အခန်း (၁၇၂) : စက်ဆုပ်ဖွယ် တီကောင်များ
မိုဝူကျီ စိတ်ထဲ လေးလံသွားလေသည်။ သိုလှောင်အိတ်ကို လိုချင်ခြင်းက ဓားပြတိုက် လုယက်နေသည်ပဲ မဟုတ်ပေဘူးလား ...
သူလက်ဖြင့် သိုလှောင်အိတ်ကို ချက်ချင်း ကာထားလိုက်သည်။ သူက ဝိညာဉ်လမ်းကြောင်း အဆင့် ၁၀ တွင် ရှိနေစဉ်က စိတ်ဝိညာဉ်တည်ဆောက်ခြင်း အဆင့် နှစ်ယောက်ကို သတ်ပစ်ခဲ့သည်။ ယခု သူက ဝိညာဉ်လမ်းကြောင်းဖွင့် အဆင့် ၁၂ သို့ ရောက်ရှိနေသောကြောင့် ထိုလူများနှင့် ဖြေရှင်းဖို့ များစွာ မခက်ခဲလောက်ချေ။
"ညီလေး (၂) အလျှင်မလိုပါနဲ့ ... တခြားတစ်ယောက်ရဲ့ သိုလှောင်အိတ်ကို ဝယ်ချင်တာက သူ့ဆီက လုယက်တယ်လို့ ထင်နေမှာပေါ့ ...." နောက်ထပ် အမျိုးသားက လမ်းလျှောက်လာရင်း ပြောလိုက်သည်။ ထိုအမျိုးသားက အရပ်အတော်အတန် ရှည်ကာ မျက်နှာတွင် ထင်ရှားသည့် အမာရွတ်ရှိသည်။
ပြောပြီးနောက်တွင် အမျိုးသားက မိုဝူကျီကို ရိုရိုသေသေ ဦးညွတ်လိုက်ပြီး "မိတ်ဆွေ ကျူပ်တို့က လက်နက်ပစ္စည်း ထုတ်လုပ်ဖို့ သတ္တုတွေကို တွေ့ထားလို့ သိုလှောင်အိတ်ကို အရေးတကြီး လိုအပ်နေတာ ၊ ကျုပ်တို့က တစ်ယောက်ယောက်ဆီက လုယူဖို့ မရည်ရွယ်ထားပါဘူး၊ အဲဒါကြောင့် စိတ်ချနေပါ .. ကျုပ်တို့က ဈေးကောင်းပေးမှာပါ ..."
သူက ထိုအမျိုးသား စကားများကို ကြားသောအခါ မိုဝူကျီက ထိုလူများက တစ်နေရာရာတွင် ရတနာ တွေ့ခဲ့ကြောင်း သိလိုက်သည်။ သူတို့ သိုလှောင်အိတ်များက ပြည့်နေပြီ ဖြစ်သော်လည်း ထိုရတနာများကို ချန်ရစ်မထားနိုင်ပေ။ ထို့ကြောင့် သိုလှောင်အိတ်ကို အလိုရှိနေခြင်း ဖြစ်သည်။
မိုဝူကျီက ပြန်ဖြေလိုက်သည် "ကျုပ် သိုလှောင်အိတ်ကလည်း ပြည့်နေပြီ ... "
"ရတယ်လေ ခင်ဗျားပစ္စည်းတွေကို ထုတ်လိုက်၊ ကျုပ်တို့က သိုလှောင်အိတ်ပဲ လိုတာ ... " အရပ်ရှည်ရှည်လူက ပြုံးရင်း ဆက်ပြောလိုက်သည်။ သို့သော် မိုဝူကျီ အသံက အေးစက်လာကာ "ခင်ဗျားတို့က ပစ္စည်းသိမ်းဖို့ သိုလှောင်အိတ်ကို လိုတာဆိုတော့ ခင်ဗျားတို့ဆီကို သိုလှောင်အိတ် ရောင်းပြီး ကျုပ်က လက်ဗလာနဲ့ သယ်ရမှာလား .."
