အခန်း (၇၁) : ဆေးလုံးသခင်ရှီ၏ ခွေးကူး ကူးခြင်း
"ငါ ယူခိုင်းတာ ဘာလို့ အဲလောက်ကြာနေတာလဲ...... ဘာတွေ လုပ်နေတာလဲ...." မိုဝူကျီ ဆေးဖော်စပ်ခန်း ၁၉ သို့ ပြန်ရောက်သည့်အခါ ချက်ချင်း အဆူခံလိုက်ရသည်။
မိုဝူကျီက အလွန်အမင်း စိတ်မသက်မသာ ဖြစ်သွားသော်ငြား စိတ်ထဲမှာ သိမ်းဆည်းထားလိုက်ရင်း ပြောပြလိုက်လေသည် "ကျွန်တော် ပထမရတဲ့ ဆေးပင်တွေက အရမ်းမလတ်ဆတ်တဲ့အတွက် ဆေးအာနိသင်အပေါ် သက်ရောက်မှု ဖြစ်မှာစိုးလို့ နောက်တကြိမ်သွားပြီး လတ်ဆတ်တဲ့အပင်တွေနဲ့ ပြန်လဲနေလို့ပါ..... စကားပုံတောင် ရှိသေးတယ်လေ...... သစ်ပင်ခုတ်ဖို့ ခြောက်နာရီ အချိန်ယူရရင် လေးနာရီလောက် ပုဆိန်ကို သွေးရမယ်တဲ့.... ကျွန်တော်က သာမာန် အစေခံတစ်ယောက်ဖြစ်ပေမဲ့ ဆေးလုံးသခင်ရှီရဲ့ အလုပ် စလို့ရအောင် ကျွန်တော်က အကောင်းဆုံး ကြိုးစားထားတာပါ....."
ဆေးလုံးသခင်ရှီက မိုဝူကျီ လက်ထဲမှ ဆေးပင်များကို ယူလိုက်သည်။ သူ ပြောသလို ဆေးပင်များ၏ လတ်ဆတ်မှုကိုပါ စစ်ဆေးလိုက်ကာ "မဆိုးဘူးပဲ..... မင်းက နည်းနည်းတော့ တွေးတတ်သား.....ဒါပေမဲ့ ငါ့ဆေးဖော်စပ်ခြင်း ကျရှုံးတာနဲ့ မင်း ထွက်သွားရမှာပဲ....."
ဒီခွေးကောင်....... သူသည် အမှန်တကယ်ပင် သူများအပေါ် အပြစ်ပုံချချင်သော လူဖြစ်ကာ သူ့ကျရှုံးမှုကို အစေခံအပေါ် လွဲချနေချင်၏။ အမှန်တကယ် မနှစ်မြို့ဖွယ် လူစား ဖြစ်လေသည်။
"ဆေးလုံးသခင်ရှီ ဆေးဖော်တဲ့အခါ ကျွန်တော် ဘေးကနေ ကြည့်လို့ရမလားဗျ....." ဆေးလုံးသခင်ရှီ ရှေ့တွင် သူက အာဏာမဲ့ကြောင်း သိကာ မိုဝူကျီက ဆေးလုံးသခင်ရှီ၏ စကားများကို စိတ်ထဲ မထားပေ။ အကယ်၍ ဆေးဖော်စပ်ခြင်း ကျရှုံးလျှင် သူသည် မောင်းထုတ်ခံရမှာ ဖြစ်သောကြောင့် အဖြစ်အပျက်ကို ကြည့်ရှုရင်း အနည်းငယ် အရေထူ ကြည့်ခြင်း ဖြစ်သည်။ ထိုသည်က ထိုက်တန်လှပေ၏။
သို့သော်လည်း ဆေးလုံးသခင်ဘေးတွင် ဆေးလုံးဖော်စပ်ခြင်းကို ကြည့်ရန် မိုဝူကျီ၏ တောင်းဆိုချက်ကား ဆေးလုံးဖော်စပ်ခြင်းလောကတွင် တားမြစ်ချက်တစ်ခု ဖြစ်ကြောင်း မသိပေ။
မူလအစက ဆေးလုံးသခင်ရှီသည် ဆေးဖော်စပ်ရန် မြန်မြန် အစပြုလိုက်သော်ငြား ရုတ်တရက် ရပ်တန့်လိုက်လေသည်။ သူက မိုဝူကျီကို မယုံကြည်မှုများနှင့် သရော်ကာ ပြောဆိုလိုက်သည် "သာမာန် အစေခံတစ်ယောက်က ငါ ဆေးဖော်စပ်တာ ကြည့်ချင်တာတဲ့လား....."
