3rd Person's Person.
Maaga pa lang ay may pasabog na agad ang naganap.
"Anong na palang nangyari about sa scandal?" Tanong ni Lav.
"Naayos na namin wala naman kasi talaga kaming ginagawang masama," sagot ni Sof.
Medyo weird pero parang kakaiba ang kilos ni Sof pagkatapos nito manggaling sa office. Hindi na lang nila pinansin baka kinakabahan lang ito.
Ikaw ba namang malagay sa alanganing posisyon ewan ko na lang kung 'di ka matae na maihi.
"Hay sino ba namang engot ang mahuhulog sa isang prof," wika ni Zae.
Napaubo si Kely pati si Clyde samantalang nag-iwas lang ng tingin si Sof.
Seryoso parang may kakaiba talaga sa mga ito.
"Since okay na pala ang lahat mauuna na muna ako," paalam ni Kely sa kanila.
"Ako rin," nagmamadali rin na umalis si Clyde.
"Sige kita na lang tayo mamaya." Sumunod na umalis din si Sofia.
Mabuti na lang at nakaalis agad si Kely. Sa isip ng dalaga ay tanga pala siya? Hindi lang siya basta nahulog talagang may relasyon na sila ni Aldrich!
Natakot tuloy siya bigla nang maalala ang nangyari kay Sof at Tristan. Sino kaya ang gumawa ng tsismis na may relasyon ang dalawang iyon. Kilala nila si Sofia masyado itong professional at malabo na lumampas ito sa limitasyon. Hindi sila makapaniwala na binigyan ng malisya ng mga ibang estudyante ang pagiging S.A ni Sofia. Talagang gumamit pa ang mga ito ng larawan noong magkasama ang dalawa sa parke habang nasa swing.
Sasabunutan talaga nila kung sino man iyon.
Natigil si Kely sa paglalakad nang biglang may humarang sa kanyang daan. Tiningnan ni Kely sa mata ang Doctor. Kailangan niya pang tumingin paitaas dahil matangkad talaga ang hinayupak na university Doctor. Walang salita tanging mata lang nila ang naguusap.
"Gosh! ang gwapo niya ano?"
"Tumpak kaya lagi ako nasa infirmary kaso alam mo suplado iyan."
"Okay lang, basta pogi."
Naiirita si Kely aniya ang sarap pagbuhulin ng mga dila ng mga babaeng toh
Simpleng ngiti lang ng guro ay naguunahan na ang dugo ni Kely paakyat sa pisngi.
"Gurl nginitian niya ako."
"Sa akin kaya siya ngumiti!"
'Mga bulag ba kayo sakin siya ngumiti nakakainis tong mga ipis na ito.' Giit ng isip ni Kely aniya pa ay ang sarap tampalin ng sandal.
Nagpatuloy siya sa patutunguhan, sa kanyang klase. Namimiss niya na agad ang kanyang boyfie. Sayang iba ang schedule niya ngayong araw 'di bale magkikita naman sila mamaya.
Kinikilig siya dahil may dinner date sila mamaya sa condo ni sungit. Mas sulit iyon kesa magpunta pa sa restaurant. Mas masusulit nila ang isa't-isa since silang dalawa lang magkasama.
Nang matapos ang klase ay excited si Kely na umuwi kasabay ang kanyang boyfriend. Nauna na siyang pumasok sa kotse aniya para maiwasan na makita silang magkasama patungong parking area.
Bumukas ang pinto ng driver's at iniluwa nito ang gwapong Doctor.
"Bakit hindi mo ako pinuntahan sa clinic?" Ani Aldrich habang iniistart ang engine.
"Gusto mo machismis tayo? Tandaan mo bawal tayo mahuli. Next week naman ay graduation ko na eh. Kunting tiis na lang."
"Balita ko ay pinatawag sina Sofia ng school commitee at Ched." Pagiiba ni Alrich ng usapan.
"Oo. May nagreport na may relasyon daw silang dalawa ni Sir Tristan."
"Kumusta naman?"
"Ayos na kasi wala naman talaga silang relasyon," sagot ni Kely.
"What if tayo ang malagay sa sitwasyon nila? Itatwa mo ba ito?" Saad ni Aldrich atsaka itinaas ang kamay nilang magkahawak. Ang kabilang kamay ng binata ay nakatuon sa manibela.