"အိတ်ထဲ ထည့်သယ်လို့ ရပါတယ် .." ပထမအမျိုးသားက နောက်တစ်ကြိမ် ဖွင့်ဟ၍ ပြောလိုက်သည်။
ထိုအဖြေကို မိုဝူကျီက တစ်ခွန်းမျှ ပြန်မပြောတော့ပေ။ သူက လက်ကို မြောက်လိုက်သည့်အခါ ထျန်းဂျီတုတ်က လက်ထဲ ပေါ်လာလေ၏။ အကယ်၍ သူတို့က လုယက်ချင်လျှင် သူတို့ကို ကြိုးစားကြည့်ခိုင်းလိုက်မည်။ သူ့အတွက်လည်း ဝိညာဉ်လမ်းကြောင်းဖွင့် အဆင့် ၁၂ သို့ ရောက်ရှိလာပြီးနောက် မည်မျှ အားကောင်းလာကြောင်း စမ်းသပ်လို့ရသည့် အခွင့်အရေး ဖြစ်သည်။
မိုဝူကျီက တွန့်ဆုတ်နေခြင်းမရှိ လက်နက် ထုတ်ယူလိုက်သည်ကို တွေ့၍ အမျိုးသား နှစ်ယောက်က မျက်မှောင်ကြုတ်လိုက်ပြီး အလောတကြီး မလုပ်ဆောင်ရဲကြချေ။
ခွေးရူးနှင့် ရင်ဆိုင်နေရသည့်အလား ထွက်ပြေးလျှင်လည်း ခွေးရုးက နောက်မှ တကောက်ကောက် လိုက်ကိုက်မည် ဖြစ်သည်။ အကယ်၍ အကိုက်ခံရပြီး ထွက်မပြေးဘဲ ထို့အစား ရင်ဆိုင်လိုက်လျှင် ခွေးက ကြောက်ရွံပြီး နောက်ဆုတ်သွားနိုင်သည်။
အမျိုးသားနှစ်ယောက်သည် ထိန်းချုပ်မှုအတွင်း ကျရောက်သွားသည်နှင့် မိုဝူကျီက ရုတ်တရက် ပြောလိုက်သည် "ခင်ဗျားတို့တွေက ဒီနေရာကို မတော်တဆ တွေ့တာ မလား၊ ကျုပ်က ဒီမရောက်ခင်ကတည်းက သိပြီးသား၊ ခင်ဗျားတို့သာ ရပ်မယ်ဆိုရင် မြေပုံပေးနိုင်တယ် ..."
ပြောပြီးသည့်နောက်တွင် မိုဝူကျီက သူတို့အဖြေကိုပင် မစောင့်တော့ဘဲ မြေပုံကို အရပ်ရှည်ရှည် အမျိုးသားဆီ ပစ်ပေးလိုက်တော့သည်။
ပင်ကိုယ်ဗီဇအရ ထိုလူသည် ဘေးသို့ ရှောင်ရှားလိုက်သည်။ တစ်ခုခု မမှားယွင်းကြောင်း သိတော့မှ အထုပ်ကို ကောက်ယူလိုက်သည်။
ထို့နောက်တွင် အံ့ဩတကြီး အော်ဟစ်သံကို ကြားလိုက်ရသည်။ ကျန်နှစ်ယောက်က အချင်းချင်း ကြည့်လိုက်ကြတော့၏။ နောက်ထပ် အမျိုးသားနှင့် အမျိုးသမီးက ထိုသူ့ဘေးသို့ လျောက်လှမ်းလာပြီး မြေပုံကို စစ်ဆေးကြည့်လိုက်သည့်အခါ ပျောက်ဆုံးကောင်းကင်မြိ့ပျက်၏ ရတနာ တည်ရှိရာ မြေပုံမှန်း သိလိုက်သည်။
မိုဝူကျီက ထိုအခွင့်အရေးကို အသုံးချ၍ ထွက်သွားလိုက်သည်။
