အခန်း (၁၆၀) : ချိန်စုယင်၏ တောင်းဆိုမှု
မိုဝူကျီက လက်သီးဆုပ်ထားရင်း ဒဏ်ရာအပြည့်နှင့် သူ့ခန္ဓာကိုယ်ကား မြေပြင်ပေါ်သို့ ဘုန်းခနဲ လှဲကျသွားတော့သည်။ ဤချီသွေးကြောဖွင့်လိုက်ခြင်းမှာ ၇၂ ခုမြောက် ချီသွေးကြော ဖွင့်စဉ်ထက် များစွာ ပြောင်းလဲသွားလေ၏။ သို့သော်လည်း မိုဝူကျီက ၇၂ ခုမြောက် ချီသွေးကြော မဖွင့်ဘဲ ၇၃ ခုမြောက်ကို မဖွင့်နိုင်မှန်း သိ၏။
တစ်နာရီလောက် အနားယူပြီးသည့်နောက်တွင် မိုဝူကျီက ဝိညာဉ်လမ်းကြောင်းဖွင့်ဆေး နောက်တစ်ပုလင်းကို သောက်လိုက်ပြီး လျှပ်စီးအတွက် တစ်နာရီ ထပ်သတ်မှတ်လိုက်သည်။
အားပြင်းလျှပ်စီးများကို ခံနိုင်ရည် မရှိခြင်းကြောင့်သာ မဟုတ်လျှင် မိုဝူကျီက အဆင့်မြင့် လျှပ်စီးအခန်းကို ကြိုးစားကြည့်ချင်၏။ အလယ်အလတ် အဆင့် လျှပ်စီးအခန်းမှာပင် မိုဝူကျီက ချီသွေးကြော တစ်ခုဖွင့်ရန် တစ်နာရီ အချိန်ယူခဲ့ရသည်။ အကယ်၍ သူသာ အဆင့်နိမ့် လျှပ်စီးအခန်းသာ ရွေးချယ်မိလျှင် ချီသွေးကြော တစ်ခုပင် ဖွင့်နိုင်မည် မဟုတ်လောက်ပေ။
မိုဝူကျီက ဒုတိယအကြိမ်အတွက် ပြင်ဆင်ထားသော်လည်း သူက တစ်နာရီအဆုံးတွင် မည်းတူးခြင်းနှင့်သာ အဆုံးသတ်သွားလေ၏။ လျှပ်စီးများက မိုဝူကျီ ခန္ဓာပေါ်သို့ ကျလာသောအခါ ချပ်ဝတ်မှ ကာကွယ်ပေးထားသော သူ့ရင်ဘတ်နှင့် ကျောမှ လွဲလျှင် အခြားသော နေရာများက ပြင်းပြင်းထန်ထန် ဒဏ်ရာရသွားလေ၏။
အကယ်၍ မိုဝူကျီသာ ဆေးလုံးဆရာ မဟုတ်ခဲ့လျှင် အမွေးတိုင်တစ်တိုင်စာပင် ခံနိုင်မည် မဟုတ်ပေ။
အခြားသော ကျင့်ကြံသူများက ဆေးလုံးများကို သူတို့ ကျင့်ကြံဆင့် မြင့်ဖို့ရာ ဝယ်ကြသော်လည်း မိုဝူကျီက ပြန်လည်ကောင်းမွန်ဖို့ရာအတွက် ဆေးလုံး ဖော်စပ်နေခြင်း ဖြစ်၏။ သူ စတင် ကျင့်ကြံစဉ်မှ စ၍ သူ့ကား ဒဏ်ရာအများအပြား ခံစားခဲ့ရသည်။ ဒဏ်ရာ တစ်ခုချင်းစီက ယခင်ကထက် ပို၍ များပြားလေ၏။ အချိန်ကြာလာသည်နှင့်အမျှ ဒဏ်ရာများနှင့် အသားကျလာလေ၏။
မိုဝူကျီတွင် ဤနေရာမှ လျှပ်စီးများကို ခုခံဖို့ရာ အင်အားမရှိပေ။ ထို့ကြောင့် သူက လျှပ်စီးများကို သူ့ချီသွေးကြောများဆီ လမ်းညွန်ပေးနေခြင်း ဖြစ်သည်။ ရောက်ရှိလာသော လျှပ်စီးများကို ရှောင်ရှားဖို့ရန် သို့မဟုတ် တားဆီးဖို့ရန် မစွမ်းဆောင်နိုင်ပေ။
