⚔⚔⚔⚔⚔⚔⚔
اول حاجة كنعتادر بزاف بزاف من المتابعيين ....دازت عليا فترة امتحانات طوييلة بزااااف بزااااف ....امتدت لشهر و نص الحاجة لي مخلاتش ليا العقل تاع الكتابة .....كلشي كيعرف امتحانات الماستر كيف ديريين و القصوحية لي فيهم ....من مور هاد الوكاند غنكون طرقت مسامري كلهم انشاءالله ....و نتفرغ لسيادتكم
#تدكير
قبل ما نرجع نحط التتمة ضروري ندير ليكم تدكير بالنسبة لناس لي نساو شوية نفكرووهم اكييد ....نبداو باول قصة تدكيرية و نعطيو اقوى لحظاتها ....وخا هي على مشارف النهاية
⚔قصة الرعب الرومانسية #عشق_الملك_برقان ⚔
✔لقاء الاول
"آية : ففففف من هاد المرض مبغاش يتقاد ....و هي كتمشى و صوت الصقييل كيدور بيها ... و صوت الريح كيسوط ...آية بانت ليها لمرايا محطوطة قديمة و عاد زادت تضببت و بهاتت مع زمان ...وقفت قدامها تتشوف غير تشاش ديال راسها ... وعاقدة حجبانها ...حلت الشد شوية ...و دورات راسها يمين ملقات تاحد و شمال مكين حد عاد رجعت للمرايا لي فيها صورتها و تفيكسات تما ...حيدت الشد بشوية على راسها و دارت فليلها بين شفايفها و عاودت جمعت شعرها و قداتو و رجعت دارت شالها و قداتو مزيان و خرجت زغيباتها ..ريح هدات من حداها ...ورجعت لور قادت سميطة بان ليها راسها صافي مقادة هي هاديك تبسمت لراسها في لمرايا ...و دارت باش تكمل طريقها ...غير بدات كتمشا جوج خطوات ثلاتة حتى بدا من وراها صوت المشي ديال السباط خطوة تابعة خطوة و بنفس الريتم ديال خطواتها . "
✔المرة الثانية ....اللقاء
هو : غيبان ليك وحد القوس اجي ليه (آية دورت عينيها لقوس و جبدتهم و لصقت على لحيط كتقفقف لسانها تعقد مابقات قدرت تجاوب وقلبها غيخرج من صدرها بقوة الخلعة سكت داك الصوت شوية و هدر بأمر) اجي (اية علاين تسخف و تسرط في ريقها ) الى مجتيش غادي نجي أنا (مجوباتوش ) ادن نجي أنا ....بدا كيتمشى نفس الصوت ديال السباط من جيهة القوس و كيقرب لممر بوحد الظل كبير ....آية نفسها تهزت و هي مخرجة عينيها في الظل ....حتى خرج من القوس رجل كتبان عليه العضمة شعرو كثيف نازل ليه على عينو و لحيتو كثيفة كحلا و عينيه كحلين مقوسين ...لباسو عادي فحال للإنس و ابتسامة على فمو هادئة و هو كيشوف فيها و كيتمشا عندها بشوية ...آية واقفة في بلاستها متحركاتش فمها تفتح حاشا واش يكون هاد الرجل من الانس وسامتو ماشي عادية و عينو كيشوفو فيها قانصينها ....وقف و دار يدو من موراه فحال السلطان و متبسم ليها و بنفس الصوت نطق اسمها : آية سبحان لي خلق هاد الآية من الجمال
آية تزعزت من مكانها حلات عينيها حيت قلبها تضرب بالخلعة : ش ش ش كون ن ن نتا ؟
هو هز راسو بوحد الشموخ بشوية و تبسم : بر قان الملك بر قان ....
