#البارت السادس
🌸(وانه هو اضحك وابكى)🌸
واجعلنا من البكايين فرحآ يا الله🧡
وليد ،، لا يا راجل متقولهش وخبط يدا على الستيرسو بالقوه باهي كيف انقولها لها والله ما نقدر
..... مفش احسن منك ايقوللها
وليد ،، والله نخاف عليها والله كان تعلمها تموت
..... يا راجل ان شاءالله خير ومتكبرش الموضوع انت بس
صافي ،، يتصل ب محمد خ
محمد خ ...ايوه يا صافي كيف حالك
صافي .. تمام تمام انت وين
محمد خ .. حس انه في حاجه من صوت صافي وقاله نا فالعياده
صافي ،، نحن جايينك و ......
ايمان .. قاعده هي وماما فالدار
ماما ،، شن اتحسي روحك تو يامني
ايمان ،، الحمدلله ياماما متخافيش عليا نا اكويسه
ماما ،، كيف ياحنونتي منخافش عليكي وعلى من نخاف كان مش عليكم
ايمان ،، قالت
( قل لن يصيبنا إلا ما كتب الله لنا ) 🧡
ونا عندي احساس ان بنتي حتعيش و تفرحي بيها
ماما ،، ربي يفرحني بيكم كلكم
نا ،، شن رايك يا ويه فالتصميم الجديد
ويه ويه هيي انتي يا بنت ويههههههههه بصوت عالي
ويه ،، كنك ياهمي اتعيطي شن في
نا ،، لي واخد عقلك يتهنابو
ويه ،، اسكتي يا بيبا متخطريش عليا راء والله بطني ليه وماشيه جايه ع الحمام ومحد دور نتيجتي شن صار فيها غير يطلع الصبح بس والله نمشي على كرعيا للمدرسه ونشوف نتيجتي
نا ،، هههههههههه
ويه ،، اسهوكي زين وقعدت تبكي
نا ،، جيتها خلاص عليش تبكي تفالي خير انتي بس
نا هضا انتي الشاطره تبكي معناها اسمله ع الآخرين
ومسكتها مع يدها صبي هيا اغسلي وجهك وتعالي نقعدو مع ماما وايمان
ويه ،، هيا باهي
خشينا عليهن فدار المعيشه
ماما ،، كنك يا ويه
نا ،، مسكت ضحكتي وقلتلها خايف من النتيجه ياماما
ماما ،، بأذن لله تنجحي ونفرحو بيكي
ايمان ،، شنو يابيبا تصاميم اجدد لي فيدك
نا ،، نعلي منلي عنده نظره ياناس
ايمان ،، تعالي خليني انشوف تصميامك
نا ،، كم تدفعي مع غمزه 😉
ماما ،، كان حتى الرسمه بافلوس بلاش منها
نا ،، ها وماله كيف نبي اندير بوتيك ومشغل خاصات بيا كان مبديتش من تو فتجميع لفلوس
سلمى ،، عليك تفكير كلا انتي
نا ،، نا هذين يا مني عشان البيبي المره هذي بلاش
اصلن كلهن عشان البنوته
ايمان ،، ربي ايخليكن لي
ماما ،، خلاص معناها شوفي شن لي ناقص يابيبا ونمشو السوق عشان انجيبوهن
نا ،، بفرحه تمام
صافي ،، ها يا محمد وينك
محمد خ ،، نا في مدخل العياده انراجي فيكم وجهزت كل شي
صافي ،، اوكي يااحميده
محمد خ ،، كان قلبه نار على محمود بس مقدرش يسال صافي
وصلن سيارات شباب العيله و معاهم سيارة إسعاف كان فيها ....
