حياة قذرة
للكاتبة زينب الموسوي
بوست 1
لم اغير او احذف بالقصة فقط رتبته لان دامجين الحوار والسرد
قصه اليوم تختلف عن بقية القصص عن بنيه ولدت من الخطيئه وعاشت في وسط الفساد والعاهرات اجلكم الله
سنة ١٩٨٩انولدت بنيه في بيت للكاوليات امها جانت مطربه وراقصه مشهوره صوت وشهره وجمال تغني للنخبه الخاصه مو اي واحد السياسين والحزببن والتجار عايشه على المجون والاثم تتنقل من فراش لفراش كل فتره ويه شخص والتجار الي يريد ينطي لتاجر او مسؤول هديه حتى تمشي شغلته او ضابط يترقى لمنصب بس يودي جميله لذاك الشخص ليله وحده كافي .
غنوة : امي سمرة عيون كبار سود طول جسم مثل الجام جميله عائلتها مو من الكاوليه لكن حبت واحد من القريه وانهزمت وياه وهذا الواحد سوا إرادته وياها واجى غيره وغيره إلى أن وصلت للهي بيه ظلت امي على هذا الحال لحد ما تعرفت على تاجر عراقي عايش بالاردن بس يجي للعراق شافها بحفله عجبته الكاوليه من يروحن ويه واحد ياخذ احتياطاتهن خاف يحملن امي تعمدت بذيچ الليله متسوي اي شي احتياط رادت شي تذكار واني چنت التذكار التاجر ميعرف أن امي صارت حامل وحتى لو عرف مستحيل يعترف بيه هاي مو حيره بالنسبه لهيچ وسط ام عدها شخص يمشي وراها حارس وبالبيت يجيب طلبات الكاوليه وغيرها من الشغلات اسمه فاضل سجلوني باسمه غنوه بت فاضل وجميله الكاوليه اول شي كرهته بحياتي اسمي وبعدين فاضل
عشت وتربيت واني اسمع صوت الغنى والرگص والسكارى والجكاير والنسوان العريانه والبنات الي تنباع يوميه صار عمري ست سنين الله رحمني بانسانه اسمها علاهن
جميله امي تعرفت على ضابط كبير ونقلها لبيت بمنطقه محترمه بغداد وياها الجوگه مالتها وفاضل واني هذا شغلته الضابط على الإعدامات كل خميس الفجر يروح يعدم بشر فحتى ينسى يجي عدنا للبيت سهر ونسوان وسكر للصبح عنده بهذا البيت خدامه اسمها علاهن مره محروگ وجهه كامل وزوجها ذابها فتشتغل عد هذا الرجال وانطاها خدامه لامي مچنت اشوفها مشوهة بگد مااشوف امي هي القبيحه والمشوهه علاهن تولت تربيتي علمتي شنو الله والنار والحرام والعيب افتهمت امي شغلتها خطا ولازم مااصير مثلها وگامت تصيحلي زينب والكل نسى اسم غنوه وصار يصيحلي زنوبه
ويانا بالبيت ابنيه اسمها كوثر عمرها ١٢سنه امها ميته وجابنها الكاوليات من عمرها عشر سنين وبدن يدربنها على الرگص والحيل وكلشي بس البنيه چانت ضعيفه حيل ومريضه شربنها دكسن ونفخت البنيه بعمر ١٢صارت گمر الكل
يريد يكون اول واحد بس هي لا رادت تحافظ على نفسها وبس تغني بس بهيچ جو منو الي تگدر تحافظ على نفسها اتذكر ذيچ اليله چان عمري ١١سنه لبسن كوثر ومكياج وحفظنها اغنيه والبنيه فرحانه راح تصير مطربه وتشتهر رجعن الساعه خمسه الفجر كوثر مو وياهن كلهن سكرانات ميدرن شكو ريحتهن كريهه مكياج سايل الهدوم مگطعه سالتهن وين كوثر محد تجاوب سالت امي وين كوثر
جاوبت راحت لامها گعدت الصبح رحت للمدرسه ورجعت سالتهن وين كوثر گعدن يبچن شكو فهموني كوثر مغنيه وراگصه بس مگدرت تنطي نفسها واحد من الضباط مطلع مسدسه وضاربها طلقه وماتت وماخذين الجثه ميعرفن وين
تابع.
