-٢-من قصة حياة قذرة
الجز 5
اني المفروض ابلغ على امي وفاضل الامريكان وماخليهم وياي بملف اللجوء بس امي بهاي الفتره غيرت تصرفاتها وسوت روحها تايبه وتحچبت وتقربت مني كام واول مره احس تخاف من مصيرها وهي تسمع الجرائم الي تصير ببغداد والقتل وخاصة للمثل جميله وحچت وياي وقنعتني أن هي تغيرت وتريد تتوب وتعيش عيشه نظيفه
جميلة : غنوه ماما شلون صرتي والبنيه من المنظمه شگالت
زينب او غنوة : لاتگولين غنوه اسمي زينب حتى بالملف كتبته لاتخافين الملف مالتنا قوي طفله مغتصبه من مسؤول وامها فنانه مشهوره معارضه وراح يحصلون لجوء حتى تعالج من الوساخه الي ذبيتني بيها انتي وفاضل
جميلة : زينب حبيبتي الفات مات واني هم مثلچ مالگيت الي يوجهني ويرحمني وضعت بهاي الدروب
زينب : انتي لگيت ام واب وبيت وربوچ بس انتي جبتي العار لروحچ وانهزمتي ويه واحد مو عبالچ مادري ترى الكاوليات حجنلي كلشي انتي اختاريتي هذا الطريق
جميلة : ماما هسه اني تبت وعد ماارجع لهذا الطريق وراح نسافر ونعيش هناك وتعالجي وانسي الصار وحتى مدرسه ارجعي وصيري دكتوره مهندسه
زينب : لعد والفلم المصري متريديني امثل بيه
جميلة : ماما انسي كافي وگوليلي الذهب والفلوس الي عندي شلون اخذها وياي يقبلون لو لا اسالي صاحبتچ ام المنظمه هذا تعب العمر خو مااعوفه وحنا رايحين بغربه
زينب : وفاضل راح تاخذيه وياچ
جميلة : ماما اسمه رجال ويانا شنعرف بامريكا شيصير
زينب : فهميه ماله علاقه بيه زين حتى حچي ليحچي وياي وانتي اذا طلع حچيچ جذب والله لابلغ عنچ وعنه
جميلة : ابد ماله علاقه بيچ واني هسه تشوفين ام ثانيه جميله ماتت
زينب : خلي نشوف وراح اسال عن فلوسج
سالت المنظمه گالت متگدرين تاخذين وياچ الا مبلغ بسيط وذهب بس الاستخدام الشخصي لان انتم لاجئيين والمنظمه تتكفل بيكم السكن والعيشه
وخبرت امي چانت عدها صديقه تثق بيها كاوليه مثلها امنت الذهب والفلوس عدها ورى يومين حصلونا الموافقه الامنيه وستعدينا للسفر دخلنا لامريكا ولايه كاليفورنيا ساعه ١١ظهر يوم اربعاء شهر السادس الولايه حاره والمطار ذكرني بالمناظر الي چنت اشوفها بيت الكاوليات ماشاءالله شعب كله كاوليه تريد وحده مستوره حتى العجايز لحمهن مترهل محروگ من الشمس ولابسه شورت
اني بالعراق تعالجت بس الملف مالتي اغتصاب فقرروا علاج نفسي والدوله تكفلت بالعلاج وانطونا شقه وخلو جميله المعينه الصحيه إليه يعني تاخذ راتب مقابل تعتني بيه كل يوم ياخذوني محاضرات عن الاغتصاب وشلون لازم اتعامل وي حياتي وانسى ومااكره نفسي وجسمي ويشجعوني اعبر عن غضبي باي شي بس بدون عنف الشقه الي نطوناها زغيره غرفتين نوم
