#البارت الرابع
🌸(لا تخف ولا تحزن انا منجوك)🌸
كانت الايه هذي كل ما نسمع ماما ترددها انتريح وكانا
ماما اطمئن فنفسها ان ربي معاها🌸
إنَّها وعود ربَّانيَّة !
أغلق جَمِيع مَنَافذ أوجَاعِك، وَثِقْ بِربِّ العَرشِ العَظِيم.💙
معتز ...احكي يا نجوى مش وقت هز تو
نا سمعت صوت معتز رفعت راسي بحتت فيه وعيوني مليانات ادموع وسيبتهم وخشيت
على طلعت اعميمه نجاة وفايزه تلاقن معايا ع باب المطبخ
عميمه نجاة ..كنك يا حبيبه من من
نا ودموعي على خدي ونمسح فيهن وينزلن ما من حد .
اعميمه كيف ابروحك تبكي بلا سبب معتز ايبحت في امه وساكت.
نا خشيت وسيبتهم وعماتي طلعن على وليد .
ومعتز كان حصل خش عليا لانه كان عارف روحه غلطان ولان نحن اعيال مريم طول عمرنا في حالنا .
سلمن عماتي ع وليد وهدرزن امعاه وخشن
والبنات حطن العشاء للصبايا وجن اقعدن معايا في دار ايمان ودانه مقمعزه جنبي وتهدي فيا
خشت علينا وصال حظنتني وياسبحان الله البنت هذي نحس فيها اختى مش بنت عمي بكل
وصال... صبي هيا يابيبا تبيكي ماما وعمتي نجاة
نا ..قوليلهن راقده تو ماما تشوفني
وصال ..غير صبي هيا سلم خيتي ❤
نا صبيت امعاها وخشينا للصاله وصال كانت ماسكه ايدي والبنات اطلعن ورايا.
اعميمه نجاة..فتحت ايديها و قالتلي تعالي
عديت شورها حظنتني و قالتلي من لي زعل بنيتي
نا ..محد زعلني
عمتي فاطمه هذي اعوينه يا بيبا ترقصي بشعرك وماترقنش في اروحكن
ماما ..والله ديما انقوللهن حصنن اروحكن واقرن قران والأذكار بناتي ربي يحفظهن مرفوعه معاهن العين
خالة ساره ..ماشاءالله عليهن يا مريم ابنياتك ناشطات واسماح حتى بنيتك المتجوزه ربي يحفظها تقول قمر حتى وهي حامل
ماما ..سلمك وربي يفرحك ببنياتك
وصال وايمان..اسمله علينا نحن ههههههه
كلنا ضحكنا
اعميمه نجاة قرة عليا قران وحطيت راسي على صدرها
وكأني كنت في حظن بابا
بابا لي كل ما تنزل مني دمعه يجي في بالي ليش مش عارف يمكن لاني انحرمت منه بدري وما عشتش امعاه
ماما ..صبي سلم بنتي توضي وصلي
نا ..باهي حاضر
معتز كان فالوقت هضا قاعد فالجنان ويبحت فالسماء واجعته بكيتي ونادم ع الكلام لي قاله وفوذنه صوت شهقتي لي حس بيه انه جرح كرامتي
صافي ..حط يده على كثف معتز وقاله كم نجمه فالسماء
شن في كنك رنيت عليا وقتلي اطلع متقولش اميره اخرى
معتز..اميره ومش اميره
صافي ..فهمني هذي كيف لغز ولله شنو
معتز..اميره كانت.....وحكا كل شي لصافي لي كان مخزن اسرار معتز .