"အစ်ကိုကြီး ကျုပ်တို့ သူတို့ဖမ်းပြီး သတ်ပစ်သင့်လား ..." မိုဝူကျီ ထွက်သွားသည်ကို မြင်ပြီး မြေပုံကို လက်ခံထားသည့် ပိန်ပိန်ပါးပါး အမျိုးသားက မေးလိုက်သည်။
အရပ်ရှည်ရှည်အမျိုးသားက မိုဝူကျီ ထွက်သွားသည့် ဦးတည်ရာကို ကြည့်ပြီး အားရပါးရ ရယ်မောလိုက်ကာ "မလိုဘူး .. ဒီမြေပုံက သူ့သိုလှောင်အိတ်ထက် အများကြီး အဖိုးတန်တယ်၊ ကြည့်ကြည့် ငါတို့ ရှာနေတဲ့ နေရာလည်း ပါတယ်၊ ငါတို့တော့ ချမ်းသားပြီကွ ... ဒါက ရတနာသိုက်ပဲ ... "
"အဲလိုဆိုရင် သူ့ကို သတ်ပစ်လိုက်တာက ပိုပြီး စိတ်မချရဘူးလား .." တစ်လျောက်လုံး တိတ်ဆိတ်နေခဲ့သည့် အမျိုးသမီးက ဖွင့်ပြောလိုက်သည်။
"ဒါပေါ့ .." အရပ်ရှည်ရှည် အမျိုးသားက ခေါင်းခါလိုက်ပြီး "ဒါပေမဲ့ သူ့ကို မြင်ရတဲ့အတိုင်း သတ်မှတ်မနေနဲ့ဦး၊ ပျောက်ဆုံးကောင်းကင်မြို့ပျက်ကို တစ်ယောက်တည်း ဝင်လာရဲပုံနဲ့ သူက ရိုးရှင်းတဲ့သူတော့ မဟုတ်ဘူး ။ သူဝန်းကျင်မှာ ဝိညာဉ်စွမ်းအားတွေ မရှိပေမဲ့ သူ့လက်နက်ဆွဲထုတ်လိုက်တာကို ကြည့်တာနဲ့ သာမာန်လူ မဟုတ်တာ သိသာတယ်။ သူ့မှာ ကျင့်ကြံဆင့် ဖုံးထားနိုင်တဲ့ နည်းလမ်းတချို့ ရှိပုံပဲ ... တကယ်လို့ ငါခန်းမှန်းသာ မှန်ရင် ငါတို့ သုံးယောက်လုံးက သူကို ဆွဲထားနိုင်မှာ မဟုတ်ဘူး။ ငါတို့မှာ ရတနာ ရပြီဆိုတော့ စတေးဖို့ မလိုတော့ဘူးလေ ... အဲဒါကြောင့် ငါတို့က ရတနာပဲ လိုက်ရှာကြတာပေါ့ ... သူက အဲနေရာကို ရောက်လာရဲတယ်ဆိုရင် ငါတို့အတွက် သူ့ကို လိုက်ဖမ်းဖို့ အချိန်ကို ခြွေတာပြီးသား ဖြစ်သွားလိမ့်မယ် ... "
အမျိုးသားနှင့် အမျိုးသမီးက သဘောတူစွာ ခေါင်းညိတ်ပြလိုက်သည်။ သူ ပြောတာ မှန်ကန်ပေသည်။ အကယ်၍ မိုဝူကျီက အမှန်ပင် အားနည်းသည် ဆိုလျှင် ပျောက်ဆုံးကောင်းကင်မြို့ပျက်ထဲသို့ တစ်ယောက်တည်း မည်သို့ သွားလာရဲမည်လဲ ... သူတို့၏ ဝိညာဉ်စွမ်းအားကို ဖုံးကွယ်ထားသော လူသည် သေချာပေါက် ရိုးရှင်းမည် မဟုတ်ပေ။
ထိုသုံးယောက် သူ့နောက်က လိုက်မလာသည်ကို မြင်သောအခါမှ သက်ပြင်းချနိင်တော့သည်။ သူက သူတို့ကို မကြောက်သော်လည်း သူတို့နှင့် မတိုက်ခိုက်ရသည်က ပိုကောင်းပေသည်။ ထိုအပြင် သူက စိတ်ဝိညာဉ်ကို မတည်ဆောက်ရသေးပေ။ ဝိညာဉ်လမ်းကြောင်းဖွင့် အဆင့် ၁၂ သည်လည်း ဝိညာဉ်လမ်းကြောင်းဖွင့် အဆင့်တွင်းသာ ဖြစ်သည်။
