Closer to him
Lunes na naman ipupusta ko na higit pa sa kalahati ng populasyon ng mga mag aaral ang may ayaw ng araw na to kagaya ko.
Pero hindi ngayon dahil umpisa na nang bakasyon. Napasigaw nalang ako sa kwarto ko sa sobrang kaligayan.
Holy week na pala ngayon, at sigurado ako na isang linggo mamamalagi ang mga kabarkada ko dito sa bahay. Habang nagpapaikot ikot ako sa kwarto ko nakita ko ang pag ilaw ng cp ko, at tinignan kung sino ang text.
09162******: game na, shot na!
Si Jake pala ang nagtext at nagyayaya ng uminom, panigurado akong nagbibiro lang to, kaya sinagot ko ang text niya.
Ako: Good morning ! aga ha.. tara na
09162******: talagang payag ka aga pa kaya tulog kapa Madam
Natawa ako sa text ni Jake sa akin na ngayo'y nakiki Madam na kagaya ng pagtawag ni Ford at Nic sakin. Hindi rin ako matulog uli dahil alas onse na ng umaga.
Ako: Talagang Madam din tawag mo sa akin huh hndi na kita tatawaging kuya :p asan kba?
09162******: Nandito sa mall kumakain dame kaseng tao sa bahay ang gulo kaya umalis muna ako
Nagpatuloy lang kami sa pagtext hanggang tanghali.
Narinig ko ang tahulan ng mga aso ko kaya agad akong bumaba ng hagdan at sinilip sa may bintana kung sinong dumating, at nakita ko si Nic na nakatayo sa harap ng gate namin at nagbabayad sa tricycle driver.
Pinagbuksan ko ng gate ang bagong dating ko na kaibigan.
"Ang aga mo naman parang kahapon lang andito ka huh." Sabi ko sa kanya habang nakatingin ako sa napakalaking bag na dala dala niya.
"Syempre mahal na araw kaya dito muna ako." Sagot niya sa akin.
"Obvious nga ang laki ng bag mo baka dito kana tumira? may twalya kana dito, toothbrush, at mga damit tas ngayon dadagdagan mo pa?" Mahabang paliwanag ko sa kanya, ngunit dahil kaibigan ko nga siya parang hangin lang na dumaan sa tainga niya ang mga sinabi ko at tuloy tuloy na pumasok sa bahay.
"Madam mamayang gabi lutuan mo ako ng pininyahan please." Pakiusap ng kaibigan ko.
"Okay sige dahil mukhang madameng kakain dito sa bahay mamaya." Walang gatol kong sagot dahil siguradong andito nanaman silang lahat mamaya.
Hindi nga ako nagkamali at pagdating ng hapon ay nagdatingan na sila dala dala ang apat na bote na may lamang alak.
Nagdesiyon na kong magluto at pakainin ang mga kaibigan ko na hindi ko matatawag na bisita dahil palagi naman andito.
Pagkatapos kumain at konting pahinga nag umpisa na kami mag inom at itinext ko si Jake na baka gustong makisali sa amin ngunit bigo ako dahil hindi raw siya pwede may tatapusin siyang report sa trabaho bago siya umuwi sa Pampanga kung nasaan ang buong pamilya niya.
Tumigil na din siya sa pagtext habang ako naman ay tuloy tuloy lang sa pakikipag inuman ng biglang nag ring ang cellphone ko.
09162****** calling.........
"Hello?"
"Madam???"
"Sino to?"
"Si Jake to, di mo pa nase save number ko?.."
"Ay uo nga pala hahaha!! napatawag ka?"
"Wala naman nangangamusta lang ano lasing na kayo jan?"
"Nako mahirap lasingin tong mga to baka bukas pa kami matapos haha." Tatawa tawang sagot ko dahil medyo nahihilo na ako.
Bigla akong may naisip na biro habang kausap ko si Jake.
"Jake...ayy may nahulog!!!" Sigaw ko sa kabilang linya.
"Ano yun Madam?"
"Teka lang."
"Ano nga yun." Tanong niya ulit.
Hugmugot ako ng malalim na hininga at sinabing "Yung puso ko nalaglag, pakipulot."
Rinig ko sa kabilang linya ang mahinang pag tawa niya.
"Puro ka kalokohan sige uminom kana dyan ipag dadrive ko pa sila Tita bago ako dumerecho pauwi ng Pampanga." Pag papaalam niya sa akin.
"Gusto mo dito kana lang din magbakasyon." Napakagat ako sa labi ko dahil sa nasabi ko.
"Next time siguro, pero ngayon uuwi muna ako minsan lang kasi to."
"Okay sige ingat ka..see you when I see you.." Sagot ko sa kanya.
"Okay Madam! salamat." Pahabol niya bago ko ineend ang call.
Pag angat ko ng tingin sa mga kainuman ko lahat sila ay naharap na pala sa akin na sadyang nakikinig talaga.
May kumakanta kanta pa na halata namang ng aasar.