"ဖူး..." တစ်နာရီအကြာတွင် မိုဝူကျီက ထပ်တောင့်မခံနိုင်တော့ဘဲ မြေပြင်ပေါ်သို့ အသက်မနည်းရှုရင်း လဲကျသွားလေ၏။
ချီသွေးကြော ၇၄ ခုမြောက်ကို အောင်အောင်မြင်မြင် ဖွင့်နိုင်သွားလေပြီ။ လျှပ်စီးအခန်းတွင် နှစ်နာရီကြာ ရက်ရက်စက်စက် ပြင်းပြင်းထန်ထန် ခံစားပြီးနောက်တွင် သူက ချီသွေးကြော နှစ်ခုကို ဖွင့်နိုင်သွား၏။
ဆက်လုပ်ဆောင်ချင်သေးသော်လည်း မိုဝူကျီက သူ့ခန္ဓာသည် ဆက်၍ တောင့်မခံနိုင်တော့ကြောင်း ရှင်းရှင်းလင်းလင်း သိ၏။ အကယ်၍ သူက သူ့ကိုယ်သူ အတင်းကြပ် လုပ်ဆောင်မည်ဆိုလျှင် သူ့အသက်လေးကို ထိန်းထားနိုင်မည် မဟုတ်လောက်ချေ။
ပို၍ အရေးကြီးသည်က သူက သူ့ကုသဆေးလုံးများ အားလုံးကို သုံးလိုက်ပြီ ဖြစ်၏။ သူက ဆေးလုံးအသစ် ဖော်စပ်ဖို့ရာ မီးပြင်းဖိုအသစ် ဝယ်ရမလား သို့မဟုတ် ဂိုဏ်း၏ ဆေးလုံးဖော်စပ်ခန်းကို ဌားရမလား တွေးနေမိသည်။
နောက်ထပ် တစ်နာရီ အနားယူပြီးနောက်တွင် မိုဝူကျီက သူ့ကိုယ်သူ မြန်မြန် သန့်ရှင်းလိုက်ပြီး အဝတ်အသစ် လဲလှယ်လိုက်သည်။ ထို့နောက် လျှပ်စီးအခန်းမှ ထွက်လာလိုက်တော့သည်။
မိုဝူကျီ၏ ရှုပ်ပွနေသည့် ဆံပင်နှင့် ဒဏ်ရာအပြည့်ဖြင့် မျက်နှာနှင့် ယှဉ်လျှင် နောက်အခန်းမှ အမျိုးသမီးက နည်နည်းဖျော့တော့နေလေ၏။
"အဆင်ပြေရဲ့လား ... " အမျိုးသမီးက မိုဝူကျီ တစ်ကိုယ်လုံး လိုက်ကြည့်လိုက်ရင်း အံ့ဩတကြီး ဖြစ်မိသွားသည်။ သူမက မိုဝူကျီသည် အထဲ၌ လေးနာရီလုံး အိပ်နေခဲ့သည်ဟုတော့ မထင်မိပေ။ သူ့၏ ခပ်နွမ်းနွမ်းသွင်ပြင်အရ သူမသည် မိုဝူကျီက လျှပ်စီးနှင့် သူ့ကိုယ်သူ လေ့ကျင့်နေကြောင်း ပြောနိုင်၏။
အလယ်အလတ်အဆင့် လျှပ်စီးအခန်းတွင် ကျင့်ကြံဖူးသူအနေနှင့် သူတို့သည် အလွန်ဆုံး အမွေးတိုင် တဝက်လောက်သာ နေနိုင်လိမ့်မည်။ အမွေးတိုင် တဝက်အကြာတွင် မိုဝူကျီက ဒဏ်ရာအပြင်းအထန်မရဘဲ ထွက်လာနိုင်သည်ကိုက သူမကို အလွန်အမင်း အံ့အားသင့်စေ၏။ သူမ မှတ်မိသလောက် အလယ်အလတ်အဆင့် လျှပ်စီးအခန်းတွင် အမွေးတိုင် တဝက်အကြာထိ အသက်ရှင်နိုင်သော ဝိညာဉ်လမ်းကြောင်းဖွင့် အဆင့် ကျင့်ကြံသူ မရှိဖူးချေ။
