⚔عشق الملك برقان⚔
👑oumaima mega 👑
👣5👣
حتى خرجت أية من داك الممر و تقطع معاها صوت الخطوات ضاع مع الريح ...و مزيرة على صاكها بيدها و مخرجة عينيها كتقفقف و دور راسها يمين و شمال و نفسها طلع و تنزل و تسرط في ريقها غادي يكون غير داك أيوب هو لي كيتبعها و باغي يخلعها و مخبي ليها فشي بلاصة و لا منعرف ...رجعت دازت في وحد الطريق بين الشجر تا خرجت للباب لوراني لي كان خاوي بزاف و شافت وحد طموبيل ميرسديس عادية كحلة ....مشات بنفس الزربة ليها ليكون داك ايوب من وراها و يزدق دير ليها مشكل ...حلات لباب و طلعت و عاد كتلتاقط نفسها ... كان لي سايق دري شاب زوين تهو مستيلي باينة فيه عويق شوية لابس لباس الخدمة مونطو وتيشورت و سروال هو استاد ديال واحد ليسي ضرب الكيدون و دار عندها معصب : دابا غتبقاااي تشطحييي فيااا
آية دارت عندو و خنزرت فيه : كيفاااش مفهمتش
محمد امين : مرة كتقولي نتسناك لهيه مرة نتسناااك هنااا بعدا علااش خارجة من هناااا
آية تهيا بخبيزتها خرجات فيه عينيها : حييت بغييت نبدل شويية غنبقا نخرج غير من لهيه
محمد امين : رااه عنديي خدمة ا اية ...و دار كيدور في السوارت
آية : و ديك ساعة علاش جاي عندي تجيبني حسن بقا في خدمتك تبقا تهز و تحط عليا
محمد امين ديمارا الطموبيل وزاد شوية : شوف مع هادي ثانيي ...آية مبغاتش تجاوب دارت عطات بوجهها للشرجم حسن ليها و هو بقا زايد مع الطريق حتى تفش على خاطرو عاد هدر : كي دوزتي نهار مزيان ( آية باقا هازا النفس في نيفها مجوباتوش ) عاوتاني غاديي تقطعيي الهدرة راه قربنا نتزوجو و مزال حنا في نفس الحاجة
آية دارت عندو : قولها راسك نتا لي غير دخلت تفركعتيي علياا
محمد أمين : و راه نتي لي غير مقندشة ماشي نمشيو نترومانساو ولا نتحابو
آية ربعت يديها : ماشفت حب شفت غير الصداع تبدلتي بزاف ا محمد من نهار لي خدمتي
محمد امين : كيفاش هاد القضية ديال تبدلت و خدمت و لابغيتي نترومانساو دابا نيت نمشيو لشي بلاصة غير انا وياك
و هي تحبسو : امييين هدرنا في هادشي و تافقنا باش نديرو كلشي في لحلال و حتى نتزوجو
محمد امين : و غيير ضحكنا معاك تنتي تتشقميها
آية دارت قدامها مغددة : معرفتش انا كيف غنكملو مع بعضياتنا هادو هما الاحلام لي قلتي غتحققهم ليا
محمد امين هنا طلعت ليه الدم : داااابا شنو باغااا بضبط ا اية ياك لي بغيتيها كنجيبها ليك نتييي راه باغا جن يكون هنا و هنا و فيما بغيتي نتي
آية صغرت عينيها : كيفاش جن انا طلبت غير شوية الاهتمام ديالك نتا فينما نهدر معاك الخدمة الخدمة و وليتي كتغوت بزااف و خاصك غير فين تخرج اعصابك ....طبعا تهو مسكتش ليها غيجوبها و بقاو شد ليا نقطع ليك في ديك لوطو حتى وصلو لوحد الحومة شعبية على قد الحال ديورها متوسطين الدخل....خرجت بلا سلام بلا كلام خبطت عليه الباب ...و دارت فحالها مخنزرة و حتى هو تعصب و خاصو يرجع لخدمتو وخلاها وزاد بطموبيلتو للخدمة ....آية مشات للدارهم لي على قد الحال عالية بجوج طاجات جبدات ساروت حلات لباب ديال الحديد و دخلت و سدات الباب من وراها
YOU ARE READING
عشق الملك برقان (قصة رعب _رومانسية بدارجة المغربية +18 في طور كتابة )
Horrorالقصة القصيرة :⚔عشق الملك برقان (ملك الجان ) ⚔ الكاتبة🕯 : oumaima mega 🏹شفنا و سمعنا على جميع قصص الحب لي تخلدت في الادهان ... و لكن شنو الى كانت القصة من نوع المختالف الرومانسية المنكهة بالرعب ❤ ....و مختالفة على مجمل القصص ...خاصة...