نجوى ،، كانت في حوش اعميمه نجاة
ايمان ،، طح سعدك ان شاءالله حقك وانتي لابسه هكي
عليك كشفه وقعدت تضحك
نجوى ،، ازي يا مني عليش تضحكي وبعدين هو لي ديما مندعب سواء فالفرح ولله فحوشهم
ايمان ،، بس والله محمد محترم ومش ابتاع علاقات
نجوى ،، ما هذي لي امطمني نا وحتى بعد خدا رقمي
ما اتصلش
صافي ،، جاء هو لأول وصبا جنب محمد وكان ادبشه متلبز بالدم
فتحو سيارة الاسعاف كان فيها معتز ومحمود نزلو معتز وحطوه على البريله وكان فاقد الوعي ورأسه وجهه متغطيات بالدم
محمد خ ،، شاف محمود اكويس ومفيهش شي اطمن و
.. خداء معتز وعدا بيه بسرعه هو والممرضين
شور قسم الاشعه عشان يشوف شن عنده
الشباب خشو كلهم وراء محمد خ
الممرض ،، ممنوع يا شباب خليكم برا لو سمحتو
خالد ،، اوكي تمام بس طمنا
الممرض ،، هذي الاشعه اصبرو اشوي
محمد خ ،، كان خايف على معتز ومصبي فجنبه
بعد حوالي نص ساعه
فني الاشعه ،، تمام يادكتور محمد هذين الصور جاهزات
محمد خ ،، خش بمعتز لغرفة العمليات كان متوتر اشوي بس بعدين تمالك نفسه وبداء فالعمليه هو ودكتور مساعد معه
صافي ،، شاف عمي عبدالله وابراهيم جايين و وراهم بابا وعمو صالح ومعتز خوي
الشباب ،، قدمو على عمي عبدالله و حمدوله على سلامة معتز
عمي عبدالله ،، ها يا شباب شن صار وين معتز
ميدو ،، شاف باته كيف كانت حالته جاء شوره وقاله ادعيله انت بس يا حاج وان شاء الله خير 😭 اطمن .
عمي ابراهيم ،، كان خايف على خوه عمي عبدالله وعلى معتز ومش قادر يتكلم ولا يقول شي لانه شاف الخوف فعيون الشباب لي متوترين
بابا ،، اقعد انت يا عبدالله وان شاء الله خير دام معاه محمد متخافش عليه
عمي ،، ان شاءالله
بابا ،، كيف صار الحادث يا صافي ووين كنتو
صافي كنت نا ومعتز ومحمود طالعين في سيارتين ماشيين مع السمسار انشوفو في الأرض لي اتفق عليه عمي عبدالله معاه
نا خديت محمود وطلعت بعد ما شفنا الأرض وعجبتنا طلع معتز قدامي وطلعت نا ومحمود وراء وشفتا يحكي بالتلفون واجتزته وجيت قدامه بس بعدها معش بان عليا قريب نخش لبلاد رنيت عليه يعطي فيا مشغول
درست يميني وقعدت انراجي فيه فات الربع ساعه محمود قال هيا انردو عليه رديت وشفت سيارة معتز طالعه برا الطريق ومنقلبه معرفتش نصرف محمود اتصل بخالد وخبره
وبعدين كلمت وليد عشان يخبرك انت وعمتي نجاة واتصلت بمحمد خ
الممرضه ،، طلعت من العمليه كلهم قدمو عليها ها شن صار
هي ،، مازالت العمليه ماكملتش و لو سمحتم لي زمرة دمه +O يتفضل معايا
ميدو ،، نا ،،صافي حتى نا نفس معتز
الممرضه ،، تمام ياريت تتفضلو معايا نسحب منكم
بعد مرور وقت طويل من الرعب طلع محمد خ من العمليه
عمو عبدالله ،، ها يا محمد طمنا
محمد خ ،، الف الحمدلله على سلامته ياعمي اطمن وضعه تو اكويس حطيناه فالعنايه عشان لو في اي مضاعفات بعد العمليه
بابا ،، باهي شن عنده هو
محمد خ ،، عنده كسر في الكتف اليسار وضربه على راسه وشوي اجروح ان شاء الله بسيطه اهم شي
درناله بلاتين عشان الكسر كان بليغ واصل في الجلد
ونزف واجد
عشان هك نبيكم اتروحو الليله واطمنو نا قاعد امعاه وكان ناض حنرد نعطيه مسكن عشان الألم نبيه يتريح وميتحركش اقل شي 24
خالد ،، تمام نا تو نقعد امعاك بلكي تحتاجو دم او شي محمد خ ،، تمام
بابا ،، هيا يا شباب اطلعو قدامي صبي يا عبدالله روح وطمئن هلك هيا
