အခန်း (၁၆၆) : သတ်ဖြတ်မှု
မိုဝူကျီက သူ့ဘာသာ တွေးလိုက်ကာ သူသာ ၁၀၀ခုမြောက် ချီသွေးကြောကို ဖွင့်နိုင်၍ စိတ်ဝိညာဉ်တည်ဆောက်ခြင်း အဆင့်သို့ တက်လှမ်းနိုင်သွားပါက ကောင်းကင်ဖွေရှာနန်းတော်လှေကားကို နောက်တစ်ကြိမ် ထပ်လာပြီး စမ်းကြည့်ရမည်။ ထိုသို့ဆိုလျှင် ဘယ်နှထစ်ထိ ရောက်မည်မှန်း ကြည့်ကြည့်ရအောင် ...
ကောင်းကင်ဖွေရှာနန်းတော်၏ အလုပ်ခန်းမသည် သဏ္ဍာန်မဲ့ နတ်ဓားဂိုဏ်းထက် ပို၍ ကျယ်ဝန်းလေသည်။ အမျိုးမျိုးသော တာဝန်များကို ပြသထားပြီး သူတို့၏ ခက်ခဲမှု အဆင့်နှင့် ရမှတ်များအထိပါ ရေးချထားလေသည်။
မိုဝူကျီက ပျောက်ဆုံးကောင်းကင်မြို့ပျက်အတွက် တာဝန်ကို မြန်မြန်ဆန်ဆန် ရှာတွေ့သွားလေသည်။ ထိုတာဝန်များတွင် မိုင်းတူးခြင်းနှင့် ဆေးပင်အမျိုးမျိုး ခူးယူခြင်းတို့ ပါဝင်လေသည်။ ပျောက်ဆုံးကောင်းကင်မြို့ပျက် မြေပုံကို စုဆောင်းခြင်း တာဝန်ပါ ရှိသေး၏။ မိုဝူကျီကို အံ့ဩစေသည်က ကောင်းကင်လမ်းပန်းကို ညွန်ဆိုထားခြင်း မရှိသည့် ကိစ္စဖြစ်လေသည်။ ချိန်စုယင်က သူ့ဆီ လျှပ်စီးပညာရပ် ရရန်အလို့ဌာ လိမ်ညာလိုက်တာလား ...
သို့သော်လည်း မိုဝူကျီက ထိုဖြစ်နိုင်ချေကို ပယ်ချလိုက်တော့သည်။ သူမ ပြောသည့်အကြောင်းအရာက ပြည့်စုံလှသည့်အတွက် လက်တန်းပြောသည်နှင့် မတူပေ။
"ပျံသန်းခြင်း အသင်း မှ ပျောက်ဆုံးကောင်းကင်မြို့ပျက်သို့ .. ဝိညာဉ်တည်ဆောက်ခြင်း အဆင့် ၇ ထက် မလျော့နည်းရ .. အဖွဲ့လိပ်စာ ဒုတိယထပ် အခန်း ၃၁ "
"ဦးတည်ရာ အသင်း မှ ပျောက်ဆုံးကောင်းကင်မြို့ပျက်သို့ ..လူတစ်ယောက်လိုအပ် ... အနည်းဆုံး လူသားအဆင့်လွန် အဆင့် တစ်တွင် ရှိရမည် "
"ပျောက်ဆုံးကောင်းကင်မြို့ပျက် အသင်း .. ဝိညာဉ်တည်ဆောက်ခြင်း အဆင့် ၄ ထက် မမြင့်ရ .. အဖွဲ့လိပ်စာ ဒုတိယထပ် အခန်း ၆၄ "