صافي باهي كيف انت ماحقيتهش وهي سمعاتك
معتز هي شكلها كانت فالمطبخ توتي فالعشاء
والله ماني امركز منتبهتش كنت معاطي للمطبخ بظهري
صافي ..معناها اكيد اميره شافتها ودارت هكي بقصد
عشان تقهر حبيبه
معتز..لا اميره متديرهش ومافي شي بينهن
نا بس لما شفت شعر حبيبه صليت ع النبي واميره كانت اتبحت فيا وبعدين اميره اكيد عارفه ان حبيبه صغيره ونا ماعمريش بحتت في غيرها
صبا معتز من مكانه وحط ايديه على رأسه وقال وااااااك نبي ننفجر والله بنات خالي عبدالرحيم في حالهن وعمرهن مازعلن حد
ولي تقهر بكيتها ولا بحتت فيا بنظره شقتلي قلبي 💔
صافي....دور عاد كيف اترضيها
معتز ...لا نا وصيت نجوى اتطلعها لي
صافي ..وكان شافتك اميره
معتز ...لا أميرة روحت جاء باتها خداهم
نا ..كملت الصلاه و دعيت لربي يخليلي ماما ويقرب مني الناس لي يحبوني ويبعد عني لي يكرهني
دانه ...تعالي بابيبا فرشتلك جنبي
نا حطيت راسي ع المخده وغمضت اعيوني وقلت ليش انفكر فيه
معتز ..كان راقد في فالمربوعه مع الشباب ومغمض اعيونه ويدكر فيا بعد طاح مني الشال من كتوفي وكيف اشعري كان طويل .... وعجبه💗
فالصبح اوعيت بدري مكنش في عرب واجد الأغلبية روحو فالصبح بدري قعدنا نحن وعيت عمي صالح لي هو بات وصال ودانه وليد
وطبعآ عيت عمي عبدالله يقعد سلف اعميمه نجاة وولد عمة بابا يسكنها فجنبهم بات صافي ونجوى وخالد وسالم
واعميمه فاطمه زوجها مفتاح واعيالها اصغار ملهمش دور فالروايه
...
طلعت للجنان وكنت رافعه شعري ذيل احصان لابسه بجامه بيبي بينك طبعآ خياطة ماما نبي نشوف الورد لان اجنانهم كان مليان شجر وورد ونا نعشق الورد
معتز ..بصوت هادي صباح الخير
نا..مرديتش عليه.
معتز ..عارفك زعلانه مني بس ...
نا ... قاطعته قبل ما يكمل كلامه ..بس نا منحقش فيك ودموعي يبن ينزلن مني وبصوت يرجف
وقتله من (حبيبه) ؟ ؟ وبحتت فيه من فوق لعند لوطه وعديت وسيبته .
معتز...يانعن جد ام الحياه ..نا اتديرلي هكي نا غلطان اصلآ لي جيتها
نا كنت نمشي وحاسه بغضب معتز ورايا واعيونه لي فشعري ومركز ع طريقة مشيتي
معتز ...كان يبي ينفجر من الغضب
ونا ...
قررت اني معش انشوف معتز
وهذي كانت اخر مره شفت فيها معتز لعند ......
🌸متابعتي الغاليات تبو تعرفن امتى معتز وحبيبه يتلاقو .........بس اصبرن اشوي لانه الجاي احلى🌸
فالمغرب بنات العيله كلهن كانن يجهزن فلقعده برا فالجنان
وكانو مجهزين عالة الشاهي والجو حلو
والشباب ايجهزو في الشوايات عشان العشاء
جاء عمي عبدالله وعمي ابراهيم وعمي صالح* لي كنت انحبه كيف بابا وقعدوا برا فالجنان
وماما وعماتي مقمعزات اقريب منهم وعمي صالح قاللهم عطني عالة الشاهي تو نا انطيبها
البنات كانن فالمطبخ ايجهزن في سلاطات بتاعات العشاء اعميمه فايزه رمتلهم تنورين خبزه
سالم ...يرن على صافي ومعتز لي كانو طالعين من الصبح ...ها ياراس وينك
صافي .....اقريب منكم هيا جايين
وليد كان قاعد هو ومحمد وميدو وخالد ايهدرز ومحمود ومعتز خوتي الصغار مع اعيال عمي لي فعمرهم يلعبو في بلاستيشن
خش خالد ع البنات وخداء اللحم والكبده وبداء في الشواء
صافي ومعتز ....السلام عليكم
كلهم ...وعليكم السلام
عمي عبدالله وين كنتو حتى الغداء ماجيتوش عليه
معتز ...كان عندنا شوي شغل
عمي عبدالله ...شن صار فالأرضي لي قتلك شوفهن
معتز ....عديت شوره الراجل بس يا حاج راهو امعلي السعر علينا
عمي ابراهيم ....نا من الاول قلت للحاج ايفوتا السمسار هضا طماع ويرفع في الأسعار
معتز ....ايسير خير
طبعآ معتز مهندس معماري ويشري فالأرضي ويبيع ويبني في فيلات وشقق ويتاجر فيهن ومعه خالد ولد عمه ماسك معه الفرع بتاع العقارات والبيع
وخالد كان ضابط و هو اكبر واحد عند هله وبعده صافي لي من عمر معتز وبعده سالم وبعدهم نجوى البنت الوحيده
قمعزو الشباب وبدو فالتشفيط على بعضهم ويحكو على ليلة امس* الفرح* .