حياة قذره
الجز 2
تعقدت من هاي الحياة واني اشوف امي عايشه بنص الزلم والنسوان الفاجره ماعندي صديقات وتعرفون ليش اني بت كاوليه منو تقبل تصير صديقتي اشوف النسوان بالشارع لبسها مستور شعرها طبيعي ليش اني امي دوم مصلخه ومكيجه وشعرها كل يوم لون وذني البنات يجن تالي الليل ويگعدن العصر ليش بس علاهن تصلي وتصوم والباقي لا بيوم من الايام. بعد ما صار عمري 14 سالت امي
غنوة : ماما فاضل ابوي
جميلة : ليش تسألين.
غنوة : ماما فاضل يراويني صور موزينه واشوف بالفيديو افلام هو يجيبها
جميلة : فاضل مو ابوچ وهاي شغلته فاضل يعلمچ
غنوة : شنو يعلمني اني مااريد اصير مثلچ
جميلة : زنوبه هذا كارنه عيشتنا شوفي الناس تتحسر على الخبزه النظيفه وانتي تاكلين موز وتفاح ملابس خدم وضباط بتلفون واحد اشيله على اي مسؤول اسوي الي اريده ولچ العز حلو شوفي هاي الزلم والرتب والحمايات تالي الليل تنزل على الرجلين تبوس وانتي اخذتي مني الجسم الفاير والعيون واحلى مني همين لان ابوچ چان حلو عجبني وچانت ليله متنسي وشوفي شلون انتاج يخبل
غنوة : ماما منو ابوي خليني اروح عنده
جميلة : ابوچ بطل يجي للعراق لان حصار وفگر وميعرفچ اسمعي كلامي وتعلمي رگص وغنى لچ وداعة عيوني لتسبين العالم سبايه واحتمال حتى للخليج ياخذوچ
ويجوز المصر هيچي ولچ زنوبه وتشتغلين بفلم مصري صدوگ يگعد حظنا
غنوة : هاي طموحات امي وحچيها الامهات تحلم بناتها تصير دكتوره مهندسه او حتى تتزوج وتنستر واني تحلم اطلع فلم مصري لله في خلقه شؤون
گمت مااطيق فاضل والشغلات الي يسويها رحت على علاهن
غنوة : خاله علاهن انتي مو گلتي الي تسويه امي حرام
اي حرام بنتي ليش
لعد ليش باقيه عدها تخدمين امي وفاضل يريدون يسوني مثل كوثر
زينب اني چنت اخدم عد هذا الضابط من زمان وحترگ وجهي رجلي ذبني بس هذا الضابط خلاني عنده بعدين جاب امچ اخدمها وين اروح بهذا الوجه
خاله خلي ننهزم اني وياچ نروح الريف ونعيش حتى لو نگدي ولا نبقى هنا انتي گلتي امي تروح للنار واني مااريد اروح للنار
اقتنعت علاهن بالفكره وبدينا نخطط فاضل چان مراقبني وين مااروح الخميس حفله عدهم والنسوان كلها متحضره بغداد دخلت انذار امريكا تهدد تضرب العراق والضباط كلها بالإنذار
الخميس قررنا ننهزم لان حفله والكل مشغول وسكران كل مره يجوون بحدود العشره باليل هسه صارت ١١ولا ضابط اجى ظلينا ننتظر انملى البيت زلم وكلهم يريدون ينسوون الحرب على الابواب ويمكن مناصبهم ورگابهم تطير طلعنا من باب المطبخ وصلنا الحديقه شايلين اهدومنه بعلاگه سوده فاضل چان يرحب بالضيوف الجايين لمحنا بين الأشجار دخلنا جوا قفل الباب عليه وطرد علاهن بعد ماشفتها من خلصت الحفله امي عرفت وكتلتني وصدرت أوامرها يستعجلون حتى ادخل لعالمهم .