✔الزواج من ملك الجان
اية بإبتسامة خفيفة : شنو غنديرو دابا ؟
برقان : بقات لينا حاجة وحدة و يكمل زواجنا
اية بنفس الوجه الفرحان : شناهيا ؟
برقان طلق من يديها و طلع يدو دوزها على عينيها : غمضي عينك (اية حتى هي غمضتها تحت يدو كيف قال ليها و حيد يدو) فتحي عينك ....رجعت حلاتها كانت فوحد المكان ارضيتو رخام بيض كلو و سماه صافية زرقة عقدت حجبانها و دارت شمالها كان جامع كبييير و عالييي بالبيض ..و رجعت دارت عند برقان لي واقف و شاد في يدو شال بيض من الحرير و الجوهر
اية : جامع ؟؟
برقان : ااه غادي نكملو زواجنا هنا باش تولي مرتي على سنة الله و رسولو ...هزات حجبانها كلامو غزل مخلط بالدين ...و عاد وسامتو هز الشال و حطو على راسها و غير بجوج صباع دورو على عنقها....و شدها من يديها مرة اخرى ...و تمشا بيها للباب الكبير ديال الجامع ...برقان حيد السباط ديالو برجلو بشوية و اية شافتو و نفس الحاجة دارت حيدت البلغة لي في رجلها ...و حطو رجليهم في الجامع لداخل لي كان كبير و واسع و خاوي ....تمشا بيها القدام حتى لمأدنة المؤدن و وقف
✔المعاشرة مع الجن
حيد يدو من يدها ....و رجع نزل ليها ستيان هبطهم على كتفها ....و خشا يدو تحت من ضهرها و فتح ليها ستيان حيدهم و بان ليه صدرها ...باقي مكملش النظرة حتى غطاتهم بديك اليد لي طلقها ليها
برقان هز فيها عينو بحاجبها : آية
اية منزلة عينيها لتحت و تتناخد مكتشوفش فيه رجع حيد ليها يديها طلعها و هي دورت راسها لهيه مغمضة عينيها و مزيرة عليهم ...و ملك الجان نزل كيمص في صدر انسية ....آية عضت شفايفها و زيرت على صباعو و كتلوى تحتو عيات تحبس في اهاتها في الاخير طلقاتهم ليه ...حتى سلا من مصهم و ناض منتاشي معاها بزاف عمرو سبق ليه حس بهاد الاحساس الا معاها هي ....
✔فاش غتعرفو بلي هو ملك الجان
....و هي تحيدها و دارت تشوفو فين واقف حتى تساطحت معاه كان واقف من وراها مباشرة شهقت غا شهقة مع قلبها وقف و رجليها فشلو عليها وعينيها خرجتهم على وسعهم بصدمة
برقان بابتسامة ساحرة كتزين وجهو الملحى الوسيم : عجباتك ؟
اية رسمت ضحكة مصطانعة ليه وهي مخرجة عينيها فيه ومخلوعة والعرق كيتسبب منها : ءءء هه اااه زوينة بزاااف انا غنعاود نشوفها...دارت تاني دغيا و طلعت المرايا بشوية وهي مخرجة عينيها ويديها كيترعدو بالخوف وقلبها قريب يسكت بالخلعة...وهي تشوف في المرايا انعكاسها غير هي بوحدها رغم أن برقان كان من موراها مباشرة ....