သူ့လက်ထဲက အချိန်ကိုက်ဗုံးသည် အဝေးရောက်သွားပြီ ဖြစ်၍ အလွန်အမင်း ကျေနပ်နေသည်။ မူလအကြံစည်ကား ထိုပစ္စည်းများကို သဲကန္တာရမိကျောင်း ပါးစပ်ထဲ ထည့်ဖို့ရာ ဖြစ်သည်။ ထိုလူသုံးယောက် ပေါ်လာသည်နှင့် ထိုကိစ္စကား အလွယ်လေး ဖြေရှင်းပြီးသား ဖြစ်သွားလေပြီ။
ရိုးရိုးလေးချီဆီမှ ပစ္စည်းသုံးခုလုံးသည် သေချာပေါက် မကောင်းပေ။ ထို့ကြောင့် သူတို့သုံးယောက်က သူ့အပေါ် အမြတ်ထုတ်ချင်သည့်အတွက် သူတို့သည် ရိုးရိုးလေးချီနှင့် ရင်ဆိုင်ရတော့မည်။ သူက ကောင်းကင်လမ်းပန်းကို သက်သက်သာသာ ရှာနိုင်လေပြီ။
ထိုလူသုံးယောက်သည် ကောင်းကင်ပန်းလမ်းကို သွားရှာမည့် ကိစ္စကိုတော့ မစိုးရိမ်ပေ။ ထိုသို့ ဖြစ်နိုင်ချေသည် အလွန်နည်းပါးလွန်း၏။ အခြားသော ရတနာများနှင့် ယှဉ်လျှင် ကောင်းကင်လမ်းပန်းသည် ထူးခြားလှသည် မဟုတ်ပေ။ အားလုံးက သူကဲ့သို့ ၁၀၀ ခုမြောက် ဝိညာဉ်လမ်းကြောင်းကို ဖွင့်ချင်နေမည် မဟုတ်ပေ။
ဘာတစ်ခုမှ စိုးရိမ်စရာ မလိုတော့ဘဲ မိုဝူကျီသည် ဦးတည်ချက် ထပ်ပြောင်းလိုက်သည်။ ဤတစ်ကြိမ်တွင် သူက ကောင်းကင်လမ်းပန်း၏ တည်နေရာဆီ ဦးတည်လိုက်တော့သည်။
ရိုးရိးလေးချီက မည်မျှပင် မရိုးသားစေကာမူ ထိုစာအုပ်အပါးထဲမှ ရတနာများ တည်နေရာသည် အတော်လေး တိကျလှသည်။
ရက်များစွာ ကုန်ဆုံးသွားပြီးနောက် မိုဝူကျီသည် မြက်ခြောက်ကွင်းရှေ့တွင် ရပ်တန့်လိုက်သည်။ နေရာအနှံ့တွင် နံရံအပဲ့များ ရှိနေပြီး ဖုန်များဖြင့် လွမ်းခြုံထားလေ၏။ သူတို့ကြားတွင် မျိုးစုံသော ပေါင်းပင်များ ပေါက်နေကြပြီး အချိန်များစွာ ကြာနေပြီ ဖြစ်သည့် ရှေးဟောင်း စစ်မြေပြင်ကဲ့သို့ ဖြစ်နေလေသည်။
ပေါင်းပင်များကို လေတိုးရာမှ အသံများ ထွက်ပေါ်နေပြီး မိုဝူကျီ၏ စိတ်စွမ်းအားက သူတို့ဆီ စိမ့်ဝင်သွားလေသည်။ ထို့နောက် မြက်များနှင့် ကျောက်တုံးများကြားတွင် အရိုးခြောက်များ တွေ့လိုက်ရသည်။ ထိုအရာများမှလွဲ၍ တခြားအရာ မရှိပေ။ ဆူညံသံကား လေတိုက်ခတ်သွား၍ ဖြစ်နိုင်သည်။
