အခန်း (၁၄၄) : ကြက်ပေါက်လေးနှင့် ချူရှင်ကျီ
ပတ်ဝန်းကျင်မှ အေးစက်မှုက ပို၍ အားကောင်းလာလေသည်။ မိုဝူကျီ ခန့်မှန်းချက်ပေါ် မူတည်၍ သူ့၏ အေးခဲမှု အရင်အခြေအနေသို့ ပြန်ရောက်ရန် မလိုတော့ကြောင်း သိလိုက်၏။ သူ့ဝေဟင်လျှပ်စီး ဟန်ပန် ခုနှစ်မျိုး ပညာရပ်၏ ပထမပုံစံကို လေ့ကျင့်နေစဉ်သာ မီးတောက် လောင်ကျွမ်းနိုင်ခြင်း ဖြစ်၏။ သို့သော် ယခုတွင် သူက ဤပညာရပ်ကို ဆည်းပူးပြီးပြီ ဖြစ်၍ ဆက်ကျင့်ကြံနေလျှင်ပင် လောင်ကျွမ်းမှု ပြင်းအားက တိုးမြင့်လာမည် မဟုတ်ပေ။
တောက်လောင်နေသည့် ခံစားချက် ပျောက်ဆုံးသွားသည်နှင့် သူက သူနှင့်အတူ ဝင်လာသော အမျိုးသားနှင့် အမျိုးသမီးတို့၏ သနားစရာကောင်းလှသည့် အခြေအနေကဲ့သို့ ပြန်ရောက်သွားလိမ့်မည်။
မိုဝူကျီက ထပ်၍ တွေဝေမနေတော့ဘဲ ရေခဲပန်းများကို သူတို့၏ ၁၅ စင်တီမီတာရှိနေသော အမြစ်နှင့်အတူ ဆူးဆွတ်ကာ ရေခဲလှေကားမှ အပြေးအလွား ပြန်တက်သွားတော့သည်။
အမွေးတိုင် တဝက်အကြာတွင် မိုဝူကျီက သူလာခဲ့သည့် အခန်းအတွင်းသို့ ပြန်ရောက်သွားကာ အသက်မနည်း ရှုနေရ၏။ အောက်သို့ ဦးတည်နေသော လှေကားကို ကြည့်နေရင်း အကြောက်တရားက သူ့နှလုံးသားထဲ ကိန်းအောင်းလာလေ၏။ သူ့ကား အောက်တွင် သေလုတော့မတတ် ဖြစ်ခဲ့သည်။
အောက်တွင် ရှိနေသော ရတနာများမှာ အဆုံးမဲ့ ဝိညာဉ်နှောင်ဖွဲ့ကျောက် နှစ်ခုတည်း မဟုတ်ကြောင်း သိ၏။ အထဲတွင် အဖိုးတန်ရတနာများစွာ ရှိနေလျှင်ပင် သူက ရေခဲငရဲကို နောက်ထပ် မခံစားရဲတော့ချေ။
ရေခဲပန်းနှစ်ခုက သူ့လက်ကို အေးစက်စက် အငွေ့အသက်များ ထုတ်လွင့်နေသောကြောင့် ခေါင်းရှင်းသွားလေ၏။ မိုဝူကျီက ထိုအရာများသည် အဆုံးမဲ့ဝိညာဉ်နှောင်ဖွဲ့ကျောက် မဟုတ်လျှင်ပင် သူတို့သည် အတော်တန်ဖိုးရှိမည်မှန်းတော့ သေချာ၏။
သူ့လက်ထဲတွင် ကျောက်စိမ်းသေတ္တာနှစ်လုံး ပေါ်လာပြီး မိုဝူကျီက အဆုံးမဲ့ ဝိညာဉ်နှောင်ဖွဲ့ကျောက်ကို ထည့်လိုက်တော့သည်။ ထို့နောက် သူ့သိုလှောင်အိတ်ထဲ ထည့်လိုက်သည်။