ထိုလူသည် အဆင့်နှစ် ဆေးလုံးဆရာမျှသာ ဖြစ်သေးသော်လည်း မိုဝူကျီ အပေါ်တွင် အမှန်တကယ် အထင်မြင်သေးလှစွာ ဆက်ဆံနေသည်။ မိုဝူကျီက စိတ်ထဲတွင် မကျေနပ်ချေ။ သို့သော် မိုဝူကျီ သိရှိသလောက်တွင် ဂိုဏ်းအတွင်းရှိ အဆင့်နှစ် ဆေးလုံးဆရာကား မြင့်မားသော အဆင့်အတန်း ရှိကြသည်။
မိုဝူကျီက စိတ်ထဲမှ လှောင်ရယ်လိုက်ပြီး ကိုယ်ရည်သွေးကာ စပြောတော့သည် "ဆေးလုံးသခင်ရှီ.....အရင်က ရွာထဲမှာ ကျွန်တော်မှာ နာမည်ပြောင်တစ်ခု ရှိတယ်...... မောင်ကံကောင်းတဲ့..... ကျွန်တော်သာ အနီးအနားရှိရင် ဘေးနားက လူတွေရဲ့ အောင်မြင်နှုန်းကလဲ အရမ်းကို မြင့်လာကြတာ..... ကျွန်တော့ အိမ်နီးချင်းကလဲ ဆေးဆရာပဲ သူဆို သူဆေးဖော်စပ်တိုင်း ကျွန်တော့်ကို ဘေးနား ခေါ်ထားတတ်တာ......."
ဆေးလုံးသခင်ရှီက ဟက်ဟက်ပက်ပက် ရယ်မောလိုက်ပြီး ရုတ်တရက် ပြောလိုက်လေသည် "မင်းလောက် လေကြီးတဲ့ အစေခံကို တစ်ခါမှ မတွေ့ဖူးဘူး..... ကောင်းပြီလေ..... ဒီနေ့တော့ မင်းကို ငါ့အလုပ် ကြည့်ခွင့်ပေးမယ်.....ဒါပေမဲ့ မအောင်မြင်ခဲ့ရင် မင်းကိုယ်မင်း ဓားချောက်ကမ်းပါးကနေ ခုန်ချလိုက်တော့......"