زينب : جميله انطيني مفتاح غرفتي اريد اقفلها عليه اني ماامن برجلچ هذا
فاضل : زينب ترى انتي بالاوراق بنتي فگولي بابا احسنلچ
زينب : احسنلك انت ماتندگ وياي ترى بالمحاضرات علموني حقوقي واگدر اخبر عليك انت سبب الاغتصاب ولاتنسي اني عاشرت الكاوليات وعلمني الصلافه تدور الدنيا وتفتر وماانسى ثاري صدگني اذا منتقمت منك عاتبني ابد لاتأمن اذا هذاك الضابط سوا بيه سوايته السوده وراح فأنت موجود اقسم بشرفي الي ضاع الا ادفعك الثمن غالي
تابتابع
حياة قذره
الجز 6
ومرت الايام دخلت مدارس وتولدت عندي رغبه عدوانيه وعنف داخلي اتجاه كل البشر مااريد تكون عندي صديقه مااريد احد من الطلاب يدخل وياي بنقاش دائما بالمدرسه اتعارك وياخذوني على الاوفس وبقيت مداومه على محاضرات العلاج النفسي وصارت المعالجه صديقتي واحچي وياها كلشي طلبت منها تعلمني عن قانون امريكا البنيه اسمها ليزا اني لغتي مو قويه بس اگدر افهمها وافتهم عليه
زينب : مس ليزا اني هسه عمريى١٥اگدر اسكن لوحدي
المعالجة :لا متگدرين الا ١٧سنه واذا اكو عنف منزلي تبلغين ونشوفلچ عائله تاخذچ او تعيشين بملجي
زينب : والعائله الي تاخذني شنو يعني عرب امريكان
المعالجة : انتي وحظج يمكن عرب يمكن امريكان ليش انتي في شخص عنيف بالعائله
زينب : لا بس عندي مشاكل وي زوج امي مااحبه
المعالجة : اذا ماعنده خطر عليچ لاتبلغين وخاصه اذا بس تكرهيه مماذيچ وانتظري سنتين واطلعي عن عائلتچ
زينب : اني شيصبرني سنتين وهذا فاضل گبال عيني لا وحصل لجوء من وراي وراتب ويشتغل كاش بدون متدري بيه الدوله لان ممنوع تشتغل اذا عندك راتب بس معظم العرب يسووها ومحد مبلغ عنهم خلي اني اصير اول وحده يوم راجعه من البيت لگيت امي تبچي وتصرخ اجى انتقام رب العالمين سريع وقوي ويشفي واحد من الجروح
زينب : ها جميله شبيچ اليوم الكفشه منفوشه وصوتچ طالع
جميلة ؛ ولچ الحگيلي هاي الكاوليه ربيعه خمطت الفلوس والذهب وانهزمت للشمال ولچ تعبي راح وسهري وضيمي باگته هاي الحقيره
زينب : حيل عساچ بابو زايد مال الحرام للحرام فرطتي بنفسچ وشرف بنتچ وشكد بنات راحن ونحرفن علمود تلمين هذا الذهب والفلوس وكفت وحده انتي ربيتيها وعلمتيها على السفاله اللهم لاشماته
جميلة : ولچ بت الكلب تشمتين بيه ولك فاضل متگوم تگطعها هاي الكلبه
واجى فاضل يريد يضربني
فاضل : انت متستحين متخجلين فلوسنا راحت وانتي تگولين حيل صدگ كاوليه
زينب : تربيتك يالصگط اتمنى تضربني حتى ارويك شيصير لك والله ظامتلك ضمه اويلي
