عشق الملك برقان (قصة رعب _رومانسية بدارجة المغربية +18 في طور كتابة )

15

⚔عشق الملك برقان⚔
👑oumaima mega 👑
👣53👣

الزوهرة هزات فيها عينيها مطرطقاهم : نتي نتي ديال برر....مجات فين تنطق سميتو حتى بان عليه الامان من ورا ضهر اية واقف مربع يدو و معاه جنودو عينيه حوومر كي جمر ..الزوهرة غي شفتو بغات تنطق سميتو ...تتسد فمها سدة وحدة و تخيط من لداخل ....الحاجة و حياة و حتى اية مفهموو تا لعبة ...اية تخشات في مها مخلوعة منها و مكيشوفو والو من غير الزوهرة لي ولات كتخلع ...الزوهرة كتشوف موتها واقف قدامها ...ولات فحال زيزونة كتغوت من لداخل وكيتسمع لانين ديالها و راجعة بلووور خايفة ومخرجة عينيها في الخوااااا  ...حتى لصقت مع الحيط هو يربطها تما مبقاااتش قادرة تحرك ولا تهرب ...و دور عينوو حاريين مخرجهم في آية مرتووو ...معرفش شنو كدير هنا عند مشعودة مرتو المؤمنة جات عند شوافة و كتشرك بالله الا هادي ميقبلهاش منها ....الحاجة و حياة و اية شافوها هاكاك ناااضو وقفووو مصدومين تيغوتو ....وبدا كلشي كيتزعزع من حداهم ...السدادر و الطوابل و لبيبان كيضربو ....و كاع ديك الشعودة لي في الطبلة كاتفرتك و تضرب في زووهرة لي غير معلقة عينيها في سما و كتشهد على غضب الملك البرقان ....دخلت فاطمة تجري لقاتهم كيغوتو و كيشوفو في زووهرة لي مخرجة الكشاكش و فمها محزوم
فاطمة : زوووهرة مااااالكي شنووو واقع ليهااااا .....وهو يتفركع المجمر على جهدوو تمااا ....و بدات تخبط طبلة غا بوحدها ....و اية و مها و جداها عمرهم شافو داكشي خرجووو دغياااا كيتجااااراو و كيغوتووو وحتى ديك لمرا خافت وخلات زووهرة وهربت من تما كتغوت...حياة و اية جاريين الحاجة لي طاح ليها طونسيو بالخلعة و كيجريو ....تشدووو طاكسي و الحاجة سخفت ليهم لداخل
اية جالسة للقدام باقا فيها الخلعة : واش ندوزووها للسبيطار ؟
حياة : لا غير دار خاصها تشرب دواها ....وصلو للدار و دخلو لحاجة كتعد و تدويي : عمريي باقي نعتب تمااا الله ياربي الله كناا غنموتو ياربيي ....حياة داتها نعستها في الصالة و اية مشات دغيا جابت ليها كاس ديال الما و دواها ...شربوها دواها و تكاوها تستاراااح
آية : من لول قلت ليكم منمشيوش لتما و نتوما ماكتسمعووش ديتونا عند ديك المرا لحمقة
حياة دارت عندها شاكة فيها : لا ا اية المرا كانت عادية فاش شدت يدك ولات هاكاك و هادشي ماشي عادي ا بنتي
اية بقات تتشوف فيها صدمتها بهادشي : ماما ش ش شنو بغيتي تقولي ...يلاه كانت غتجوبها هما يسمعو الدقان في الباب
حياة : نوضي شوفي بعدا شكون ....اية حركت ليها راسها باه و ناضت و كتفكر في هضرة مها حياة ....لي تبعتها بعينيها تمشات لباب حالة بنتها ممطمناهاش ماشي بنتها اية لي كانت شحال هادي
اية حلات لباب كانت نجوى تما ....غير شافتها و تعانقووو
اية : نجوى توحشتك مزيان منين جيتي
نجوى : قلت نجيي نشوفك (شافتها ديرا شدها ) واقيلا كنتي خارجة
اية : غير مشينا نجيبو تحاليل و رجعنا دخلي دخلي ....دخلت نجوى كتبسم
حياة خارجة من الصالون : شكون جا اااية اااه بنتي نجوى مرحبا بيك (سلمت عليها )
نجوى : كيف ديرا اخالتي لاباس
حياة : لاباس الحمدالله طلعيها ا اية لبيتك انا نعمر ليكم اتاي و نجيبو
اية : واخا ا ماما يلاه ا نجوى ....و اية مشات جرات معاها نجوى طالعين و حياة بقات واقفة كانت ديرا غير ضحكة صفرة و ليني وجهها لي صفر داكشي لي وقع لبارح و ليوم معجبهاش و مجاهاش عادي