သူမက ရေခဲ ဝိညာဉ်ကြောနှင့် လူသားအဆင့်လွန် အဆင့် ၇ ဖြစ်သော်လည်း ရေခဲအခန်းတွင် လေးနာရီသာ ခံနိုင်လေ၏။ ထိုလေးနာရီအတွင်း တစ်နာရီလောက်က အနားယူရသေးသည်။
မိုဝူကျီက ရယ်မောရင်း စီနီယာ သတိပေးချက်ကို ပြန်လည်တုံ့ပြန်သည့်အနေဖြင့် ခေါင်းညိတ်ပြလိုက်သည်။ ထို့နောက်တွင် ၁၂ လွာမှ ထွက်လာလိုက်တော့သည်။ သူက စကားပြောဖို့ပင် နုံးချိနေလေပြီ။ ယခုအချိန်တွင် သူအလုပ်ချင်ဆုံးအရာကား အနားယူပြီးနောက် ဆေးပြင်းမီးဖို သွားဝယ်ရန် ဒါမှမဟုတ် ဂိုဏ်း၏ ဆေးလုံးဖော်စပ်ခန်းကို သွားရန် ဖြစ်သည်။
မိုဝူကျီတွင် လျှပ်စီးသဘာဝ ခန္ဓာကျင့်စဉ်သာ ရှိလျှင် ထိုသို့ စုတ်တီးစုတ်ပြတ် ဖြစ်နေမည်နည်း။ သို့သော်လည်း သူက မရှိကြောင်း ဝန်မခံရဲပေ။ အကြောင်းမှာ ခန္ဓာကျင့်စဉ်မရှိဘဲ လျှပ်စီးအခန်းထဲတွင် နေထိုင်ဖို့ရာ မဖြစ်နိုင်ချေ။
"အင်း ... " မိုဝူကျီက ရိုးရိုးရှင်းရှင်း ဖြေပြီး ထွက်သွားလိုက်သည်။
"ကျွန်မ နာမည်က ချိန်စုယင် ... ဓားရေကန်ဂိုဏ်းရဲ့ အမွေခံတပည့်ပါ .... " အမျိုးသမီးက နာမည်ကို ထုတ်ပြောလိုက်သည်။
မိုဝူကျီက အမွေခံတပည့် တစ်ယောက်က သူနှင့် ရင်းနှီးဖို့ရာ စိတ်ဝင်စားနေလဲဟု သတိတကြီး ကြည့်လိုက်သည်။ သူလုပ်ခဲ့သည်က လျှပ်စီးအခန်းတွင် အချိန်ကြာကြာနေမိခြင်းသာ ဖြစ်၏။ သူမက သူ့ထူးခြားချက်ကို မသိသရွေ့ ထိုသို့ ပြုမူမည် မဟုတ်လောက်ပေ။ သူက ကျိုးရှောက်ယီကြောင့် ဓားရေကန်ဂိုဏ်းကို ယခင်က ကြားဖူးသည်။
"အမ်.. ကျွန်တော် နာမည်က မိုဝူကျီ ... အပြင်စည်းဂိုဏ်းသား တစ်ယောက်ပါ ... " မိုဝူကျီက ရယ်မောရင်း ပြန်ဖြေလိုက်သည်။ သူမက သူမဘာသာ အရင်မိတ်ဆက်လိုက်သောအခါ သူ့အကြောင်း ပိုသိချင်နေသည်ဟု ဆိုလိုခြင်း မဟုတ်ပါလော... ထို့ကြောင့် မိုဝူကျီက လေးစားသည့်အနေဖြင့် သူမကို လျစ်လျူမရှုတော့ပေ။
ချိန်စုယင်က မိုဝူကျီသည် အပြင်စည်းတပည့် ဖြစ်နေလိမ့်မည်ဟု ထင်မထားခဲ့ပေ။ သို့သော်လည်း သူမက မိုဝူကျီဆီမှ ဝိညာဉ်စွမ်းအား မခံစားမိသည်ကိုတော့ မအံ့ဩတော့ပေ။ အဆင့်နိမ့် ဝိညာဉ်ကြောနှင့် လူအတွက် မိုဝူကျီသည် ကောင်းကင်ဖွေရှာနန်းတော်သို့ ဝင်နိုင်ခြင်းကပင် အလွန်အံ့ဩဖို့ ကောင်းနေလေပြီ။