ပျောက်ဆုံးကောင်းကင်မြို့ပျက်သို့ ဝင်မည့် အဖွဲ့များ၏ အသိပေးစာကို ဖတ်ကြည့်ပြီးနောက်တွင် မိုဝူကျီက နောက်ဆုံးတွင် အခန်း ၆၄ သို့ ဦးတည်လိုက်တော့သည်။ သူ့ကျင့်ကြံဆင့်က ဝိညာဉ်လမ်းကြောင်းဖွင့်အဆင့် ဖြစ်နေသည့်အတွက် စိတ်ဝိညာဉ်တည်ဆောက်ခြင်းအဆင့် လေးသို့ မကျော်လွန်သေးပေ။ ထို့အပြင် ထိုတောင်းဆိုချက်သည် စိတ်ဝိညာဉ်တည်ဆောက်ခြင်းအဆင့် ၄ ထက် အားနည်းသော လူများအတွက် ဖြစ်ကာ အဖွဲ့အင်အားက ချရေးဖို့ပင် မလိုတော့ပေ။ သူ့အတွက်လည်း အန္တရာယ် ပိုကင်းနိုင်သည်။
သူက ဒုတိယအထပ်သို့ သွားမည့်ဆဲဆဲတွင် အလုပ်ခန်းမအတွင်းသို့ အဆောတလို လူတစ်ယောက် ပြေးလာလေ၏။ ထိုလူက တာဝန်ပြသရေးစင်ကို ရပ်ကြည့်နေသော မိုဝူကျီကို တန်းတွေ့လိုက်သည်။
"အစ်ကိုမို... ခင်ဗျားအိမ်ကို ဝိုင်းထားကြပြီး လူသားအဆင့်လွန်နှစ်ယောက်က အစ်ကို အပြန်အလာကို စောင့်နေကြတယ် .. " သတင်းစကား လာပို့သည့်သူကား ရောက်လာစဉ်ကအတိုင်း အလောတကြီး ပြောလိုက်ပြီး အလျင်အမြန် ထွက်သွားတော့သည်။
သူ့နောက်ကျောကို ကြည့်ရင်း မိုဝူကျီက သူ့ကို အကြောင်းလာကြားသူသည် ချောင်ပုဟိန် ဖြစ်ကြောင်း မှတ်မိလိုက်သည်။ သူ့စိတ်ထဲတွင် ကျေးဇူးတင်မိလိုက်သည်။ အကယ်၍ သူသာ လာမပြောခဲ့လျှင် သူ အိမ်ပြန်ရောက်သည်နှင့် ထိုလူသားအဆင့်လွန်နှစ်ယောက် လက်ထဲ ကျရောက်သွားပေလိမ့်မည်။
ကောင်းကင်ဖွေရှာနန်းတော်တွင် သတ်ဖြတ်ခြင်းက တားမြစ်ထားသော်လည်း တစ်ယောက်ချင်း စိမ်ခေါ်သည့် ကိစ္စကိုတော့ မတားမြစ်ပေ။ မရေတွက်နိုင်သည့် တပည့်များသည် ထိုမှတဆင့် ဒဏ်ရာအများအပြား ရတတ်ကြသည်။ သို့သော်လည်း စိမ်ခေါ်တိုက်ပွဲများတွင် ပါဝင်သော လူများသည် ကျင့်ကြံဆင့် တူညီကြရမည်။
မိုဝူကျီ စိတ်ထဲတွင် ကျင့်ကြံဆင့် နိမ့်နေသည့်အတွက် စိတ်ဓာတ်ကျနေမိသည်။ တပည့်များကြားမှ မကျေနပ်မှုများကို တိုက်ပွဲဖြင့် ဖြေရှင်းမှန်း သိသော်လည်း သူက များစွာ အာရုံမစိုက်မိပေ။ အကြောင်းမှာ သူက ထိုအတွင်းစည်း တပည့်များကို များများ မရိုက်လွတ်လိုက်မိပေ။ ယခုအချိန် သူလုပ်ဖို့ လိုအပ်သည်က ကောင်းကင်ဖွေရှာနန်းတော်မှ ထွက်သွားသောအခါ ပိုဂရုစိုက်ရန် ဖြစ်၏။ လက်တွေ့တွင် အဆင့်တူ တိုက်ပွဲသည် ကောင်းကင်ဖွေရှာနန်းတော်တွင် ပုံမှန် ဖြစ်သည်။ စိမ်ခေါ်သူများအတွက် မိုဝူကျီက သူနှင့်အဆင့်တူ ကျင့်ကြံသူများကို မကြောက်ပေ။
