အခန်း (၁၈၆) : နယ်လှည့် ကျင့်ကြံသူ အထောက်အကူပြု အမှတ် ကျောက်စိမ်းပြား
ရှင်းဟန်အင်ပါယာ ဘုရင်၏ စကားများကို ကြားသောအခါ စစ်ထူချင် နဖူးမှ ချွေးစေးများ ချက်ချင်းပင် စီးကျလာလေသည်။ ထိုစဉ် သူက စိတ်ထဲတွင် ကြီးစွာ နောင်တရမိသည်။ နောင်တရသည်က မိုမျိုးနွယ်စု၏ အရိုက်အရာကို လုယူမိ၍ မဟုတ်ဘဲ မိုဝူကျီကို အမြစ်ဖြတ် မသတ်ဖြတ်ခဲ့တာကို ဖြစ်၏။ ကျုပင်ခုတ် ကျူငုတ်ပါ မကျန် ကိစ္စရှင်းပစ်ရမည် ဖြစ်သည်။ သူက မိုမျိုးနွယ်စုမှ ထိုခွေးကောင်သည် ဤမျှ အောင်မြင်လာလိမ့်မည်ဟု ဂရုမစိုက်မိသလို တွေးလည်း မတွေးခဲ့မိပေ။
သို့သော် ထိုအရာက မဟုတ်သေးပေ။ မိုထင်းချန် မြေးတွင် ဝိညာဉ်ကြောမရှိဘူးလို့ ပြောခဲ့သည် မဟုတ်ပါလော .... သူက ဘယ်လိုလုပ် ကောင်းကင်ဖွေရှာနန်းတော်ရဲ့ တပည့် ဖြစ်သွားရတာလဲ ...
"ဟားဟား မိုဝူကျီ မင်းက ကောင်းကင်ဖွေရှာနန်းတော် အပြင်စည်းတပည့်လေး ဖြစ်ရုံနဲ့ ဒီလိုပြည်နယ်ကိစ္စတွေ ဝင်စွက်ဖက်ရအောင် ဘာလုပ်ပိုင်ခွင့်ရှိလို့လဲ။ ပြည်နယ်သခင် စစ်ထူချင်က မင်းတို့ မိုမျိုးနွယ်စုကို အရိုက်အရာက ဖယ်ရှားသင့်တဲ့ အကြောင်းပြချက် ရှိလို့ နေမှာပေါ့။ ပြီးတော့ ကောင်းကင်ဖွေရှာနန်းတော်ရဲ့ အဓိကစည်းမျည်းက နိုင်ငံအရေးကို ဝင်မစွက်ဖက်ဖို့ပဲ ... မင်းလို အပြင်စည်းတပည့် မပြောနဲ့ အတွင်းစည်းတပည့် ဖြစ်နေရင်တောင် ပြည်နယ်သခင်တစ်ယောက်ကို ဝေဖန်ပိုင်ခွင့်မရှိဘူး ... "
မိုဝူကျီက ခန်းမအတွင်း ဝင်လာသည့် သူကို လှည့်ကြည့်လိုက်သည်။ သူ့ယခင်က မကျေမလည် ဖြစ်ခဲ့ဖူးသော၊ သဏ္ဌာန်မဲ့ နတ်ဓားဂိုဏ်းမှ ကောင်းကင်ဖွေရှာနန်းတော်သို့ ရောက်ရှိနေသော လူဖြစ်သည်။
ချိန်စုယင်က အနည်းငယ် မျက်ခုံးကျုံ့လိုက်မိ၏။ ကောင်းကင်ဖွေရှာနန်းတော်တွင် ထိုသို့ ဝင်မစွက်ဖက်ရသည့် စည်းမျည်းရှိသော်လည်း သေးငယ်သော စည်းမျည်းစည်းကမ်းတစ်ခုသာ ဖြစ်သည်။ လက်တွေ့တွင် ကောင်းကင်ဖွေရှာနန်းတော်မှ မည်သူက ထိုစည်းကမ်းကို ဂရုစိုက်နေမည်နည်း။ ကောင်းကင်ဖွေရှာနန်းတော်ကိုယ်တိုင်ကပင် တပည့်က ထိုပြည်နယ်ကိစ္စများတွင် တရားလွန် မဖြစ်သရွေ့ ထိုစည်းကမ်းနှင့် အကျပ်ကိုင်မည် မဟုတ်ပေ။ ထို့အပြင် မိုဝူကျီက ကောင်းကင်ဖွေရှာနန်းတော်၏ အပြင်စည်းတပည့် ဖြစ်သည့်အတွက် ဂျူချီဂျန်းသည် မိုဝူကျီ စကားလုံးများကို သိသိသာသာ တိုက်ခိုက်နေခြင်း ဖြစ်သည်။