فاضل : لا خوفتيني بحچيچ اني الي ظاملچ ظمه مصايره امچ راح ترجع الغنى بمحل عربي رواح يرجع العز والفلوس واني اطردج طردت الچلاب
زينب : جميله صدوگ هذا الحچي راح ترجعين كاوليه وتالي اليل سكرانه
جميلة : بس اغني محل محترم وحفله وحده بالاسبوع
اليوم تغنين وباچر تنامين وترجع صحبانچ للبيت ويشوفون وتريدين تعيدين نفس الشي الدوله تنطيچ مساعدات وهذا هم ياخذ مساعدات ويشتغل ليش ترجعين لو متگدرين تعيشين الا وسخه
مفاد الحچي ويه امي والحفله مال جميله باقيلها اسبوع لازم اتصرف بسرعه ثاني يوم رحت على ليزا طلبت توصلني لدائرة الضمان الاجتماعي وبلغت عن فاضل يشتغل وياخذ مساعدات ونطيتهم المكان والوقت الي يشتغل بيه راحوا لگوه موجود وبزي العمل اخذوا وقرروا عليه محكمه بلغت امي فاضل ميطب للبيت بعد واذا رجع ابلغ عليها هي هم لان تاخذ راتب وتريد تشتغل فنانه مثل متگول واجى فاضل باليل مخليته يدخل البيت وظل ويه جماعه ينتظر موعد المحاكمه وحكموا عليه سنه ويرجع فلوس الدوله اقساط وهموا تساهلوا وياه لان ميعرف بالقانون وخلصت من فاضل بس جميله رجعت تغني وذبت الحجاب اتحملها سنتين وهي هم كبرت بعد محد بحالها
تابع
حياة قذره
الجز 7
الايام تمر بسرعه فاضل طلع امي عافت الغنى لان الزمن تقدم والاغاني تغيرت صار عمري ١٨ عندي صديقات اقرب وحده امنه بنيه سعوديه ورقيه عراقيه واخوان ولد محمد وسيف اسلوبي ويه كل الناس چان هجومي فذولي الولد كانوا يحموني من ردة فعل الناس من يشوفون اسلوبي مثلا من احد من الشباب يحاول يتقرب لو يتعرف عليه حالات تصير بالاعداديه ارد عليه امك واختك يدورن تعارف مو اني لمحمد وسيف منعوني احچي بهالاسلوب وهم من يمهم يصدون اي ولد يحاول خلصت الاعداديه وتخرجت بس ماقدمت كليه لان طلبوا مني اوراق شغل وضريبه للاب واني ماعندي اب بعد ماشلت اسم فاضل من اسمي فقررت اشتغل سنه وراها اقدم كليه ماتركت شقة جميله لان كبرت بس علاقتي بيها محدوده وفاضل مارجع للبيت ورا ماطلع
اشتغلت بفندق كبير اني وبنات نظف الغرف المشرف علينا عربي مو عراقي اول مشفته تذكرت فاضل نفس الحقاره اسمه ابو غايب وقسم يسموه حجي من اول يوم شافني بدا يتغزل وشو هالوش الحلو ويسلموا الديات چنت ابتسم بوجه بس ودي ارگعه بالي برجلي الحلو بشغلتنا الزبائن من يطلعون يتركون اشياء حلوه اني والبنات نكيف عليها الي يترك شامبو صابون مكياج اشياء حلوه
هنا بدا شي حلو بحياتي صديقات واطلع وياهم نشتري وناكل بالمطعم وشي ثاني هم صار سيارتي كانت قديمه وتعبانه واني مااعرف بالسيارات فدلوني على ولد عراقي عنده ورشه ورحت عليه اخذت سيارتي من سلمت
