عشق الملك برقان (قصة رعب _رومانسية بدارجة المغربية +18 في طور كتابة )

16

⚔عشق الملك برقان⚔
👑oumaima mega 👑
👣57👣

نادات باسموو بمجرد ما كانت غادي دخل ليها وجهها في المرايا ... غمضت عينيها وغوتت غوتة ....من بعدها الوضع تحول لسكون مبقات كتسمع وااالوو حتى من الشدة لي كانت مشدودة وقفت ... و تاج صباع يديها بشوية كيتلواو و يتحيد منهم شعر آية ....اية حلت عينيها دغيا كانت قبالت لمرايا وكتشوف فيها...طلعت عويناتها في تاج مصدومة ...كتبان ليها كتحيد يديها و عنقها معنكر للور تطلقت من شعرها ... دارت بزربة لعندها و لصقت مع لمرايا للور ...كتشوف في برقااان شكلووو غريب بزااااف  مكيبانش انعكاسو على المرايا ....وجهو ماشي عادي كانو خارجين منو عروق كحلييين هو وعنقو ....و شاد من تاج من شعرهااا حتى غيقلعووو ليهاا من بلاصتو...شاد ليها من معصم يدها غيطرطقوو ليهااا ....تاج كيتلوى عنقها و كتحس براسها غيتحيد من بلاصتو بدااات كتغوت غوااات خاااايب غوااات ديال الجنون كيصدع في الودن ....برقان دور عينو حووومر كي جمر مباينش فيهم البؤبؤ نيشان لاية ...لي كانت لاصقة على المرايا و عينيها موسعاهم على جهدهم و وجهها مشروب مدهشر كتشوف فيهم داكشي فوق قدرتها العقلية ... غيمشي ليها العقل دابا ...برقان كيشوف في عينيها و كيلملم بشي تعويدة بين شفايفو ...و كيزيد ينزل لتاج شعرها حتى ولا كيتقطع من الجدرة ديال راسها ...اية بداو يثقالو عليها عينيها حتى فقدت الوعي ...و نزلها بشواااية على لارض غير بعينو ...عاد رجع للتاج ...و طلق من يدها و شد شعرها الطويل و بدا كيلوييه على عنقها بزربة و كيزير عليها تااج خرجوو عينيها كيتخلودووو و كتبقبق ...و برقان غضبو شديد كيغليي من الداااخل ....و الحراس ديالو لابسين لبيض من موراه ...كيشدو لفااع لي تما ...و كيطردكوهم من فمهم و يلوحهم قدامهم ....و عاد السيفات لخيبات لي باغين يهربو كيحيدو ليهم لعناق و يلوحهم
برقان لوا شعرها على عنقها و وقف ...تاج يلاه غادي تبغي التنفس هو يشد راسها بين يدو ..و دورو دورة وحدة حتى تهرس ليها عنقها ولا يلعب بين يدو و لاحها جثة هامدة خارج من عنقها و فمها و عينيها لقطران  ....الا آية لي مغيسامحش اي واحد قاسها ليه و غيكون مصيرو لموت ... تخاطا جثة تاج عادي و مشا للآية ...هزها بين يدو مرخية كلها يديها و راسها و رجليها و شعرها نازل ليه على يدو ... حراسو بداو كيشعلو العافية في دوك السيفات و جابو حتى تاج و كملو بيها الوقيد ديال العافية ...حتى ولا دااك الحمام كلووو دخاخن  و عوافي كيخرجو من تحت الباب ...برقان دار بنص دورة عند حرسوو و باقي كيتنفخ و كيتفش بالغضب و العروقة خارجيين ليه و هضر بصوت مزدوج : نظفوو هادشيي مابغيت حتى شي آثار يبقا هنا و عرفو ليا هادوك منين جيين ...و رجع عينو لآية كيشوف فيها  ... و خرج بيها من داك الحمام ...و تسد من وراه ...و تمشا باية لناموسية ...جلس و نعسها عندوو ...حطها موسدة على فخضوو ...و مغمضة عينيها فاقدة الوعي ....شاف النتفة ...كمش وجهو و مزال عينو مخلودة بالحمر ....و حط يدوو على شعرها كيحرك في يدو ....باقي ممصدقش انه قبل ثواني كون تعطل بدقيقة كانت غادي تقدر تموت ... حبو ليها كيأديها و بدا كيشكل عليها خطر  كبير ... و كيخلف بوعدو انه يحميها ...كون ما ندااتش عليه باسمو باش يحضر لعندها كان غيفقدها الى لابد ...بدا كيحرك صباعو في راسها باش فاش تفيق ما تحسش بألم ديك النتفة