صافي ،، نا نعدي اندوش وانجي وناخد معاي محمود
محمود ،، لا نا نبي نقعد مع محمد وخالد
بابا ،، لا هيا اطلع قدامي وخود امعاك معتز خوك يبات امعاك الليله
طلعو ،، كلهم لحوش اعميمه نجاة
وليد ،، خش هو الأول وخبر اعميمه ع الحاذث
اعميمه ،، نعلي وليدي يا نعلي اعيون امك يا عزو نعلي شن صار فيك يا حبيبي
نزلن ايمان ونجوى يجارن
ايمان ،، شن في يا وليد كنه معتز وتمت تبكي وانهارت هي وايمان واعميمه
وليد ،، يا جماعه صلو ع النبي مافي الا الخير وبعدين نا ماجيتش لعند اطمنت عليه ومسك اعميمه وقمعزها وقاللها احمدي الله لي مصارله شي
خش عليهم ميدو وحظن ايمان لي كانت منهاره وقال لنجوى جيبلي امياه
نجوى ،، وهي تبكي حاضر هيا وصبت جابت لمياه خشت اعميمه فاطمه وفايزه حتى هن ايتباكن
وليد ،، وحدن الله عليش لبكاء تو
اتصل محمد خ ،، بماما خبرها
وقال ليوسف شيل ماما والبنات عند اعميمه
ماما ،، هيا جهزن اروحكن نمشو لعمتكن
سلمى ،، عمتي من فاليل شن فيه ياماما
ماما ،، متبيش ايمان تنفجع.قالو معتز خابط السياره وجاته ساهله
نا ،، نبحت فيهم ومصدومه ومتكلمتش
ايه ،، يانعلي هضا عليش محمد خ ميردش وهي فعقلها حتى( وليد ) سمعنا الباب ايدق
ماما ،، عدي يابيبا افتحي اكيد يوسف هضا
نا متحركتش من مكاني مع اني زعلانه منه بس فنفس الوقت خفت عليه 💔
ماما تو انصبي ابروحي بلا مدة هالوجهه
ايه وسلمي ،، بيبا كنك شن في
نا ،، ما في شي وصبيت خشيت الحمام صكرت الباب على روحي ونا مش فاهمه الاحساس لي جويا شنو
بس شي واحد كنت متاكده منه اني منبيش معتز ايصير فيه شي حطيت ايديا ع الحوض وقعدت نبحت في روحي فالمرايا
خش يوسف ومعاه ماما . ها يا ايمان تمشي معانا لعمتك
ايمان ،، بحتت في يوسف وقالت باهي
يوسف محبش ايزعلها وقاللها هيا وتن اروحكن
خشن البنات يلبسن وجت ويه دقت عليا فالحمام هيا يا بيبا اطلعي حتى وليد اتصل قال جاي انشيلكن .
نا ،، باهي طالعه طالعه قلتها بصوت يا دوب طالع مني
ايمان ،، لبست بلوزة حوامل لونها احمر وبنطلون بيج دارك وكانت طالعه حلوه رغم مرضها وطلعت على يوسف
يوسف ،، اول ما شاف ايمان جايته فالجنان قاللها شنو الالوان والحركات هذين باللهي كيف نبي نصبر نا وقدم عليها
ايمان ،، ههههه اعقل نحن مش فحوشنا تريح
يوسف ،، وهو حاظن ايمان ويبوس فيها البسي حمر وقولي حوشنا
ايمان ،، يوسف
يوسف سكتها ببوسه على فمها ونزل على ارقبتها
ايمان ،، حبيبي اهمد عاد وحطت رأسها على صدره وهو يبوس في رأسها بوسات اطول ويستنشق في بنة شعرها
يوسف ،، الله محلاكي ومحلى بنتك
ايمان ،،ارفعت رأسها وباست يوسف على ذقنه
يوسف ،، حبيبي وين وشاحك
ايمان ،، وهي مازالت حاضنه يوسف هيا تو انخش نلبسه
يوسف ،، لا خليكي هنا تو انكلم ويه اتجيبه لكي وراء اليوم اتروحي معايا
ايمان ،، حبيبي وردت باسته على خده خليها بكره عشان اعميمه
يوسف ،، وحياة يوسف ما فيها تي امبارح ما عرفتش نرقد بلاكي هذي اول مره اتغيبي عليا ورد باسها على يدها
ايمان ،، بنظره كلها حب ليوسف قالتله حاضر
نا،، طلعت من الحمام ولبست اول لبسه قدامي
سلمى ،،حطيتلك معانا فالشنطه دبش شوفي شن تبي تاخدي امعاكي
نا ،، من دون ما نرد عليها هزيت راسي بمعنى باهي
يوسف ،، يا ويه بصوت عالي
ويه ،،نعم
يوسف ،، جيبي دبش ايمان و وشاحها
ويه ،، حاضر هيا وجت عطت ايمان ووشاحها وخدا يوسف شنطة ايمان حطها في كوفني السياره شاف سيارة وليد بعد وقفت قدامه