သူမက မိုဝူကျီနောက်ခံကို ဆက်၍ မမေးတော့ဘဲ အနည်းငယ် နေရခက်စွာနှင့် ပြောလိုက်သည် "အဲဆို ... ရှင့်ရဲ့ လျှပ်စီးသဘာဝ ခန္ဓာကျင့်စဉ်ကို ရောင်းပေးနိုင်မလား .... စိတ်မပူပါနဲ့ ကျွန်မ ဈေးကောင်းကောင်း ပေးမှာပါ ... "
အဆင့်နိမ့် ကျင့်ကြံသူအတွက် အလယ်အလတ် လျှပ်စီးအခန်းတွင် ထိုမျှ ကြာအောင် နေနိုင်ခြင်းက မိုဝူကျီတွင် အံ့ဖွယ်လျှပ်စီးသဘာဝ ခန္ဓာကျင့်စဉ် ရှိ၍သာ ဖြစ်ရမည်။ ချိန်စုယင်က လျှပ်စီးခန္ဓာကျင့်စဉ်ကို အလိုရှိတာ ကြာလှပြီ ဖြစ်၏။ နှမြောစရာတစ်ခုက ဈေးကွက်ထဲတွင် များစွာရောင်းချသော်လည်း ကျင့်စဉ်များ၏ အဆင့်မှာ အရမ်းနိမ့်နေသည်။
"ကျွန်တော် အားနာပါတယ်ဗျာ .. ကျွန်တော့်ကျင့်စဉ်က ရောင်းဖို့ မဟုတ်ဘူး အဲဒါကြောင့် ပိုက်ဆံဘယ်လောက်ပေးပေး ရောင်းမှာ မဟုတ်ဘူးဗျ..." မိုဝူကျီက အားနာစွာ ပြောလိုက်သည်။
သူ့ကျင့်စဉ်က ရောင်းဖို့ရာအတွက် မဟုတ်သည့် အကြောင်းမှာ မိုဝူကျီတွင် လျှပ်စီးခန္ဓာကျင့်စဉ် တစ်ခုမှ မရှိသည့်အတွက် မည်သို့ ရောင်းချနိုင်မည်နည်း။ အကယ်၍ သူ့တွင် ထိုသို့အရာမျိုးရှိပါက သူက သင်ယူပြီးပြီ ဖြစ်၍ ရောင်းဖို့ရာ ကိစ္စမရှိပေ။ ဘာကြောင့် မရောင်းဘဲ နေရမည်နည်း။
ချိန်စုယင်က စိတ်ပျက်သွားသော်လည်း အရိုးသားဆုံး ပြောရလျှင် သူမက ဘယ်သောအခါမှ မတောင်းဆိုခဲ့ဖူးပေ။ ထို့ကြောင့် ဤသည်က သူမ၏ ပထမဆုံးအကြိမ် တောင်းဆိုခြင်း ဖြစ်ရာ တွန့်ဆုတ်ခြင်းမရှိ အငြင်းခံလိုက်ရ၏။
နှစ်ယောက်သားက အင်မော်တယ် လေ့ကျင့်ရေး မျှော်စင် ပထမအထပ်ထိ အတူတူလျှောက်လာကြသည်။ မိုဝူကျီက သူ့ကျင့်စဉ်ကို မရောင်းချချင်သည့်အတွက် ချိန်စုယင်က သူ့အား ဖြောင့်ဖြဖို့ရန် လက်လျော့ရုံမှအပ ရွေးချယ်စရာ မရှိတော့ချေ။ ထို့နောက် မြန်မြန်သာ လျှောက်လှမ်းလာလိုက်တော့သည်။
ပထမထပ်ရှိ ကျင့်ကြံသူများစွာက ချိန်စုယင်ဘေးတွင် ယှဉ်လျက် လျောက်လာသော မိုဝူကျီကို မြင်သောအခါ မျက်လုံးများပင် ထွက်ကျလာတော့မတတ် ပြူးလားပြီး အံ့ဩတကြီး ဖြစ်သွားကြသည်။ ဒီစုတ်တီးစုတ်ပြတ်လူက ဘယ်သူလဲ .... ချိန်စုယင်နှင့်ဘေးချင်းကပ် လျှောက်ရအောင် ထိုက်တန်လို့လား ....