သို့သော်လည်း ထိုကောင်လေးက ဤမျှ ရက်စက်လိမ့်မည်ဟု မည်သူက သိမှာလဲ ... သူ့ကို ရှင်းထုတ်ရန် သူ့ထက် အားကောင်းသူများကို ခေါ်ခဲ့သေးသည်။ အမြင်အရ သူသည် အရမ်းကို တုံးအလွန်းနေမိကာ ကောင်းကင်ဖွေရှာနန်းတော်ကို အရမ်းအထင်ကြီးမိလေ၏။ အပြင်စည်းတပည့်အနေနှင့် သူက သေသည့်အထိ အရိုက်နှက်ခံရပြီး သူ့ချီသွေးကြောများ အားလုံး ဖျက်စီးခံလိုက်ရသည့်အထိ ဖြစ်ခဲ့လျှင်ပင် မည်သူက သူ့ဘက် ရှိမည်နည်း။ ကောင်းကင်ဖွေရှာနန်းတော် တစ်ခုလုံးတွင် တစ်ယောက်မှ သူ့အတွက် ရပ်တည်ပေးမည် မဟုတ်ပေ။
ထို့ကြောင့် မိုဝူကျီက လူသစ်ရှာနေဆဲ ဖြစ်သည့် အခန်း ၆၄ ကို ဆက်မသွားတော့ချေ။ ထိုအရာက သူ့ကို နှစ်နာရီမှ လေးနာရီအထိ နှောင့်နှေးစေလိမ့်မည်။
အရင်က ချိန်စုယင်သည် သူ့ကို ရှာတွေ့နိုင်ခဲ့သည့်အတွက် သူ့ကို ပြဿနာ လိုက်ရှာသူများလည်း ရှာနိုင်ကြလိမ့်မည်။ ကိစ္စတစ်ခုလုံးက သူမျှော်လင့်ထားသည့်ထက် ကြီးမားနေသည်ကို နားလည်လိုက်သည်။ ထို့ကြောင့် အချိန်ဆက်ဖြုန်းနေ၍ မဖြစ်တော့ပေ။
မိုဝူကျီက ချက်ချင်းပင် အလုပ်ခန်းမမှ လှည့်ထွက်သွားလိုက်တော့သည်။ အခြားသူများနှင့် အဖွဲ့မဖွဲ့ခြင်းက သူသည် ပျောက်ဆုံးကောင်းကင်မြို့ပျက်သို့ မသွားနိုင်ခြင်း မဟုတ်ပေ။
ဂိုဏ်းမှ ထွက်လာလိုက်ပြီး မိုဝူကျီက အရှိန်မြင့်လိုက်ကာ ကောင်းကင်ဖွေရှာမြို့မှ ပျောက်ဆုံးကောင်းကင်မြို့ပျက်သို့ ဦးတည်မည့် နေရာဆီ သွားလိုက်တော့သည်။ ပျောက်ဆုံးကောင်းကင်မြို့ပျက်နေရာမျိုးသို့ ကောင်းကင်ဖွေရှာမြို့မှ သွားလာနိုင်လိမ့်မည်။
ကောင်းကင်ဖွေရှာနန်းတော်နှင့် အနီးဆုံး ဖြစ်သော ကောင်းကင်ဖွေရှာမြို့ကို ခြေလျင် လေးနာရီလောက် ကြာပေသည်။
