I want to get to know you more
Lunes nanaman at nagmamadali ako sa pag kilos dahil tinanghali ako ng gising at mukhang late na ako sa unang araw ng OJT ko sa isang private mental institution.
"Patay ako nito, sana hindi terror yung boss dun." Napabuntong hininga na lang ako sa naisip ko.
Pagkababa ko ng tricycle mula samin hanggang sa kanto ay pumara nalang ako ng taxi at nag baka sakaling hindi pa ako late.
Mukhang swerte naman ako ngayong araw na to dahil nakita kong nasa lounge pa ang mga kagaya kong estudyante na dito rin magpa- practicum at sa palagay ko sila ang makakasama ko sa loob ng 200 hours na OJT ko para sa Clinical Psychology na subject.
Kung tutuusin ay swerte naman na ako dahil natanggap ako dito bilang intern high profiled kasi lahat ng pasyente dito dahil nga isa itong private facility.
"Hi Miss OJT ka din ba dito? nag umpisa naba?" Tanong ko sa babaeng nakaupo sa may couch.
"Ay hindi pa sabi ni Ma'am babalik siya after 30 mins mag pakilala nalang daw muna tayo sa isa't isa since magkakasama tayo for 5 weeks." Sagot niya sa akin.
"Ah ganun? Lian Guevara nga pala." Pakilala ko habang inaabot ko ang kamay ko na akmang makikipag kamay.
Tinaggap naman niya ito ay nakilala ko bilang si Trish Bautista taga LaSalle at BS Psychology rin ang course. Nakilala ko pa ang dalawang makakasama namin si Ruel at Hazy.
Agad ko naman sila nakapalagayan ng loob siguro ay dahil narin sa apat lang naman kami na magkakasama sama para mag silbing student pyschologist sa buong facilty.
Ipinatawag na kami at itinuro ang mga rules and regulation ng facility pati na ang papers na pipirmahan namin na nangangako na sino man ang makita naming sikat na personalidad sa loob ay hindi na dapat makarating sa labas, confidentiality ika nga.
Inilibot kami sa buong facility at binigyan ng task na mag isip ng activity para sa mga pasyente kung saan hindi pwede ang may masaktan, lumabas ng facility o kinakailangan gumamit ng matutulis na bagay, kaylangan ang magawa namin ay para sa buong linggo at ayusin na rin ang third floor na ginagamit ng mga OT o Occupational Therapist.
Natapos ang buong araw dahil sa tagal ng pag iisip namin kung anong mga activity ang pwede namin ibigay sa mga pasyente.
Nagpaalam na kami sa isat'isa nauna na ako sa kanila dahil sa nakaramdaman na ako ng pagod dahil na rin sa puyat.
Ala siete na ako nakauwi dahil sa matinding traffic sa kamaynilaan.
Ten message received
Nakita ko pag bukas ng cp ko na marami ang nagtext na hindi ko na nagawang basabin sa byahe dahil sa sobrang pagod ko.
Madam Nic: Madam
Ford: walangya ka nalate ako!
At kung sino sino pa na nagpapasalamat sa napakasaya nilang holy week dito sa palasyo ko.
Mr. Perfect: Madam san ka? shot na tayo
Agad akong nag reply sa text na natanggap ko galing kay Jake, nakalimutan ko na ang plano kong pagtulog.
Ako: Sure!!!! san and what time?
Mr. Perfect: sa marikina sunduin kita ng mga 10 pm
Ako: kay sge text nalang idlip muna ako aga pa naman eh
Natulog muna ako dahil ala siete pa lang naman at pwede naman ako gumising ng mga alas nuebe para mag ayos.
"Parang tumutunog yung cp ko."
Nagising ang diwa ko sa naririnig kong pag tunog. Napabangon ako ng maalala ko ang usapan namin ni Jake.
"Sh*t anong oras na!" Natataranta kong sigaw habang tinitignan ang orasan.
"Alas dose na siguro lasing na yun." Nanghihinayang akong napaupo sa kama ko pero bigla kong naalala kung ano yung tumutunog at nakita ko ang mga text at missed call ni Jake.
Hinanap ko ang number niya sa contacts at tinawagan siya pabalik.
"Madam?"
"Ui sorry! nakatulog ako di ko na narinig yung alarm." Malungkot kong paliwanag sa kanya.
"Ayos lang ano gusto mo sunduin kita?"