ထိုစဉ် ကောင်းကင်က မှောင်နေပြီ ဖြစ်ကာ မိုဝူကျီက အဝေးတစ်နေရာကို လှမ်းကြည့်လိုက်သည်။ တည်နေရာကား မပြီးဆုံးနိုင်သည့် အပျက်အစီးများနှင့် ပေါင်းပင်များနှင့် ပြည့်နှက်နေပြီး ဤနေရာကို ဖြတ်သွားနိုင်သည့် တစ်ခုတည်းသော နည်းလမ်းမှာ အပင်များနှင့် နံရ့အကျိုးများကို ဖြတ်သွားခြင်း ဖြစ်သည်။ သူတို့ကို ကွေ့ပတ်သွားဖို့ရာက ရွေးချယ်စရာတော့ မဟုတ်ပေ။
သူက ထိုအရာကို ဖြတ်သွားသည်နှင့် ကောင်းကင်လမ်းပန်းကို ရှာတွေ့နိုင်လိမ့်မည်။ ကောင်းကျိုး၊ ဆိုးကျိုးကို ချင့်ချိန်ပြီးနောက် သူက ထိုအပင်များကို ဖြတ်သွားရန် ဆုံးဖြတ်လိုက်တော့သည်။ အင်အားအတွက် သူ့လိုအင်ဆန္ဒကား အလွန်ပြင်းထန်လွန်းလှသည်။
တစ်ခုခုတော့ မှားယွင်းနေလေပြီ။ မိုဝူကျီ ပထမခြေလှမ်း ချလိုက်သည့် အခိုက်အတန့် တစ်ခုခု က ကြွလာကြောင်း ခံစားမိလိုက်သည်။
မြက်များကြားတွင် အရိုးခြောက်များစွာ ရှိကာ သူတို့သည် တိုက်ပွဲကြောင့် သေဆုံးခဲ့ရဟန်နှင့် မတူပေ။ အကယ်၍ ထိုသို့ မဟုတ်လျှင် အခြားသော အကြောင်းပြချက် တစ်ခုတော့ ရှိနေရမည်။ ထိုကျင့်ကြံသူ အားလုံးသည် မြက်တောကို ဖြတ်ဖို့ရာ ကြိုးစားရင်းနှင့် အရိုးခြောက်များ ဖြစ်သွားခြင်း ဖြစ်သည်။
မိုဝူကျီက ခြေထောက်ကို ပြန်ရုတ်သိမ်းလိုက်ပြီး အပင်များနှင့် နံ့ရံများမှ ဘေးပတ်လည်မှ အရိုးခြောက်များအထိ သေချာ အသေးစိတ်စစ်ဆးလိုက်သည်။
အမွေးတိုင် တဝက်အကြာတွင် သူက သူ့ရှေ့မှ ပုံရိပ်တစ်ခုလုံးကို ပြည့်ပြည့်စုံစုံ မြင်နိုင်သွား၏။ အရိုးခြောက်များက ဖြူဖျော့မနေဘဲ မီးခိုးရောင်ဖျော့ဖျော့လေး သမ်းနေလေသည်။ မီးခိုးရောင်တွင် အနက်အစက်အပြောက်များလည်း တွေ့နိုင်လေသည်။ အရိုးခြောက်တစ်ခုချင်းစီတွင် အတူတူပင် ဖြစ်၏။ ခြားနားချက် မရှိပေ။
မီးခိုးရောင်အရိုးခြောက်များက ပုံမှန် ဖြစ်သော်လည်း အနက်အစက်အပြောက်များက သေချာပေါက် ပုံမှန် မဟုတ်ပေ။ အရိုးခြောက်တစ်ခုစီတွင် တူညီသော အနက်အစက်များ ရှိနေသောကြောင့် ပို၍ပင် မူမမှန် ဖြစ်စေသည်။
အဆိပ်များလား ...