حياة قذره
الجز 3
وصلنا ٢٠٠٣بدايه السنه اجى دوري لازم اصير كاوليه مثل امي صاحب امي الضابط رادني هديه لضابط اكبر منه واتصل بامي حتى اتحضر فاضل الي گلي هذا الخبر
شوفي غنوه حضري نفسج الاثنين رايحين حفله
غنوة : ياحفله انتم مو گلتوا صوتي مو حلو
فاضل : هم منو گالچ غني ارگصي وبس جميله تغني
غنوة : شوف اني لاارگص ولااغني مو كافي بطلتوني من المدرسه عندك البيت مليان بنات اخذ اي وحده
فاضل : يريدوچ انتي وشوفي ترى هذولي الناس ماعدهم لعب ايدهم وحبل المشنقه وحرامات هاي الرگبه تروح
غنوة : امي تدري راح تاخذوني
طبعا تدري امچ جابتچ لهذا اليوم ذولي اسيادنا وحامينا فلوس سيارات ولو يريدون عيونه لازم نگول حاضر حطي عقلچ براسچ ترى انتي وامچ تروحن ورى السده تندلينها السده لولا
اني عمري ١٤سنه صح دربني على الرگص والسفاله وقلة الادب بس جواي طفله تصرخ تريد الخلاص من هاي القذاره حلمي بيت بابه مسدود واكل طابخته ام لابسه ملابس مستوره واب يجي تعبان من الشغل يحضني ويگولي بابا .
رحت على ماما احچي وياها
غنوة : ماما حرام عليچ والله مااگدر اسوي الي تريديه حرام واخاف
جميلة : ولچ زنوبه منين تعرفين الحرام اني امچ اريدلچ الخير تدرين اذا هذا الضابط عجبتيه شلون راح تتغير حياتچ ذهب وفلوس سيارات واحتمال يقدم اسمچ القياده وتتكرمين من فوگ ويكولون عنچ وطنيه ومخلصه للوطن ماما شوفي الدكتور يريد ابنه دكتور الضابط يريد ابنه ضابط وانتي امچ كاوليه لازم تطلعين كاوليه لعد اني من اكبر من يشيلني غيرچ غنوة : ومتخافين عليه اموت مثل كوثر
والله اذا صرتي غبيه مثلها راح تموتين مثلها اهم شي من دخلين لاتبينين انتي خايفة والعلچ بحلگج ودللي عليه بلكي قطعة أرض بالبلديات سياره اخر موديل
غنوة : بالمدرسه قرينا عن الشيطان انتي شيطان انتي مو امي ياريت تموتين بيد واحد من ذولي الضباط واخلص منچ
زاد تهديد امريكا للعراق والناس كلها خايفة انلغت حفلات امي والضباط كلها بوحداتها اجى لامي اتصال الضباط يريدون ينفهون عن نفسهم راحت امي وبنات اثنين واني دزوا سياره ورحنا لسجن همه بيه ظليت الطريق كله ابچي فاضل ضربني وگالي
فاضل : شوفي الاسلحه والجيش يدفنوج وانتي عايشه اعتبري نفسج معرسه اليوم ولاتخافين كلهم سكارى مايندلون دربهم
حچيت ويه امي
غنوة : ماما الله يخليچ خلي انزل ومعليچ بيه بعد لاتشوفيني ولا اشوفچ
ولچ بت جميله انتي طالعه بواجب وطني تدرين اذا انتصرنا بالحرب الجايه على امريكا يسولونا تمثال لان احنا راح نرفع معنويات الجيش
وضلن الكاوليات يضحكن عليه .... وصلنا لسجن بيه الجماعه مثل ميگولن ماكو رگص ولا غنى يريدون غير شي نسوان وبس اجى واحد باوعلنه وزع كل وحده اني الوحيده لجنت جديده الباقيات كلهن يعرفهن وسأل امي
هاي جديده.
