عشق الملك برقان (قصة رعب _رومانسية بدارجة المغربية +18 في طور كتابة )

28

⚔عشق الملك برقان⚔
👑oumaima mega 👑
👣105👣

نجوى دارت بصدمة عند آية مخرجة عينها : آاااااية عاوتانييي ....آية مكانتش كتشوف فيها كانو عينيها موسعيين في الفراغ و نفسها كتطلع و كتنزل وودنيها تسدو مبقات كتسمع حتى شي حاجة من حولها ...و شفايفها كيلملمو غير باسم برقان و كتشوف قدامها مجمدة فحالا ترفعت على العالم و انفاسها بدات كتهيج ...نجوى كتشوفها كتشوف قدامها يلاه جات دور تشوف فين كتشوف ....و هي تنوض آية دغيا من الكرسي لايحة كتوبتها كلهم على الارض و بلا اي سابق إنظار عفطت عليهم بلا شعوور و مشات كتجرييي  على جهدها ...و عينيها على نقطة وحدة كتسمع غير صوت قلبها لي كيتسارع مع خطواتها و انفاسها كتنهج و هي كتسابق مع رييح و كتردد اسم برقان و هي كتنهج .... كانت كتجريي على طول الممر متوجهة لعندووو .... و كلما كتقرب كتوسع عينيها .....و هي كتشوف فيه ... نفس الشعر كتداعبو الريح و  نفس النظرات النسرية الحادة و هو كيشوف في تقاطع الطرق و كيتمشا بوحد رزانة ...و على وجهو علامات الجدية ....و لابس كوستييم بالكحل.... و متوجه لعند جماعة من الرجال لي حتى هما لابسين لي كوستيم و واقفين بعيد في مفترق الطرق ....حتى كيحرك عينو بالتدرييج لعند آية لي جاية كتجري بوحد السرعة حتى لعندو وهي كتشوف فيه .....و كتحسب لخطوات غير امتا توصل لعندو و تلمسووو و عقلها و قلبها كانو على دراية انه حقيقي ماشي وهم كيف قالوو ليهاا حقيقي... كتحس بروحها كترجع تختارق جسدها و دخل فيه فحالا كترجع للحياة لي هجراتها من بعدو و هي تشهق بإسمو : برقااان ...وتلاحت لعندو كليا و تعلقت في عنقو محوطة عليه بيديها و مزيرة عليهم و صدرها ضاغط على صدرو ...و غير صباع رجليها لي كيقيسو للارض بحكم فارق الطول ...و هي مزيرة عليه و غمضت عينييها و هي في احضانو و أخيراااااا....شوق و لهفة كيخليوها تزيد تزير على عنقو و تنزل دمعة من خدها كتحكي على اشتياقها ليه ....و رائحة ديالو كانت نفسها
نجوى ناضت من موراها فاش كانت تاتجري و تتغوت برقان كان كيحساب ليها بلي حماقت ....حتى كتبان ليها صحبتها عنقت راجل و ماشي اي راجل زويييين بزاااف ....وقفت في بلاصتها مصدوومة ...و مدهوشة كتشوف فيهم .... و مشات كتجريي تابعاااهااا 

آية كانت مزيرة علييه و مغمضة عينيها و دموع كينزلو ليها و كتحس بلحية ديالو في خدها كتخدشها كيفما كانت ...حتى تحطت يد كبيرة على كتفها و فحالا كتبعدها ...آية فتحت عينيها بهدوء و رجعت للور و هي حاطة يدها على كتافو العراض و هزت فيه عينيها المدمعين ... كانت على ملامحو علامات الاستغراب و بنفس الصوت الرجولي والشجي والهادئ التابع لبرقان كانت كلماتو كالتالي : كنظن انك غلطتي في شخص ا انسة الاسم ديالي ماشي برقان .... نجوى يلاه وصلت لعندهم و وقفت من موراها و كتحول عينيها بيناتهم كتشوف اية معنقة شخص في قمة الوسامة و الاناقة و كتندب حناكها

آية و هي كتشوف فيه موسعة عينيها على قدهم عقلها دخل في صدمة من بعد لكلام ديالو مشاعرها لي كانت هائجة بالشوق واللهفة توقفت مع قلبها لي مبقاتش كتسمع دقاتو و هي كتشوف وجهو لي هو كأنه برقانها لي كتعرفو كمشت وجهها بإستغراب كترجم لفوضى لي نايضة في عقلها و حاطة يدها فوق كتافو ونطقت بصوت كيرجف : و و ش شنو سميتك؟ ( نجوى عضت شفايفها)
هو بملامح جدية : انا راجس
آية كيزيد عقلها يتلقى صدمة اخرى : ر راجس  ؟
نجوى دخلت بسرعة و شدتها من كتافها مرجعاها للور و هي كتشوف في السيد مستغرب كيشوف في اية لي مزال رافعة يديها باغا تقيسو :اجي ا اية سمح لينا اسيدي راه غير تغالطتي ليها مع خوها لي في براا ...حرك غير عينو لنجوى و بتعبير بشوش و هادئ تكلم : ماشي مشكيل نستأدن منكم .... و حول عينو لآية لمحها لثانية و دار كيتمشى قدام عيون آية لباكية و هي كتشوفو غادي كيتمشي قدامها وعاطيها بضهرو