ဂျုချီဂျန်းက မိုဝူကျီ မျက်လုံးထဲမှ လူသတ်ငွေ့ကို ခံစားမိလိုက်သော်ငြား သူက ပြုံးရင်း ချိန်စုယင်ကို ဦးညွတ်လိုက်ကာ "ဂျုချီဂျန်းက စီနီယာအစ်မချိန်ကို နှုတ်ဆက်ပါတယ် .. "
ချိန်စုယင်က သိသာစွာ သူ့အား လျစ်လျူရှုထားသည်ကို မြင်သောအခါ ဂျုချီဂျန်းက ချက်ချင်းပင် ရှင်းဟန်ဘုရင်ဘက်သို့ လှည့်ကာ နှုတ်ဆက်လိုက်တော့သည် "ကောင်းကင်ဖွေရှာနန်းတော် တာအိုဂိတ် အတွင်းစည်း တပည့် ဂျုချီဂျန်းက ရှင်းဟန် ဘုရင်မင်းမြတ်ကို နှုတ်ဆက်ပါတယ် ... "
မိုဝူကျီက ဂျုချီဂျန်းသည် သူ့နာမည် ပြောသည်ကို ကြားသောအခါ ချက်ချင်းပင် တုံ့ပြန်လိုက်တော့သည်။ ယခင် ချိန်စုယင်က သူမသည် မည်သို့ တပည့် ဖြစ်ကြောင်း မပြောခဲ့သည်မှာ သူ့အား မျက်နှာမပျက်စေရန် ကာကွယ်ပေးခဲ့ခြင်း ဖြစ်လေ၏။ မဟုတ်လျှင် သူက ကောင်းကင်ဖွေရှာနန်းတော်၏ အပြင်စည်းတပည့် ဖြစ်ကြောင်း ထုတ်ပြောရလျှင် သူသည် ဂုဏ်သိက္ခာနှင့် အမည်ကို လွင့်ပစ်သလို ဖြစ်နေလိမ့်မည်။
ကောင်းကင်ဖွေရှာနန်းတော်သည် အင်ပါယာငါးခုထဲတွင် နံပါတ်တစ် ကျင့်ကြံသည့် နယ်မြေ ဖြစ်သော်လည်း အပြင်စည်းတပည့် တစ်ယောက်ကတော့ ထိုသို့ မဟုတ်သေးပေ။
ချွေချန်ကျွင်းက ချက်ချင်း နားလည်သွားလေသည်။ အကယ်၍ မိုဝူကျီက တိုက်ရိုက်တပည့် သို့မဟုတ် အတွင်းစည်းတပည့် ဖြစ်နေလျှင် သူက မိုဝူကျီကို ကူညီဖို့ရန်အတွက် စစ်ထူချင်နှင့် ဖြေရှင်းပေးဖို့ရာ စိတ်ထဲထားမည် မဟုတ်ပေ။ ထို့အပြင် မြောက်ဖက်ပိုင်း ချင်စီရင်စုကို မိုမျိုးနွယ်စုဆီ ပြန်ပေးနိုင်သေးသည်။
သို့သော်လည်း မိုဝူကျီက အပြင်စည်းတပည့်သာ ဖြစ်နေကာ သူက တိုက်ရိုက်တပည့် ဖြစ်သည့် ချိန်စုယင်နှင့် နည်းလမ်းတစ်ခုခုကြောင့် ပတ်သတ်နေရ၍ သူမဂုဏ်သတင်းနှင့် လိုက်ပါလာခြင်း ဖြစ်သည်။ ချိန်စုယင်ကို သူက လှည့်ဖျားထားဟန် ရှိသည်။ ချိန်စုယင်က မိုဝူကျီကို မကူညီသည်ကို မြင်တော့မှ ချွေချန်ကျွင်းက မိုဝူကျီနှင့် ချိန်စုယင်သည် သူမျှော်လင့်ထားသလို မရင်းနှီးကြောင်း သိလိုက်ရသည်။ ထို့အပြင် အပြင်စည်းတပည့်သည် အတွင်းစည်းတပည့်ကို ထိပ်တိုက်တွေ့ရဲသည်က မိုဝူကျီသည် သေချင်နေတာသာ ဖြစ်ရမည်။