အောက်တွင် အေးခဲပြီး သေလုမတတ် ဖြစ်ခဲ့သည့် ဆုလာဘ်အနေနှင့် အနည်းဆုံးတော့ ဝေဟင်လျှပ်စီး ဟန်ပန် ခုနှစ်မျိုး ၏ ပထမပုံစံကို အောင်မြင်ခဲ့၏။ ဖြစ်နိုင်သည်က သူ သင်ယူလိုက်ရသည်က အစစ်အမှန် ဝေဟင်လျှပ်စီး ဟန်ပန် ခုနှစ်မျိုး မဟုတ်လောက်ပေ။ ထို့အပြင် ရုပ်ပြပုံကလည်း မပြည့်စုံသည့်အတွက် စွမ်းအား လှည့်ပတ်ခြင်း လမ်းကြောင်းကား မရှင်းလင်းပေ။ ထိုမသေချာ မရေရာမှုများကို အင်မော်တယ် မော်တယ်ပညာရပ်မှ နားလည်နိုင်စွမ်းပေါ် မူတည်၍ ဖြေရှင်းထားခြင်း ဖြစ်သည်။
မည်သို့ပင် ဖြစ်နေပါစေ... သူက လျှပ်စီးတိုက်ခိုက်မှုများကို ထိန်းချုပ်နိုင်လေပြီ။
ထိုစဉ် မိုဝူကျီက သူ့စွမ်းအားကို လှည့်ပတ်လိုက်ပြီး လက်ဟန် အမျိုးမျိုးကို သုံးလိုက်ကာ လက်တစ်ဖက် ထုတ်လိုက်တော့သည်။ စွမ်းအား ခြောက်ချက်၊ ခုနှစ်ချက်လောက် ထွက်ပေါ်လာကာ သူ့အနီးတွင် လျှပ်စီးများ တလက်လက် တောက်ပသွားတော့သည်။
ဝမ်းနည်းစရာ ကောင်းသည်က ဝေဟင်လျှပ်စီးဟန်ပန် ခုနှစ်မျိုး၏ ပထမပုံစံက အရမ်းတော့ ကျေနပ်စရာ မကောင်းလှပေ။ ဝိညာဉ်စွမ်းအားများသာ လွင့်ထုတ်လျှင် လျှပ်စစ်စက်ဝန်းများ ပေါ်မလာပေ။ ဝိညာဉ်စွမ်းအားသည် ထုတ်လွင့်လိုက်သည်နှင့် လျှပ်စီး တိုက်ရိုက် ထွက်ပေါ်လာမည့်အစား လျှပ်တပြက် လျှပ်စီး တလက်လက်သာ ထုတ်လွင့်နိုင်သည်။ ရလဒ်အနေနှင့် ထိုပညာရပ်၏ ကျွမ်းကျင်လှပမှုကား လစ်ဟာနေလေသည်။
နောက်တစ်ကြိမ် မိုဝူကျီက လက်ဟန်ကို သုံးလိုက်သည်။ ဤတစ်ကြိမ်တွင် သူက ဝိညာဉ်စွမ်းအားများကို မထုတ်လွှင့်ဘဲ အတူတကွ စုစည်းထားလိုက်သည်။ "ဘမ်း.." အရင်ကထက် အဆများစွာ ကြီးမားသော လျှပ်စီးက ပေါက်ကွဲသွားကာ သူ့ရှေ့ရှိ မြေကြီးများကိုပင် မီတာအနည်းငယ်အထိ လွင့်စင်သွားလေ၏။ လျှပ်စီးမီးပွားများနှင့် မာကျောသော မြေကြီးသည် ပေါက်ကွဲသွားကာ ကြမ်းပြင်ရှိ ရေခဲအပိုင်းအစများက ချက်ချင်းပင် အစိတ်စိတ်အမွာမွာ ကြေသွားတော့သည်။
