Mark Kieffer Montilla
Why can't I just forget about that encounter with Reed earlier? Hindi ko akalain na hindi niya ako makikilala o baka sa tinagal ng panahon ay marami na talagang nagbago?
Ingay mula sa mga estudyante ang sumalubong sa akin nang pumasok ako ng cafeteria. Ang iilang studyante ay abala sa kanilang pagkain habang karamihan naman ay abala sa pakikipagpalitan ng kuwento sa mga kaibigan nila.
Maganda naman ang naging takbo ng unang araw ko. Dahil una ay nagkita na ulit kami ni Reed at pangalawa ay mababait naman ang mga naging classmates ko kahit may iilang babaeng dikit ng dikit sa akin.
Iginala ko ang aking paningin upang maghanap ng bakanteng upuan. Super crowded na sa cafeteria dahil na rin sa dami ng estudyanteng nag-aaral dito.
May mga babaeng nag-offer sa akin ng upuan pero tinanggihan ko lang sila, gusto ko muna kasing mapag-isa.
Pakiramdam ko ay hindi pa ako handang makisalamuha sa kanila. Maya-maya pa ay nakahanap na rin agad ako ng upuan, malapit ito sa bintana sa dulo ng cafeteria.
I started having my lunch when all of the sudden somebody grabbed my arm. I looked up and I saw a familiar face of a girl. The Chinese girl who I met earlier.
Umupo siya sa harapan ko at biglang inagaw ang sandwich na kakainin ko na sana. Pinanood ko lang siya na ubusin ito at pagkatapos ay biglang dinampot ang softdrinks na binili ko. Kapal ng mukha nito, ah.
"In fairness ang sarap ng pagkain dito sa Cyber High," saad niya habang dinidilaan pa ang daliri niyang may naiwan na palaman ng sandwich.
Ano ba talagang problema ng babaeng ito at ayaw niya akong tantanan?
"Hoy, ikaw ah, talaga bang inuubos mo ang pasensya ko?" kalmado pero naiinis kong tanong sa kaniya, agad naman siyang tumingin sa akin at nagulat ako nang ngitian niya lamang ako. Halos mawala na ang mata niya dahil sa ngiting iyon.
"Alam mo lonely kasi ako. Walang gustong makipagkaibigan sa akin kaya noong una kitang makita naramdaman ko na agad na ikaw ang magiging una kong kaibigan dito," mahaba niyang litanya.
Pagkatapos niyang magsalita ay inayos ko na ang gamit ko upang umalis dahil baka hindi ko siya matantiya at baka kung ano ang magawa ko.
"Alam mo babaeng Chinese, wala akong panahong makipaglokohan sa iyo. For sure kaya wala kang nagiging kaibigan dito dahil diyan sa attitude mo," walang gana kong sabi sabay tayo at akmang aalis na nang bigla na naman niyang hawakan ang kamay ko.
"Please, be my friend at tutulungan kitang makuha si Reed."
Natulala ako dahil sa sinabi niya, agad akong humarap sa kaniya at tinitigan siya nang maigi.
"What did you say?"
"Yes, tama ka nang pagkakarinig tutulungan kita kay Reed," sabay ngiti na halos nakapikit na ang mga mata.
"Paano mo ako tutulungan, magkakilala ba kayo at teka nga, paano mo nalaman yong tungkol kay Reed?" nagtataka at sunod-sunod na tanong ko sa kaniya.
Nagulat ako nang itulak niya ako pabalik sa pagkakaupo saka umupo rin siya na nakaharap sa akin.
"Alam mo kung bakit, noong una kitang nakita kanina alam ko nang may gusto ka kay Reed at kitang-kita ko iyon sa mga mata mo noong tinulungan ka niyang makatayo kanina."
Teka halatang-halata ba ako?
"Doon ko nalaman na may gusto ka kay Reed. Kakaiba kasi yong tingin mo sa kaniya eh, may halong pagnanasa." Hindi ko alam kung bakit pero bigla ko na lang nahampas ng librong dala ko si Miss Chinese.
"Aray ko girl, para saan naman iyon?" naasar niyang saad.
"For your information, wala akong pagnanasa kay Reed, gusto ko lang siyang bumalik sa akin katulad nang dati!" mariing paliwanag ko.
"Anong dati? Matagal na ba kayong magkakilala ni Reed, may secret affair ba kayo?" nagtatakang tanong niya.
Tumango-tango ako at ikinuwento ko sa kaniya ang lahat.
"Talaga? Since grade school may gusto ka na sa kaniya?" Dali-dali kong tinakpan ang bibig ni Chinny dahil baka may makarinig sa aming pinag-uusapan.
"Ano ba, puwede bang hinaan mo ang boses mo," bulong ko sa kaniya na agad naman niyang tinanggal ang kamay ko na nakatakip sa kaniyang bibig.
"Sorry na, pero huwag mo nang uulitin ilagay ang kamay mo sa bibig ko mamaya may virus ka mahawa pa ako sa iyo," she said then binigyan ako ng isang irap na kulang nalang ay mawalan na talaga siya ng mata.