زينب : مرحبا اسال على ولد اسمه حسين
حسين : تفضلي اني حسين
زينب : سيارتي مادري شبيها يگولون دسكات مااعرف شنو شوفها الي
حسين : هي هاي سياره بربچ بس تدللين اشوفها
زينب : يمتى تخلصها لان اني عندي شغل مااگدر بدونها
حسين :اي غير اشوفها وتنطيني رقمچ واخابر واگلچ انتي شنو اسمچ
زينب : شعليك باسمي ورقمي
حسين : ادري من اخابر شگول اسمچ شنو
زينب : وليش داتخابر
حسين : حتى تاخذين سيارتچ تريدين اني اوصلها لبيتكم ماعندي مانع
زينب : اگلك انت ليش لوگي شنو رقمي واسمي وبيتنا شبيك من الصبح
حسين : انتي مو دازيچ عليه غير اعرف منو انتي اسمچ
زينب: زينب
حسين :سلام الله على زينب
زينب : هو شنو اغاني راب
حسين : تحبين الراب اني هم احبها تعاي الاوفس اگعدي واني اشوف السياره شبيها مو ماتبقين واگفه بين العمال
رحت گعدت بالاوفس وشفته مشغول بسيارتي وخلى الولد يشغلون اغاني راب ورى ساعة اجى
حسين : سيارتچ قديمه بس غيرت الدسكات ودهن نصيحه غيريها اني اعرف ناس يجيبون سيارات زينه ورخيصه
تحاسبت وياه مقبل ياخذ فلوس بالگوه ومن ردت اطلع گال
حسين : الرقم زنوبه
زينب : يارقم شتسوي بيه
حسين : غير اطمئن على السياره
زينب : لا اطمئن اني ماانطي رقمي لابوي اعرفك تعرفني
حسين : شلون مااعرفچ مو عراقيه صدوگ انتي منين من العراق
زينب : وشنو الفرق
حسين : عمي ماكو فرق بس اريد اعرف
زينب : من بغداد
حسين : اني من المحموديه يله الرقم
انطيته الرقم وطلعت
مرات ناس من تشوفهم تحس شي يدغدغ بروحك ويرسم الابتسامه على وجهك رحت على شغلي واني احس هذا الاحساس اني صديت اكثر من ولد بالاعداديه بس يمكن الحب من يجي منگدر نگول لا شفت ابوغايب تكأبت
ماحجي بس لاتاخرت
ابو غايب : لك يسعدلي هالعيون اتاخري شوفيها يعني
زينب : مشكور ابو غايب
ابو غايب هاي طريقته ويه كل البنات لكن اني چان يزودها شويه خلصت شغلي رجعت للبيت الدنيا ليل جميله وجيرانا گاعدات بالبلكونه وتغني خاله شكو
زينب : جميله الساعه عشره باليل الجيران يخابرون علينا السلطات ، لو تصلين لله ركعتين مو احسن دخلتها وسديت البلكون دگ تلفوني الرقم غريب
زينب : الو
حسين : هلو زنوبه
زينب : انت منو
حسين : شنو منو لعد كم واحد عنده رقمچ ويخابرچ
زينب : اتذكرتك انت اللوگي ابو الراب
حسين : اي اني حسين شنو اخبارچ
زينب : جوعانه وتعبانه واريد انام
حسين : انتي گاعد بمضيف وعندچ فصل لو متعاركه شبيچ هجمتي
زينب : اني هيچي مااعرف اتنعوص مثل البنات واگلك اخباري چنت ضايجه ومن سمعت صوتك ارتاحيت مو هيج تريدني اكلك .