✔لحظة الودااع
برقان داير يدو من وراه و كيشوف فيها : مكنتش باغيك تعرفي حقيقتي و تعمدت منقولهاش ليك حيت معرفتش ردت فعلك (ضحك جنب حتى ضهر غمزاتو من سخافة الامر ) او تقدري تقولي مبغييتش نعرف رد فعلك (و بدا كيقرب منها اية كلها كترجف و كدير ليه لا براسها باش مايقربش ليها ) و لكن دابا عرفتي (وقف قدامها و هي لاصقة على لي وراها كتناخد و كتسمع ) متخفييش انا غادي نمشي فحالي كيفما بغيتيي (هو يمد يدو من وراها و جر وحد الوشاح على وحد المرايا هي لي كلاتها اية شهقت خايفة منوو و طلق يدو قدامها )اه اية انا برقان الملك ديال الجان السابع (اية قلبها وقف في ديك للحظة كان كيهد بين سنانو و حجبانو ملاقيين هو كيشوفو خايفو منوو هو سكت الوهلة هو كيتأمل في هاد الانظار لي كانو كيعجبوه دابا خايفين منوو زاد قرب لعندها و هي علاين تخشا في لمرايا لي من وراها و زاد تعصب و لكن محافظ على هدوء برقان المعتاد ) مناش خايفة ا اية غير حيت مكنبانش في المرايا ( و نعت ليها من وراها اية دارت للمرايا كتشوف فيها كانت فيها غير هي وهو موراها و لكن مكيبانش الحاجة لي كتزيد تخلعها و عقلها مكيستوعبهاش زاد قرب للضهرهاا كثر ) مكنبانش حيت انا ملك الجان ا اية
...واش مكفاكش صوتي باش تحسي بالامان معايا ....واش مكفاكش حبي ليك ا اية ؟ (اية كتشوف في المرايا بصدمة و هي كتسمع صوتو و كتهدن شوية بشوية و مبقاش داك الخوف و العلع هادا شكون ماكن راه هو برقان لي بغاتو دارت عندو كان قريب منها كثر و كثر كتشوف في عينو لي كانت حادة النظر و هي كتشوف فيها كيهد بوحد الخفوت ) حتى نتي بالنسبة ليا من عالم اخر و لكن بغيتك ا اية (ابتسام ليها وسط لحية ديالو ابتسامة باهتة و هز يدو حطها على كتافها و هي مخافتش منو ) دابا غادي نحقق ليك شنو بغيتي دابا غنخليك تمشي و مغتشوفينش مرة اخرة و تعيشي حياتك كيفما بغيتي طبيعي و غتزوجي برجل اخر من الانس (اية بدات كتحس بيهم كلمات وداع و قلبها تزير عليها و كيتعصر و بدات كتغرغر عينيها سيغتو فاش قال زواج برجل اخر ) كنواعدك ا اية انني مغادي نقيس حتى شي مرا من غيرك و لا غتكون مرا من بعدك (اية بدات كتهبط الدموع على خدها بجوج ) غادي نتوحشك ا اية (اية ضربها الضو في قلبها من هاد الكلمة قرب منها و شم ريحتها و دوز بيدو على شعرها ) و غادي نتوحش هاد ريحة و هاد العينين و هاد الفم لي عمري تدوقت فحالو (و بقا كيرسم فمها في خيالو بالنظرات و هي هايمة فيه ) تسمحي ليا ندوقو لاخر مرة ؟ ....اية مكانتش كتجوبوو كانت اية تتشوف فيه و رجعو دموع خوفها شي حاجة اخرى الم فضيع في قلبها بسباب هاد الهضرة ...برقان حس برضاها ابتاسم ليها و نزل لشفايفها فتحهم بفمو و متص منهم لي غادي يشفي الوحش ديالو كيمص شفاه العلوية حتى مكيطلقش منها ...و شفاه ديالها السفلى فحال كيدوق طعم الحياة مرة اخرى ....اية شدات من دراعو و زيرت على حويجوو و عطياه فمها و كيانها كلمات الوداع ضروها في قلبها ... كانت قبلة الوداااع ....متص شفايفها و رجع بللور و هو كيشوفها كيف كتفتح عينيها ككل مرة من مور كل قبلة ابتاسم ليها : كنبغييك ....و في رمشت عينيها ليه تلاشاااا فحال الرمااادبين يديها و قدااام عينيها لي وسعتهم بالصدمة و بين يديها كين غير رماد فحالا عمرو كان ليه وجود : ب ب برقاااااان برقاااااان برقاااان ....و كتشد غير الرماااد لي تما و تقلب بعينيها في القاعة .... في ثانيتها شفطتها لمرايا من لور جبدتها بوحد السرعة و هي كتغوت و راجعة بلووور بسرعة الضوء ...على وحد الممر حتى خرجت من وحد الباب كبييير .... فيه النور غير خرجت منووو هو يتسد بسرعة ....و ناضت اية من ناموسية ديالها بخلعة و موسعة عينيها : برقااااااااان ....