"အမှုထမ်းတွေ .. တာအိုရောင်းရင်းဂျုအတွက် နေရာပြင်ပေးလိုက်ကြပါဦး ..." ချွေချန်ကျွင်းက အမိန့်ပေးလိုက်သည်။
မိုဝူကျီအတွက် သူက ထိပ်တိုက်ရင်မဆိုင်ချင်ပေ။ သူက မိုဝူကျီ အကြံပြုချက်များကို အမှိုက်သဖွယ် ယူဆလိုက်၍ ရသော်လည်း ဤအပြင်စည်းတပည့်ကိုတော့ ထိပ်တိုက်မတွေ့ရဲပေ။ သူက အပြင်စည်းတပည့် ဖြစ်နေသော်လည်း ကောင်းကင်ဖွေရှာနန်းတော် တပည့် ဖြစ်နေသေး၏။
မိုဝူကျီက ဂျူချီဂျန်းကို အေးစက်စွာ ကြည့်လိုက်ပြီး "ခင်ဗျားမျိုးရိုးနာမည်ကလည်း ဂျုဆိုတော့ .. မြောက်ဖက်ပိုင်း ချင်စီရင်စုကို ခိုးဖို့ စစ်ထူချင်နဲ့ ပေါင်းခဲ့တဲ့ အမှိုက်တွေလည်း ဂျုမျိုးနွယ်ပဲ။ ခင်ဗျားတို့တွေက တစ်သိုက်တည်းက ပေါက်လာတာတော့ မဟုတ်ပါဘူးနော့ ... "
ဂျုချီဂျန်း မျက်နှာရှည် မျက်ခွက်ကား ချက်ချင်းဆိုသလို မျက်နှာတည်လာကာ "မိုဝူကျီ ... မင်းက မင်းရဲ့ ကောင်းကင်ဖွေရှာနန်းတော်က စီနီယာအစ်ကိုကို မြင်တာတောင် မနှုတ်ဆက်ဘဲနဲ့ သောင်းကျန်းနေသေးတယ်။ မင်းကို အမှန်တရား တစ်ခု ပြောပြမယ် .. မြောက်ဖက်ပိုင်း ချင်စီရင်စုက ငါ့ဂျုမျိုးနွယ်က ယူသွားတာပဲ ... မင်းမှာ သတ္တိရှိရင် ငါ့ကို လာရှာလှည့် ဒါပေမဲ့ အရင်ဆုံး ဒီဘဝမှာ မင်းရဲ့ စိတ်ဝိညာဉ်လေး တည်ဆောက်နိုင်ဖို့ ကြိုးစားလိုက်ပါဦး .... "
လက်တွေ့တွင် ဂျူချီဂျန်းက မိုဝူကျီကို သိလာသည့် အကြောင်းမှာ သူတို့ ဂျူမျိုးနွယ်စု အခွဲမှ မြောက်ဖက်ပိုင်းချင်စီရင်စုကို သိမ်းပိုက်လိုက်တာကို ရှာတွေ့စဉ်မှ ဖြစ်သည်။ ထိုကိစ္စက သူ့အတွက် အလွန်ကျေနပ်ဖွယ်ကောင်း၍ ထိုဂျုမျိုးနွယ်စုအခွဲကိုပင် ဆုချီးမြင့်လိုက်သေးသည်။
မိုဝူကျီက အင်အား ကြီးလာသည်နှင့်အမျှ သာမာန်နှင့် ပိုတူလာလေ၏။ ထို့အပြင် သူက အပြင်စည်းတပည့် ဖြစ်သည့်အတွက် ဂျုချီဂျန်းအတွက် မိုဝူကျီသည် စိတ်ဝိညာဉ်တည်ဆောက်ခြင်း အဆင့်သို့ ရောက်နေမှန်း သတိထားမိမည် မဟုတ်ပေ။ အဆင့် ၉ ရောက်နေကြေင်းကို ယောင်လို့ပင် တွေးမိမည် မဟုတ်ပေ။
မိုဝူကျီ အဆင့်ကို မဆုံးဖြတ်နိုင်သည်က ဂျူချီဂျန်း တစ်ယောက်တည်း မဟုတ်ပေ။ ဤနေရာရှိ လူအားလုံးက မိုဝူကျီသည် စိတ်ဝိညာဉ် တည်ဆောက်ပြီးကြောင်း မသိကြချေ။