မိုဝူကျီကို တားပြီး မေးခွန်းမထုတ်ကြသော်လည်း လူများစွာက သူ့ကို သတိပြုမိသွားလေ၏။ သူတို့အားလုံးက မိုဝူကျီက ဘယ်သူလဲဆိုတာ သိချင်နေကြသည်။
သူက အခြားသူများ၏ အကြည့်ကို စိတ်ထဲမထားဘဲ ချက်ချင်း သူ့နေရာသို့ ကျင့်ကြံဖို့ရန် ပြန်လာလိုက်သည်။ သူ့လက်ရှိ အနေအထားဖြင့် သူ့ကျင့်ကြံဆင့်က များစွာ မတိုးတက်သွားသော်လည်း အနည်းဆုံးတော့ ပြန်လည်ကောင်းနှုန်း မြန်လာလေ၏။
နှစ်ရက်အကြာတွင် မိုဝူကျီက သူ့နေရာမှ ကောင်းကင်ဖွေရှာနန်းတော်၏ ဆေးလုံးဖော်စပ်ခန်းသို့ ထွက်လာလိုက်သည်။
ကောင်းကင်ဖွေရှာနန်းတော်၏ ဆေးလုံးဖော်စပ်ခန်းကို အဆင့်သုံးဆင့်ဖြစ်သည့် - အဆင့်နိမ့်၊ အလယ်အလတ် အဆင့်နှင့် အဆင့်မြင့် ဆေးလုံးဖော်စပ်ခန်း ဟူ၍ ပြန်ခွဲခြားထား၏
အလယ်အလတ်အဆင့် ဆေးလုံးဖော်စပ်ခန်းသည် ဈေးကြီးလှသည်က တစ်ကြောင်း၊ သူ့တွင် ဂိုဏ်းအမှတ်များ မရှိသေးသည်က တစ်ကြောင်း ကြောင့် မိုဝူကျီက အဆင့်နိမ့် ဆေးလုံးဖော်စပ်ခန်းသာ ရွေးချယ်လိုက်ရသည်။ သူက ကျန်ရှိနေသော ဆေးပင်များအားလုံးကို ဆေးလုံးအဖြစ် ပြောင်းလိုက်ပြီး အဆင့်လေး ကုသဆေးလုံး ၉ ပုလင်းကို ဖော်စပ်နိုင်လိုက်သည်။
သူ ကုသဆေးလုံးများစွာ ဖော်စပ်နေသည့် အကြောင်းရင်းမှာ အနာဂတ်တွင် ချီသွေးကြောများများ ဆက်ဖွင့်နိုင်ရန် ဖြစ်သည်။ သူက အလယ်အလတ်အဆင့် လျှပ်စီးအခန်းတွင် ကျင့်ကြံရဲသည်မှာ သူ့တွင် ထိုဆေးလုံးများ ရှိနေခြင်းကြောင့် ဖြစ်၏။
ဆေးလုံးဖော်စပ်ခန်းမှ ထွက်လာပြီးနောက်တွင် မိုဝူကျီက အပြင်စည်းတောင်သို့ မပြန်ဘဲ အင်မော်တယ် လေ့ကျင့်ရေး မျှော်စင်ဆီသာ ဦးတည်လိုက်သည်။ မိုဝူကျီတွင် ၁၆ နာရီ သာ ကျန်ရှိနေတော့သည်။ ထို့ကြောင့် အနာဂတ်၌ ဗျာမများစေရန် သူ့ကြာချိန်ကို မြေကမ္ဘာအဆင့် စိတ်စွမ်းအင် ကျောက်တုံး ၈၀၀၀ ပေး၍ နာရီ ၈၀ စာ ထပ်ယူလိုက်သည်။ စာရင်းလက်ခံသူ အမျိုးသမီးလေးက တအံ့တဩ ဖြစ်မိသွားသည်။