وداعتك بالباكيت.
وديها لاحمد ابو مريض وكلش ضايج
ودخلوني بغرفة واحد احمد ماتذكر شنو رتبته الغرفه مال الخفر بيها سرير ومكتب
تابع
حياة قذره
الجز4
الغرفه چانت فارغه بعد عشر دقايق اجى الي يسموه احمد باوعلي وگال.
احمد : بس جيت اتاكد خو ما الجماعه اخذوا الحلوات وخلولي وحده گشره اتقرب عليه وخلى ايديه اثنينهن على وجهي نزلت عيني مباوعت گلبي يدگ وعيوني مااشوف شنو گدامي ودي ابچي بس اخاف
احمد : شسمچ
غنوة : غنوه
احمد : الله حتى اسمچ موسيقى وچماله خجلانه شگد عمرچ
غنوة : ١٤سنه
احمد : گولي غيرها يمعوده هذا جسم ١٤سنه
غنوة : والله ١٤
احمد : يگولون انتي بت جميله بس انتي احلى لچ اني بعرسي مشفت مثلچ يله شوفي شغلچ غنوه
وگفت بنص الغرفة وبچيت تمنيت اموت اختفي اي شي يصير يخلصني بس ماصار من شافني ابچي ظل يصيح
احمد : لچ اني ناقص كابه هاي السوالف بطليها ترى فاضل قبض الفلوس وبعد فلس واحد زياده ماانطي
عمو الله يخليك والله اني مو كاوليه ولااعرف شسوي هنا
احمد : بت الكلب مو گاوليه شنو
وضربني على وجهي ضربه من قوتها انسدت اذاني بعدها ماحچيت ولا حچايه ولا اگلكم قاومت لان مجرد وجودي بذاك المكان يرعب الانسان ويخليه مستعد يتخلى حتى عن روحه في سبيل يطلع ورأسه فوگ جسمه عرف اني مو مثل الباقيات بس خو ما يعوفني ويصير حچايه گدام جماعته والكاوليات جبرني على كل الي يريده وهنا مدا احچي عن علاقة رجل ومره عاديه لا رجال متعود على التعذيب ويه طفله اهلها سمحوله يستبيح عرضها اخر اليل ماتحملت ظليت انزف واتقي عليه خبر الي واگفين بالباب جابوا امي لبستني وهي تدردم عليه
احمد : حسابي وياچ بعدين جميله
جميلة : العفو سيدي هاي شويه عنوديه وبعدها زغيره باچر ادزلك وحده تسوا راسها
احمد : لادزين خلي نشوف الحرب والانذار يخلص واني اجي اخذها غنوه مو غيرها فهميها وعلميها ونگلعي منا انتي وياها
صعدنا بسيارة امي ماخلتني اروح لدكتور ة التهت ترزلني وتهين بيه متدري النار الي جواي ولا عبالك بتها راح شرفها علمود شكم دينار
الي فقدته اليوم غالي وميتعوض ياريت انولدت ماعندي ام ياريت انولدت مشوهه وبقيت شريفه اه شكد عزيزه كلمه الشرف رجعنا للبيت چانت بارده غطوني وانطني حبوب مسكنه وحده منهن تعرف تضرب ابر ضربتني ابره حتى توگف النزيف صار لازم انهزم من امي سمعت هذا الكلب گال لامي يريدني ورا الحرب تمرضت ونزيف والم وگلبي محروك رحت للدكتورة امي گالتلها متزوجه الدكتورة گامت تغلط على الي مسوي هيج عبالها صدوگ عرس الدنيا تفتر بيه كل شويه ومن اغمض عيني احس ثگل على صدري واتصور ذاك الرجال بعده وياي اظل اصرخ وادعي يارب تصير الحرب ويموت وتموت امي وفاضل اشوفهم محروگين بالدنيا قبل الاخره