မိုဝူကျီက ထိုဓားချောက်ကမ်းပါး အကြောင်းကို ကြားဖူး၍ တုန်ယင်သွားလေ၏။ သဏ္ဍာန်မဲ့နတ်ဓားဂိုဏ်းရှိ မတ်စောက်လှသော ချောက်ကမ်းပါးဘေးတွင် ကြီးမားလှသည့် ဓားကျိုး ချိတ်ဆွဲထားလေသည်။ထိုသည်က ဂိုဏ်း၏ အပြစ်သားများကို ထိုချောက်ကမ်းပါးထဲ ပစ်လွှတ်တတ်သည်ဟု ကောလဟာလ ရှိလေ၏။
"အာ...... အဲဆို ကျွန်တော် မကြည့်တော့ပါဘူးဗျာ......" သူက ရေဗေဒါထပ်၍ ထည့်လျှင်ပင် အဆင့်နှစ် ဆေးဖော်စပ်ခြင်းကို လမ်းကြောင်းတည် ဆေးအဖြစ် ဖော်စပ်နိုင်လိမ့်မည် မဟုတ်ပေ။ ဆေးလုံးသခင်ရှီကို တစ်ချက်ကြည့်လိုက်သည်နှင့် သူကား စွမ်းဆောင်နိုင်စွမ်း မရှိသည့်လူမှန်း သိသာလေသည်။
ဆေးလုံးသခင်ရှီက မိုဝူကျီပြောပြီးသည့်အထိ မစောင့်ဆိုင်းဘဲ မိုဝူကျီ ပခုံးပေါ် လက်တင်လိုက်သည်။ အားကောင်းလှသည့် လေဟာနယ်အလား ဖြစ်ပေါ်လာပြီး မိုဝူကျီကို ဆွဲခေါ်သွားလေသည်။
မိုဝူကျီက ဝိညာဉ်လမ်းကြောင်းဖွင့် အဆင့်နှစ် ကျင့်ကြံသူ ဖြစ်၏။ ဆေးလုံးသခင်ရှီ လက်ကို လှုပ်လိုက်သည့် အခိုက်အတန့်တွင် သူက ဝိညာဉ်စွမ်းအားကို ချက်ချင်း လှည့်ပတ်လိုက်ကာ ဆေးလုံးသခင်ရှီ၏ ဆွဲယူအားမှ လွတ်မြောက်စေလိုက်သည်။ အနည်းငယ်သော လှုပ်ရှားမှုနှင့်အတူ သူက ဆေးလုံးသခင်ရှီနှင့် မီတာအနည်းငယ်အကွာတွင် ဆင်းသက်လိုက်လေ၏။
"မင်းက ဝိညာဉ်လမ်းကြောင်းဖွင့် အဆင့်သုံး...... မဟုတ်သေးဘူး အဆင့်နှစ်လား....." ဆေးလုံးသခင်ရှီက မိုဝူကျီကို တုန်လှုပ်စွာ ကြည့်လိုက်သည်။
အစေခံများတွင် ဝိညာဉ်လမ်းကြောင်းဖွင့် အဆင့်နှစ် ကျင့်ကြံသူ မရှိခြင်း မဟုတ်ပေ။ ဝိညာဉ်လမ်းကြောင်းဖွင့် အဆင့်လေး အစေခံများပင် ရှိကြ၏။ သို့သော် မိုဝူကျီကဲ့သို့ ငယ်ရွယ်သူက ဝိညာဉ်လမ်းကြောင်းဖွင့် အဆင့်နှစ်သို့ ရောက်နေသော ကိစ္စကား ရှားပါးလှပေ၏။ သို့သော် ထိုသည်က အဓိကအချက် မဟုတ်ပေ။ မိုဝူကျီ၏ တုံ့ပြန်မှု အလျှင်နှင့် စွမ်းဆောင်ရည်သည် ဝိညာဉ်လမ်းကြောင်းဖွင့် အဆင့်သုံးကိုပင် ယှဉ်နိင်လောက်သည်။
ဆေးလုံးသခင်ရှီသည် အဆင့်နှစ်ဆေးလုံး ဆရာဖြစ်သကဲ့သို့ တချိန်တည်းမှာပင် ဝိညာဉ်စွမ်းအား တည်ဆောက်ခြင်း အဆင့်နှစ် ကျင့်ကြံသူ ဖြစ်နေလေ၏။ သူ့၏ စွမ်းအားကို ၁၀ ရာခိုင်နှုန်းလောက်သာ လျော့သုံးခဲ့လျှင်ပင် မိုဝူကျီအတွက် ထိုအခိုက်အတန့်မှာ လွတ်မြောက်ဖို့ဆိုတာ မဖြစ်နိုင်ချေ။
မိုဝူကျီက ကြောင်တောင်တောင် ရယ်မောလိုက်ရင်း "ကျွန်တော့် ဝိညာဉ်ကြောက အရမ်းကို အဆင့်နိမ့်ပါတယ်....ဒီအဆင့်ရောက်အောင် လေးငါးနှစ်လောက် ကျင့်ကြံခဲ့ရတာပါ...."
