان في شي
صافي ،، مع ال12 تو نمشي ل سلمى نشوف كنها
معتز ،، دير رايك
عمي ،، نراجكي ولا نحط سوما ونرد عليكي
ويه ،، لا عدي انت نا قاعده
حوده طلع وفتح باب الحوش بعد سمع صوت السياره
ويه ،، اهو حوده طلع
حوده ،، صباح الخير وسلم على عمي
عمي ،،ما تبو شي انجيبه لكم
ويه ،، سلامتك بس
عمي ،، باهي ردو بالكم من اروحكم
ويه وحوده ،، ان شاءالله
حوده ،، كنك يا ويه ليش روحتى وحدك
ويه ،، مافي شي ماما مرات اتجي فالعشيه قلت انروح قبلهم نبرم ع الحوش ونغسلكم دبشكم بعدين عيت عمي معش عندهم شي
حوده ،، باهي شوفي لي ناقصك نعدي انجيبه لكي
ويه ،، جيب لي تبيه
وخشت غيرت دبشها وبدت فالحوش كل مره تسيق وترفع مكان كانت اتلهي في روحه ومتبيش تدكر لي صار
كنت مش طايقه انبحت في نسمه ولا اختها ولا أمها
كنت انجامل فيهن عشان خاطر البنات لي مضايقات كيفي على ويه
وليد كان قاعد في جناحه ومتحركش منه بكل
نزل ع الغداء تغداء مع عمي
وخش على المطبخ لاقني قدامه
وليد ،، ليش ما تغديتي يا ويه
نا ،، برمت وجي انبحت فيه نا #حبيبه مش ويه
وليد ،، حط يدا على راس وقال دايخ امبارح مرقدتش
نا ،، ربي يسعدك
وليد ،، ويه ليش روحت
نا ،، وعليش تقعد
وليد ،، ما انتي قاعده وعمتي
نا ،، اها ، يعني عشان نحن قاعدين تقعد بس😏
وليد ،، والله اختك لي تبي هك
نا ،، وانت بسرعه مالقيت البديل
وليد ،، بديل شنو فيش تحكي انتي
نا ،، ربي يهنيكم ، وطلعت وسيبته
لقيت نسمه امصبيه وراء الباب تسمع فينا
نا عليت صوتي عشان وليد يسمعنا
خشي جو عليش تصنتي من وراء الأبواب الحركات البايخه
نسمه ،، 🥺
وليد ،، طلع ايبحتلي في من انهزب
نسمه ،، بعد طلع وليد دارت روحه تبكي
نا تو غير جيت عليش نصنت فيكم
نا ،، بلا طروح حقيتك بعيوني عليش نكذب عليكي
وليد ،، مفش داعي الكلام هذا يابيبا
نا ،، ها اشبعو بعضكم ، وعديت وسيبتهم
وليد ،، غمتله مني
نسمه ،، وهي تبكي قتلك خليني في حوشنا انت لي جبتنا هنا
قتلك ما في حد ايحبنا لكن انت مصدقتش
وليد ،، انتي متدوريش حد بعد نا لي جبتك
حبيبه اكيد فهمت وقفتك بالخطأ
نسمه ،، قربت من وليد ومسكت يدا بس نا منبيش انسببلك مشاكل معهم
وليد ،، وهو ايبحت في يدها وقربها منه
مفش مشاكل ان شاء الله
وصال ،، نسمه فيش اتديري هنا
وكانت اتبحت في أيديهم
وليد ،، طلق يد نسمه وقدم شور وصال
عليش تسألي فيها بنت خالتك
وصال ،، حتى انت فيش اتدير معها
وليد ،، وصال ريحي روحك ومتدخليش خير منزعلك
وصال ،، نعم ،، اتزعلني
باهي يا وليد
وليد ،، اها ونكسرلك راسك اخرى
نسمه، ، كانت امصبيه وراءه وفرحنا بلي ايصير
وصال ،، بحتت فيهم وعدت وسيبتهم
نسمه ،، ليش درت هكي تو يحسابوها
وليد ،، متدوريش
وطلع وسيبها
سميه ،، شافت وليد وهو طالع عدت لنسمه فالمطبخ
شن دايره من مصيبه وليش وليد صوته عالي
نسمه ،، مادرت شي وحولي من حدا وجي
نا ،، رنيت على محمد من فون ماما
محمد ،، ايوه
نا ،، الو ، محمد نا بيبا
محمد ،، شن جوك
نا ،، تمام ، قتلك و انت امروح تعال خودني نبي انروح
محمد ،، تمام قولي لامي تجهز روحه بدري
نا ،، ماما حلفولها اتبات اليوم
محمد ،، تمام عطيني ساعه ونجيكي
دانه ،، ازي عليكي يابيبا اقعدي بلا سماطه
نا ،، والله ما فيها حقيتي حالة ويه امبارح منقدرش نقعد ونفوتها
دانه ،، وليد ما يقدرش ايعيش بلا ويه
نا ،، قدر حتى بابا ايعيش بلانا وبلا ماما
دانه ،، بس وليد ايحب ويه ومن هو واصغير والله ما يحمل فيها حاجه
نا ،، ربي يهديهم
دانه ،، اول ما تروح خالتي تو انجيكم نا وصال
احمد ،، خلاص حبيبي كان نعرف من لي مزعلك
وصال ،، كان ماهضوم عندنا راء عديت للبنات
احمد ،، يا ريتني ويه وخلاص
وصال ،، هههههه
احمد ،، واخيرآ سمعنا ضحكتك السمحه
مصعب مع من تحكي
احمد ،، مع هلي شن في
مصعب طبس على احمد وقال
وين الطروف لي طالعت من حوشكم فالصبح
وصال ،، ههههههه وين حقيتهن
احمد ،، عدي ياراء بلاء اهبال
وصال ،، ورأس حبيبي افتح السبيكر
احمد ،، اهو ياستي فتحته
مصعب ،، خير يا مرات خوي
وصال ،، اهلين كيف حالك
مصعب ،، والله بعد حقيت الغزال لي طالع من عندكم ونا وضعي مش تمام
وصال ،، ههههه من حقيت وامتى جيتنا
مصعب ،، اليوم فالصبح كنت نبي وليد شفت اثنين طالعت
وحده شكلها ممرضه ماسكه بالطو ابيض والاخر غزال من الاخير
وصال ،، ههههه اها بنات عمي وعلى فكره هن إلا ثنين دكتورات الكبيره دكتوره
والصغيره طالبه السنه الجايه ثانيه طب
مصعب ،، ماشاءالله
احمد ،، بنات الحاج عبدالرحيم
وصال ،، خوات الدكتور محمد الفلاني اكيد تعرفه
مصعب ،، قصدك محمد الفلاني خوهن
وصال ،، اها ولد عمي خو باتي
مصعب ،، لا اوكي نبي اناسبكم حتى نا
احمد ،، صكر السبيكر عدي اقلب وجهك وانت فتحت لي ميعاد
مصعب ،، غير خشلنا واسطة خير مع انسابتك
وصال ،، حرام عليك اتلز فيه
احمد ،، عارفه ابصارته واجد
وصال ،، كيف ميدو ولد عمتي متعرفش ايهدرز جد ولا ايبصر من كثر ما دمه خفيف
احمد ،، تعرفي تغيري الاسطونه ولا نطلعلك من الفون
وصال ،، لا نعرف
Natash sa 🖤♟