"ဟမ်.. ဒီကောင်က ဘယ်လိုလုပ် ဘေးကင်းကင်း ထွက်သွားနိုင်တာလဲ .. " ကောင်းကင်ဖွေရှာနန်းတော်အပြင်ဘက်တွင် တန်ဖိုးကြီး ဝတ်ရုံနှင့် လူငယ်က မိုဝူကျိ နောက်ကျောသာ မြင်လိုက်ရသောကြောင့် အပြစ်ပြောလိုက်သည်။
"သခင်လေး သူက ဘယ်သူများလဲဗျ. .."တန်ဖိုးကြီး ဝတ်ရုံနှင့်လူငယ်နောက်တွင် ရပ်နေသော တောင့်တောင့်တင်းတင်း လူနှစ်ယောက်ထဲမှ တစ်ယောက်က မေးလိုက်သည်။
အံ့ကို ကြိတ်ထားလိုက်ပြီး တန်ဖိုးကြီး ဝတ်ရုံနှင့် လူငယ်က ပြန်ဖြေလိုက်သည် "အဲခွေးကောင်က ငါ့နေရာကို လုသွားပြီးတော့ ငါ့ကို ရိုက်သေးတာ၊ သူ့ကို ပညာပေးဖို့ အပိုင်း (ဃ) ထိ လူလွတ်ထားတယ်၊ ရိုးတွင်းချဉ်ဆီအားလုံးကို ဖယ်ထုတ်ပြီးတော့ ဝိညာဉ်ကြောအကုန်လုံးကို ဖျက်စီးပစ်ခိုင်းထားတာ .. အဲ့ပါမွားက ငါသွားမကြည့်ရသေးခင် ဂိုဏ်းက ထွက်သွားပြီဆိုတာ ဘယ်သူက ထင်ထားမှာလဲ .. အဲဒီအမှိုက်တွေ..."
"သူက ဂိုဏ်းက ထွက်သွားတော့ ပိုကောင်းမသွားဘူးလား ... အခု သူ့ကို သွားသတ်လို့ ရပြီလေ.." ဒုတိယတစ်ယောက်က အကြံပေးလိုက်သည်။
တန်ဖိုးကြီး ဝတ်ရုံနှင့် လူငယ်က မျက်မှောင်ကျူတ်လိုက်ပြီးတော့ အနည်းငယ် တွန့်ဆုတ်တွန့်ဆုတ် ဖြစ်သွားလေသည်။ မိုဝူကျီ ပြောခဲ့သည့် စကားလုံးများသည် သူနားထဲတွင် ကြားယောင်နေဆဲ ဖြစ်ကာ သူ့ရင်ဘတ်က ဒဏ်ရာကိုလည်း ခံစားမိနေသေး၏။ စိတ်ဓာတ်ကျလွန်း၍သာ လူသားအဆင့်လွန် နှစ်ယောက်ကို ပို့လိုက်ခြင်း ဖြစ်သည်။
"အဲလူက စိတ်ဝိညာဉ်တည်ဆောက်ခြင်း အဆင့် ရောက်နေပြီကွ. ... ဖြစ်နိုင်တာက စိတ်ဝိညာဉ်တည်ဆောက်ခြင်း အဆင့်တစ် ဖြစ်လိမ့်မယ်..." တန်ဖိုးကြီး ဝတ်ရုံနှင့် လူငယ်၏ လေသံတွင် တွေဝေခြင်းများ ပါဝင်နေသေး၏။ သူက အပြင်စည်းဂိုဏ်းတွင် ပုန်းအောင်းနေသော လူသားအဆင့်လွန် ကျင့်ကြံသူနှစ်ယောက်ကို ပြန်ခေါ်ချင်သော်လည်း အချိန်ကြာမြင့်မည် ဖြစ်သည်။ အကယ်၍ သူတို့ရောက်မလာခင် ထိုခွေးကောင် ခြေရာပျောက်သွားလျှင် ဘယ်လိုလုပ်မလဲ ...
