~~~~~~
Тэр бол цэцгийн дэлгүүрт ажилладаг залуу. Тэгсэн хэр нь өөрөө дэндүү цэцэг шиг нэгэн. Цагаан шаргал үсээ хойш илэн, ирсэн үйлчлүүлэгч бүрт халуун дулаан инээмсэглэлийг бэлэглэнэ. Харин би өдөр бүр ямар ч шалтгаангүйгээр түүнээс цэцэг авдаг нэгэн. Сандарч тулгамдахдаа хамгийн түрүүнд тааралдсан цэцгээ сонгоно.
-Өдрийн мэнд! Өнөөдөр ямар цэцэг авах вэ? гэсээр надаас үл ялиг өндөр хэрнэ үлгэр дээр гардаг ханхүү мэт залуу ийн мишээн асуулаа. Би нөгөө л сурснаараа самгардан маанагтан зогссоор…… Энэ бүх цэцгээс чи л хамгийн үзэсгэлэнтэй нь байхад чамайг л авмаар байна………
-Чи өөрийнхөө дуртайгаас өгчих гэсээр намайг хэлэхэд өнөө залуу цааш эргэн саванд хийсэн олон өнгийн цэцэгс рүү анхааралтай ажиглан байснаа нэгийг нь сонгон надад харуулав.
-Өнөөдөр ирсэн Хайтан цэцэг. Та магадгүй хамгийн их хайрладаг хүндээ өгсөн нь дээр байх
-Хайрладаг хүндээ??
-Хайтан цэцэг бол хайрын бэлгэдэл. Хятадын домогт нэгэн бүсгүй хайртай хархүүгээ бодон суухдаа дуссан нулимс нь ийн цэцэг болон ургасан гэдэг юм гэсээр өнөө цэцгийг хальтхан үнэрлэн над руу мишээхэд би гараад гүйчихмээр л санагдав. Тэр яаж ийм сэтгэл татам байдаг юм?
Болдогсон бол би дэлхий дээрх би хайтан цэцгийг чамд өгмөөр байна.
Дотроо ийн бодол болсоор түүнийг хэрхэн цэцгээ нямбаалан баглаж буйг ажиглана. Эрэгтэй хүн атал яаж ийм үзэсгэлэнтэй байдаг байна?
Би дахиад л түүнд юу ч гэж хэлж чадалгүй цэцгийн үнэр ханхалсан дэлгүүрнээс нь гараад алхаж байна. Энэ миний цэцэг авсан 77 дахь тохиолдол. Авсан цэцэг бүрээ яадаг вэ гэж үү? Эхлээд би дотны хүмүүстээ шалтгаангүй бэлэглэдэг байлаа. Харин дараа нь найзууд руугаа…… түүний дараа зүгээр л гудамжинд зөрөн өнгөрөх хүүхэд хөгшчүүлд өгөх болов. Хөндлөнгөөс ажигласан хүнд би яг л солиорчихсон хүн мэт харагддаг байх. Гэсэн ч түүнийг л харж, түүнтэй харц солилцон, хэрхэн аз жаргалаар төөнүүлэн инээхийг нь харахын тулд юм шүү дээ………
Гэвч энэ чигээр байхыг хүссэнгүй. Шат ахихыг хүсэж байсанд би тэр орой нь шууд л зориглон очсон юм.
-Уучлаарай, гэхдээ манайх хаасан?? тэрээр намайг яаран орж ирсэнд гайхан харах бол би тэнэг хүн шиг л малийсаар
-Сайн байна. Тэгвэл чи завтай байхнээ? хэмээн асууж орхив. Тиймээ, би галзуурсан байж ч болох юм.
-Юу?
-Хүсвэл надтай хамт алхахгүй биз?
-Алхах гэнээ?
Би түүнийг татгалзах юмуу уурлана гэдэгт дэндүү итгэлтэй байсан. Гэтэл тэр
-Би эхлээд цэвэрлэгээгээ хийчих үү? гээд өнөөх л инээмсэглэлээ гаргахад би яг л хөөрсөн хүүхэд аятай туслахаар гар шамдсан юм. Үргэлж л орж ирэхдээ түүнийг л хардаг болохоос биш эргэн тойронд нь юу байдгийг анзаарч байсангүй. Шинэ жилд зориулсан гэрлэн чимэглэлүүд, жижиг буйдан мөн жижигхэн гацуур мод, мөн савтай тасалгааны олон олон цэцгүүд ч харагдаж байлаа………
-Цэцэгчин залуу? Үүнийг хааш нь тавих вэ? гэсээр би хамгийн том хүнд цэцгийг өргөн асуувал тэрээр чанга чанга хөхөрсөөр
-Ийшээ……… Бас намайг Хёнвон, Чаэ Хёнвон гэдэг гэсээр гар сунгах нь тэр.
