عشق الملك برقان (قصة رعب _رومانسية بدارجة المغربية +18 في طور كتابة )

36

⚔عشق الملك برقان⚔
👑oumaima mega 👑
👣127👣
كان كيشوف في الكتاب بعيون من لهب ...كيعكسو صورة آية وهي كتقلب عليه بجنون وكتنده بإسمو ....وهي تبدا عروقو الحمراء لي مكتاسحة وجهو كليا كتنبض بشدة ...و داك الالم لي كان كيعدب روحو حتى لموت بدا كيخف من الحدة ديالو ....عشقو كان كبير ليها بزاف ...هاد العشق لي دب الرعب و زعزع عالم الجن بأكمله ....بدا كيصدر خرير مزدوج وهو كيتدكر صورتها في أعين الملك عبد الله ....ااااه شحال شتاق لداك الوجه لي شافو لاول مرة من بعد هاد شهور كلها.... صر على اسنانو بقوة وهو كيحس بصدرو كيهيج بركان من الاشتياق  ... مكانش قادر ينطق بكلمة من غير سميتها في هاد اللحظة ...كيعشقهااا لوحد الحد كبير بزاف ...لي وصل لمرحلة انه غيدير اي حاجة باش يكون معاهااا ... في نفس عالمها ..يتنفس من هواءها ... كفاية انها كانت كتقلب عليه برغم من معرفتها انه جن و حاولت تدخل للعالم ديالو و تجي لعندو ...دابا غيدير المستحيل باش يسترجع الزوجة ديالو ويمتالك الى الأبد جسدهاو روحها كليا... شنو ماكان الثمن وقربان عشقو ليها 
في قاعة ديال حكم الخاصة ببرقان ....كان مزال لجو مسيطر عليه ضباب الاحمر ....كان جالس برقان في المكان العرش ديالو بسلهام الحكم الدهبي ...و بتاج ديالو الابيض ....و قدامو الملوك الستة ( عبدالله المدهب )(شمهورش )(مرة )(أبا محرز الأحمر )(الآبيض)(ميمون ابانوخ) ....و من موراهم عشرة الحراااس الخاصين بالحاكم برقااان حراس برداء الاحمر ...كانو الملوك الستة مستعديين ينفدو اي حاجة تتطلب منهم كان طالبيين حاجة وحدة الحماااية من آثار تعوييدة  يعني طلبو تسليم و الامان من الحاكم برقان ...و كان ليهم شنو بغاو
✖️في ليلة الأولى : .....في قاعة حكم برقان لي كان مسيطر على ارجائها داك الضباب الدموي وكانت عااامرة بأقوى عشائر الجن ....كلشي كان لابس سلهام اسود لي كان مغطيي على وجهوههم حتى حاجة مباينة فيهم ...و رافعييين شموووع في يدهم .... و وفي قلب القاعة كانت دائرة ...وسطها عرش الملك برقاان ....و في يدو كتاب "مفتاح سليمان " و دايرين بيه عروش الملوك الستة ...حتى هما رافعين كتاب و في يدهم الثانية شمعة ولابسين تيجانهم و خواتم الحكم ديالهم  ....و كل ملك كان من وراه حارس برداء احمر رافع قدر ديال الطيين ....و قدااام الملك برقااان كان كفن ملفوف و مغطي على هيكل عضمي لبني ادم ...كانت شمس القواميد لابسة سلهام بيض و شادة من بناتها و كانا خايفة على ملكها بزاااف ....و هنااا بداااو الجن بصوت واحد كيتلوو نفس التعويدة ...بصوت تقدر تسمعو الشياطيين والجن لي تحت الارض ....صوت زلزل عالم الجااان كولوو ...في هاد ليلة حتى ساحر ارضي مقدر ينفد سحرووو ولا يستحضر اي جن ... حتى شمعة سحر ماشعلت
كان يوم عضيم في تاريخ السحر و الجن ....كانو الملوك الستة كيتليو نفس تعويدة بصوت خافت و عينيهم على الكتاب ....و برقان كان كيتلي غير بلملمات شفاهو تعويدة خاصة في مفتاح سليمان ....ترفع الكفن من على الارض في لوهلة الاولى وواستقر في الهوااا .... تماا
تقدم للحاكم برقان كأس من خولجان فيه سائل احمر من عند الحارس صاحب الرداء الدمويي ...شدو بيد وحدة و شرب داك السائل المرر و رجع قدمو لحارس ديالو
✖️ليلة الثانية .....بقاو على نفس الحالة و تاحد متزحزح من مكانو وهوما كيتليو نفس تعوييدة ...بدااا الدم كينزف من عرووق الملك برقااان حاكم الملوك  ...قطرة قطرة ...و كيسيل داك الدم في لارض ...الملك برقان كان تابث وهو كيتليي في تعوييدة