ခန်းမကား တိတ်ဆိတ်သွားလေ၏။ ထိုသည်က ကောင်းကင်ဖွေရှာနန်းတော်အတွင်းမှ အတွင်းပဋိပက္ခဖြစ်၍ မည်သူမျှ ဝင်မနှောင့်ယှက်ရဲကြပေ။ တစ်ဖက်တွင် စစ်ထူချင်ကား ပြုံးဖြီးနေလေသည်။ သူက မြောက်ဖက်ပိုင်း ဂျုမျိုးနွယ်စုသည် ကောင်းကင်ဖွေရှာနန်းတော် အတွင်းစည်းတပည့်နှင့် အဆက်အစပ်ရှိလိမ့်မည်ဟု ထင်မထားခဲ့ပေ။ ထိုသည်က သူဖက်ထားဖို့ လိုအပ်သည့် ခြေသလုံး တုတ်တုတ် ဖြစ်လေသည်။ တစ်ဖက်တွင် မိုဝူကျီက သူ့အား ခြိမ်းခြောက်ရဲသည့် အပြင်စည်းတပည့် တစ်ယောက်ဖြစ်ပြီး အမြဲတမ်းသတိထားရမည့် ရန်သူ ဖြစ်လေသည်။
"စိတ်ချနေကြပါ ... ခင်ဗျားက ချီဂျန်း (ဈေးပေါ/ အဖိုးမတန်) တာပဲ ဖြစ်ဖြစ် ရှားဂျန်း (ကျဆင်း)တာပဲ ဖြစ်ဖြစ် ခင်ဗျားတို့ ဂျုမျိုးနွယ်စု တစ်ခုလုံးကို သေချာပေါက် လာရှာမယ် ... " မိုဝူကျီက ဂျုချီဂျန်းကို စိုက်ကြည့်ကာ သရော်ပြောလိုက်သည်။
မှတ်ချက် ။ ။ ဤနေရာတွင် စာရေးဆရာက သူတို့ တရုတ်အသံထွက်နှင့် ပြောထားခြင်း ဖြစ်သည်။ မူလနာမည် ဂျုချီဂျန်းသည် ဓားခုနှစ်လက် ဖြစ်ကာ တခြား ဂျန်းကား ဈေးပေါသော၊ အဖိုးမတန်သော အဓိပ္ပါယ် ဖြစ်၏။
ယခု သူ့တွင် အနှောင်အဖွဲ့များ မရှိဘဲ တစ်ယောက်တည်း လုပ်နေရသည့်အတွက် ဂျုချီဂျန်းသည် သူ့စိုးရိမ်မှုနှင့် မထိုက်တန်သေးပေ။ သူ့ခန့်မှန်းချက်အရ ဂျူချီဂျန်းသည် ယမ်ဒန်အဆင့်သို့ တက်လှမ်းပြီးခါစ ဖြစ်ရမည်။ သူက စိတ်ဝိညာဉ်တည်ဆောက်ခြင်း အဆင့် ၉ တွင်သာ ရှိနေသေး၏။ သူသာ လူသားအဆင့်လွန်သို့ တက်လှမ်းနိုင်သည့် အခိုက်အတန့်တွင် သူက ဂျုချီဂျန်းကို အပြတ်အသတ် အနိုင်ယူနိုင်လိမ့်မည်။ ထိုမတိုင်ခင်အထိ ဂျုချီဂျန်းကို သူ့အား သတ်ခွင့် မပေးနိုင်သေးပေ။
ထိုသို့ပြောပြီး သူက စစ်ထူချင်ကို ကြည့်ကာ ပြောလိုက်သည် "မိုမျိုးနွယ်စုရဲ့ မြောက်ဖက်ပိုင်း ချင်စီရင်စုက ဒီလောက်မလွယ်ဘူး။ ခင်ဗျား ဘာမှမလုပ်ခင် သေချာကြည့်သင့်တယ် မဟုတ်ရင် ကိုယ့်ဘာသာ ပြန်ထိနေလိမ့်မယ် ... "
ဂျုချီဂျန်းက ဒေါသကြောင့် တုန်ယင်နေလေ၏။ အကယ်၍ သူတို့က ရှင်းဟန်အင်ပါယာ၏ ယာယီနန်းတော် သို့မဟုတ် ချိန်စုယင်က ဤနေရာတွင် ရှိမနေလျှင် သူက ချက်ချင်းပင် မိုဝူကျီကို သတ်မိလိမ့်မည်။