ဆေးလုံးသခင်ရှီက မိုဝူကျီ၏ ဖြေရှင်းချက်ကို လက်ခံလိုက်၏။
သူက ခေါင်းညိတ်ပြလိုက်ပြီး "မဆိုးဘူး.... မင်းက ငါ့ဆွဲယူမှုကို လွတ်မြောက်နိုင်မှတော့ မင်းကို ဓားချောက်ကမ်းပါးထဲ ခုန်မချခိုင်းတော့ပါဘူး......အထဲ လာခဲ့....."
ထိုသို့ဖြင့် ဆေးလုံးသခင်ရှီသည် ဆေးလုံးစမ်းသပ်ခန်းအတွင်းသို့ ဝင်သွားလေသည်။
မိုဝူကျီက သက်ပြင်းချကာ ဆေးလုံးသခင်ရှီနောက် လိုက်ဝင်သွားလိုက်၏။
ဤသည်က မိုဝူကျီအတွက် ပထမဆုံးအကြိမ် ဆေးလုံးစမ်းသပ်ခန်းအတွင်းသို့ ဝင်ဖူးခြင်း ဖြစ်၏။ သူ ဝင်လိုက်သောအခါ ပထမဆုံး မြင်လိုက်ရသည်က ဆေးပြင်းမီးဖိုသာ ဖြစ်လေ၏။
မီးဖိုကား တစ်မီတာလောက် မြင့်မားကာ ခန့်မှန်းခြေ ၆၀ စင်တီမီတာလောက် ကျယ်ဝန်းပေသည်။
ဆေးပြင်းမီးဖိုဘေးတွင် နံရံကပ်စင်တစ်ခု ရှိကာ ဆေးလုံးသခင်ရှီက ဆေးပင်များကို စင်ထိပ်တွင် တင်လိုက်သည်ကို မိုဝူကျီက မြင်လိုက်ရ၏။
ထို့အပြင် စမ်းသပ်ခန်းတွင် ကျောက်တုံးထိုင်ခုံလဲ ပါရှိ၏။ မီးဖိုထိပ်တွက် လေထွက်ပေါက် ပါရှိလေသည်။
ဆေးလုံးစမ်းသပ်ခန်းအတွင်းသို့ ဝင်ပြီးနောက်တွင် ဆေးလုံးသခင်ရှီက စကားမပြောချေ။ သူသည် မီးပြင်းဖိုဘေးမှ လက်ကိုင်ကို အားနှင့်မဆွဲခင် ကျောက်စိမ်းဖြတ်ပိုင်းကို မီးပြင်းဖိုဘေးက မြှောင်းထဲ ထည့်လိုက်လေသည်။
ဘုန်းခနဲ မြေပြင်ပေါ်မှ အပြာရောင်မီးတောက် တောက်လောင်လာလေသည်။
မိုဝူကျီတွင် ဆေးဖော်စပ်ရာ မီးတောက်အကြောင်း ဗဟုသုတလုံးဝ မရှိချေ။ ဆေးမီတောက်များသည် ပုံစံအသေင်္ချေရှိကာ ကမ္ဘာမြေမီးတောက်က တစ်မျိုးအပါအဝင် ဖြစ်လေ၏။
သိသာစွာ ဆေးလုံးသခင်ရှီသည် ကမ္ဘာမြေမီးတောက်ကို အသုံးပြုနေခြင်း ဖြစ်လေ၏။
မိုဝူကျီက ဘာမေးခွန်းမှ မမေးရဲချေ။ သူသည် မေးခွန်းများ မေးရန် အရည်အချင်း မပြည့်မှီသေးပေ။ ဆေးလုံးသခင်ရှီက သူ့ကို ဖြစ်စဉ် တစ်ခုလုံးကို ကြည့်ရှုခွင့်ပေးခြင်းကပင် ဧရာမ ကံကောင်းနေ၍သာ ဖြစ်သည်။
