عشق الملك برقان (قصة رعب _رومانسية بدارجة المغربية +18 في طور كتابة )

19

⚔عشق الملك برقان⚔
👑oumaima mega 👑
👣68👣

طلعت لمرايا لفوق و هي مخرجة عينيها كتشوف غير انعكاس بيتها من لور ميمكنش مكاين حتى شي حد من وراها ....و هي دور بزربة لعند برقان كتشوف فيه و مخرجة عينيها وهي كتشوفو واقف قدامها و واضح و باين....بدات كترعد و تقفقف ...من راسها لرجليها واش لي واقف قدامها ماشي من الانس لا لا ميمكنش هادشي ميمكنش....قلبها بدا كيتعصر بالخلعة و بدات كترجع بلور مبعدة منو ....و رجليها فشلو عليها بالخلعة مقادراش تتوقف بيهم ويديها كيترعدو فحالا جاها شلل
برقان استغرب منها معرفها مالها و بدا كيقرب منها وهو مكمش وجهو : اية ؟ مالك ....و هز يدو باش يحطها عليها ....اية زادت خرجت عينيها وهي كتشوفو كيقرب منها ويدو غتحط عليها وهي تغوت "لاااااااااااا" ودخلت فهستيرية ديل الخلعة والخوف و محساتش براسها حتى دارت دغيا دغيا هاربة منو كتجري و كتقول بين فمها بسم الله رحمان رحيييم لي كتخرج ليها وهي مخربقة ممفهوماش بقوة الهلع لي ركبها ....تامن دموع خرجو ليها بلخلعة ......و خرجت من بيتها و سدات لباب وهي مخرجة عينيها وقلبها غيسكت ...و غادا كتمشى بزربة باغا تهرب لاي بلاصة ولكن لدرجة خوفها معارفت راسها حتى فين غادا عقلها حبس وهي مخرجة عينيها في الضلام.... لي مكمل ليها على الخلعة لي فيها مبقاتش عاقلة حتى على لقنات ديل دارهم غير غادا بلا عقل ونفسها محبوسة ليها كتخرج غير بزز ....و كلها كترعد حتى من راسها كيتزعزع ....فين غتمشي في هاد لييل اويلي عقلها باقي مستوعبش انها دابا كانت واقفة مع واحد ماشي من الانس ....و هي غادة في لكلوار بزربة و هي تبدا تسمع خطواتو من موراها ...وقفت مخرجة عينيها وبدات كدور عينيها في الضلام و دموع كيهبطو ليها كي الحجر ...على خدودها ....و كتنفس بجهد و كتقرا لقرءان في خاطرهااا بزربة ....لا كانت شي حاجة كثر من الهلع راه هي لي ولات فيها دابا غير هي وياه في هاد الدار كلشي ناعس ...و كتسمعو كيقرب ليها و هي تشوف دغيا بيت جداها و ختها ....معقلتش حتى كيفااااااش طاارت لييييه ....و سدااااات لباب و تكات عليه وهي مزيرة عليه باش تحبسو ميدخلش لهنا و كاملة كترعد و نزلت لارض جلست حيت فشلو عليها الركابي بالخلعة ....و صدرها تيطلع و ينزل وهي مزال كتسمع خطاويه برا ....بغات تموووت قلبها وقف في بلاصتووو و بدات كتبكي بالصوت...و ناضت دغيا جامعة رجليها محنية ....مشات لناموسية حدا جداها و ختها و تخشات حداهم كتبكي و كترعد ....لدرجة خوفها شدات من يد زينب مزيرة عليها و كتبكيييي ....غمضت عينيها و زيرت عليهم ....حتى كتسمع الوضع هدا و تهدن ...و هي تحل عينيها و دارت بشوية كتشوف في لباب لمسدود و دموع و ترعيدة شاداها ....و هي تبدا تسمع مشيتو في لبيت تمااا طارت من بلاصتها ....و جرت لمانطة بزربة و غطات بيها وجهها ...و مغمضة عينيها كتبكييي و تطلب ربييي ... و تسمي بالله رحمان رحيييم وجسمها كيترعد كامل بشكل ضاهر....حتى حست بالناموسية مالت جيهتها و هي تزير و تزنكر ....و حسات بيه جلس حداها تما سكت ليها القلب صافي ....برقان جلس في جنبها عاقد حجبانو عراض كيف النسر معرفش مالها كيشوفها كتبكي و كترعد ...هز يدو بغا يحطها عليها باش يعرف علاش مشات مقلقة كتبكي ...هو يرجع يجمعها على شكل قبضة ...واش المشكل في الهدية معجبتهاش و لكن رد فعلها كان مبالغ فييه بزاااف ... واش دار شي خطأ لي خلاها فحال هاكا ....شنو هاد الخطأ لي دارو من غير قصد منو ....وهو كيشوف فيها كلها كترجف و كتنهج بالبكا ....ناض وقف يمكن السبب هو ان عالمهم بجوج مختالفين و هو معارفش كيفاش كتفكر و شنو كتبغي و شنو مكتبغييش من الاحسن يخليها على خاطرها دابا ....و دار كيتمشى لباب و كيختفي بشوية بشوية مع صوت سباطو ....اية تحت من المانطة مغمضة عينيها و مزيرة على راسها وعلى البكية و كتنهج النهج ديال الخوف ...حسات بيه ناض و الوضع هدأ عوتاني  ...وهي تحيد لمانطة بشوية و طلت من تحتها مكان حتى شي واحد تما ...و هي تنوض دغيا جالسة و كدور عينيها على لبيت لا يكون فشي بلاصة هنا و كتفكر داكشي لي دوزت معاه ...راسها بدا يضرها و حطات يديها على ودنيها وبدات كتحركو بتفي ....لا لا ميمكنش داكشي لي شافت شي حاجة مكدخل لعقل ميمكنش تكون كانت مع واحد من الجن ...وكانت كتبغيه من لفوق وكان كينعس معاها وكيتبادلو للقبل لا ميمكنش ....كتعرفو شنو معناتها فحالا كانت كتعيش مع لخوى و كتبغي لخوى ...زيرت على ودنيها ممستوعباش هادشيي غاديي تحماق و لا تسطاااا