မိုဝူကျီက ဂျူချီဂျန်းကို စိတ်ထဲမထားတော့ဘဲ လှည့်ထွက်သွားတော့သည်။ သူက တခြားစကားမပြောတော့ပေ။ ဤနေရာတွင် ဂျူချီဂျန်းလိုမျိုး ရှိနေသည့်အတွက် သူ့အနေဖြင့် နေစရာအကြောင်းမရှိပေ။ မိုမျိုးနွယ်စုသည် ပျောက်ကွယ်သွားပြီ ဖြစ်ကာ သူက ယခုချက်ချင်း လက်စားမချေနိုင်သေးပေ။ အနည်းဆုံးတော့ သူက ခြိမ်းခြောက်နိုင်ခဲ့သည့်အတွက် စစ်ထူချင် တစ်ယောက် စိတ်နည်းနည်း နေနိုင်မည်တော့ မဟုတ်ချေ။
မိုဝူကျီ ထွက်သွားသည်ကို မြင်ပြီး ချွေချန်ကျွင်းက တိတ်ဆိတ်မှုကို ဖြိုခွင်းလိုက်ကာ "အားလုံးကို တာအိုရောင်းရင်း ယင်ခုနဲ့ မိတ်ဆက်ပေးပါ့ရစေ .. တာအိုရောင်းရင်း ယင်ခုက ဂိုဏ်းတစ်ရာ မဟာမိတ် အထောက်အကူပြု အမှတ် ဇယားမှာ အဆင့် ၂၃ ရထားတာပါ ... "
ချွေချန်ကျွင်း စကားမဆုံးခင် ချိန်စုယင်က ထထွက်သွားတော့သည်။ အပြင်လူများရှေ့တွင် ဂျူချီဂျန်းက ကောင်းကင်ဖွေရှာနန်းတော်မှ တပည့်ကို အယုံကြည်မဲ့အောင် ပြုလုပ်ခြင်းက သူမကို အဆင်မပြေ ဖြစ်စေသည်။
ချွေချန်ကျွင်းက မျက်စိပျက်၊ မျက်နှာပျက် ဖြစ်သွားလေသည်။ အကယ်၍ တခြားသူ ဖြစ်နေပါက သူသည် ထိုသူ့အား သတ်မိလိမ့်မည်။ သို့သော်လည်း ထိုနှစ်ယောက်မှာ ကောင်းကင်ဖွေရှာနန်းတော် တပည့်များ ဖြစ်နေကာ တစ်ယောက်က တိုက်ရိုက်တပည့် ဖြစ်နေသေး၏။ သူသာ လုပ်ရဲပါက သူ့ရှင်းဟန်အင်ပါယာသည် ပျောက်ဆုံးနယ်မြေမှ ကွယ်ပျောက်သွားလိမ့်မည်။
ဂိုဏ်းတစ်ရာမဟာမိတ် ယာယီစခန်းကား အန်ယန်းနန်းတော်နှင့် ကပ်လျက်တည်ရှိသော ခြောက်ထပ်မြင့်သော အဆောက်အဦး ဖြစ်လေသည်။ မိုဝူကျီနှင့် ချိန်စုယင်တို့ ရောက်လာသည့်အခါ ထိုနေရာတွင် ကျောက်စိမ်းပြားရရန် တန်းစီနေသော လူခုနှစ်ယောက်၊ ရှစ်ယောက်လောက် ရှိနေသည်။
"ကောင်းကင်ဖွေရှာနန်းတော်ရဲ့ ချိန်စုယင်နဲ့ မိုဝူကျီတို့က မဟာမိတ် အမှတ်အသားကျောက်စိမ်းပြား လာထုတ်တာပါ .. " ချိန်စုယင်က ပြောရင်း သူမဂိုဏ်းက အမှတ်အသားပြားကို ထုတ်ပေးလိုက်သည်။
ကျောက်စိမ်းပြား ထုတ်ပေးသည့် သူကား အတော်လေး လုပ်ရည်ကိုင်ရည်ရှိသည့် အကြီးအကဲ တစ်ယောက် ဖြစ်လေသည်။ ချိန်စုယင်၏ အမှတ်အသားပြားကို စစ်ဆေးပြီးသည့်အခါ သူက ဆက်ပြောလိုက်သည် "မိုဝူကျီရဲ့ ဂိုဏ်းအမှတ်အသားပြားလည်း တစ်ဆိတ်လောက် ပေးပါဦး ... "