မိုဝူကျီ၏ စိတ်စွမ်းအားကို အဝေးထိ ဖြန့်ကျက်လိုက်သည်။ ပြန်မရုတ်သိမ်းခင် သူ့တွင် အန္တရာယ်တချို့ကို ခံစားမိလိုက်သည်။ ထို့အပြင် ဤနေရာတွင် သက်ရှိများ မရှိဘဲ အရိုးခြောက်များသာ ရှိလေသည်။
စိတ်စွမ်းအားကို မြေအောက်ထဲ ပို့လွတ်လိုက်သောအခါ သူ့တစ်ကိုယ်လုံး ကြက်သီးများ ထလာတော့သည်။ သူက ချက်ချင်းပင် မအီမသာ ဖြစ်လာပြီး ထိုးအန်ပစ်ချင်စိတ်ပါ ပေါက်လာလေသည်။
တည်ငြိမ်နေသည့် အနက်နှင့် မီးခိုးရောင် နယ်ပယ်ကား မြေကြီး မဟုတ်ဘဲ တီကောင်များ အထပ်လိုက် ဖြစ်နေခြင်း ဖြစ်သည်။ အပေါ်ဆုံးအထပ်ကား သူတို့သည် မြေကြီးမှ အညစ်အကြေးသဖွယ် ဖြစ်နေကာ သိပ်သိပ်သည်းသည်း အတန်းလိုက် ရှိနေသောကာ လှုပ်ရှားမှု မရှိပေ။ သို့သော်လည်း မြေအောက်တွင် ရှိနေသော တီကောင်များက တွန့်လိမ်နေပြီး သဲသဲမဲမဲ သွားလာနေကြသည်။ အစုလိုက်အပြုံလိုက်ကား အမှန်ပင် ရွှံ့ရှာဖွယ် ဖြစ်လေသည်။
ကပ်သီလေး ကံကောင်းသွားခြင်း ဖြစ်သည်။ အကယ်၍ သူ့တွင် စိတ်စွမ်းအား မရှိပါက သူမြေပြင်ပေါ် ခြေချလိုက်သည့် အခိုက်အတန့် သူ့သေခြင်းတရားသာ ဖြစ်သွားလိမ့်မည်။
ရိုးရိုးလေးချီ လုပ်နေတာများလား ... သူ့က မြေပုံကို လုပ်ထားသည့်အတွက် အန္တရာယ်ကို အဘယ်ကြောင့် သတိပေးမထားသနည်း။ တခြားသူများကို သူ့အတွက် ရတနာ ရှာပေးစေလိုခြင်းက သူ့ရည်ရွယ်ချက် မဟုတ်ပေဘူးလား ...
ရိုးရိးလေးချီ၏ ရည်ရွယ်ချက်က မည်သို့ ဖြစ်နေပါစေ မိုဝူကျီက စိတ်ထဲ မထားပေ။ သူက ဤနေရာမှ ချက်ချင်း ထွက်သွားလိုက်တော့သည်။ သူ့လှုပ်ရှားလိုက်သည့်အခါ အပင်များကြားမှ တီကောင်များကိုလည်း ဆက်တိုက် ကြည့်မိသွားလေ၏။
တစ်နာရီအကြာတွင် ဘေးကင်းသော နေရာကို တွေ့ရှိလေသည်။ ဤနေရာတွင် တီကောင်များ မရှိဘဲ မြေပြင်မှ ငေါ်ထွက်နေသော နံရံအပျက်များသာ ကျန်ရှိနေလေသည်။ ထိုနံရံများက မြေပေါ် ခြေမချဘဲ သွားနိုင်မည့် အကောင်းဆုံး နည်းလမ်းဖြစ်လေသည်။
ဤနေရာက သူဖြတ်သွားမည့် နေရာ ဖြစ်လေ၏။
