عشق الملك برقان (قصة رعب _رومانسية بدارجة المغربية +18 في طور كتابة )

29

⚔عشق الملك برقان⚔
👑oumaima mega 👑
👣108👣

نجوى : ندخلوها ا خالتي بعدا وعاد نعاود لييك
حياة مخلوعة على بنتها وكاملة كترعد : يكما رجعت لبنتي ديك الحالة عوتاني ياك ولات بخير
نجوى : غنعاود ليك كلشي ا خالتي غا نطلعوها بعدا للبيت....طلعتها نجوى و حياة لبيتها و خلاوها تكا على ناموسية ترتاح ليها

نجوى : غير ا خالتي كانت تتحفظ بزااف و طاحت و ديناها لكلينيك
حياة وجهها تخطف منو اللون وزادت تخلعت على بنتها كثر : اويلي على كلينيك
نجوى : تهدني اخالتي راه معندها والو لحمد لله طبيب قال غير مخصهاش تضغط على راسها في لحفاضة ومتسطخيساش و تشرب هاد الدوا
حياة قلبها ولااا حساااس بزااف جيهت بنتها ولات خايفة عليها من اي حاجة داكشي لي دازو منو ماشي ساهل مبغاتش تشوفها مرة خرى في نفس لحالة : معندي مندير انا بهاد القرايا لي غتمرض ليااا بنتيي تجلس منها و ترتاح
نجوى : خالتي راه هاد القرايا هي لي كتنسيها اجي معايا نشرح ليك نخليوها ترتاح ....اية كانت عاطية بضهرها و داتها عينيها غارقة في نعاس

مع آدان المغرب ....آية عاد لقات راحتها و بدات كتحل عينيها تاني كتسمع الحركة في بيتها ...ناضت كتبان ليها نجوى جالسة لهيه و شادة البيسيي و كتحفظ مسكينة باغا تفاليدي

آية فاقت مرتاحة شوية وراسها مبقاش كيضرها بزااف : نجوى شحال في الساعة
نجوى غاسمعتها فاقت حطت كلشي في يديها ومشات لعندها : اية فقتي بلاتي خاصك تشربي الدوا ....مشات لوحد البلاطو محطوط تاع الماكلة هزت منو كاس ديال الما و كينة و عطاتها ليها تبلعها : شربي هادي راه قال طبيب تاع راس ....اية خداتها من عندها و شربتها و نجوى جلست حداها ربعت رجليها

نجوى : كتحسي براسك مزيان دابا
اية مدت ليها الكاس : ااه الحمدالله
نجوى : ايوا الحمدالله (سكتت شوية عاد دوات ) اية ماشي هدرنا في موضوع برقان بلي خاصك تنسايه صافي باراكا مع تعدبي في راسك ا ختي واش حتى لدابا مزال مقتانعتيش بلي غير كتوهمي
أية دغيا هزت فيها عينيها و قرمت حجبانها : برقاان (و هي توسع عينيها على قدهم وانفاسها بداو كيهيجو ) برقااان و و واااااش انااا عنقت شي حد ا نجوى ؟
نجوى : عاااد طفات عليك الشمعة و عقلتي ايوا مزيان ا لالة منين عقلتي على راسك مشيتي تجرييي و عنقتيي وحد زييين و بركتيي كتقولي ليه برقان هاداك زيييين كلووووو برقاااان
اية كتشوف فيها مصدومة و هي كتسمع دقات قلبها كتسارع وعقلها كيحاول يستوعب ان داكشي مكانش حلم كيف كانت كتخيل حطت يدها على راسها لي بدا يضرها وكمشت وجهها : ا ا ا ادن داكشي بصح ؟
نجوى : نتي راه تسطيتي ا اية غيولي اي راجل دايز تمشي تلاحي عليه و تعنقيه و تقولي ليه برقان و ليني فاش طحتي و بقيت كنغوت هو مسكين لي جا و هزك من لرض صراحة واخا كنتي طيحة مي كان تيتيز بقيت غا حالة فيه فمي و هو لي داك لكلنيك و خلصو و فاش رجعنا رجعنا في وحد الطموبيل ياختيي واااعرة بالشيفور ديالها (اية فاتحة فمها فيها مصدومة من هادشي لي كتسمع ادن مكانش وهم كان حقيقة برقان كان حقيقة ) و لكن خاصنا نشكرووه او خاااصك نتيي تشكرييه و تقولي ليه سمحليا على لبارح حيت راه ما بلان ماوالو داكشي لي درتي⚔عشق الملك برقان⚔
👑oumaima mega 👑
👣109👣