မိုဝူကျီက သူ့လက်ကို အားရကျေနပ်စွာ ကြည့်လိုက်သည်။ ဝေဟင်လျှပ်စီး ဟန်ပန်ခုနှစ်မျိုး ပညာရပ်၏ ပထမပုံစံကား မျက်စိပသာဒ မဖြစ်သောလည်း အရမ်းကို လက်တွေ့ကျ၏။ သို့သော် လိုအပ်ချက်ကား ပညာရပ်၏ ထိရောက်သော အကျိုးသက်ရောက်မှုကို လျော့နည်းစေသည့် လျှပ်စီး မပျောက်ကွယ်သွားရန် ဖြစ်၏။
ဝေဟင်လျှပ်စီး ဟန်ပန်ခုနှစ်မျိုး ပထမပုံစံကို လျှပ်စီးမုန်တိုင်းဟု ခေါ်သော်လည်း လျှပ်စီးမုန်တိုင်းများမှ ကွဲပြားကြောင်း သေချာသည်။ အဘယ်ကြောင့် လျှပ်တပြက် လျှပ်စီးဟု မခေါ်သနည်း။ ဤနာမည်က လျှပ်စီးမုန်တိုင်းထက် ကြော့ရှင်း၍ ခေတ်ဆန်ပေသည်။ ကောင်းကင်နှင့် မြေကြီး ကွာခြားနေသကဲ့သို့ ခြားနားလှသည်။
မိုဝူကျီက သူ့ကိုယ်သူ သက်ပြင်းချလိုက်ကာ သူ့နောက်မှ ရေခဲလှေကားကို ဝန်လေးစွာ ကြည့်လိုက်သည်။ အောက်တွင် ပစ္စည်းကောင်းများ ရှိသော်လည်း အဝေးမှ ကြည့်နေရသည်က မြင်သာမြင်ရ မကြင်ရ ဘဝသို့ ရောက်နေလေ၏။
ထိုရေခဲအခန်းမှ လျှင်မြန်စွာ ထွက်သွားရမည်။ ဤနေရာတွင် အလွန်အေးလှ၏။
ကျောက်တံခါးဆီ ပြန်သွားလိုက်ပြီး မိုဝူကျီက အထဲတွင် သော့ပေါက်မရှိမည်ကို စိုးရိမ်နေမိသည်။ ထိုသို့ဆိုလျှင် သူက အထဲတွင် ပိတ်မိသွားပြီ ဖြစ်၏။ သူက အလျှင်စလို ဝင်လာရသည့်အတွက် တံခါးကို သေချာစစ်ဆေးကြည့်ရန် အချိန်မရခဲ့ပေ။
ကျောက်တံခါး အတွင်းဘက်တွင် အပြင်ဘက်နှင့် တစ်ပုံစံတည်း သော့ပေါက်ရှိနေသည့်အတွက် ထိုစိုးရိမ်မှုများက လုံးဝပျောက်သွားတော့သည်။ မိုဝူကျီက သက်ပြင်းချလိုက်ပြီး သော့ကို ထုတ်ယူလိုက်တော့သည်။ သော့ကို သော့ပေါက်ထဲ ထည့်ခါနီးတွင် အပြင်ဘက်မှ အသံတစ်သံကို ကြားလိုက်ရသည်။
မကောင်းတော့ပေ... တစ်ယောက်ယောက်က လာနေလေပြီ.....