Миний мэдэх цэцэг шиг залууг Хёнвон гэдэг байх нь……
-И Хусог. Танилцсандаа баяртай байна гэсээр чичрэх хоолойгоо арайхийн даран гарнаас нь атгахад зөөлөн бас дулаахан байсан. Яг л миний төсөөлж байсан шиг.
Бид ч ажлаа дуусган миний саналаар ийн хүйтэн сэрүүнд гадаа алхана. Би даарах дургүй ч өвөлд дуртай. Цагаан цас, дулаан хувцасласан хүмүүс мөн хамгийн чухал нь шинэ жилийн чимэглэлүүд…………
Бид аажуухан алхах ба түүний хөл дэндүү урт болохыг ажиглан алхаж байтал Хёнвон
-Тэгэхээр яагаад гэнэт ингэв? гэсээр сонжсон харцаар над руу харахад би шууд л хальтараад уначихав. Газраас босоод бантсан нүүрэндээ тэнэг хүн шиг малийсаар
-Би унах дуртай л даа…… гэчихэв. "Алхах дуртай гэж хэлэх ёстой байсан хэрэг"
Хёнвон амаа ангайсаар намайг шоолсоор л байв. Түүнийг ингэж инээлгэж байвал хэдэн удаа ч бүдэрч унасан яахав.
-Битгий шоолоод бай. Хүмүүс унахаас айдаг бол харин би унах дуртай шүү~~ гэсээр бантсандаа үргэлжлүүлэн наргиа хийхэд тэрээр арай тайвшран
-Их хөгжилтэй юмаа Хусогаа~ Гэснээс насыг чинь асууж болох уу? Магадгүй би ах ч байж мэдэх юм гэв.
-27 гэсээр би их л болгоомжлон хэлэхэд Хёнвон үл ялиг нүдээ томруулсаар
-Надаас нэг насаар ах юм байна. Үнэхээр залуухан харагдаж байна шүү гэхэд
-Би хөгшин биш шүү. Харин чи намайг хүндэтгэж дуудах хэрэгтэй юм байна даа~~ гэсээр Хёнвон руу хартал тэр ч бас над руу нэг тийм адил харцаар харах нь тэр. Энэ харц жирийн үеэс өөр байсан юм.
-Тэгвэл хён? Бид хаашаа явж байгаа юм бэ? гэсээр асуухад нь би сая л түүнд шалтгаанаа хэлээгүй гэдгээ саналаа. Яг үнэндээ шалтгаангүй шүү дээ.
-Бараг л ирчихлээ…… гэсээр би түүнийг Солонгосын хамгийн нарийн гудамжинд дагуулан ирэв. Хоёр хүний л зайтай энэ гудамжинд дээгүүрээ бүрхсэн гэрэлтэй учир шинэ содон мэдрэмжийг өгдөг юм. Харин түүнд таалагдах болов уу? Хёнвон дээр нь гэрэлтэх гэрлийг ажингаа надтай мөрөөрөө шүргэлцэн алхахад би зүрхээ дэндүү хүчтэй цохилон базалж байгааг мэдрэв. Гудам дуусахад бид жижигхэн голын дэргэд ирсэн байлаа. Хамгийн том модны доор байх сандал дээр зэрэгцэн суугаад хотын гэрлийг зүг харав. Гэвч би түүнийг л харж байсан юм.
-Чиний сонгосон хайтан цэцэг дуртай цэцэг чинь юмуу? гэсээр би түүнээс асуув. Харин Хёнвон ороолтондоо шигдэнгээ
-Ганц тэр ч бишээ…… Би бүх цэцгэнд дуртай. Эмээ маань ургамал судлаач мөн хүлэмжтэй байдаг учраас би үргэлж л цэцэгсийг хардаг байсан юм гээд хуучны явдалаа дурсах мэт хэсэгтээ чимээгүй болсноо гэнэтхэн
-Харин найз бүсгүйд чинь таалагдсан уу гэх нь тэр. "Намайг найз бүсгүйдээ авдаг гэж бодсон хэрэг үү?"
-Найз бүсгүй бишээ…… хэзээ ч өгч чадахгүй нэг хүнд зориулж авдаг юм гэхэд Хёнвон гунигтай төрх тодруулсаар
-Аан өнгөрчихсөн байх нь. Уучлаарай гэв. Бас л буруугаар ойлгуулчихлаа.
