عشق الملك برقان (قصة رعب _رومانسية بدارجة المغربية +18 في طور كتابة )

30

⚔عشق الملك برقان⚔
👑oumaima mega 👑
👣112👣

آية كتشوفو قدامها نفس النظرة نفس الابتسامة لي عند حبيبها برقان .... كانت واقفة و مسمرة في بلاصتها مكدير حتى رد فعل من غير انها كتلملم بشفايفها باسم برقان ...و كتشوف بين عينها كيف ابتاسم ليها و دار لوحد الثانية ...و رجع دار لعندها و بدا كيتمشى لجيهتها بديك الابتسامة المعتادة ....كانت ضربات قلبها كتسارع مع كل خطوة كيخطيها في جيهتها ... نفس الخفقان لي كان غير للبرقان ....حتى وقف قدامها مباشرة مغطي عليها بنفس العرض و طول

راجس ببشاشة : سلام ، (كانت اية داخلة في سبات الحيرة لدرجة السهووو وهي كتشوف فيه ...هو استغرب من نظراتها الغريبة و رفع حاجب )كنضن تفكرتيني ا مدموزيل ؟ .... و صغر عينو مع حواجبو لي انقدت حيت متلقا حتى رد من عندها ...من غير النظرات الغريبة لي كترمقو بيهم ...جاتها وقع مدموزيل غريبة بزاف على فموو ... ماشي هاكا كيعاملها برقان ماشي هاكا .... حتى جات من وراهااا نجوى لقات راجس كيهدر معاها و هي ساكتة غير تتشوف فيه ....و جات دخلت بزربة شدت من دراع آية  و كلها حمرة حمرة : سلام مسيو ااا ممم ش شكرا بزاف على البارح كون مكنتيش نتا معرفتش شنو كان غيوقع لآية ؟ ....راجس رسم ابتسامة هادئة كتعكس هدوء شخصيتو والغمازة حروفها منقوشة على خدو : هادا واجب (دار لعند آية بهدوء ) كنتمنى تكوني بخير دابا ا مدموزيل آية ؟ ....كان لا رد من عند آية مزال غير كتشوف فيه بعيون غياكلهم الصراع و الحيرة ...وهي دور عندها نجوى باستغراب مفهمتش مالها : آية ؟ هادا هو مسيو الميداوي لي داك لبارح لاوبيطال ... آية دارت عندها بنظرات صدمة كتشوف فيها ....و وقع اسم مسيو المداوي على ودنها كيتردد ... ميمكنش نفس الوجه و نفس الصوت و الاسم مبدل .... اية رجعت كتشوف فيه و داخلها لي كيهدر اما لسانها تشلل على الكلام .... هاد الرسمية ماشي ديال برقان ...و لكن فينما كتهز فيه عينها كيتبث ليها العكس ....مفهمت والو ...تخلط عليها كلشي راسها كيضرها بزاف ...بدات غير تتشوف فيه و ترجع تشوف في نجوى فحال شي حمقة ....نجوى كدير ليها بعينيها باش تجاوب السيد ....و راجس كان في وضع استغراب تام و هو رافع حاجبوو : واش كين شي مشكل ؟
نجوى دارت لعندو كتفتف : لا لا ا مسيو (و دارت عند اية كتهدر معاها بين سنانها ) اية ....اية وصلت لحدود راسها غينفاجر عليها وهي تتسمع داك الاسم مزال كيتردد في ودنيها ويخبرها بلي هادا لي واقف قدامها وكتشوف فيه دابا ماشي برقان ....حيدت يد نجوى من دراعها وبدات كترجع بلور و هي كتدير لا براسها ...و بلا ماتردد دارت في حالة هستيرية مشات كتجري باغااا تهرب من هاد الدوامة لي منعرف كيفاش دخلت فيها

نجوى معرفت مدير دارت عند راجس : س س سمحلينا ا مسيو ....و مشات دارت تابعة اية كتغوت ليهااا ....اية بقات كتجري وهي كتخرج في الطلبة و مكتحسش ...كتقلب على شي بلاصة تخبا فيها و تعزل فيها راسها....تابانت ليها وحد دخلة ....دغيا مشات ليها و تكات على الحيط ...كتنهج و قلبها بدا كيضرها بشدة ...شدت منو و بدات كتنزل بشوية بشوية ...و هي كتطلق البكية ديالها بهستيرية بلا بداية ...تانزلت الارض كتبكي ... قلبها و عقلها في تضارب و هي كتقطع من داخل ديالها ....وصلت عندها نجوى بانت ليها طيحة