✔مابعد الوداع
اية : شنو جينا كنديرو هنا اماما
حياة شافت الاب كيعط ليهم بيدو : اجي اجي ابنيتي اجي ...و داتها معاها شادة منها غاديين من وراها الحاجة كتمشى و دارينها رجيلاتها .... الفقيه خرج بيهم من القبة ...و مشا بيهم لجيهة البحر تما كين وحد الغار غارق تحت لرض نزل فيه الفقيه هو لول ...و تبعو الاب نزل عاد نزلت اية كتشوف في داك الغار هبطت و عاد حياة و هبطو الحاجة تاهيا ....كان غااار مضيق مضلم ....فيه السناسل دوك الغلاض ديال ربيط و ديرين فيه الشمع و كاع حيطانو فيهم الحمرية محروق فيهم الشمع ....اية غاكتشوف في داكشي بالصدمة
الفقيه : غاتبيتوها هناا ليلة غاتربطوها بالسناسل غد ليه غتصبح صحيحة (اية كتشوف فيه علامن كيهضر هادا بضبط )
الاب : وليني اسيدي منقدرش نخلي بنتي بوحدها هنا ؟
✔لحظة الضهور ...
نجوى جاية كتجرييي و كتغوت : اااااااية اااااية ....حتى وصلت لعندها و نزلت شدت من ركابيها كتنهج : اية مالكيي؟ شنو واقع ؟علاش خرجتي؟ ...و طلعت فيها راسها لقاتها مصدومة فوحد جيهة دارت و لقات راجس لي لبارح عنقاتو اية
نجوى : هدا هو الزيين لي عنقتيييه ا اية (و شدت من دراعها ) معرفتش واش هو بروف و لاا شي حد من الادارة بعدا خاصك تمشي لعندو و تشكريه و تطلبي منو السماحة على داكشي لي درتي لبارح حشوومة انا غنمشي نسول عليه شكون هو ضاروري منلقا شي حد عارفو يلاه سيري نتي بعدا هضري معاه اية .....كتزعزعها اية كان عقلها كيدور مواعيش و هي غير مجمدة في بلاصتها ....و هي دفعها نجوى لقدام باش تمشي لعندو ...و نجوى دارت تقلب على شي حد كتعرفو يقوليها هاد السيد لي طيحيين معاه شكوون
اية بفحيح هامس خرج مع الريح : برقاان .... و عينيها عليه بضع ثواني كتشوفو كيستدير بهدوء و ببطء لمن موراه ...حتى توضعت انظارو لجدية المستغربة في عينيها ...خرجت زفيير كيحمل التعب و للحيرة و رهبة ....و عينو في عينيها و تغير تعبييرو المستغرب لبشاشة و ابتسم ليها ببطء حتى ضهرت الغمازة على خدو الايسر ...
⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️
و هنا بقينا واش هاد راجس هو نفسو برقان ولا غير الشبيه ديالو ....و لا شي حاجة اخرى حنا معارفينهاش ...
عودة قريبة انشاءالله ...بمجرد منعلمكم غدخلو تقراو نيشان انشاءالله
شنو اقوى لحظات بالنسبة ليكم نتوما
لي بغا يتواصل معايا ....يجي عندي انستجرام : oumaimamega1
تما كندير اعلانات على القصص و شي مرات مسابقات ...و بيما فيهم القصة ديالكم لي متبعينها عشق الملك برقان .....باش حتى لكنت غنعلم بشي حاجة تكونو على بال ...فحالكم فحال متابعين تاع الفايسبوك ...حيت كنلقا صعوبة باش نتواصل معاكم نتونا بدات ....و شكرا ❤❤❤❤