حسين : طبعا اي وحده تسمع صوتي ترتاح
زينب : صخام لعد هن چم وحده
حسين : لا قصدي اخواتي وامي
زينب : شرايد هسه
حسين : نسولف
زينب : عن شنو نسولف
حسين : عن الاخبار عن الحياة الطبيعه عنچ منو انتي اريد اعرفچ
زينب : قصدك تتعرف عليه وتواعدني وتضمني لقائمة الاسماء الي عندك
حسين : ترى هاي مو حاله لو تحچين لو تسدين التلفون
وسديت التلفون وقفلته همين
چان يعجبني احچي وياه لكن عندي شعور هذا الشي راح يتطور ويمكن مااگدر اصيطر على مشاعري خلينا ناخذ الأمور شويه شويه الصبح فتحت التلفون دگ حسين جاوبت
حسين : صباح الخير بس لامتعاركه اليوم
زينب : صباح النور لابعدني ممتعاركه
حسين : اريد اسال عن السياره شلونها
زينب : السياره لو صاحبتها
حسين : اخاف اگول تسدين التلفون
زينب : لا گول
حسين : شلونچ زنوبه
زينب : الحمد لله شرايد
حسين : گتلچ شرايد البارحه
زينب : تتعرف مو اني هسه عندي شغل ساعة ١٢عندي استراحه وساعه اربعه ارجع للشغل ابقى لليل خابرني ١٢
حسين : زنوبه شغلچ متعب ليش هيچ محتاجه فلوس اني حاظر
زينب : شوف بطل هاي السوالف وامشي وياي عدل اذا تريد تتعرف اخذ منك فلوس شنو
حسين : والله قصدي اساعد انتي عراقيه مني وعليه والله مأتاخر بس ليش هيچ تشتغلين
زينب : داجمع فلوس دراسه حتى اكمل كليه سنه الجايه
حسين : وين تشتغلين
زينب : بفندق كومفتبل أن
حسين : شغله متعبه ومو حلوه اجي عليچ ب١٢ونتفاهم
وفعلا اجى تعارفنا اني وحسين هم طالع من العراق بعد السقوط عائلته بالعراق عايش ويه ولد بشقه ودايكون نفسه وحچيت عني بس مو كلشي مگلت قصتي گتله اني زينب وامي وياي ورجلها فاضل طلع من عدنه لان تخارب ويه امي وبس وظلينا نلتقي يوميه وعرفت هو عنده قبل علاقات وقبل ليطلع من العراق خاطب وفاسخ
خليت علاقتي بيه محدوده ومحد يعرف بس صديقتي امنه وحتى شقتنا مخليته يندلها بهاي الفتره زادت مضايقات ابو غايب الي ورادني زوجه بعقد لان هو متزوج مقبلت لحد يوم بالفندق دخل عليه لغرفة انظف وعرض عليه ٢٠٠٠دولار مقابل ليله وحده خفت منه ردت بس اطلع من الغرفه بدون فضيحه گتله افكر صدگني طلعت من الغرفه بالاستقبال مال الفندق بلغتهم بطلت وطلعت حسين متعود يوميه ياخذني ١٢ملگاني گتله بطلت گال احسن شغله مو لايقه وتجيب سمعه مو زينه
لعد لو يعرف شغلة امي شيگول الله اليستر
تابع
حياة قذره
النهايه 🌹🌹🌹
دخلت كليه ادرس برمجه كمبيوتر لان اختصاص سريع سنتين ورخيص تطورت علاقتي ويه حسين مرت علينا سنتين سوا حچالي كل شي بحياته وكل يوم نشوف بعض الي حبيته بيه أن هو غيور عراقي ميتحمل احد يباوع عليه اني بعمري مشفت رجال غيور من فاضل والحثاله الي چانوا يجون عند جميله