တန်ဖိုးကြီး ဝတ်ရုံနှင့် လူငယ်၏ ညာဘက်ဘေးမှ လူငယ်က အားရပါးရ ရယ်မောရင်း ပြောလိုက်သည် "သခင်လေးက သူ့ကို အထင်တွေ စွတ်ကြီးနေတာပဲ၊ လုပင်းနဲ့ ကျွန်တော်တို့ နှစ်ယောက်လုံးက စိတ်ဝိညာဉ်တည်ဆောက်ခြင်း အဆင့် ၄ ရောက်နေပြီဆိုတော့ ကျွန်တော်တို့ သုံးယောက်လုံး ပေါင်းရင်တောင် သာမာန်အပြင်စည်းတပည့်လေးတောင် မနိုင်ရင် ဟာသဖြစ်နေလိမ့်မယ် .... သူ့ဝန်းကျင်မှာ ဝိညာဉ်စွမ်းအားတွေလည်း မရှိဘူး အဲဒါကြောင့် သူက စိတ်ဝိညာဉ်တည်ဆောက်ခြင်းအဆင့် ရောက်ရုံပဲ ဖြစ်လိမ့်မယ်.. သူက အမှိုက်သာသာပါပဲဗျာ ... တွေးကြပါဦး သူက အပြင်စည်းတပည့်နေရာမှာတောင် အပိုင်း (ဃ) မှာ နေရတာလေ .. "
လုပင်းအမည်ရှိသော လူငယ်က လက်နှစ်ဖက် ပွတ်လိုက်ပြီးနောက် ပြောလိုက်သည် "သခင်လေး .. ကျန့်ဝေပြောတာ မှန်တယ်ဗျ .... ကျွန်တော်တို့က အမှိုက်ကို မရှင်းနိုင်လောက်အောင်အထိတော့ အားမနည်းပါဘူး ပြီးတော့ သူက ကောင်းကင်ဖွေရှာနန်းတော် အပြင်ရောက်သွားပြီဆိုတော့ .... " လုပင်းက လည်ပင်းကို ဖြတ်ပြဟန် လုပ်ပြလိုက်သည်။
သူ့ဘေးနားမှ လူနှစ်ယောက်က မှန်ကန်သည်ဟု တွေးမိလာသည်။ ထို့ကြောင့် တန်ဖိုးကြီး ဝတ်ရုံနှင့် လူငယ်က နောက်ဆုံးတွင် ခေါင်းညိတ်ပြလိုက်သည် "ကောင်းပြီလေ ... အဲဆို သူ့နောက်လိုက်ပြီး သွားသတ်ရအောင်... သူအသက်ရှင်နေတဲ့ နေ့တိုင်းက ငါ့အတွက် အဆင်မပြေဘူး ... သေစမ်း.. ဒီကောင်က ငါ့နေရာလုပြီး လူပုံအလယ်မှာ ပါးရိုက်ရဲသေးတယ် ... "
ကောင်းကင်ဖွေရှာနန်းတော်က ကောင်းကင်ဖွေရှာမြို့နှင့် သိပ်မဝေးပေ။ အကယ်၍ သားရံပျံသာ စီးမည်ဆိုလျှင် သူတို့သည် အမွေးတိုင် တဝက်လောက်ခန့်တွင် မြို့သို့ ရောက်ရှိနိုင်လိမ့်မည်။
သို့သော်လည်း မိုဝူကျီက သူ့တည်ရှိမှုကို လူသတိမထားမိစေရန် အလို့ဌာ သူက ကောင်းကင်ဖွေရှာနန်းတော်မှ ခိုးထွက်လာလေ၏။ ကောင်းကင်ဖွေရှာနန်းတော်မှ ကောင်းကင်ဖွေရှာမြို့သို့ ဆက်သွယ်ထားသည့် လမ်းသုံးကြောင်း ရှိလေသည်။ သူက အစစ်ဆေးမခံဘဲ သွားချင်သည့်အတွက် မိုဝူကျီသည် လူသူကင်းမဲ့ဆုံးသော လမ်းကို ရွေးချယ်လိုက်သည်။ သို့သော် သူက လက်စားချေဖို့ရာ ကြိုးစားနေသည့် လူငယ်နှင့် ကောင်းကင်ဖွေရှာနန်းတော်မှ ထွက်ထွက်ချင်း တည့်တည့် တွေ့မည်မှန်း ထင်မထားခဲ့ပေ။
တစ်နာရီအကြာတွင် မိုဝူကျီက တစ်ခုခုမှားယွင်းနေကြောင်း ခံစားမိလိုက်သည်။
လူသတ်ငွေ့.....