"I think I'm inlove, I think I'm inlove with youuuuuuuu....." Kanta ni Maezon habang sabay sabay nagtawanan ang mga baliw
"Sige kumanta ka pa dyan sa labas ka iinom mamaya." Pananakot ko sa kaibigan ko
Natapos ang inuman pero hindi pa sila umuwi dahil nakasanayan na ng lahat na kahit lasing na ay dapat linisin ang kalat sa garahe kung saan kami naka pwesto.
Kahit mag isa ako sa bahay alam ng lahat na ayoko sa lahat ay makalat ang bahay ko kaya kahit lasing na sila ay mag lilinis sila dahil kung hindi ay hindi ako papayag na dito mag inom.
Nang matapos na kami sa paglilinis agad umakyat si Nic sa kwarto ko at nag shower dahil matutulog na daw siya at pagkatapos niya ako naman ang sumunod na nag shower.
Habang nakahiga kami ay tumunog nanaman ang cellphone ko sinilip ko si Nic at palagay ko ay tulog na kaya sinagot ko ang tawag.
"Hello?"
"Ano ba Madam shot parin ba?" Tanong ng kausap ko sa kabilang linya
"Di na tapos na kami Kuya."
"Ayos huh kuya na naman ano naisipan mo na bang isave ang number ko?"
"Nakakalimutan ko lang ano bang gusto mo ilagay ko na pangalan mo Mr.Perfect?" Tanong ko sa kanya
"Tumawag kaba para lang ipaalala na dapat ko na isave number mo huh Mr.Perfect?" Pag ulit ko pa.
"Yun ohh banat nanaman ba yan Madam?" Tatawa tawang sagot niya.
"Jake, hindi kaba napapagod?.."
"Saan naman?"
"Sa pagtakbo,..... kanina kapa kase tumatakbo sa isip ko."
Narinig ko ang pag tawa ni Jake sa mga biro ko sa kanya.
Nakita ko na umilaw ang isang cellphone ko at may nagtxt.
Madam Nic: shot pa tayo, rh pa tayo
Nagtaka ako, kaya sinilip ko ang katabi ko na akala ko tulog na pero gising pa pala at naka simangot.
Hindi ko ito pinansin at sinenyasan ko na wag akong kulitin pero hindi sya tumigil panay kalabit sa akin kaya sinipa ko ito ng mahina sa likod.
Bumangon siya at nagsindi ng yosi sabay umupo sa bintana papunta sa terrace sa likod ng kwarto ko.
"Jake teka lang huh text kita maya may papansin kasi eh." Paalam ko sa kausap ko sa kabilang linya.
"Hehe okay Madam." Sagot niya sa akin.
"Ano ba papansin ka naman eh! alam mo na may kausap ako tas ang kulit mo." Bulyaw ko kay Nic pagka end ko ng call.
Itinapon niya ang sigarilyo umalis sa may bintana at umupo sa gilid ng kama at nagpapadyak na parang bata at umiyak.
"Eh kase naman eh sweet sweetan kayo ng Jake na yan rinig na rinig ko pa may pagtakbo sa isip kapang nalalaman akala ko ba di mo bet yan! tas ngayon tinatawagan kapa eh kakakilala niyo lang bakit ganun nung kami pa ni Clint ako pa nag papaload sa kanya tapos isang beses niya lang ako itetext lagi daw kase siyang busy tas kahit kelan di man lang ako natawagan." Tuloy tuloy na sabi ni Nic na parang batang nagsusumbong.
Natawa nalang ako kay Nic dahil kapaka isip bata niya talaga samantalang 27 na siya. Oo malayo ang age gap namin pero magkasundong magkasundo kami siguro ay dahil narin ang edad ng isip ni Nic ay kaparehas lang ng sa akin.
"Ohh tara na ayan lang pala problema mo iinom pa natin yan kahit na istorbo ka." Sabi ko habang binubuksan ang cabinet ko para kumuha ng Jacket dahil lalabas kami at bibili ng alak.
Sakto naman nagtext si Jay at nagtanong kung gising pa ako at kung maaari siyang makitulog sa bahay dahil may problema daw siya.
Agad ko naman sinagot ang text niya at sinabi na samahan muna niya kami bumili ng beer sa convenient store malapit sa lugar namin.
Pagkabili namin ng tatlong bote ng beer, umakyat agad kami kwarto na may dala dalang baso at cubes ng yelo at nag umpisa ng uminom habang nakikinig sa sama ng loob ni Nic.
Naisipan ko itext si Jake at sinabi ko ang nangyari.
Ilang minuto lang tumunog ang cellphone ni Nic at binasa ang text ni Jake sa kanya.
Jake: tsk tsk kawawang nilalang
Natawa ako sa itsura ni Nic na galit na galit kay Jake at sa akin dahil napaka daldal ko daw talaga.
Tinignan ko ang oras at alas kwatro na pala, mag uumaga na at paubos na ang huling bote ng beer bago pa sila nag desisyon na matulog.
Nagpaalam na din uli ako kay Jake na mukhang lasing na din dahil pagkarating palang daw niya sa bahay nila sa Pampanga ay pinainom na kaagad siya.
Bago pumikit hinawakan ko uli ang cp ko at isinave ang number ni Jake.
Mr. Perfect
09162******
Humikab ako at unti unting pumikit habang nakangiti dahil parang mas malapit na ako sa kanya.