-Үгүй ээ, нас барсан хүн байхгүй ээ. Харж явдаг хүндээ гэх юм уу даа? гэсээр би түүний өдөр болгон угтаж авдаг төрхийг нь бодон инээтэл Хёнвон
-Өөөх уучлаарай гээд л инээж гарав. Цэцэг залуу Хёнвон инээд султай ажээ. "Хөөрхөн юм"
-Үнэндээ…… чамд хэлэх зүйл байна хэмээн зориг шулуудан намайг дуугартал Хёнвон над руу өнөөх харцаараа харав.
-Чи яг л цэцэг шиг. Харин би цэцэг авах гэж ирдэг…… Тэгээд дотроо чамайг авах тухай бодоод …… бишээ би буруу ярьчихлаа…… Юу гээч чи надад таалагддаг юм л даа……
"Гайхалтай. Би дахиад л буруу ярьчихлаа. Тэр намайг үзэн ядах болов уу?" Би хэлсэн зүйлдээ ичиж түүн рүү харж чадалгүй доош гөлөрч орхив. Гэнэт л Хёнвон надтай илүү наалдан суугаад гутлаа миний гуталны хажууд зэрэгцүүлэн нийлүүлээд мөн л доошоо харсан байдалтай
-Би гадарладаг байсан гэв.
"Энд юу болоод байна вэ" Би тэвдэх зүрх, салганах гар, чичрэх биеэ чангалан байж түүний юу гэж хэлэхийг тэвчээртэй хүлээн түүн рүү ширтэнэ.
-Хмм…… хүмүүс үргэлж цэцэгсийг сонгохдоо өгөх гэж буй хүнээ дотроо бодон чухалчлан сонгодог. Харин та зүгээр л хамгийн эхэнд харснаа сонгочихдог байсан. Тэгээд л би гайхаж эхэлсэн. Яагаад ямар ч зорилгогүй байж цэцэг сонгодог юм бэ? гэж. Харин дараа нь таныг араас нь хэсэгхэн ажигласан. Та настай эмээд, мөн бяцхан охинд, өөр бас…… гэснээ инээд алдан
-Том биетэй бүдүүн эрэгтэйд цэцэг өгсөн. Тэр уурлаад……
-Тиймээ намайг заамдаж авсан юм байна гэсээр би өөрөө ч тэр явдалыг санан инээв.
Энэ бүх хугацаанд тэр намайг ажиглаж бас сорьж байсан байна.
-Тэгээд чи …… намайг яах гэж байна? Би чамд дурлачихсан байна. Хариуцлагаа хүлээх хэрэгтэй
Тиймээ би ичих нүүргүй болчихож. Түүнээс асууж орхисон. Гэтэл Хёнвон огтоос тоосон шинжгүй
-Би танд хариугаа хэлчихсэн юм сан. Өнөөдрийн хайтан цэцгийг өгөхдөө танд ярьсан домгийг санаж байна уу? Тэр бол миний хариулт! гэх нь тэр.
Үүнээс цаашхийг би санадаггүй юм. Энэ бол миний амьдралынхаа туршид хайрлан хамгаалан арчилж, ургуулах ёстой хайтан цэцэгээ олсон түүх юмдаа гэсээр бага балчир хүүхдүүдийн дунд суух Хусог ийн ярьж суухад Кихёний сэргэлэн охин
-Хёнвон ах та хоёр ингэж л гэрлэсэн юмуу гэхэд хажууд нь суух сахилгагүй Минхёгийн хүү
-Хайтан цэцгийг идэж болдог тэ? гэсээр шүлс нь гоожино. Харин насандаа баймааргүй ухаалаг Чанкюны охин
-Ахаа? Энэ түүх нэг л худлаа юм шиг санагдаад байна гэх нь тэр.
-Хөөш чи жоохон юм байж!! Яагаад ийм аав шиг ээ бүдүүлэг байдаг байна? гэсээр Хусог ч үглэж гарах нь тэр.
Гэтэл хойноос нь мөлхөж буй нялх хүүхэд ирсэнд Хусог хайлж урсан, өөрөө ойлгож байгаа үгүй нь мэдэгдэхгүй хэлээр ярьж гарав. Харин Хёнвон цаад өрөөнөөс
-Хүүгээ харж байгаарай, би угаалгын өрөө орлоо гэсээр явах нь тэр……
40 гарсан Хусог, Хёнвон хоёр ийн хүүхэд үрчлэн авсан бөгөөд найзуудынхаа хүүхдүүдийг харан суунгаа хайрынхаа түүхийг ярьсан нь энэ байв. Тэдний аз жаргалтай амьдрал үргэлжилсээр байлаа.
~~~~~~~~~
hyungwonho
yourharlot зөндөө удаачихлаа хүлээсэнд баярлалаа ^^
Бас далимдуулаад ХЁНВОН даа төрсөн мэнд хүргэчихье ^^ ккк