ထိုအသံများမှ သူတို့သည် ကျောက်တံခါးကို တိုက်၍ အတင်းကြပ် ဖွင့်နေကြမှန်း သိလိုက်သည်။ ထို့ကြောင့် မိုဝူကျီက တံခါးကို မဖွင့်ရဲသေးပေ။ တံခါးနားက အသံကို ခဏအကြာ နားထောင်နေလိုက်ပြီး ထိုတိုက်ခိုက်နေမှုက လျော့နည်းမသွားဘဲ ပို၍ပင် အားပြင်းလာကြောင်း သိရှိလိုက်ရသည်။
နေတော့ဘဲ အခန်း၏ ထောင့်တစ်နေရာသို့ အလျှင်အမြန် ပြေးပုန်းလိုက်သည်။ ထိုစဉ် မိုဝူကျီက ကျောက်တံခါး ပွင့်မလာစေရန်သာ ဆုတောင်းနေမိသည်။ ပွင့်လာသည်နှင့် ဤအခန်းက ကြီးမားသော်လည်း သူ့ကို အနှေးနှင့်အမြန် တွေ့သွားလိမ့်မည်။
နှစ်နာရီ ကြာပြီးနောက် တံခါးအပြင်ဘက်က ဆူညံသံများက ဆက်တိုက် ထွက်ပေါ်နေဆဲ ဖြစ်သည်။ သို့သော်လည်း တံခါးက တုတ်တုတ်မျှပင် မလှုပ်ပေ။ ပွင့်လာမည့် အရိပ်အယောင်လည်း မရှိပေ။ ယခုမှ မိုဝူကျီသည် အမှန်တကယ် စိတ်အေးသွားတော့သည်။ သို့သော် အအေးဓာတ် ရောက်မလာခင်ထိ ဖြစ်၏။ ထိပ်ပိုင်းတွင် အောက်ထက် ပို၍ နွေးထွေးသော်လည်း အချိန်ကြာလာသည်နှင့်အမျှ တဖြေးဖြေး တောင့်မခံနိုင်တော့ပေ။
မိုဝူကျီတွင် လုပ်ရမည့် ကိစ္စရှိလာလေပြီ။ သူက သူ့အောက်တွင် မြေကမ္ဘာအဆင့် စိတ်စွမ်းအင် ကျောက်တုံးများကို ထားလိုက်ပြီး တစ်ချိန်တည်းတွင် စိတ်ဝိညာဉ် အားဖြည့်ဆေးလုံးကို ထုတ်ယူလိုက်သည်။ အကြံအစည်က အအေးဓာတ်နှင့် တိုက်ခိုက်ပြီး ကျင့်ကြံရန် ဖြစ်၏။ အင်မော်တယ် မော်တယ်ကို ကျင့်ကြံခြင်းက အောက်ထပ်ရှိ သုညအမှတ်အောက် ရောက်နေမှုကို ခံနိုင်ရည်ရှိအောင် ကူညီပေးနိုင်မည် မဟုတ်ပေ။ သို့သော် အပေါ်ထပ်တွင်တော့ လုံလောက်မှု ရှိ၏။
ယခု သူက ချီသွေးကြော ၇၂ ကို ဖွင့်ပြီးသည့်အတွက် သူက ဝိညာဉ်လမ်းကြောင်းဖွင့် အဆင့် ၉ ထိပ်ဆုံးထိ ကျင့်ကြံနိုင်လိမ့်မည် သို့မဟုတ် ပြီးပြည့်စုံခြင်း အဆင့်ထိ ရောက်ရှိနိုင်လိမ့်မည်။ သူကား ထိုအဆင့် ရောက်သည်နှင့် စိတ်ဝိညာဉ် တည်ဆောက်ခြင်းအဆင့်သို့ အဆောတလို တက်ရန် မလိုသေးပေ။ ရှန်းလျဲ့ ယခင်က ပြောဖူးသည့်အတိုင်း ဝိညာဉ်လမ်းကြောင်းဖွင့် အဆင့် ၉ ထိ ရောက်နေသည့် တစ်ယောက်က အဆင့် ၁၀ ထိ ကျင့်ကြံနိုင်ခဲ့လျှင် လူသားအဆင့်လွန်ဆုံးထိ ရောက်ရှိနိုင်လိမ့်မည်။ သူ့တွင် ဝိညာဉ်လမ်းကြောင်းဖွင့် ဖြေဆေးရှိနေသည့်အတွက် လူသားအဆင့်လွန်ဆုံး အဆင့်ထိ ဝင်ချင်လေ၏။