"မင်းက မဆိုးဘူးပဲ .. တော်တော် အာရုံခံနိုင်တယ် ..." မိုဝူကျီ ရပ်လိုက်သည်နှင့် အရိပ်သုံးခုက လမ်းလေးဘေးမှ ထွက်ပေါ်လာပြီး သူ့အား ဝိုင်းထားလိုက်ကြသည်။
ဤနေရာကား ကောင်းကင်ဖွေရှာနန်းတော်နှင့် ကောင်းကင်ဖွေရှာမြို့ ကြား အတိအကျ ဖြစ်လေသည်။ နှစ်ဖက်လုံးတွင် အရွက်များဖြင့် ဖုံးအုပ်နေသဖြင့် လူအရှင်းဆုံးနေရာဟုပင် ယူဆ၍ ရသည်။
"အဲဆို မင်းကိုး .... အဲကြောင့် အမှိုက်အနံ့ရနေပါတယ်လို့ ..." လက်တစ်ချက် အဝှေ့ဖြင့် ထျန်းဂျီတုတ်က သူ့လက်ထဲ ရောက်လာလေသည်။
သို့သော် တန်ဖိုးကြီး ဝတ်ရုံနှင့် လူငယ်က ထိုအကြောင်းကို သိပ်လေးလေးနက်နက် မထားပေ။ မိုဝူကျီက ထိုလူငယ်ဘေးတွင် ရှိနေသည့် လူနှစ်ယောက်ကို အာရုံစိုက်ထားလိုက်သည်။ သူတို့ အငွေ့အသက်များအရ သူတို့သည် စိတ်ဝိညာဉ်တည်ဆောက်ခြင်းအဆင့်ထဲမှ ဖြစ်ရမည်။ သူတို့သည် လူသားအဆင့်လွန်ထဲသို့ မရောက်သေးသရွေ့ သူ့တွင် အခွင့်အရေး ရှိသေးသည်။ အကယ်၍ သူတို့က ရောက်နေလျှင်လည်း ကံကိုသာ ပုံအပ်ထားလိမ့်မည်။
"မင်းမှာလည်း သိုလှောင်အိတ်ရှိတယ်လား .." လုပင်း၏ အကြည့်များက တောက်ပလာလေ၏။
"သူ့အရိုးတွေ တစ်ခုချင်းစီ ချိုးပစ်လိုက်၊ သူ့ကို ဖြေးဖြေးချင်း ညှင်းသတ်ချင်တယ် .." တန်ဖိုးကြီး ဝတ်ရုံနှင့် လူငယ်အကြည့်တွင် လူသတ်ငွေ့များ ပြည့်နေကာ မိုဝူကျီကို ကြောက်စိတ်ကား ချက်ချင်းပင် လွင့်ပျံသွားတော့သည်။
လူငယ်ဆီမှ အမိန့်မပါဘဲ စိတ်ဝိညာဉ်တည်ဆောက်ခြင်းအဆင့် ကျင့်ကြံသူ နှစ်ယောက်လုံးက လက်နက်ကိုယ်စီ ထုတ်လိုက်ပြီး မိုဝူကျီဆီ ချီတက်လာကြသည်။ တစ်ယောက်ချင်းစီက အခြားတစ်ယောက်နှင့် မတူညီသည့် ဦးတည်ရာကို သွားလိုက်ကြသည်။ လုပင်း၏ လက်နက်သည် ကျာပွတ်ရှည်ဖြစ်ပြီး ကျန့်ဝေ၏ လက်နက်မှာ ဓားကွင်း ဖြစ်သည်။
လုပင်းက မိုဝူကျီဆီ တည့်တည့် ခုန်ဝင်လိုက်ပြီး သူ့ကြာပွတ်ဖြင့် အားကုန်ဝှေ့ယမ်းလိုက်ပြီး မိုဝူကျီ ထွက်ပြေးမည့်ဘက်ကိုပါ ပိတ်ဆို့ထားလိုက်သည်။