"Excuse me baka nga mas malinis pa ako sa iyo," saad ko.
"Pero girl balik tayo. Since grade school talaga ay magkakilala na kayo ni Reed?"tanong niya.
"Yes, magkababata talaga kami, lagi kaming magkasama at doon ako nagsimulang magkagusto sa kaniya," kuwento ko.
"Alam mo Kieffer mukhang mahihirapan tayong mabawi ang kaibigan mong si Reed."
Seryoso akong tumingin sa kaniya nang banggitin niya iyon.
"Bakit naman?"
"Nakita mo naman di ba kanina sobrang sikat na ng kaibigan mo, then I saw in his social media account na may ka-date siyang babae."
Gusto ko mang sabunutan si Chinny ngayon dahil baka pinagtri-trip-an niya lang ako pero pinanatili kong kalmado ang sarili ko.
"Ano ba Chinny, you know girl nakakaasar ka, kung hindi ko pa nababanggit sa iyo hindi ako katulad ng ibang babae dito na susuko na lang basta-basta at kung totoo man ang sinasabi mong may babaeng ka-date si Reed ko gagawa ako ng paraan para matigil iyon," seryoso at confident na confident kong pagkakasabi.
"Babae ka ba?"
At doon ko na nabatukan si Chinny.
"Aray ha, namumuro ka na kung hindi ka lang matangkad baka nasapak na kita!" asar na asar niyang saad.
Natigil kami sa pag-uusap ni Chinny nang marinig namin ang pagtunog ng bell.
"Sige girl una na ako, magkita na lang tayo mamaya. By the way, anong strand ang kinuha mo?" pahabol niyang tanong.
Inayos ko muna ang gamit ko at saka tumayo. "ABM ang kinuha ko, ikaw ba?" balik tanong ko sa kaniya.
"GAS, wala eh, hindi pa ako sure kung ano talaga ang gusto ko," saad niya.
Sabay na kaming lumabas ng cafeteria ni Chinny pero sobrang gulat ko nang makitang may kasamang babae si Reed sa 'di kalayuan.
"Teka si Reed ba iyon?" Hinatak ko bigla si Chinny upang tumigil sa paglalakad.
"Saan?"
"Yon oh, may kasamang babae," sabay turo kung nasaan sila Reed.
"Grabe girl nakita mo pa iyon ang talas talaga ng mga mata mo pagdating kay Reed," saad niya.
"Sino yong kasama niya?" kunot-noo kong tanong.
"'Di ako sure friend pero mukhang pamilyar sa akin yong mukha noong babae."
Bigla akong kinutuban na baka yong babaeng yon ang tinutukoy niya kanina.
"Bakit girl selos ka?" tanong bigla ni Chinny.
"No way, bakit ako magseselos diyan, kung tutuusin mas maganda pa ako diyan eh," confident kong sabi sabay taas noo.
"Ganda ka girl? Pero sorry kasi hindi pumapatol si Reed sa kagaya mo!" At sa pangatlong beses ay nabatukan ko na naman siya.
"Alam mo panira ka ng moment," sabi ko at iniwan na siya doon at nagsimula na ulit maglakad.
"Oy teka lang binibiro lang kita," habol niya sa akin. Pero hindi ko siya nilingon at dire-diretso lamang ako sa paglalakad.
"Hoy girl attitude ka?"
Humarap ako sa kaniya at inirapan siya.
"Coming from you, ha!" I said then smirked.
"Alam mo imbes na pairalin mo ang kabaklaan mo diyan, pagplanuhan na lang natin kung paano masisira ang date mamaya noong babae at ni Reed," saad niya.
"Seriously, mas marami ka pa yatang alam sa akin kaysa kay Reed," taas kilay kong sabi.
Humalukipkip siya at maigi akong tinitigan sa mata.
"Kung hindi mo naitatanong, isa ako dati sa mga fan girls ni Reed pero tumigil ako dahil na-realize ko na walang maidudulot sa akin ang fan girling. Halos dati ay lagi kong sinusundan si Reed kahit saan man siya magpunta halos lahat ng ginagawa niya sa buhay ay updated kaming mga fan girls niya," mahaba niyang litanya.
"So, stalker ka niya, ganon?"
"Yes, oo, dati, pero ngayon hindi na!"
Hindi ko alam kung magtitiwala ba ako sa babaeng ito maloko si Chinny pero mukha naman siyang mapagkakatiwalaan.
"So anong una nating gagawin?" tanong ko sa kaniya.
"Naku, mamaya na lang natin iyan pag usapan baka ma-late na tayo. Magkita na lang tayo sa school garden mamayang uwian, sige mauna na ako," paalam niya sa akin at iniwan na akong tulala doon.
"Ano kayang plano ng babaeng iyon, hindi na ako makapaghintay na masimulan ang plano namin." Agad na akong tumakbo papunta sa classroom namin at hindi na makapaghintay na mag-uwian.