البنات طلعن بالسلطات والعصائر
وجهزن الطاوله اقريب من الشباب وحطن في صفرتين لعمامي وعماتي وماما
والبنات قمعزن معاهم وميخلش الامر من صوت نجوى وضحكها لي كانت مستحيل تسكت
وطبعآ اعيون محمد خوي كانن عليها طول ماهي تحكي وتضحك وتجر فيديها مع البنات
دانه بصوت عالي شفتن ساره امبارح كيف خافت بعد طرحتها انفكت
نجوى اها والله يا حرام بس بيبا ماشاءالله عليها سقمتها لها طول
وصال ياخيا ربي يهنيها ساره عسل وتستاهل كل خير
نجوى لا ولله الديك الأحمر. الكلام لي بين الأقواس يعني فسرها (اميره)
البنات هههههههه هههههههههه
خالد تعالي يا لأحمر انتي يقصد نجوى اخته
صبت نجوى من مكانها وتقوله ما انت ما شفتهش كيف كل شوي راقيه نازله تعرض في روحه وكانها هي العروس اتقول اتدور في عريس
ايمان ...عليش اتدور وهي عندها واحد كل البنات ايتمننى.
وصال ...صح يا مني البنت هذي نا محبيتهش
صافي ..فهمونا على من تحكن انتن. وهو كان متاكد ان الكلام على (اميره)
محمد خ ...صح يااحكن اكويس يا صبن من هنا
نجوى ...حلوه هذي انصبو
سالم ...انتي يا ام لسان اسكتي
سلمى ...عليش انصبو والطاوله مشتركه وبعدها والله مانا فازيين امعاكم وعلى قلوبكم
محمد خ ..ايفنص فيها ويضغط على اسنونه
وليد ...كان ايبحت في ايه كيف هاديه ومتحكيش كيف البنات وطول الوقت وهي تنزل فعيونها كل ما وليد ايبحت فيها
دانه ...وليد نحن هنا وضحكت😉
ميدو ..ضحك لانه عارف دانه شن تقصد وخبط يده على كراع وليد وقاله راء تكشف ابروحك اهداء البنت مش عارفه تاكل وانت اعيونك عليها
صافي ....وين حبيبه ؟
وصال ...حبيبه راقده
محمد خ.... بحت في ايه وقاللها ليش اختك راقده معمرهش دارتها
نجوى ...امبارح مرقدتش اكويس ليل كله وهي تبكي
والصبح لاقينها واعيه بدري. وبحتت في معتز.
دانه...... (عشان معش يسال محمد خ شن في) قالت اني انحس في سني
معتز ...اذكر لمه شافني فالصبح ونا بين الورد وكيف كان وجي زعلان واعيوني ذابلات من البكاء وقلة النوم
وجاء يبي ايصبي
صافي... يا راجل اقعد وين ماشي ومسكه ومخلهش ايصبي
صافي كان متاكد ان في شي حيصير بيني نا ومعتز
لانه كان مع معتز لحظه بلحظه ولان سمعني شن قلت يوم لي درنا غيطه مع بعضنا 😉 (معتز يهبل)كلمتي
خالد ...حط تبسي كبده مليان قدام ايمان لان عارفها اتحبها
نجوى ...نا اختك راء
ايمان ...تبي اتغاري انتي توا حتى نا بنت عمه وخطيبته
محمد خ ....قصف جبهه ولله كيف يا خالد
خالد بينهن نا مش شوري
نجوى ...ااااااااا وطلعت لسانها لمحمد خ
وهذي الحركه لي يتعب امعاه محمد بعد نجوى اتديرها له 💗
نجوى ...بحتت في محمد وشافت نظراته لها ابتسمت محمد خ تأكد ان هذي هي البنت لي يرجى فيها كل عمره وان هي لي تستاهل اتكون #حبيبته وشريكة عمره
نجوى كانت تقرأ سنه ثالثه اعلام وكانت متميزه بحضورها وكل من ايشوفها تعجبه بس هي كانت مصره مترتبطش لعند اتكمل دراستها
ايه ...خذت تبسي وحطت فيه اشوايات وجتني شافها وليد هي وماشيه
صبى معتز ولحقها...ايه ايه
ايه بصوت هادي ...نعم يا عزو
معتز ..اااا حبيبه زعلانه مني ونا مكنش قصدي لي صار
ايه ...حبيبه قلبها طيب ومش زعلانه منك هي بس تعبانه اشوي وعدت وسيبته .