Hindi lang sumagot si Kely bagkus ay hinalikan niya sa kanang pisngi ng nobyo. Napanguso lamang ang binata dahil pinipilit nitong itago ang kilig.
Nang makarating sila sa unit ng binata ay nagpalit sila ng pambahay. Nakasuot si Kely ng pajama set samantalang itim na shirt at pajama ang suot ni sungit. Magkaharap sila sa isang lamesa kung saan nakalapag ang iba't - ibang klase ng meat na lulutuin sa grill.
Hindi man bongga pero grabe ang epekto ng simpleng samgyupsal. Ipinagluluto siya ni Aldrich napakaswerte niya naman.
'Mainggit kayo AHHAAHHA ako lang ang nakakakita ng ganitong side niya.' Natutuwang bwelta ng isip ni Kely.
"Para kang tanga bakit ka ngumiti riyan?" Sita ni Aldrich.
"Bobo alangan umiyak ako."
"Kung tinutulungan mo kaya ako," reklamo ni sungit.
"Ito na nga gagalet ampota."
"Huwag na baka mapaso pa iyang magandang kamay mo."
Gulo kausap, sabi tumulong tas biglang huwag na raw.
"Tingnan mo toh nakakabaliw ka naman," sagot ni Kely.
"Edi mas maganda mabaliw ka sakin," wika ni Aldrich.
"Leche ka ang corny mo."
"Nga-nga."
"Bakit mo ako inuutusan?"
"Ang slow mo nakakainis toh sinisira mo yung moment."
Siya?! Slow?!
Mahaba ang gabi matapos nilang kumain ay nagbinge watch muna sila.
"Mukha namang bading iyang mga iyan."
"Inggit ka lang kasi pogi sila," ani Kely sabay dinugtungan niysa ito ng mahinang bulong, "Pogi ka rin naman."
"Edi doon ka sa kanila."
"Parang tanga. Ampupu tampo ka beybi?"
Niyakap ni Kely bigla ang nobyo. Sa isip ng dalaga ay pinagpatuloy talaga ni Aldrich ang pagiinarte. If I know gusto niya lang niya ng lambing.
Habang tumatagal ay dinadalaw nang antok si Aldrich kaya naman hindi nito maiwasan na makatulog.
.....
.......
.........
Papa! Mama!
Dugo...maraming dugo!
Isang babae ang bumuhat sa kanya may hawak itong baril. Iniwan siya nito sa isang kombento.
"Babalikan ko siya itago niyo siyang mabuti."
"Makakaasa po kayo madám claudette"
......
"CLAUDETTE!" sigaw ni Aldrich.
Nagising sila parehas at buong pagtatakang napatitig si Kely sa binata.
"Namiss mo na ba si mommy? Makasigaw ka naman dyan."
Sa isip ni Aldrich naalala na niya.
Claudette! Tama Claudette nga ang pangalan ng ginang. Naaalala na niya ang lahat. Naroon ang ginang may hawak itong baril.
Siya nga iyon...
Siya ang sagot sa lahat ng katanungan sa pagkamatay ng magulang niya. Posible rin kayang siya mismo ang pumatay!
Bakit?
Kung siya nga ay bakit siya nito inampon?
Nakukusensya?
Alam niyang pinangako niya na hindi kailanman maghihiganti. Hindi dahil ayaw niya kundi hopeless na maalala pa ang lahat. Hindi niya alam kung anong milagro at biglang parang ipinakita ng dyos sa akin ang lahat.
Magbabayad ang dapat magbayad!
"Mahal kita kahit anong mangyari huwag kang makikialam kahit pa may masamang mangyari sa akin...o sa iyong mommy."
"Ano bang sinasabi mo dyan. Ganyan ka ba maalimpungatan? Indong itulog mo lang iyan."
Matapos humalik sa pisngi ni Aldrich ay bumalik na sa pagtulog ang dalaga. Samantala nanatiling nakatitig lang ang binata sa mukha ni Kely. Hinawi niya ang iilang hiblang nakatabon sa mukha nito.
" Ayaw kitang madamay sa gulo kaya sana wag mo akong pilitin na mamili."