يوسف ،، اهلآ وليد الحمدلله ع سلامة معتز
وليد ،، الله يسلمك ها شنو واتيين الجماعه
يوسف ،، كنا انراجو فيك وخشو للحوش
سلم وليد علينا وعلى ماما ويبحت في ويه لي كانت زعلانه منه عشان ميردش عليها بعد اتصلت بيه
وليد ،، هيا يا عمتي ويبحت في ويه بمعنى اركبي معايا
ماما ،، هيا يا بنات اطلعن وكنا كلنا مصبيبن وراها
سلمى ،، شافت ايمان ماشيه شور سياره يوسف لاحقتها بسرعه وقالتلها امشي اركبي مع وليد بلا مشاكل من تو
ويه ،، بس
نا ،، مسكتها من عند يدها بلا دوه زايده وعدينا ركبنا مع وليد لي كان يبحت في ويه
ويه اركبت وراه ونا وراء ماما وسلمى اركبت مع يوسف وايمان
طلعنا وفالطريق كلنا ساكتين وليد طول الطريق اعيونه على ايه و ايه اعيونها لوطه وبعد ترفعهن اتشوف وليد كيف ايبحت فيها ترد اتنزل اعيونها
وصلنا لحوش اعميمه نجاة
وليد كان يبي يحكي مع ويه بس معرفش الجنان مليان سيارات وشباب
خشينا لقينا اعميمه مازالت تبكي سلمنا عليهم وحمدنا على سلامته
ماما ،، عليش اتفوالي عليه يانجاة صبي صلي واحمدي الله ان معتز مصارله شي وتأكدي ان قضاء اهون من قضاء
مرات بابا ،، كانت اتبحت في ماما وصبت قالت نا نبي انروح وحمدت لعمتي وطلعت .
خشينا نحن البنات على ايمان ونجوى فالمطبخ
ايمان اول ما شفتنا تمت تبكي سكتتها سلمى وقالتلها ان شاءالله ساهله والحمدلله لي تمت هكي
قعدنا فالمطبخ وقعدنا انساعدو على الضيافه للراجله وكملنا الحوسه
روحت ايمان مع يوسف وماما قالتلها معش اتحركي وتو اتجي سلمى تقعد امعاكي
اعميمه نجاة ،، قالتلها كان عندي معزه عندك معش اتجي وبعد تبينا اتصلي بالتلفون
فاليل بعد خشو رقدو قعدت نا ونجوى فالمطبخ وفاتحين الباب لي يطلع على الجنان
جت ايمان وكان باين عليها انها باكيه اخرى
وقمعزت برا صبينا نا ونجوى وقعدنا فجنبها .
ايمان ،، انرن على خالد مقفل هضا مش من توا
نجوى ،، اكيد فاصل شحن مش كلمك بعد علمتي
ايمان ،، كلمني بس مشغوله على عزو وقعدت تبكي بالعبره
نا ،، باهي شن رايك اترني على محمد يعطيكي خالد وتطمني على معتز
ايمان ،، لا فكيني بلكي خالد ايعاركني يقولي رانا على محمد تو
نا ،، باهي شن ا نديرلك عشان تسكتي وبحتت في نجوى .
محمد خ ،، كان فجنب معتز فالعنايه وبعدين طلع للشباب
محمد خ ،، هيا يا خالد انت وصافي تريحو فمكتبي لعند الصبح
صافي ،، (لي قريب ايموت على معتز )لا نا متريح هنا عدي انت يا خالد تريح
محمد خ ،، غير صبو انتو الاثنين واول ما يبقى اكويس انطمنكم عليه ويخليكم اتخشو
صافي ،، كان تبيني انتريح خليني انخش عليه بعد سعفناه مقدرتش نركب امعاه سيارتي كان فيها فلوس وسيارة معتز فيه كل أوراق العمل في ولد حلال مدلي الشنطه بتاع معتز وقالي خلي خوك يركب معاه فالاسعاف وانت اطلع فسيارتك
كنت انتحرك من دون وعي بعد شفت حاله معتز وخليت محمود يركب معه ونا طلعت وراهم
محمد خ ،، كان فاهم العلاقه لي تجمع صافي ومعتز وفهم عليه شن يقصد من كلامه
ماكانوش بس اعيال عم صافي ومعتز كانو أكثر من خوت كان بمجرد واحد يبحت الثاني يفهم عليه شن يبي ايقول يعني كانو روح وحده
محمد خ ،، حط يده ع الزر لي موجود فمدخل العنايه وقال لصافي هيا
صافي ،، لي كان قريب يبكي صبى وهو مش قادر ايتحرك كان حاس بأن في جبل على كتوفه وحاس انه انفسه حينقطع
Natash _ as ♟🖤