حسين رادني زوجه بس اني چنت ااجل الموضوع بحجة دراسه وخلي نعرف نفسنا أكثر وكل ميفتح موضوع اهلي لان هو لحد الان ميعرف عني اي شي يعرف اسمي وعايشه ويه امي ودخلت الامريكا لاجئه وياها وزوجها چنت اتهرب من التفاصيل الثانيه ودائما يصير خلاف بينا على هذا الموضوع يعني شگله اني بت حرام وامي كاوليه ورجلها سمسار للكاولية ......وصحبان امي اغتصبوني مااريد أفقده اريد اخليه شئ ثمين بحياتي لحد مااقترب موعد تخرجي صار هذا الموقف چنت بالكليه وياي ولد انطاني استماره حتى اشتغل بكفتريا الكليه واگفين نسولف شفت سياره حسين هو دائما يجي يوصلني سلمت عليه ودخلت السياره مارد السلام
حسين : منو هذا الواگفه وياه
زينب : ولد جابلي شغل
حسين : شنو الشغل بالله
زينب : بالكفتريا مال الكليه
حسين : استغفر الله يعني وين الشغله العوجه تروحين عليها
زينب : حسين اني كل مااريد اشتغل تگول مو خوش شغله شتريدني وزيره يشغلوني
حسين : زينب تعرفين طبعي ما اتحمل گتلچ تخرجي ونتزوج ماريد مرتي تشتغل بالمطعم والكفتريا والفندق
اشتغلي بمدرسه بنگ وليش تشتغلين اصلا مراح اخليچ تحتاجين شي مااگدر اشوف مرتي تطلع من الصبح وتتامر عليها الناس وترجع تعبانه گولي متخلف اي عمي اني متخلف اريد ربة بيت وتگعد بالبيت وتخلف جهال واذا يوم قصرت اشتغلي
زينب : اني هم اريد اتزوج وهم اريد اگعد بالبيت واربي جهال بس الحياة هنا مكلفه وهواي نتحتاج اشياء
حسين : الي تحتاجيه اني موجود وحسبيه من مهرچ ولاتگولين كرامتي وهاي الفيكات كافي زينب خلي نرسى على بر دليني على رجل امچ وخلي نسوي خطوبه الخميس وامتحني وبعدها نتزوج
زينب : اريد اگلك شي اني بحياتي اثنين حبيتهم من كل گلبي وعمري ماحبيت غيرهم الله وانت ويمكن الايام بيوم من الايام تفرقنا بس تذكر اني احبك
ظليت ابچي وگف السياره وسألني
حسين : ليش الايام تفرقنا انتي مريضه اهلچ منطيچ لغيري
لا مريضه ولا اكو غيرك
حسين : زينب شنو هالغموض اريد افتهم تدرين بيه احبچ واريدچ بيت واشتريت شغل عندي شنو المشكله مو حتى الشكوك گامت تلعب براسي من تتاخرين يله تجاوبين التلفون افكر غير تفكير الله يخليچ گولي ليش تاخرين زواجنا يعني حلوه تطلعين وياي ونفتر بدون ارتباط
زينب : جيب الحلقه واني البسها
زينب : شنو امريكان احنا ناهبچ اني اگلچ اني عراقي وابقى عراقي ما اصير امريكي اذا مااخذچ من بيت اهلچ شگول لجهالنا باچر خطبتها بالسياره لو بالمطعم
زينب : تعبانه حسين كافي خليني اخلص الامتحانات
حسين : شوفي اليوم جمعه الاحد تخابريني اجي اشوف اهلچ ونتفق لو كل واحد بطريق
وصلت للبيت ظليت افتر بالشقه شنو الحل الرجال رايدني واني اموت عليه بس منو اهلي والي صار راح يتحمله حسين يرضى ام جهاله اغتصبوها بحفلة كاوليه ويصدگ اغتصاب جميله شافتني وعرفت اكو شي سالتني
جميلة : رجال مو
زينب : اي رجال بس مو مثل ألرياجيل الي تعرفيهم غيره وشرف ورايدني بالحلال بس انتي تعرفين الي صار شگول عليچ
جميلة: بسيطه عمليه زغيره ترجعچ مثل ماچنتي هاي الممثلات يسوونها وحتى المتزوجات صارت مثل عمليات التجميل
زينب : تبقين وسخه طول عمرچ وتفكيرچ اوسخ
حسين : بكيفچ ظلي تحسري عليه طول عمرچ
دخلت غرفتي كلام جميله ظل بالي لا بس مستحيل اسوي هذا الشي حرام وبعدين الملف مالتي للجوء يگول اغتصاب وهذا راح يصير رجلي يدفني اذا عرف