အကယ်၍ သူက အနာဂတ်တွင် ဝိညာဉ်လမ်းကြောင်းဖွင့် ဆေးကို မဖော်နိုင်တော့လျှင်ပင် သူက ဝိညာဉ်လမ်းကြောင်းဖွင့်အဆင့် ၁၀ ထိပင် ရောက်တော့မည် မဟုတ်ပေ။ ထိုအခါမှ စိတ်ဝိညာဉ်တည်ဆောက်ခြင်းအဆင့်သို့ တက်လှမ်းဖို့ရာ ရွေးချယ်လျှင်လည်း နောက်မကျသေးပေ။
သူက ဝိညာဉ်လမ်းကြောင်းဖွင့် ပြီးပြည့်စုံခြင်း အဆင့်သို့ ရောက်နိုင်ပြီး အဆင့် ၁၀ ကို တက်လှမ်းရန် နည်းမရှိသည့်အခါ သူက စိတ်စွမ်းအားကိုသာ ဆက်လေ့ကျင့်နေလိုက်မည်။ ထို့ကြောင့် မိုဝူကျီက စိတ်စွမ်းအင် ကျောက်တုံးနှင့် စိတ်ဝိညာဉ်အားဖြည့်ဆေးလုံးတို့ကို တပြိုင်တည်း ထုတ်ယူလိုက်ခြင်း ဖြစ်၏။
မိုဝူကျီ ကျင့်ကြံနေစဉ် ပတ်ဝန်းကျင် လေထုမှ စွမ်းအားများက သူ့ဆီ အဆက်မပြတ် စီးဆင်းလာကြသည်။ သိပ်သည်းလွန်းသော ဝိညာဉ်စွမ်းအားများကို ခန္ဓာကိုယ် တစ်လျောက် လှည့်ပတ်လိုက်ပြီး သူ့ထဲတွင် ရှိနေသည့် အသက်ဓာတ်ကို နှိုးဆွလိုက်သည့်အခါ အအေးဓာတ်က လုံးဝပျက်ပြယ်သွားလေ၏။
သိပ်သည်းလွန်းသော ဝိညာဉ်စွမ်းအားများနှင့် သူထုတ်ယူထားသော စိတ်စွမ်းအင် ကျောက်တုံးများ ပေါင်းစပ်လိုက်သောအခါ သူ့ကျင့်ကြံခြင်းကို များစွာခုန်တက်သွားစေ၏။ သုံးရက်တာ ကာလအတွင်း သူက ဝိညာဉ်လမ်းကြောင်းဖွင့် အဆင့် ၉ ပြီးပြည့်စုံခြင်း အဆင့်သို့ ရောက်ရှိသွားသည်။ မျှော်လင့်ထားသည့်အတိုင်း သူက အဆင့် ၁၀ သို့ မတက်လှမ်းနိုင်ပေ။
အဆာခံ ဆေးလုံးကို မျိုချလိုက်ပြီး မိုဝူကျီက စိတ်ဝိညာဉ် အားဖြည့်ဆေးလုံးနှင့် စိတ်စွမ်းအားကို ဆက်လေ့ကျင့်လိုက်သည်။ ထိုစဉ် မိုဝူကျီက စိတ်စွမ်းအားရှိခြင်းသည် အကျိုးများလှကြောင်း သိလိုက်၏။ အကယ်၍ သူ့တွင် အခြားလူများထက် မြင့်မားသော စိတ်စွမ်းအားသာ မရှိလျှင် အခြားသော ဝိညာဉ်လမ်းကြောင်းဖွင့် အဆင့် ၉ ကျင့်ကြံသူများနှင့် ကွာခြားလိမ့်မည် မဟုတ်ပေ။ အဆုံးမဲ့ ဝိညာဉ်နှောင်ဖွဲ့ကျောက်ကို အသာထား ဝင်လာဖို့ပင် မဖြစ်နိုင်လောက်ပေ။