🌸ومن اليوم هضا معتز معش شاف حبيبه ولا قدر يعتذر منها إلا بعد🌸
وليد كلم دانه وقاللها جيبيلي رقم ايه
ايه... ما نبيكش تزعلي مني بس كان يسمعها محمد يقتلني
دانه ...عليش الخوف من يبي ايقولها له
ايه مش عارف ...انتن واثقه فيكن بس والله انخاف.
دانه... على راحتك
وليد بعد عرف هكي غمتله وقال للازم ما نحكي معها قبل ما تطلع النتيجه ابتاعها ونا نرد للعمل
مر الوقت وهم امكسدين مع بعضهم
ونا حابسه روحي في دار ايمان .
وثاني يوم روحنا لحوشنا من الصبح
وكل وحده فينا دارت حاجه فالحوش
وماما حطت الغداء على النار ونحن كملنا حوستنا وخشينا ع ماما
سلمى عدي ياماما تريحي تو نا نكمل الغداء
ماما باهي عقبي لمحمد خوكي وبعد ايجي حطله
ايه تعالي ياماما جهزتلك ادبشك كان تبي اتدوشي
نا خديت السلطله وقعدت نغسل فيها وقرضتها
سلمى جهزت الصفره وراجينا ماما لعند طلعت من الحمام حشاكم وحطينا الغداء وتغدينا
ايه ..غسلت الوعيات ونا برمت ع المطبخ ونغسل فالغاز
خشينا لدارنا ....
نا ...باهي بعد انتي عاجبك وتبيه ليش ما خديتي رقمه على الأقل تحكي امعاه
ايه ...وكان لاقه محمد عندي.
نا ...وكان لاقه عندك رقم ولد عمك شن فيها خير واجد نا حارمني من التلفون ومخلش ماما تشريلي بعد نجحت
ايه ...اهو تليفوني وبعد تبي اتكلمي صحباتك خوذيه
نا ...مش كيف يبقى تليفون لكي ابروحك
ايه ..سكتت وعقلها مع وليد وشن كانت ردت فعله بعد مخليتش دانه تعطيه رقمي
خشينا قيلنا كلنا وجاء محمد خش على ماما فالدار باس على رأسها وقاللها... ان شاءالله غير مش مريضه ياامي
ماما ...لا الحمدلله
محمد خ ... يستاهل الحمد
ماما ...ياسلمي يا سلمي تعالي حطي لخوكي الغداء
محمد ..الله ايدومها نبي اندوش ونخش انتريح اليوم عندي ديوتي مكان دكتور معايا
ماما ...لي يريحك
صبا محمد دوش وخش لداره وكان يبي يرقد لكن صورة نجوي بين اعيونه ومش قادر ينساها
ومبتسم💗..
ايمان ....والله ياماما كسدنا بلا عيت خالي عبدالرحيم وصالح
ميدو ...قولي خالتي مريم عليش خالي عبدالرحيم كان تبي نوريه انعدي انجيبها لكي
اعميمه وايمان اضحكن
اعميمه لا خلاص نا كل فتره نعدي انجيب مريم والبنات يقعدن امعانا
ايمان ...محمد ديما حابسهن وخايف عليهن من الريح
ميدو ...عنده الحق الخوات مسئولية وخالي سيبه وهو مازال يقرأ فالثانوي وشال المسئولية ابروحه
ايمان ...بس حتى خالتي مريم مقصرتش اشتغلت عليهم ليل ونهار وعمرها ما طلبت من حد حاجه ولا حرمتهم من شي وتخيطلهن حتى فالدبش كانه شاريته جاهز
اعميمه ...بس حتى حبيبه مساعده امها هي تصمم لخواتها
ومحمد يقرأ ايام الجامعه وفالعطلات يشتغل
ميدو....محمد كان اقصرت امعاه ايام الدراسه يمشي يشتغل حمال فالميناء
اعميمه ...الشغل مش عيب اهو محمود تو كيف محمد يقرأ وفالصيف يشتغل ونا نبي معتز ياخد محمود معه للفرع عنده ايعلمه الشغل والشراء والبيع
معتز ....كان يسمع وساكت
اعميمه اسمعتني يا معتز شن قلت
معتز...حاضر ياامي ايسير خير
سلمى ....خشت تجري عليا فالدار وقالت.
متنسوش اتعلقو ع الروايه وتدعموني
Natash-sa ♟🖤