عشق الملك برقان (قصة رعب _رومانسية بدارجة المغربية +18 في طور كتابة )

21

⚔عشق الملك برقان⚔
👑oumaima mega 👑
👣77👣

نرجعو لاية لي كانت ناعسة على ماماها و ساهية ....حتى دخل بات اية : بنتي كيف بقيتيي
الحاجة : وا شوية لاباس سكتت من البكا
بات اية : راه محمد امين جا و بغا يشوفها ...اية غير سمعت محمد امين ناضت شوية جلست و قرمت حجبانها و مسحت دموعها
حياة : دخلو دخلو ....باها مشا خرج و رجع هو و محمد امين ....لي غير شافها جا حداها دغيا جلس
محمد امين : اية فين هادشيييي فين كريساوك
اية كتشوف فيه من تحت العين : و و وحد ل ل لبلاصة ح حدا لافاك
محمد امين : فين بضبط ا اية باش نمشي نديكلاااري
اية : لا لااا مبغييتش نديكلاريي لا
محمد امين : خاصنا ضروري نديكلاريو باش يرجعووو ليك داكشي لي داو ليك
اية تعصبت مبقات حاملة تسمع ولا تشوف حتى شي حاجة شوف هي شنو واقع ليها وهو كيفكر في داكشي لي مشا ليها : صافييي ا اميين قلت ليييك مبغيييتش صافيييي سييير فحالك
محمد امين : مالكيييي ا اية وليتييي فحاااال هاكاااااا مبقييييتش كنعرفك
اية : محمد امين عافاك سير فحالك ....العائلة غير كتشوف فيهم .....محمد امين شاف تاعيا و ناض خرج فحالوو معصب و مشا تبعو بات اية ....حياة بقات غير تتشوف هي و الحاجة كانت تتحماق على محمد امين منعرف مالها تبدلت فحالا مبقاتش حاملاه ...و اية رجعت عند حياة مها نعست عليها وكتبكي....و حياة كتمسح ليها في شعرها و تهدن فيهاا ....حتى صونا تليفون في جيب الطابلية ديال حياة ....جبداتو كان تويليفين عادي ديال نوكيا بيل ... و حطاتو في ودنيها : الو بنتي نجوى (اية ناضت كتشوف فيها برأفة ) لا ابنيتي راه تكريسات صباح و داااو ليها تليفون داكشي باش متتجوبكش لا راها حدايا دابا انا غندوزها لييك ....اية خدات من عندها تليفون حطاتو في ودنها

اية : الو نجوى
نجوى : اويليييي على تكريسيتيييي فيييين هادشييي
اية : الص ص باح حدا لافاك
نجوى : ياك مقاسوووكش بعداااا مقربوش ليك
اية : لا ا ا انا ب بخير
نجوى : الحمدالله ديكلاريتي بيهم ؟
اية : لا م مبغيتش
نجوى : حسن نيت منين غير مقاسوكش داكشي لي بغينا المهيم كنت باغا نقوليك غير شي خبار على ايوب و صحابو ساعة نتي اصلا لي فيك كافيك
اية خرجت عينيها فاش سمعت سميتو و شنقت على صدرها تفكراتو : غ غير قولي شنو م مالهم ؟
نجوى : المهيم كتعرفي ديك الطريق المسكونة لقاوهم تمااا مليوحيين كااامليين و عوجيين معرفوش اش وقع لييهم القضية منوضة روينة في لافاك دايرين إضراب على ديك لبلاصة باش يسدوها و سمعنا الادارة غتاخد شي اجراء على ود ديك البلاصة (اية غير تتسمع و تتناخد اكيد هادشي عندو علاقة ببرقان هي متأكدة من هادشي ) هو صراحة بغيتها فيهم واخا اللهما لا شماتة و ليني بغيتها ليهم ههههه يلاه ا اية يلاه جهدي نبدا نطيب باش ناكل تهلاي في راسك غدا نعاود نصوني ليك .... و قطعت اية و حيدت تليفون بشوية و هي كتشوف قدامها ... كانو غادي يكونو اغتاصبوها دابا والعالم الله شنو كانو غيديرو فيها و لكن هو نقدها منهم ....قلبها بدا كينبض وهي كتفكرو وكتفكر لحضاتها معاه وحبها ليه....و هي تهز يديها وحطتها على راسها وزيرت عليه و غمضت عينيها مزيرة عليهم و كتدكر راسها بلي هو راه جن راه جن هادشي لي كيدور في عقلها
حياة شافتها بديك الحالة : مالكي ابنتي ؟