မိုဝူကျီ ကျင့်ကြံနေစဉ် အချိန်များက ဖြေးဖြေးချင်း ကုန်ဆုံးသွားသည်။ အစပိုင်းတွင် သူက ကျောက်တံခါး ပွင့်လာမည်ကို စိုးရိမ်နေသော်လည်း တဖြေးဖြေးနှင့် သူက စိတ်စွမ်းအင် လေ့ကျင့်မှုတွင် အာရုံရောက်သွားတော့သည်။ ကျောက်တံခါးအတွက် ထိုကိစ္စကို စိတ်ထဲမှ ထုတ်ထားလိုက်တော့၏။
အချိန်မည်မျှ ကြာမှန်းမသိတော့သည့်အချိန်တွင် သူ့ဝိညာဉ်စွမ်းအားများက အဆုံးအစွန်ထိ ရောက်သွားပြီးနောက်တွင် ပွင့်ထွက်သွားကာ နောက်အဆင့်တစ်ခုသို့ တက်လှမ်းသွားဟန် ပေါ်သည်။ မိုဝူကျီက မျက်လုံး ရုတ်တရက် ဖွင့်လိုက်ပြီး သူ့စိတ်စွမ်းအားကို ဖြန့်ကျက်လိုက်သည်။
သူ့စိတ်စွမ်းအားက ယခင်ကထက် များစွာ ပိုအားကောင်းလာကာ အခန်းအထဲရှိ ချောင်ကြိုချောင်ကြားမကျန် တွင်းငယ်လေးများအထိ ပြန့်နှံ့သွားတော့သည်။ စွမ်းအားများ လွမ်းမိုးလာသည့် ခံစားချက်က မိုဝူကျီကို စိတ်ဝိညာဉ်တည်ဆောက်ခြင်း အဆင့် ကျင့်ကြံသူက သူ့အင်အားအသစ်ကို စမ်းသပ်သကဲ့သို့ ဂနာမငြိမ် ဖြစ်နေကာ ထိုကြားရှိ ကွာခြားချက် မည်မျှ ကြီးမားသွားကြောင်း မြင်ရဖို့ စိတ်လှုပ်ရှားနေသည်။
သူ့စိတ်ထဲတွင် သေချာမှု အတိုင်းအတာ တစ်ခုအထိ ယုံကြည်ချက် ရှိနေသည်။ ယခု သူ့တွင် အားကောင်းသော စိတ်စွမ်းအား ရှိရုံသည်သာမက ကနဦး စိတ်ဝိညာဉ်တည်ဆောက်ခြင်း အဆင့် ကျင့်ကြံသူများနှင့်လည်း ရင်ဆိုင်၍ ယှဉ်တိုက်နိုင်လောက်သည်။
"ဝါး..." မိုဝူကျီက ကျယ်လောင်စွာ သန်းဝေလိုက်ကာ သူ့ဆေးလုံးများ မည်မျှ ကျန်ရှိကြောင်း မစစ်ဆေးလိုက်ခင် စိတ်စွမ်းအားကို ရုတ်ချည်း ရပ်တန့်လိုက်သည်။
သူက ရှုပ်ထွေးလှသည့် ရှေးဟောင်း အက္ခရာမျိုးကို တွေ့လိုက်ရကာ သူ့အရင်က တနေရာရာတွင် မြင်ခဲ့ဖူးကြောင်း တွေးမိလိုက်သည်။ လက်ပတ်တွင်လည်း ထိုသို့ ရှေးဟောင်း အက္ခရာမျိုး ပါရှိသည်။ လက်ပတ်က တည်နေရာကို ညွှန်ပြပေးနေကြောင်း သိလိုက်ရစဉ်က သူသည် ထိုအရာကို ထိုးထွင်းကြည့်ရန် စိတ်စွမ်းအား သုံးခဲ့ဖူးသည်။ အထဲရှိ ရှေးဟောင်းအက္ခရာများက သူ့ရှေ့တွင် ရှိနေသည့်အရာများနှင့် တူညီလှ၏။