သူ့ကျင့်ကြံဆင့်က နှစ်ယောက်လုံးထက် နိမ့်ကျသော်လည်း မိုဝူကျီက သူတို့ထက်တော့ အားမနည်းချေ။ ထို့အပြင် သူက ထိုလူနှစ်ယောက် လိုက်မမှီနိုင်သည့် စိတ်စွမ်းအားလည်း ပိုင်ဆိုင်သေး၏။
သူတို့တိုက်ခိုက်မှုမှ မိုဝူကျီသည် သူတို့က ကောင်းမွန်စွာ ပူးပေါင်းထားကြောင်း မြင်နိုင်သည်။ အကယ်၍ သာမာန်တိုက်ပွဲ ဖြစ်ပါက သူနိုင်နိုင်လျှင်ပင် အရမ်းခက်ခဲလိမ့်မည်။ ထို့အပြင် သူက သူတို့နှစ်ယောက်နှင့်တိုက်ခိုက်ရန် အချိန်များစွာ မရပေ။ တိုက်ပွဲကြာလေလေ သူ့အတွက် အကျိုးမရှိလေ ဖြစ်နေသည်။
အောင်မြင်မှုကို အချိန်တိုအတွင်း ရအောင် ယူရမည်။ သူတို့နှစ်ယောက်ကို အမြစ်ဖြတ် ချေမှုန်းပစ်ပြီး သူတို့ပူးပေါင်းမှုအား အရာမထင်အောင် လုပ်ဆောင်ရမည်။
အခြားသူများအတွက် ဝိညာဉ်လမ်းကြောင်းဖွင့်အဆင့် ကျင့်ကြံသူသည် ချို့ယွင်းချက်မရှိ ပူးပေါင်းမှုရှိသော စိတ်ဝိညာဉ်တည်ဆောက်ခြင်း အဆင့် နှစ်ယောက်ကို သတ်ရန် ကြိုးစားခြင်းကား ဟာသပြက်လုံး တစ်ခုသာ ဖြစ်နေလိမ့်မည်။
သို့သော်လည်း မိုဝူကျီအတွက်တော့ ထိုသို့ မဟုတ်ပေ။ သူက တုတ်ကို အပေါ်အောက် ဝှေ့ယမ်းလိုက်ပြီး ကြာပွတ်ကို ရှောင်ရှားရန် ကြိုးစားလိုက်သည်။ သို့သော် နောက်ကွယ်က စွမ်းအားက အားကြီးနေလေ၏။ သူလက်ထဲမှ တုတ်သည် ကြာပွတ်ကို ခဏတာသာ ရပ်တန့်နိုင်ခဲ့ပြီး နောက်ဆုတ်လိုက်ရသည်။
လုပင်းက မိုဝူကျီ နောက်ဆုတ်သွားသည်ကို မြင်သောအခါ စိတ်ထဲမှ အေးစက်စွာ ရယ်မောလိုက်လေ၏။ ထိုလူသည် သာမာန် ဝိညာဉ်လမ်းကြောင်းဖွင့် အဆင့် ကျင့်ကြံသူများထက် အားကောင်းသော်လည်း စိတ်ဝိညာဉ်တည်ဆောက်ခြင်းအဆင့်မှ လူတွေကိုတော့ လိုက်မမှီသေးပေ။ စိတ်ဝိညာဉ်တည်ဆောက်ခြင်း အဆင့် ၄ နှစ်ယောက်ဆိုလျှင် ပိုဆိုးသေး၏။