သူ့ဆုံးဖြတ်ချက် ချပြီးသည်နှင့် မိုဝူကျီက ခုန်ကာ နံရံအပျက် တစ်ခုအပေါ် တက်လိုက်သည်။ ထိုရှေးဟောင်းနံရံများက အိုဟောင်းလွန်းနေပြီ ဖြစ်၍ သူ့ခြေထောက်အောက်တွင် ကျိုးအက်သံ ထွက်ပေါ်လာလေသည်။ သူက ထိုနံရံမှ တခြားသို့ ကူးလိုက်သောအခါ သူ့နောက်တွင် ဖုန်များအဖြစ် တစ်စစီ ကွဲအက်သွားလေသည်။
ထိုစဉ် မိုဝူကျီက ဒုတိယနံရံအပေါ် ရောက်ပြီး တတိယသို့ ခုန်ကူးခါနီးတွင် ညအချိန် တိတ်ဆိတ်နေရာမှ တရှဲရှဲအသံ ထွက်ပေါ်လာလေသည်။
သူက အသံအရင်းအမြစ်ကို ရှာကြည့်လိုက်သောအခါ ကြက်သီးများ ထသွားလေသည်။ တည်တည်ငြိမ်ငြိမ် ရှိနေခဲ့သည့် တီကောင်အုပ်ကြီးသည် သူ့နောက်သို့ အရှိန်ဟုန်တပြင်း လိုက်လာကြသည်။ အကယ်၍ သူသာ ထိုအုပ်စုလိုက် ဝန်းရံခြင်း ခံရသည်ကို စိတ်ကူးကြည့်လျှင် မိုဝူကျီ အယောက်တရာ ရှိလျှင်ပင် နေရာတွင် သေဆုံးသွားလိမ့်မည်။ ထိုအပြင် သူတို့သည် ဗြုန်းစားကြီး သေဆုံးသွားကြလိမ့်မည်။
ထို့ကြောင့် မိုဝူကျီက နေရာတွင် တစက္ကန့်မျှ ကြာကြာမနေရဲချေ။ သဘာဝစွမ်းအားကို မြင့်တင်လိုက်ပြီး ခြေထောက်နှစ်ဖက်လုံးဖြင့် ကန်ထွက်လိုက်သည်။ သူက လေထဲတွင် ပျံသန်းနေသည့်အလား တဖက်သို့ ခုန်ကူးသွားလေ၏။
အသက်ရှုကြိမ် ခဏအကြာတွင် မိုဝူကျီက ထိုတီကောင်အုပ်စု သူ့အား မဝန်းရံမိခင် ထွက်ပြေးဖို့ဆိုတာ မဖြစ်နိုင်ကြောင်း သိ၏။ ထိုသို့ဆိုလျှင် သူ့အသက်အတွက် တိုက်ခိုက်ရုံမှ အပ တခြားရွေးချယ်စရာ မရှိပေ။ မိုဝူကျီက လေထဲတွင် လျှပ်စီးအားကို ထုတ်လိုက်ပြီး ထိုအုပ်စုဆီ ပစ်လွတ်လိုက်တော့သည်။
"ရှဲရှဲ ..." မရေတွက်နိုင်သည့် တီကောင်များသည် လျှပ်စီးကြောင့် လောင်ကျွမ်းသွားပြီး လေထဲတွင် တူးနံများ ပြည့်လာလေ၏။
တီကောင်များက ပေါက်ကွဲလာသည့် လျှပ်စီးကြောင့် မှင်သက်မိနေသည့်အလား သူတို့နေရာတွင် ရပ်တန့်သွားကြ၏။
မိုဝူကျီက ထိုအရာကို မြင်သောအခါ စိတ်ထဲတွင် ပျော်ရွှင်လာလေသည်။ သူကြောက်သည့်အရာကား ထိုတီကောင်များတွင် အသိစိတ်မရှိမှာကို ဖြစ်၏။ သို့သော် သူ့လေ့လာချက်အရ ထိုတီကောင်များသည် နည်းနည်းတော့ အသိစိတ်ရှိကြ၍ အကြောက်တရားကို သိကြသည်။ ထို့အပြင် အသိစိတ်မရှိသည့် တီများက သူ ပေါင်းပင်တွေကြား ရောက်မှ တိုက်ခိုက်ရမည်ကို မည်သို့ သိကြမည်နည်း။