"Teka alas dose na baka nag iinom kana sayang naman kung susunod pa ako."
"Ayos lang sunduin nalang kita mag ayos kana."
"Teka san ba ang bahay niyo Madam?" Tanong niya sa akin, at natawa nalang ako ng marealized kong hindi niya alam kung saan ang bahay namin.
"Alam mo ba yung masinag dun mo nalang ako sunduin may Jollibee doon ka mag park, mga one andun na ako."
Kumuha ako ng isang puting t-shirt at isang maong shorts at mabilisan kong isinuot.
Agad akong pumunta sa pila ng tricyle at baka sakaling may nakaparada pa doon at pumayag na mag byahe at swerte naman dahil andoon si Mang Nic ang service ko noong highschool ako.
"Mang Nic sa masinag po paliparin mo na tong tricycle emergency!" Pag sisinungaling ko sa kanya.
"Bakit Anne anong nangyare?" Tanong niya na mukhang nag aalala.
"Yung boyfriend ko nakita ng barkada ko may kasamang babae!" Sagot ko na lalong nakadagdag sa pag sisinungaling ko.
"Tsk..tsk..tsk mga kabataan talaga ngayon." Ani pa ni Mang Nic.
"Nako Mang Nic bilisan mo na, paano ko maaabutan ang daldal mo?" Natawa nalang siya at nagsimula ng umandar ang tricycle.
Pagkadating namin sa spectrum kung saan ibinababa ang mga pasahero mabilis akong tumawid papunta sa Jollibee pero wala akong nakitang Jake.
"Hello! kala ko ba nasa Jolibee ka hindi naman kita makita may sasakyan dito pero may matandang nakasakay." Bungad ko palang pag sagot ko sa tawag niya.
"Teka wag kang aalis dyan andito ako sa kabila tumawid ako inaabangan kita mukhang nagkasalisi tayo." Aniya.
Tinignan ko ang kabilang parte ng kalsada at nakita ko na ang tumatawid na si Jake palapit sa akin habang nakatingin.
"Hello." Medyo nahihiyang pagbati ko dahil pangatlong beses palang namin ito magkakasama.
"Madam hinahanap kita nakatawid kana pala, naghanapan pa tuloy tayo."
"Di kita napansin dun di kita nakita tas wala akong suot na contacts naiwan ko pa salamin ko. Teka asan yung auto mo?" Tanong ko sa kanya.
"Ayun ohh." Habang nakaturo sa sasakyang kanina pa nakaparada.
"Ay ayan ba yun? e sino yung matandang nakasakay?" Nagtatakang tanong ko naman sa kanya.
"Loko ka madam hindi matanda yan tropa ko yan."
Lumapit na kami kung nasaan ang sasakyan at pinagbuksan kami ng lalaking nasa loob. Habang nasa byahe ay pinakilala kami ni Jake sa isa't isa.
"Josh si Madam Lian nga pala madam boss ko yan." Pagpapakilala ni Jake sa kaibigan niya habang tumatawa.
"Ahh ikaw pala si Madam." Habang nakatingin sa akin na parang nangingilatis.
"Lian lang kuya walang madam." Pagtanggi ko sa pagtawag niya sa akin.
"Hehe sabi ni Jake si madam ka daw ehh."
"Mukhang nakainom na kayo huh?" Pansin ko sa kanila dahil amoy ko ang beer.
"Kakaumpisa palang namin Madam eh niyaya na ako nito kase papunta kana daw." Sagot ni Josh sa akin na hindi ko pinaniwalaan.
"Wehh bat parang nag sisinungaling ka kuya?" Sagot ko sa kanya.
"Wag ka magsinungaling dyan pre' Psych yan." Paalala niya kay Josan.
"Hindi Madam galing kami sa bahay ng boss ko shot lang ng konti." Sabi naman ni Jake sa akin.
"Ahh okay." Maikling tugon ko.
Pagtapos ng ilang minutong byahe nakarating kami sa Ritz bar kung saan kami madalas magpunta ni Nic na tinutugtugan din ng Ecnelis bago sila mabuwag at kung saan ko din nakilala si Jake.
"Madam anong gusto mo inumin?" Tanong ni Jake habang umaakyat kami ng hagdan papasok sa bar.
"San Mig lang may pasok din ako bukas baka ma-late na talaga ako."
Napili kong umupo sa may veranda ng bar dahil lunes ngayon at wala ang mga table sa baba kung saan ko paborito pumwesto.