ထိုအက္ခရာများက အလွန်အသေးစိတ်လှပြီး စကားလုံးများတွင် ရှင်းပြချက်များ ပါရှိလေ၏။
သူ့စိတ်စွမ်းအားကို ပြန်ဆုတ်လိုက်ပြီး မိုဝူကျီက ကျောက်တံခါးကို စစ်ဆေးကြည့်ရန် ဆုံးဖြတ်လိုက်တော့သည်။ ထို့နောက် အက္ခရာများကို ကြည့်လိုက်၏။ တံခါးတွင် ပြောင်းလဲမှု မရှိသောကြောင့် ဖွင့်၍ မရခြင်းနှင့် အတူတူပင် ဖြစ်၏။
သူ့အဆာခံ ဆေးပုလင်းထဲတွင် ငါးလုံးသာ ကျန်ရှိတော့၏။ တစ်ပုလင်းတွင် ၁၈ လုံးပါကာ သူက နှစ်ရက်တကြိမ် ဆေးလုံး တစ်လုံး စားနေခဲ့ကို တွက်ဆပြီး မိုဝူကျီသည် အထဲတွင် တစ်လတာမျှ နေခဲ့ကြောင်း သတိပြုမိလိုက်တော့သည်။ စိတ်ဝိညာဉ် အားဖြည့်ဆေးလုံးအတွက် သူ့တွင် ပြတ်လပ်သွားလုနီးပါး ဖြစ်နေလေပြီ။ စိတ်ဝိညာဉ် အားဖြည့်ဆေးလုံး နှစ်ပုလင်းထဲမှ တစ်လုံးသာ ကျန်ရှိတော့၏။
ဆေးလုံးများကို သိမ်းထားလိုက်ပြီး မိုဝူကျီက ကျောက်တံခါးရှေ့သို့ သွားကာ လူသံကို ဂရုစိုက်၍ နားထောင်လိုက်သည်။ အပြင်ဘက်မှ တိုက်ခိုက်မှု မရှိကြောင်း သေချာသည်နှင့် သူက အက္ခရာများရှိနေသည့် အခန်းထောင်သို့ ပြန်လည်သွားလိုက်သည်။
အနီးသို့ လျှောက်လှမ်းလာပြီး မိုဝူကျီက သူ့စိတ်စွမ်းအားဖြင့် ကောင်းစွာ မြင်လိုက်ရသည်။ ဤအရာက ကျောက်နံရံနှင့် မတူပေ။ ထို့အစား သတ္တုတမျိုးမျိုးနှင့် လုပ်ထားသည့် နံရံနှင့် တူလေ၏။ နံရံပေါ်တွင် မရေတွက်နိုင်သည့် စကားလုံးများကို ပြွတ်သပ်စွာ ထိုးထွင်းထားသည်။ စကားလုံးများပင် မဟုတ်ပေ။ ရုပ်ပုံများနှင့် အက္ခရာများလည်း နံရံတစ်ဝက်လောက် နေရယူထားသည်။
သူက နံရံပေါ်မှ အစနေရာသို့ လျှောက်လှမ်းလာသည့်အခါ ထိုတွင် ရှင်းလင်းစွာ ရေးထားသည်က "ကြက်ပေါက်လေး မင်းက မင်းအဖိုးကို သော့ပိတ်ထားတဲ့ ရေခဲအခန်းကို သုံးချင်တာလား.... မင်း ဒီလောက်တောင် တုံးအနေရလား.... မင်းအဖိုး ဒီစုတ်တီးစုတ်ပြတ် အခန်းကနေ ထွက်လာမဲ့ ရက်ကို စောင့်နေ ... ပြီးရင် မင်းအဖိုးက ဘယ်လိုဆိုတာ လာပြလှည့်မယ်..."
"ကြက်ပေါက်လေး... မင်းက ဘာလို့ အဲမိန်းမ ဗိုက်ထဲမှာ ဘာမှ သင်မလာရတာလဲ ..... ဒါပေမဲ့ မင်းအဖိုးက မင်းကို အဲဒီမိန်းမအကြောင်း ပြောပြမယ်...."