اتصلت بحسين طلبت منه اشوفه وتواعدنا على مكان
،تواعدنا بمكان على البحر لان ماريد الناس تسمع واعرف طبع حسين عصبي واصلا وصل خايف ويعرف الي راح اگوله شي يخوف .ماخليت ايه قرانيه حافظتها ماقريتها گعدنا على الرمل هو چان وياه عصير وكيك وبديت احچي وكل شيء بيه خايف
زينب : حسين تتذكر من سألتني عن سبب اللجوء وگتله ماادري چنت زغيره
حسين : اي اتذكر ليش
زينب : السبب منظمه لحقوق المغتصبات حصلت الي ولامي لجوء
حسين : لاتگولين انتي المغتصبه
زينب : اي اني حسين
منو الي اغتصبچ رجل امچ ادفنه والله
زينب : حسين الحچي طويل لاتنفعل الله يخليك وتحمل للنهايه
اني امي فنانه تسوي حفلات اسمها جميله تعرف بيها
سامع بيها
جانت بحفله للضباط واغتصبني واحد منهم عمري چان ١٤سنه
باوعت على حسين خلى اديه على رأسه ودنگ
حسين : وانتي شجنتي تسووين بالحفله ترگصين تغنين
زينب : بلا تجريح الله يخليك
حسين : منو الي جرح الثاني اني الي صارلي سنتين وياچ واخطط لمستقبل سوا لو انتي الي جايه تگولين امي كاوليه وانتي مغتصبه شوداچ يم الضباط
زينب : الملف مالي موجود عند صديقتي ليزا عرفتك عليها واتصلت بيها حتى تخليك تقرا تگدر منه تعرف كلشي
حسين : وچماله عدها ملف اغتصاب وتفاصيل ليش مگلتي من البدايه لو خططتي اتعلق بيج وبعدين تفرضين عليه واقع مر
زينب : حسين اني ولايوم گتلك تزوجني وبدينا سوا بدون تخطيط وحبينا بعض اني احبك وانت تحبني لاتخلي هذا الأمر يفرقنا نترك الولايه ونبدي من جديد فكر لاترد هسه انت عصبي ومچنت متوقع هذا الشي بس الله يخليك لاتكرهني
حسين : لچ هسه اني مليون فكره براسي واخاف افتح حلگي تطلع حچايه تاذيچ طول العمر ابوچ هم من الكاوليه
زينب : لا مااعرفه امي تگول تاجر
حسين : شنو متعرفيه اسمچ بالجنسيه اسم الاب شنو
زينب : فارغ ماكو اسم
حسين : لچ زينب يعني انتي بت حرام
زينب : ماادري
حسين : ماشاء الله شنو هالعائله هاي گومي الله يخليچ كافي بعد روحي عني
راح حسين وظليت گاعده متوقعه كل الي گاله ظليت هناك ابچي اني الي مثلي المفروض متحب ومتفكر بالزواج مو شغلة اغتصاب وبس اني لااب وامي ماضيها اسود
بقيت على امل حسين يتصل خلصت امتحاناتي وعرفت من ليزا جاي عليها وقاري الملف ورايح على فاضل وماادري ليش فاضل تخلى عن حقارته اول مره بحياته وحاچي الحقيقه بعد شهرين اتصل حسين الفجر بيه سلم وگال
حسين : مااگدر انام مو بس اليوم من هذاك اليوم گوليلي شسوي والمن احاسب ليش مگلتي من البدايه
زينب : ماعندي جواب الك انت قرر
حسين : زينب اذا اني اقرر راح اذيچ واذي نفسي
زينب : عادي متعوده على الاذيه
حسين : اذا اخذتچ اعرف نفسي راح اطلع روحچ يوميه تحقيق وليش والشك يكتلني
زينب : لا تقرر هسه ليش مستعجل على الزواج اعتبر نفسك عرفتني من يوم الگعدنا على البحر وقرر
حسين : مااتحمل اعرف نفسي ومااگدر اعوفچ بس مو هذا الماضي الي اريدها لزوجتي وام جهالي تتذكرين اول معرفتچ كم مره سالتچ عرفتي قبلي وانتي تجاوبين لا وحتى حلفتي