"Ikaw kuya anong iinumin mo?" Pansin ko kay Josh.
"San Mig nalang din madam."
"Pulutan madam? anong gusto mo?" Tanong ni Jake habang sumesenyas sa waiter.
"Ikaw na bahala wala akong maisip yung light food nalang gabi na kase."
"Marvs isang bucket ng San Mig at isang order ng cheese stick." Order ni Jake kay Marvs kagaya ko madalas din si Jake dito kaya pamilyar na siya sa mga tauhan ng bar at ganun din sila sa amin.
"Ayos boss Jake si Lian kasama mo ngayon ha." Puna ni Marvs na parang nang aasar habang nakatingin sa amin.
"Loko ka! syempre tropa to." Sabi ni Jake.
Hindi naman nagtagal dumating na yung inorder nila na alak at pulutan.
Nagkwentuhan lang kami tungkol sa mga nangyari nung nag swimming kami.
"Paano kayo nagkakilala?" Biglang singit ni Josh.
"Tropa niya pre yung pinakilala ni Ryan saken nung nakaraan."
"Ahh yung dalawang babae? uo naalala ko na akala ko kasamahan mo sila Red kilala mo ba si Red?" Tanong ni Josh sa akin na parang may maling nasabi.
"Sino yu-
"Di niya kilala yun Pre ibang tropa yun hayaan mo na yun." Pagputol ni Jake sa usapan.
Hindi na ako nangulit pa at inubos nalang ang unang bote ng beer na hawak hawak ko.
"Madam may tanong ako sayo." Sabi ni Josh.
"Sige ano yun?" Habang nakatingin kay Jake na nakikinig sa amin.
"Paano mo malalaman kung nakikinig ng mabuti sa kwento mo yung taong minsan mo lang makainuman?" Medyo malalim na tanong niya.
"Ah pag nagbibigay siya ng maayos na comment? o kaya naman ramdam mo na talagang nakikinig siya sayo?" Sunod sunod na sagot ko sa kanya.
"Mali na medyo tama." Makangiting sagot niya sa akin habang hawak ang ulo nya na pabirong hinampas ni Jake.
"E ano?"
"Malalaman mo kung nakikinig siya ng mabuti sa kwento mo habang nag iinom kayo kapag kahit matagal na kayong hindi nagkita o matagal na kayong hindi nag inuman ay naaalala parin niya lahat ng nakwento mo sa kanya noong nag inom kayo at pag nagkita uli kayo siya mismo kaya niya uling ikwento lahat ng sinabi mo sa kanya noon." Mahaba pero seryosong sinabi sa akin ni Josh na tinandaan ko mabuti at umaasa na magagamit ko ang mga salitang to balang araw.
Hindi naman nag tagal ay natapos na ang inuman at nagpasya si Jake na ihatid ako.
Habang nasa byahe panay ang kwentuhan ng dalawa tungkol sa mga kalokohan nila sa trabaho habang nagmamasid ako sa daan kung tama ang nilalandas ni Jake na daan papunta samin kagaya ng turo ko sa kanya.
"Ang layo pala ng bahay niyo Madam kung ako nag aalaga sayo hindi kita dito ititira." Sabi ni Jake sakin.
"E pasensya ka hindi ikaw ang nag aalaga saken at walang nag aalaga saken." Sagot ko sa kanya.
Pagdating sa tapat ng bahay namin agad bumaba si Jake at pinag buksan ako ng pintuan at umakbay sa akin.
"Pre sige salamat sa paghatid." Paalam niya kay Josan.
"Hoy hindi ka dito nakatira anong thank you sa paghatid?" Kunwaring nag tataray na sabi ko kay Jake.
"Ay hindi ba? akala ko dito na ako para maalagaan na kita." Banat niya pa sa akin.
Itinulak ko na siya papasok sa drivers seat para umalis na sila dahil masyado ng maingay ang mga alaga ko at nakakabulahaw sa kapitbahay.
"Ay ayaw pre ayaw niyang alagaan ko siya." Pahabol pa uling biro niya sa akin.
"O sya sige na next time nalang uli antok na ako may pasok pa bukas. Mag ingat kayo." Taboy ko sa kanila.
Nakatayo lang ako sa harap ng gate namin habang tinatanaw ang papalayong sasakyan ni Jake.
Gusto ko siyang makilala pa lalo.