ဆေးလုံးသခင်ရှီက မီးတောက်ကို မီးပြင်းဖိုအောက်တွင် မိနစ်အနည်းငယ်အကြာ ထားလိုက်၏။ ရုတ်တရက်တွင် သူက ဆေးပြင်းမီးဖို၏ ဘေးဘက်များကို လက်ဝါးဖြင့် ဆက်တိုက် ရိုက်နေလေသည်။ လက်ဝါး ရိုက်ချက်နှင့်အတူ မီးဖိုအဖုံးကား လွှင့်စင်လာပြီး မီးဖိုအထဲမှ အညစ်အကြေးများနှင့် ဖုန်မှုန်များက ပျံ့လွှင့်လာကာ မီးဖိုအပြင်ဘက်သို့ ထွက်လာကြသည်။
ဆေးလုံးသခင်ရှီက သူ့ရင်ဘတ်ထဲမှ ဘူးသီးခြောက်ကို ထုတ်ယူကာ မီးဖိုနှင့် မျက်နှာချင်း ဆိုင်လိုက်သည်။ အမည်မသိ အရည်များသည် မီးဖိုအတွင်းသို့ စီးဝင်သွားလေ၏။
မိုဝူကျီက ထိုအရည်ကို အလွန်ပင် သိချင်နေမိသည်။ သူ ဖတ်နေသော ဆေးနည်းစာအုပ်တွင် ဆေးပြင်းမီးဖိုအတွင်း အရည်များ လောင်းထည့်ခြင်း မပါရှိချေ။ သို့သော်လည်း သူ့သိချင်စိတ်ကို ဆက်လက် ချုပ်ထိန်းထားလိုက်၏။ သူ့ပါးစပ်မှ အသံထွက်သည့် တစ်ခဏတွင် ဆေးလုံးသခင်ရှီသည် သူ့အား ဆေးလုံးစမ်းသပ်ခန်းမှ ကန်ထုတ်လောက်၏။
အရည်များ လောင်းထည့်ပြီးသည့်နောက်တွင် ဆေးလုံးသခင်ရှီက ဆေးပင်များကို တစ်ခုချင်း မထည့်ခင် မီးဖိုကို မိနစ်အနည်းငယ် အပူထပ်ပေးလိုက်၏။
ဘေးမှာ ရပ်နေသည့် မိုဝူကျီက မီးဖိုအတွင်းမှ အဖြစ်အပျက်များကို မမြင်နိုင်ချေ။ သူ မြင်ရသည့်အရာကား ဆေးလုံးသခင်ရှီသည် မီးတောက်အရွယ်အစားကို ညှိနေပြီး မီးဖိုအတွင်းမှ ဆေးပင်များကို ယောက်မဖြင့် မွှေပေးနေလေသည်။
မိုဝူကျီက ဆေးလုံးသခင်ရှီ၏ ဆေးဖော်စပ်ခြင်းတွင် အထင်ကြီးလေးစားမှုကို မခံစားရချေ။ ဟင်းသီးဟင်းရွက် မွှေကြော်နေသည့်အလား တူညီလေ၏။
ဆေးလုံးသခင်ရှီ၏ မွှေကြော်ခြင်းနှင့်အတူ မိုဝူကျီက ထွက်ပေါ်လာသည့် ဆေးနံ့များကို ရရှိလိုက်လေသည်။ မိုဝူကျီက နှစ်ပေါင်းများစွာ ဆေးပင်များနှင့် အပင်များအကြောင်းကို လေ့လာခဲ့ဖူး၏။ သူသည် ရေဗေဒါ၏ အနံ့ကိုလဲ ခွဲခြား သိလေသည်။ ရေဗေဒါက အစိမ်းရောင် နဂါးမောက်သီးနှင့် ပေါင်းစပ်သွားသော အနံ့ဖြစ်လေ၏။ သိသာလှစွာ ရေဗေဒါက အာနိသင် စပြနေလေပြီ။