ထိုထိ ဖတ်လိုက်ပြီး မိုဝူကျီက ဒေါသထွက်စွာ ကျိန်ဆဲနေသည့် အမျိုးသားပုံကို ဆွဲလိုက်သည်။ "မင်းအဖေ" နှင့် "မင်းအဖိုး" ဟု သုံးလိုက်သည့် အခိုက်အတန့်တွင် ချူရှင်ကျီဟု ခေါ်သော ထိုလူစိတ်ထဲရှိ ပြင်းထန်သော ဒေါသတရားက ရောင်ပြန်ဟပ်နေသည်။
မိုဝူကျီက သူ့ဘာသာ ရယ်မောလိုက်ကာ ထိုချူရှင်ကျီသည် ပါရမီရှင်တစ်ယောက်ကဲ့သို့ မပြုမူပေ။ ပါရမီရှင်မျာက ကောင်းစွာ ပြုမူကြသည် မဟုတ်ပါလား.... သူက လောကကြီးကို ဂရုမစိုက်ဘဲ လမ်းပေါ်တွင် ကျိန်ဆဲနေသည့် လမ်းဘေးလူမိုက်နှင့်ပင် တူနေသေး၏။
"ကောင်းတဘ် အဲဒီမိန်းမက မင်းကို သူ့ဗိုက်ထဲမှာ အကုန် လက်ဆင့်ကမ်းခဲ့တာပဲ... သူမမှာ ရှိနေသမျှက မင်းအဖွားပေးထားပေမဲ့ အဖိုးက အခုထိ စိတ်မပျော်ဘူး... အဖိုးကို ပိတ်ထားတာ တစ်လလောက် ရှိတော့မယ်...."
"အဲဒီခွေးမ.... အမှိုက်လို မိန်းမ... ငါတော့ အမှိုက်နဲ့ မအိပ်ချင်ဘူး.... မင်းအဖေသင်ပေးလိုက်တာတွေကို ကြက်ပေါက်လေးကို ဒီလို ပြန်သင်ပေးလိုက်တာလား... မင်းအဖေကို ဆယ်နှစ်လောက် ပိတ်ထားပြီးတော့လား... မင်းအဖေကို သူ့ဘဝတစ်လျှောက်လုံး တကယ် အကျဉ်းချထားတော့မှာလား... ကြက်ပေါက်လေး မင်းက အဲခွေးမဆီ အဖိုးရဲ့ အစီအရင် တာအိုကို သင်ဖို့သွားခဲ့တာလား... ဒူးထောက်ပြီးတော့ အဖိုးလို့ ခေါ်လိုက် ... အဲဆို အဖိုးက အားလုံးသင်ပေးမယ်...."
"ကောင်းပြီ မင်းက အဖိုးကို ခေါ်မှတော့ အဖိုးက မင်းကို သူ့ရဲ့ အစီအရင် တာအိုကို မင်းဆီ လက်ဆင့်ကမ်းပေးမယ်.... အနည်းဆုံးတော့ အဲခွေးမသင်ပေးတာထက် အဆတစ်သောင်းလောက် ပိုသာမှာ..."
မိုဝူကျီ နှလုံးသားက လေးလံလာလေ၏။ သူ ဤနေရာတွင် ပိတ်မိနေဉ် ချူရှင်ကျီ ကျိန်ဆဲနေသည်ကို တွေ့မြင်လုနီးပါး ခံစားနေရသည်။ စိတ်ပျက်မှု အဆုံးတွင် နောက်ဆုံး စာကြောင်းကို ဖတ်လိုက်ပြီးနောက် ချူရှင်ကျီသည် ဒေါသူပုန်ထကာ ရူးသွပ်သွားဟန် ဖြစ်၏။
"အစီအရင်တွေက ရိုးရှင်းတယ်... အစီအရင်တစ်ခုကို လှောင်ချိုင့် တစ်ခုလိုမျိုး လုပ်နိုင်တယ်... သက်ရှိဖြစ်ဖြစ်.. သက်မဲ့ ဖြစ်ဖြစ်.... သေသေရှင်ရှင် ... အဖိုးရဲ့ အက္ခရာကို ကြည့်စမ်းပါဦး.... ပထမအက္ခရာကို ဟိုင် အစီအရင်လို့ ခေါ်တယ်... အကောင်းဆုံး ပုံစံက အကောင်းဆုံး အစီအရင် ပြုလုပ်နိုင်တာပဲ...."
သူက ဆက်ဖတ်လိုက်ရင်း ပို၍ ပို၍ပင် အံ့ဩလာတော့သည်။ ချုရှင်ကျီ၏ အစီအရင် တာအိုအပေါ် ရှင်းပြချက်များက အသေးစိတ်လှသည့်အတွက် နားလည်ဖို့ရာ လွယ်ကူလှသည်။ နက်နဲသော စကားလုံး အခေါ်အဝေါ်များ မပါဝင်ပေ။