وبدت الحرب انگطع الطرق والكهرباء مستشفيات تعبانه الكاوليات انهزمن ظلينا اني وجميله وفاضل اني من ذاك اليوم ماگتلها ماما صار اسمها جميله بقيت مريضه حتى الاكل كرهته مااگدر اروح للحمام واحس بيه شي مو طبيعي احتارت جميله بيه حاولت توصل لجماعتها بس كلمن صار بجهه وبغداد تحولت ثكنه عسكريه ظليت يزداد عليه الالم والخوف باليل نايمه بالفراش ماگدر اتحرك ادعي ليل ونهار الله ياخذ حقي ومرت عليه ايام أيست حتى من رحمة الله مشت الايام وصار السقوط بدت العالم تنهزم جيش ماكو دخلوا الامريكان صحبان امي تبخروا حسيت بالحريه بعد ماكو ضباط وزلم تگلب جميله هذا العز الي چانت تريده بنيه مغتصبه ومريضه وكاوليه خايفه من الجاي
بدوا الامريكان يدورون على المطلوبين من المسؤولين الكبار اهل المنطقه كلها تعرف شغلة امي والناس الي يجون يمها فخبروا علينا جوي الامريكان علينا يريدون يسالون امي عن كم شخص يمكن يكونون عدها بس جميله متخاف وعرفت تحرك الامور لصالحها الجيش وياهم مترجم عربي حچت ويانا
مدام شوفي هاي الصور تعرفيهم احد منهم تندلين هسه وين
لاعيني مااعرفهم ولا اجوا عليه بس عيني مدام اجيتوا خلي اگللكم الصار اني چنت مسجونه لان معارضه وهاي بنتي اغتصبوها بالسجن گدام عيني اني فنانه وهاي هويتي وجبروني اغنيلهم لو يذبحوني اني وبنتي تعاي شوفيها عمرها١٤سنه ومريضه مااعرف وين اوديها
شنو اسمچ بيبي
غنوة : غنوه
: شنو بيج صحيح مثل متگول ماما
غنوة : اي صحيح اغتصبوني وعذبوا امي
راحت حچت وياهم وگالت
ميخالف يشوفج دكتور
لادكتور لا دكتوره ميخالف
ماعدنه دكتوره هنا امچ وياچ واني نوگف اخاف صار عندچ مرض شي لازم تتعالجين وجهچ اصفر وترجفين ها يجي الدكتور
خلي يجي
حاول الدكتور أن يفحصني ظليت اصرخ وعيط ولزمت أيده وضربته تراجع الدكتور وحجى ويه المترجمه
الدكتور : مدام الدكتور يگول عدها انهيار عصبي وميگدر يفحصها خلي تجي ويانا لازم مسكنات وتحاليل وانتي وياها
ظلوا يكتبون تقارير ورحنا للمستشفى هناك عرفوا أن جدار الرحم عندي ممزق والتهاب خطير ممكن يتحول لسرطان وظلوا يكتبون بالاوراق مااعرف شنو جتي بنيه من منظمه انسانيه وظلت تحچي وياي عن الاغتصاب وگالت
: ليش متقدمين لجوء لامريكا انتي من ضحايا الحكم ماافتهمت شنو لجوء فهمتني وقنعت امي واني ردت اترك العراق اولا لان مريضه واخاف يتطور المرض وخفت الناس لاتعتبرنا چنه ويه الحكم وتنتقم وحتى انسى الي صار الي وبلكي جميله تبطل كارها
غنوة : شوفي جميله اذا تريدين تروحين وياي فاضل متاخذيه وتنسين كارچ النگس وهذا شعرچ تسويله حل
جميلة : فاضل لازم يروح ويانا ماعدنه رجال هناك ولاتخافين بامريكا ماكو كاوليه محد يعرفنا بس خلي نفلت لان الوضع مو تمام
غنوة : ها لعد وين جماعتچ وراح يكرموچ ويسوولچ نصب ليوم القيامه مااسامحچ وتظلين شايله ذنبي ليوم القيامه
وللحكاية بقية .