သူမျှော်လင့်ထားသည့်အတိုင်း မိုဝူကျီ နောက်ဆုတ်သွားသည့်နေရာသည် ကျန့်ဝေက သူ့ဓားကွင်းဖြင့် စောင့်ကြိုနေသည့် နေရာအတိအကျ ဖြစ်လေသည်။ မိုဝူကျီသည် ဓားအောက်တည့်တည့်သို့ ရောက်သွားသည့်ဟန် ပေါ်နေသည်။ သို့သော် လုပင်းနှင့် ကျန့်ဝေတို့သည် ထိုသည်က အကြောင်းမဟုတ်မှန်း သိကြသည်။ ထို့အစား သူတို့၏ မူလအစီအစဉ်သည် မိုဝူကျီကို ထိုနေရာသို့ ပို့ဆောင်လိုက်ရန် ဖြစ်သည်။
"ချွင် .." လက်နက်အချင်းချင်း ပွတ်တိုက်မှုကြောင့် အသံများ ထွက်ပေါ်လာပြီး ကျန့်ဝေသည် တစ်ခုခုမှားယွင်းသွားကြောင်း ခံစားမိလိုက်သည်။
သူတို့အကြံအတိုင်း လုပင်းက မိုဝူကျီကို နောက်ဆုတ်စေပြီးနောက် သူသည် ဓားကွင်းထဲသို့ ကျရောက်လာလိမ့်မည်။ မိုဝူကျီက လုပင်းကြောင့် နောက်ဆုတ်လိုက်ရပြီး အမှန်ပင် ဓားကွင်းအောက်သို့ ရောက်ရှိသွားလေ၏။
သဘောတရားဖြင့် ပြောရလျှင် မိုဝူကျီသည် နှစ်ပိုင်း ပြတ်သွားရမည်။ ကျန့်ဝေက သူအားကို ပြန်ရုတ်သိမ်းရန် ပြင်ဆင်ထားသည်။ ထို့အပြင် မိုဝူကျီက သခင်လေးကို အရှက်ခွဲထားသည့်အတွက် မသတ်ခင် သခင်လေးကို ပြန်ပေးဆပ်ရမည်။
သို့သော်လည်း သတ္တုအချင်းချင်း ထိရိုက်မှုကြောင့် တစ်ခုခု ဖြစ်သွားမှန်း သိလိုက်သည်။ ကျန့်ဝေက အဖြစ်အပျက်ကို ရှင်းရှင်းလင်းလင်း မြင်လိုက်ရသည်။ သတ္တုတုတ်တစ်ချောင်းက မိုဝူကျီ ကျောတွင် ပေါ်လာပြီး သူကျောနှင့်အတူတကွ ရှိနေလေသည်။
မိုဝူကျီတုတ်က လုပင်းကြောင့် အဝေးရောက်သွားပြီ ဖြစ်ရာ ဘယ်လိုလုပ် မိုဝူကျီကျောဆီ ရောက်နေမည်နည်း။
မကောင်းတော့ချေ ... ဒီခွေးကောင်က ဒီနေရာကို လွင့်လာတာ မဟုတ်ဘဲ တမင်သပ်သပ် ရွေ့လာခြင်းသာ ဖြစ်၏။
ကျန့်ဝေက တွေးမိလိုက်ပြီးနောက် သူ့မျက်လုံးတွင် အလင်းတန်းဖျော့ဖျော့လေး မြင်လိုက်ရသည်။ မိုဝူကျီကို လူသေတစ်ယောက်လို သတ်မှတ်ထားသည့်အတွက် သူက အားအပြည့်ဖြင့် တိုက်လာမည်ဟု မည်သူက ထင်ထားမည်နည်း။ နောက်အခိုက်အတန့်လေးတွင် သူ့နှလုံးက အပိုင်းပိုင်း စုတ်ဖြဲခံလိုက်ရသလို ခံစားလိုက်ရပြီး နာကျင်မှုက သူ့အား မိုက်ခနဲ ဖြစ်သွားစေသည်။