မိုဝူကျီက သူ့ကျောက်စိမ်းပြားကို ထုတ်ယူကာ ပေးလိုက်လေသည်။ မိုဝူကျီ ကျောက်စိမ်းပြားကို စစ်ဆေးပြီးနောက်တွင် အကြီးအကဲက အားနာစွာ ပြောလိုက်သည် "ကျုပ်က ဒီက တာအိုရောင်းရင်း ချိန်စုယင်ကိုပဲ ထုတ်ပေးနိုင်တယ်ဗျာ ... ဒီက တာအိုရောင်းရင်းမိုအတွက် လုပ်မပေးနိုင်ဘူး ... "
"ဘာလို့လဲ ..." ချိန်စုယင်က မျက်ခုံးကျုံ့ကာ မေးလိုက်သည်။ သူမက ထိုသို့ရလဒ်မျိုးကို စဉ်းစားမိသော်လည်း မကျေမနပ် ဖြစ်ရသည်။ သူမ အမြင်အရ အင်ပါယာငါးခုအတွက် နယ်ခြားကျင့်ကြံသူတွေကို တိုက်ခိုက်ဖို့ ကူညီပေးချင်သူတိုင်းကို သူတို့၏ ကိုယ်ပိုင် အမှတ်အသားပြား ထုတ်ပေးသင့်၏။
ကျောက်စိမ်းပြား မရှိလျှင် အထောက်အကူပြု အမှတ်ရမည် မဟုတ်ပေ။ ထို့သို့ဆိုလျှင် သူက နယ်ခြား ကျင့်ကြံသူ မည်မျှပင် သတ်နိုင်ပါစေ အပြန်ပြန် အလှန်လှန်အားဖြင့် ဘာမှမရရှိနိုင်ပေ။ ထိုသည်က ကျောက်စိမ်းပြားမရှိသည့် လူများအတွက် အမှန်တကယ် မတရားပေ။
အကယ်၍ ထိုသူက သာမာန်လူဆိုပါက အကြီးအကဲသည် ထိုသူကို ပစ်လွတ်လိုက်လေပြီ။ သို့သော် ကောင်းကင်ဖွေရှာနန်းတော်မှ တိုက်ရိုက် တပည့် ဖြစ်နေသည့်အတွက် သူက စိတ်ရှည်လက်ရှည် ရှင်းပြလိုက်ရသည် "အမှတ်တွေ မှတ်ပေးတဲ့ ဒီကျောက်စိမ်းပြားက အတော်လေး အဖိုးတန်ပါတယ်။ တစ်ခုချင်းစီက စစ်မှန်ခြင်း နတ်ဘုရားအဆင့်က အဆင့်မြင့် ကျင့်ကြံသူကိုယ်တိုင် ပြုလုပ်ထားတာပါ။ မြေကမ္ဘာအဆင့် ဂိုဏ်းနဲ့ အထက်က အတွင်းစည်းတပည့်နဲ့ တိုက်ရိုက်တပည့်တွေရယ်၊ လူသားအဆင့်လွန် ရောက်နေတဲ့ နယ်လှည့်ကျင့်ကြံသူတွေရယ်ပဲ ရခွင့်ရှိတာပါ။ တာအိုရောင်းရင်းမိုက အပြင်စည်းတပည့် ဖြစ်ပြီးတော့ သူ့ကျင့်ကြံဆင့်ကလည်း လူသားအဆင့်လွန်ထဲ ရောက်ဦးမဲ့ပုံ မပေါ်ဘူး ... "
ချိန်စုယင်က မိုဝူကျီကို သူ့ကျင့်ကြံဆင့် အကြောင်း မမေးဖူးပေ။ ထို့အပြင် သူမက မိုဝူကျီကို စိတ်ဝိညာဉ်တည်ဆောက်ခြင်း အဆင့် ရောက်နေလိမ့်မည်ကိုပင် တွေးမထားပေ။ လူသားအဆင့်လွန်ဆိုတာ လုံးဝကို မတွေးကြည့်မိပေ။ ယခင် သူမက မိုဝူကျီကို ကျောက်စိမ်းပြားအတွက် ကူညီပေးချင်သည်က မိုဝူကျီတွင် အားကောင်းသော လျှပ်စီး ပညာရပ် ဖြစ်သည့် လျှပ်တပြက် လျှပ်စီးကို ပိုင်ဆိုင်လေသည်။ ထိုနည်းဖြင့် မိုဝူကျီသည် တိုက်ပွဲအတွင်း အထောက်အကူပြုအမှတ်တချို့တော့ ရရှိနိုင်လိမ့်မည်။