အဆင့်သုံးနှင့် အဆင့်လေး ကုသဆေးလုံးများဖြင့် မိုဝူကျီသည် ချီသွေးကြော တစ်ခု၊ နှစ်ခု ဖွင့်ပြီးတိုင်း နှစ်ရက်ကြာ ဆေးလုံးသွားဖော်စပ်ဖို့ရာ မလိုအပ်တော့ကြောင်း ယုံကြည်ချက် ရှိ၏။
အင်မော်တယ် လေ့ကျင့်ရေး မျှော်စင် ၁၂လွာသို့ ရောက်သောအခါ မိုဝူကျီသည် ယခင်ကထပ် လူများနေကြောင်း သတိပြုမိလိုက်သည်။ ကံကောင်းလှစွာ သူ့လျှပ်စီးအခန်း ၃ ကား လူလွတ်နေသည်။
မိုဝူကျီက ကျောက်စိမ်းပြားကို ထည့်လိုက်ပြီး လျှပ်စီးအခန်းသို့ နောက်တစ်ကြိမ် ဝင်သွားလိုက်သည်။
မိုဝူကျီ သူ့အခန်းထဲသို့ ဝင်လိုက်ပြီး သိပ်မကြာခင်တွင် ချိန်စုယင်လည်း ၁၂လွာသို့ ရောက်လာလေ၏။ ရက်အတော်ကြာ အားလပ်နေခဲ့သည့် လျှပ်စီးအခန်းတွင် ကျောက်စိမ်းပြား ရှိနေကြောင်း သူမက အမှတ်မထင် သတိပြုမိလိုက်သည်။ သူမက ထိုအပြင်စည်းတပည့်က နောက်တစ်ကြိမ် လာလေ့ကျင့်ပြန်တာလားဟု တွေးမိလိုက်သေး၏။
မိုဝူကျီ ၁၂ လွာသို့ ရောက်လာသည့်အခါ အခြားသေ ကျင့်ကြံသူများက သူတို့လုပ်လက်စသာ ဆက်လုပ်နေကြသည်။ သို့သော်လည်း ချိန်စုယင် ရောက်လာသည်နှင့် ၁၂ လွာရှိ လူအုပ်ကြီးက ချက်ချင်းပင် ငြိမ်ကျသွားလေ၏။
နှမြောစရာကောင်းသည်က ချိန်စုယင်သည် ကြာကြာမနေဘဲ အလယ်အလတ်အဆင့် ရေခဲအခန်းထဲ ဝင်သွားတော့သည်။
တစ်ကြိမ်ရောက်ပြီးပြီ ဖြစ်၍ မိုဝူကျီ လုပ်သည့် ပထမဆုံးအရာကား အင်္ကျီကို ချွတ်၍ သိုလှောင်အိတ်ထဲ ထည့်လိုက်တာ ဖြစ်၏။ ထို့နောက် သိုလှောင်အိတ်ကို ချပ်ဝတ်အောက် ထည့်ထားလိုက်ပြီး အချိန်တစ်နာရီ သတ်မှတ်ကာ ဝိညာဉ်လမ်းကြောင်းဖွင့်ဆေးကို ဆက်တိုက် သောက်ပစ်လိုက်တော့သည်။
ဝိညာဉ်လမ်းကြောင်းဖွင့်ဆေး အသစ်သည် အရမ်းကို အာနိသင်ကောင်း၍ ပုလင်းများစွာသောက်မှ ချီသွေးကြော တစ်ခုသာ ဖွင့်နိုင်သော ပထမအကြိမ် ဆေးနှင့် မတူချေ။ ကျောက်စိမ်းမီးတောက်နှင့် ခရမ်းဟုန်ကြာပန်းတို့ထပ်ထည့်ထားသော ဆေးသည် တစ်ပုလင်းအတွက် ချီသွေးကြော အသစ် တစ်ခုကို ဖွင့်နိုင်လေ၏။