زينب : ماگذبت ماعرفت غيرك وحتى ماردت اصير مثل امي وردت انهزم منها وفاضل حچالك كل شي
حسين : والله محتار شوفيلي حل الله يخليچ مااگدر اتحمل حقيقتچ ومااگدر اعوفچ
زينب : شوف حسين خلي نبتعد عن بعض شويه واخذ وقتك وفكر سنه سنتين ونطيني قرارك بعدين اني منتظرتك ومها يكون صدگني اتقبله انت شنو ذنبك تتحمل خطا غيرك
اتفقنا ياخذ وقت خلال هاي الفتره اتصلت بيه ليزا رادتني وياها بالمنظمه مترجمه واحچي عن حالتي للاچئين الجدد ونروح للمدارس محاضرات نوعي البنات عن معنى الاغتصاب وكيف البنات لازم تبلغ عن هاي الحالات ومتخفيها والتهيت بالعمل
مرت سنه مرات حسين يخابر وندخل نفس النقاش عرفت هو ميگدر يتجاوز حقيقتي واصلي ابتعدت عنه بس ربنا من ينسد باب يفتح غيره الف باب
المنظمه طلبتني اشتغل بفرع ثاني بولايه ثانيه وبمنصب اعلى ومع ضحايا الحروب من الأطفال والبنات انتقلت لولايه ثانيه والتقيت بحالات بنات مغتصبات بسوريا والعراق والصومال ساعدت بنات يتجاوزن الأزمات وينسن الماضي ويبدن من جديد انطيت محاضرات عن الامل وصلت فكره ان الاغتصاب معناه نخلي ادينا على خدنا ونگعد لازم نوصل صوتنا ومنخجل من الي صار النا نگول احنا ضحايا وماننتظر رجال يعيدلنا الامل فتحت بيتي للأيتام والاطفال الي يعانون من العنف الأسري استضيفهم فتره الى ان يلگون عائله تتبناهم اصدقائي حوال العالم يراسلوني واشوف ثمره جهدي وياهم التقيت بروؤساء عرب وأجانب ورياضيين وناس مشاهير لغرض جمع التبرعات سافرت على العراق لمخيمات النازحين والتقيت بنات يزيديات وساعدتهم باللجوء وبنات سوريات واطفال وايتام كل يوم عندي حاله وكل يوم احاول افتح باب الامل لانسان
الي راح يقرا قصتي راح يسال ليش مسويت الي گالته امي عمليه وليش اعترفت بكل شي لحسين اولا ردت حياة نظيفه مبنيه على الصدق ثانيا اني سبب لجوئي الاغتصاب ومن دخلت لامريكا وثقوا الحاله بالصور وفترة من الفترات بحياتي چنت تعالج نفسيا عندهم واستلم مساعدات منهم وحبل الجذب قصير اكيد بيوم من الايام يعرف ثالثا اني بدون اب ماكو رجال عربي يغفر هذا الشي واذا اخذني باول عركه راح يعيرني ومو بس حسين بعده اجتي ناس تقدمت وانهزمت لنفس السبب
اني عمري هسه ٢٨سنه اعيش لوحدي بيت احاول اتملكه حتى اگدر اتبنى طفل حسين تزوج بنيه من العراق يسال عليه مرات واني اعتبره اخ لان السعاده ممكن نصنعها انفسنا ومننتظر احد يكون هو سبب هاي السعاده صح اني مثل كل بنت احلم اتزوج ويصير عندي طفل بس مو معناها اوگف حياتي ومنو يدري يمكن يجي هذا اليوم والگه شخص يتقبل حقيقتي
جميله وفاضل عايشين سوا اتصل بيها من باب بر الوالدين والحمد لله على كل حال 😔😔😔😔
"""تمت ***
الناشر : هذه احدى القصص نتيجة فساد الاهل ، يتحمل الاولاد العواقب كل الي اكولة الحمد لله على نعمة الاهل الصالحين ، لاننا غير مسؤولين عن اختيار اهلنا
تحياتي
وئام (ام مصطفى )