"တခြားနည်းရော မရှိတော့ဘူးလား ..." ချိန်စုယင် တိတ်ဆိတ်နေသည်ကို မြင်ပြီး မိုဝူကျီက ဦးစွာ မေးလိုက်သည်။ သူက ထိုအမှတ်များကို သေချာပေါက် လက်မလျော့နိုင်ပေ။ ထို့အပြင် ထိုအမှတ်များက အံ့ဩစရာကောင်းသည့် ပစ္စည်းများနှင့် လဲလှယ်နိုင်သေး၏။ အပြင်စည်းတပည့်အနေနှင့် သူက နယ်လှည့်ကျင့်ကြံသူနှင့် သိပ်၍ မကွာခြားပေ။ အထောက်အပံ့များနှင့် အခွင့်အရေးများ ရရှိဖို့ရန် သူက အမှတ်များစွာ လိုအပ်လေသည်။
အကြီးအကဲက ချိန်စုယင်ကိုသာ ကြည့်နေ၍ မိုဝူကျီ စကားများကို လျစ်လျူရှုထားနိုင်သော်လည်း ချိန်စုယင်ကိုတော့ ဂရုပြုရလိမ့်မည်။ မိုဝူကျီသည် ချိန်စုယင်နှင့် အတူတူလာတာ ဖြစ်၍ သူတို့ ဆက်ဆံရေးမှာ အပေါ်ယံမျှ မဟုတ်လောက်ပေ။ အကြီးအကဲက မိုဝူကျီကို တိတ်တဆိတ် ချီးကျူးထောပနာ ပြုလိုက်သည်။ သူ့ကဲ့သို့ ဝိညာဉ်ကြော အဆင့်နိမ့်သည့်သူပင် မိုးကောင်းကင်၏ ကောင်းချီးပေးခံထားရသည့် ချိန်စုယင်နှင့် အမှန်ပင် ရင်းနှီးနေလေသည်။
"မဖြစ်နိုင်တာတော့ မဟုတ်ပါဘူး ... တခြားကျောက်စိမ်းပြား အမျိူးအစားတွေတော့ ရှိပါသေးတယ်။ ဒါပေမဲ့ အဲဒီကျောက်စိမ်းပြားတွေက အမှတ်အသားမပါတော့ ဘယ်သူဘယ်ဝါဆိုတာ သိဖို့ မဖြစ်နိုင်ဘူး။ သူတို့ရဲ့ တ်စခုတည်းသော လုပ်ဆောင်ချက်က အမှတ်တွေ တွက်ပေးတာပဲ ပါတယ်။ အဲဒါကြောင့် အမှတ်ကျောက်စိမ်းပြားလို့ သတ်မှတ်လို့ ရတယ် ... "
"ကိစ္စမရှိဘူး ဒီကျောက်စိမ်းပြားလည်း အဆင်ပြေပါတယ်။ အဲဒီဟာပဲ ယူလိုက်ပါ့မယ် ... " အကြီးအကဲ စကားမဆုံးခင် မိုဝူကျီက တွန့်ဆုတ် တွန့်ဆုတ် လုပ်မနေဘဲ ပြောလိုက်တော့သည်။ သူက မည်သူ မည်ဝါ မှတ်သားပေးထားနိုင်ခြင်းကို ဂရုမစိုက်ပေ။ သူက အမှတ်လိုနေတာသာ ဖြစ်၏။
အကြီးအကဲက ကူကယ်ရာမဲ့စွာ ပြောလိုက်တော့သည် "စကားဆုံးအောင် နားထောင်ပါဦး။ ဒီကျောက်စိမ်းပြားတွေက အမှတ် မှတ်ထားပေးတယ်ဆိုရင်တောင် နည်းနည်း လွဲမှားတာ ရှိနိုင်တယ်။ ပြောရမယ်ဆိုရင် မင်းက နယ်ခြားကျင့်ကြံသူကို သတ်လိုက်တယ် ဆိုပါတော့ ဒီကျောက်စိမ်းပြားက အဲဒီကျင့်ကြံသူရဲ့ ဝိညာဉ်အမှတ်အသားကို မမှတ်နိုင်တာ ဖြစ်နိုင်တယ်။ အဲဒါဆိုရင် မင်းက အမှတ် တစ်မှတ်မှ ရမှာ မဟုတ်ဘူး .... "
မိုဝူကျီ အမူအယာကား ချက်ချင်းပင် ပုံဆိုးပန်းဆိုး ဖြစ်လာလေသည်။ သူက လာနောက်နေတာလား ... အိတ်ပေါက်နဲ့ ဖားကောက်ခိုင်းနေတာလား ...