စတင်ခလုတ်ကို နှိပ်ပြီးသောအခါ လျှပ်စီးအားများက ရောက်ရှိလာသည်။ မိုဝူကျီက သူ့ကိုယ်သူ ဒဏ်ရာရခြင်းမှ ကာကွယ်ဖို့ရာ ကြိုးစားရင်း လျှပ်စီးအားကို ၇၅ခုမြောက် ချီသွေးကြောဆီ လမ်းညွှန်လိုက်သည်။
လျှပ်စီးအခန်းက တစ်နာရီအကြာတွင် ရပ်တန့်သွားပြီး မိုဝူကျီက တစ်နာရီအတွင်း ချီသွေးကြော တစ်ခု ဖွင့်နိုင်ခဲ့သည်။
မိုဝူကျီက အနားယူချိန်ကို နာရီဝက်သတ်မှတ်လိုက်ပြီး နာရီဝက်အတိအကျ အကြာတွင် သူက ၇၆ ခုမြောက် ချီသွေးကြောကို ဆက်ဖွင့်လိုက်သည်။
လေးနာရီအကြာတွင် ချိန်စုယင်က ရေခဲအခန်းမှ ထွက်လာပြီး အလယ်အလတ်အဆင့် လျှပ်စီးအခန်း ၃ တံခါးက ပိတ်ထားဆဲ ဖြစ်ကြောင်း တွေ့လိုက်ရ၍ အံ့ဩသွားမိသည်။
ချိန်စုယင်က တမင်သက်သက် နှေးလိုက်ပြီး ထွက်မသွားခင် ဖိနပ်ကြိုးပါ ပြန်ချည်လိုက်သေး၏။ သို့သော်လည်း သူမက ၁၂ လွာမှ ထွက်သွားတော့မည့်ဆဲဆဲတွင် အလယ်အလတ်အဆင့် လျှပ်စီးအခန်း၃ တံခါးကား ပိတ်ထားဆဲ ဖြစ်သည်။
"ဂျုနီယာ ညီမလေးစုယင်..." သူမက ပထမအထပ်သို့ ရောက်သောအခါ ကျင့်ကြံသူ ကိုယ်လူချောတစ်ယောက်က ချိန်စုယင်ကို အားတက်သရော လှမ်းခေါ်လိုက်သည်။
ပုံမှန်အားဖြင့် ချိန်စုယင်သည် ချက်ချင်း ထွက်မသွားခင် မြန်မြန် နှုတ်ဆက်လိုက်လေ၏။
သို့သော်လည်း ချိန်စုယင်က သွားနေရာမှ ရပ်လိုက်ပြီး ထိုကျင့်ကြံသူနှင့် စကားဆက်ပြောလိုက်သည်။
ထိုခန့်ညားလှသည့် ကျင့်ကြံသူက ချိန်စုယင်သည် ယနေ့ သူအား မှတ်မိခြင်းကြောင့် စိတ်လှုပ်ရှားနေမိပြီး ရင်တွေလည်း ခုန်နေလေ၏။ အနားမယူဘဲ ဆက်လက်ကျင့်ကြံနိုင်အောင် အားပေးနေသကဲ့သို့ ဖြစ်သည်။ သူက ဘေးနားမှ အားကျအကြည့်များကို ခံစားမိ၍ အလွန်အမင်း စိတ်ကျေနပ်နေသည်။
ချိန်စုယင်က မိုဝူကျီကို ရပ်မစောင့်သော်လည်း သူ ဘယ်လောက်ကြာကြာ နေနိုင်လဲဟု သိချင်နေမိသည်။ ဤသည်က မိုဝူကျီ၏ ဒုတိယအကြိမ် လာရောက်မှု ဖြစ်ပြီး ပထမအကြိမ်ထက် ကြာနေလေသည်။ ဖြစ်နိုင်ခြေတစ်ခုက သူ့တွင် အံ့ဖွယ် လျှပ်စီးခန္ဓာကျင့်စဉ် ရှိသည်က အမှန်အကန် ဖြစ်လောက်သည်။