عشق الملك برقان (قصة رعب _رومانسية بدارجة المغربية +18 في طور كتابة )

18

⚔عشق الملك برقان⚔
👑oumaima mega 👑
👣64👣

ايوب بقا حاضيها و تيكمي ...تاطلعت في طاكسي لاح الكارو و دار قبية على راسو وهو كيتحلف على اية ... و ديك تصميكة راه منساهاش ... اية ركبت في طاكسي ..ديركت لدارهم ...تا وصلت خلصاتو و هبطت مشات لدارهم حلات لباب بساروت و دخلت ....كانت حياة و الحاجة جالسين في المراح و حياة تتنقي خيزو ...طلعو عينيهم بجوجات فاش تحل لباب

حياة تعجبت : بنيتي آية مالكي جيتيي بكريي
اية دايرا ساكها في كتفها : والو ا ماما غير درني راسي مقديتش نكمل و انا نرجع فحالي
حياة : ااه ا بنيتي و سيري ارتاحي ليك
اية : واخا ا ماما ....و حنات راسها و مشات لدروج طلعت لبيتها
حياة دغيا دغيا دارت عند الحاجة : ناري ا الحاجة بنتي كضيع مني
الحاجة : علاش مالها ؟
حياة : واش مكتشوفيش ا الحاجة درية غادا وهي لور لور اية مكانتش هوكااا شوفي يمكن خاصنا نرجعو عند ديك المرا كانت غتقولينا شي حاجة على بنتي ومنعرف شنو وقع ليها حتى بدات تغوت خاصنا نعرفو بنتي شنو عندها وديك لمرا هي لي غتكون عارفة
الحاجة هزت صبعها : لا لا منزيدش خطوة في داك الدرب ديك المرا راه حمقة لا بغيتيي سيري عندها غا بوحدك خلي ليا بنتي اية
حياة : اويلي ا الحاجة و نخليو اية الضييع قدام عينينا وحنا كنتفرجو
الحاجة : سمعيني انا شاكة في ناسها لايحين ليها شي بلا دابا غتنوضي تجيبي تباخيرة من عند العطار نبخرو بيها البنت تا لكانت شي حاجة تحيد وانا غنقول ليك شنو تجيبي
حياة : هيا لولة بلاتي نوض نلبس جلابتيي ....نرجعو عند اية لي طلعت لبيتها و سدت الباب و حطات الساك ديالها و كتخمم بزاف في ديك الهدرة ....و راسها دارها مشات جلست فوق الناموسية ما عارفة ماديير بغات تواصل مع برقان و معرفتش كيفاش معندها لا نمرة تليفون ديالو لا كيف تهدر معاه والو ...ناضت و بدات الدور في عينيها في البيت : برقان برقان برقان ....و هي كتمشى حست براسها فحالا كتهدر مع الخوا مالها حماقت استغفرت الله كيفاش حتى غيسمعها وهي كتغوت هنا بسميتو و مشات لماريو حلاتو و بدات تنصل في حويجها ...بقات غير بدوبياس و هزت حويجها دخلتهم و تعلات على صباع رجليها كتقلب على شي بيجامة تلبسها .... و هي كتخبش حست فحالا شعرها كيتحيد بشوية من على ضهرها ...وقفت متسمرة و مخرجة عينيها ....و كتحس بشعرها كيتهز و تحط على كتفها... يلاه دورت راسها شوية حتى حست بيد برقان دافيا تحطت على ضهرها و كيحرك صباعو تما....غمضت عينيها كتحس بيه و بلمساتو ل كتقيس قلبها و كطير عقلها ....بقا غادي نازل على طول ضهرها حتى وصل لمؤخرتها و حيد يدو ...فتحت عينيها بشوية و حست بدوك اليدين كبار تحطو على كتافها بجوج هزت كتافها و رجعت غمضت عينيها ....هو كيهبط يدو معاها بشوااااية .. حتى وصلها لدراعها و حيد يدو ...اية حلت عينيها و دارت دغيا عندو : برقا ....و كانت الصدمة انه ماكين لا برقان لا والو ....خرجت عينيها كتشوف يمين و شمال كي لحمقة واش كيتهيئ ليها ولا شنو واش ولات كتخيلو كتحس براسها غتحماق ...شدات من راسها هادشي بزااااف عليها و دارت دغيا مخلوعة كتقلب على بيجامة بزربة تلبسها