ချိန်စုယင်ပင် ကြံစည်မရ ဖြစ်သွားလေသည်။ အကြီးအကဲ ကျူယွဲ့ရှန်းက အပြင်စည်းတပည့်တွေ ဝင်ဖို့ရာ ခွင့်မပြုသည့် အကြောင်း ကြေငြာခဲ့စဉ်ကတည်းမှ သူမသည် မိုဝူကျီ၏ ကျောက်စိမ်းပြား ရရှိဖို့ရန် အခက်အခဲကို မျှော်လင့်မိပြီးသား ဖြစ်သည်။ ယခုတွင်လည်း ထိုသို့ ဖြစ်ပျက်နေလေသည်။
"ဒီချွတ်ယွင်းချက်ရှိတဲ့ ကျောက်စိမ်းပြားလည်း အရေအတွက် နည်းနည်းပဲ ရှိတာ ... "
အကြီးအကဲက စကားကို တဝက်တပျက်ပြောလိုက်သော်လည်း မိုဝူကျီက စိတ်ဆုံးဖြတ်ပြီးသွားလေပြီ "ကျုပ် အဲဒီချွတ်ယွင်းချက်ရှိနေတဲ့ ကျောက်စိမ်းပြားကို ယူမယ် .. ကျုပ်အတွက် တစ်ခုပေးပါ ... "
"တာအိုရောင်းရင်ချိန်ရဲ့ ကျောက်စိမ်းပြားက အလကား ဖြစ်ပေမဲ့ တာအိုရောင်းရင်းမိုရဲ့ ကျောက်စိမ်းပြားက မြေကမ္ဘာအဆင့် စိတ်စွမ်းအင် ကျောက်တုံး ၅၀ ၀၀၀ လိုမယ် ..." အကြီးအကဲက ကျောက်စိမ်းပြားနှစ်ခုကို ထုတ်လိုက်သည်။
မိုဝူကျီက စိတ်ထဲမှ တိတ်တဆိတ် ကျိန်ဆဲလိုက်တော့သည်။ ပြီးပြည့်စုံသည့် ကျောက်စိမ်းပြားက အလကား ဖြစ်ပြီးတော့ သူ့ချွတ်ယွင်းချက်ရှိတဲ့ ကျောက်စိမ်းပြားက မြေကမ္ဘာအဆင့် စိတ်စွမ်းအင် ကျောက်တုံး ၅၀ ၀၀၀ ပေးရသေး၏။
မချင့်မရဲ ဖြစ်သော်လည်း မိုဝူကျီက စိတ်စွမ်းအင် ကျောက်တုံး ၅၀ ၀၀၀ကို ထုတ်ပေးကာ ကျောက်စိမ်းပြားကို လက်ခံလိုက်တော့သည်။
ထိုကျောက်စိမ်းပြားပေါ်တွင် စကားလုံးအချို့သာ ရှိလေသည်။ နယ်လှည့်ကျင့်ကြံသူ ၂၇၀၅၊ အထောက်အကူပြု အမှတ် သုည (၀ ) ဟု ပါရှိသည်။ နောက်တွင် နာမည်ပင် ရေးမထားပေ။