ဆေးလုံးသခင်ရှီ၏ အကြည့်ကား ဆေးပြင်းမီးဖိုပေါ်တွင်သာ တည်ရှိနေပြီး ဆေးပင်များကို ရည်ရွယ်ချက်ရှိရှိ မွှေပေးနေကာ မီးပြင်းအားကိုလည်း ထိန်းချုပ်ထားလေသည်။ မိုဝူကျီသည် အာရုံစူးစိုက်မှု အပြည့်ရှိနေသာ ဆေးလုံးသခင်ရှီကို မြင်လိုက်ပြီး သူက ရေဗေဒါအနံ့ကို သတိမမူမိကြောင်း သိလိုက်၏။
အချိန်က တဖြေးဖြေးချင်း ကုန်ဆုံးသွားလေ၏။ မိုဝူကျီက ဆေးလုံးသခင်ရှီနဖူးပေါ်မှ ဇောချွေးများ တစက်စက် ကျလာသည်ကိုပင် မြင်နေရ၏။ သို့သော်လည်း ဆေးလုံးသခင်ရှီက ထိုအရာကို သတိပြုမိပုံ မပေါ်ပေ။ သူ့အာရူံစိုက်မှုအားလုံးက ဆေးပင်များအပေါ်တွင်သာ ရှိနေလေ၏။
မိုဝူကျီက သက်ပြင်းချမိလိုက်သည်။ အကြောင်းရင်းကား ဆေးလုံးသခင်ရှီက အဆင့်နှစ်ဆေးလုံးဆရာ ဖြစ်လာခြင်းမှာ သူ့အသိဉာဏ် သို့မဟုတ် ပါရမီကြောင့် မဖြစ်နိုင်လောက်ပေ။ ဆေးလုံးဖော်စပ်ရာတွင် သူ့၏ အာရုံစူးစိုက်မှုကြောင့်သာ ဖြစ်လောက်သည်။
ဆေးလုံးသခင်ရှီသည် လက်နှစ်ဖက်လုံးဖြင့် ဆေးပြင်းမီးဖို၏ ဘေးဘက်ကို ဆက်တိုက်ရိုက်နေလေသည်။
မိုဝူကျီက တခြားသော ဆေးလုံးဆရာများကို မမြင်တွေ့ဖူးသော်လည်း ဆေးလုံးသခင်ရှီထံမှ လေးစားရမည့် အချက်ကိုမူ ရှာမတွေ့ချေ။ သူ့အာရူံစူးစိုက်မှုနှင့် သူ့အပြုအမူကြားတွင် ခြားနားချက်ကြီးစွာ ရှိနေလေသည်။ သူသည် ရေကူးနေဟန် ရသော်လည်း ပုံစံလှပသော ရေကူးခြင်းမျိုးမဟုတ် ခွေးကူး ကူးခြင်းသာ ဖြစ်နေ၏။
တစ်နာရီ လုံးလုံး ကုန်ဆုံးသွားလေသည်။ ရုတ်တရက် ဆေးလုံးသခင်ရှီက မီးဖိုဘေးကို ရိုက်လိုက်သည့်အခါ နောက်ကျိနေသော အမည်းရောင်အရာက မီးဖိုမှ ထွက်ပေါ်လာလေသည်။
ထိုသည်က ဆေးအနှစ်များ ဖြစ်နိုင်၏။ ရှုရှိုက်လိုက်သည့်အခါ မိုဝူကျီက ထိုဆေးအနှစ်တွင် ဝိညာဉ်ဆေးပင်များ၏ အဆီအနှစ် တချို့ ပါဝင်နေကြောင်း သိရှိလိုက်၏။ ထိုသည်က ဆေးလုံးသခင်ရှီက ဆေးပင်များမှ အဆီအနှစ်အားလုံးကို ထုတ်ယူဖို့ရန် ဝေးလာဝေး ဖြစ်နေကြောင်း ပြသနေလေသည်။
T/N ::: ခင်ပွန်းသည် ဝံပုလွေ နှင့် မိန်းမလှလေးကို ဒုတိယစာအုပ် ခွဲလိုက်ပါပြီနော်