البارت الـ86
« بعد مرور يومين ومابقى على العرس الا يوم »
اثيل بخوف : بابا ابوها : سمي ياعيوني اثيل : صاحباتي عزموني على شاليه ابوها ناظرها : كثرانه طلعاتك ما عادك زي اول تجلسين معي اثيل : اسف يابابا بس وش اسوي اجهز البيت واجهز لعرسي ضحك : روحي والله اني راضي عنك دنيا واخره التسمت وباست راسها وقامت تتجهز اخذت شور وتركت شعرها كيرلي ولبست فستان بلون بيج وكعب واكسسوارات ناعمه وميكب خفيف وطلعت تحتري همام . وصل وركبت السياره همام : ارحبي ضحكت : مروق اليوم ماشاءالله دوم ان شاء الله همام : تدومين .
« الشاليه »
وصلت ودخلت الشاليه وكانو البنات شبه مختفيين ومافيه الا نور و رغد وهديل دخلت سلمت عليهم:وين الباقي غريبه!
هديل:مدري يختي من زمان مختفيات.
شادن بصوت شبه عالي يلا يا بنات سبقوهم رغد ونور عشان التصوير،دخلو وشافو حبل مكتوب عليه اقطعي حبل العزوبيه ابتسمو لبعض وعيونهم تغارقت ثم مشو واستقبلوهم بورد.
رشا:يلا حبايبي وقعو انكم ما تخالفون شروطنا! ضحكو كلهم وهم يوقعون وبعد ما خلصو قامو يرقصون مع بعض.
« المواقف »
همام طلع من السياره يغير جو بتال من وراه : سقى الله زمان الاستراحه الحين جالس هنا تنتظر المدام همام بضحكه : مانت بعيد عني بتال بضحكه : تو جيت محد واقف من العصر هنا همام ضرب كتفه : فكنا وبعدين وش الي مجلسك ؟ بتال : ابد ضايق ومالي خلق اروح الاستراحه الله يعين همام : امين وخذتهم السوالف لما الوقت مشى وهم مُ حاسيين
البارت الـ87
«اللية المُنتظره بالنسبه للاهل»
قامت من السرير وشافت جوالها الساعه ٩ونص تأفأفت بحُزن:تو الناس وش يقومني الحين!
دخلت عليها ملاك:صباح الخير ياعروسه شلونك؟
هديل:لا محد متوتر ووده يصيح.
ملاك:لماذا؟ شفيك
هديل:يخوف بفارقكم احس مابي.
ضحكت على كلامها وضمتها:خير لاتبكيني وبعدت عنها اقول قومي قومي مافيه وقت اتصلت على صاحبة المشغل قالت يفتحون قومي الحين سوي بداكير ومناكير ويعني عناية عروسه وانا بصحي خواتك وامي.
قامت خذت لها شور وبعد ماطلعت وزعت اللوشن على جسمها وحطت خُمريه بشعرها وسوته جديله.
ابتسمت وهي تناظر الدولاب وجت عينها على فستانها وفستان ملاذ الي كان شبيه لفستانها والطرحه نفسها ثم اتصلت على عهد وهي تصحيها:يا بنت قومي ليلة عرسي ونايمه لا بالله مااخليكم تنامون قومو معي.
عهد وصوتها كله نوم:انقلعي يا شيخه شوفي كم الساعه واحنا موعدنا معهم الساعه ١١،ميلت فمها بزعل:اوه يعني بتتركونا لحالنا! اقول قومو البشو الروب الي سويناه معي وجع وقفلت وهي تضحك.
وبعد نص ساعه الكُل جهز وراحو المشغل ودخلها غرفة العرايس وبدت تسوي لها بكج العناية المطلوبه اما خواتها كانو كل وحده ماسكه لها كرسي ويغنون مع العاملات الي كانو عبارة عن جُرعة لطافه فعلاً. شوي الا ودخلو كلهم بالروبات ومعهم ميمي"ملاذ" وربوها على قدها ضحكت بُحب وضمتها وما كان ناقصهم الا اثيل الي مابعد تجي.
رغد:ياحلو عروستنا حلواه واويها كوني يا عروستنا من امثالنا اويها وخلي لسانك حلو من لسانا اويها وماتكوني ردادت جوابات اويها ولا تشمتي رجال العالم برجالنا. هديل:ابلش هو لا يشمت النسوان فيني وكلهم ضحكو على الثنتين.
البارت الـ 88
« الظهر »
قامت وتوضت وصلت الظهر دخل ابوها وفي يده الغداء : خذي يابنتي نزلي الغداء معي عمك اثيل : ابشر ياحبيبي ونزلت لهم الغداء وقامت اخذت شور ولبست عشان تروح المشغل ونزلت باست راس ابوها : اذا احتجت شي اتصل فيني ابوها : استودعتك الله وطلعت للمشغل مع اوبر .
وصلت للمشغل وفصخت عبايتها لبست بجامتها وروبها ونثرت شعرها دخلت لغرفه العروس هديل ابتسمت وضمتها : كيفك ؟ ليه ما عاد تجيني ؟ وليه تأخرتي! اثيل رفعت كتوفها : والله انشغلت اجهز دبشي واجهز بيتي واذا فضيت اكون مع بابا وبعدين ماتأخرت جيت على الوقت هديل ابتسمت : عذرتك ذي المره،وين ما تأخرتي! وسلمت على كل البنات اثيل : بنوتاتي يلا تحركو حنا كثير ويادوب نخلص وطلعت تبدا بشعرها والبنات كل وحده منحاسه
« الساعه 5 المغرب »
الاغلب طلعو للقصر ومنهم العروس لاجل التصوير اثيل لبست عبايتها وحجزت اوبر ورحعت البيت . وحاسبت اوبر ونزلت تلبس فستانها واكسسوارتها رن جوالها فتحت الاتصال : لبيه ؟ همام : انا جاييك اثيل ابتسمت وهي تشرب قهوه : تمام قفلت وراحت تتصور قبل تنشغل .
« همام »
نزل من السياره ودخل دق الباب وفتح له ابوها سلم عليه همام : كيفك ياعم ؟ ابوها : بخير الحمدلله همام باحراج : زوجتي وينها ؟ ابوها : عادي بها بالصاله دخل وناظرها ابتسم على شكلها : ماشاءالله تحصني ! لبست عبايتها وودعت ابوها وطلعو للسياره ، رفعت جوالها وصورت صوره بدون ما ينتبه ظناً منها فقط ابتسم : صوري الحين ابتسمت بأحراج وصورت صوره
همام وهو معقد حواجبه:اختي إلين متى بتتحجبين.
بقت عيونها بخوف:ايش؟ تراني من زمان كذا.
ناظرها وابتسم:يمكن نقدر نغيرك. ضحكت بصوت خافت:هذي احلام العصر.
البارت الـ89
«في قاعة العرس»
بعد ماوصلت الساعه ٤ ونص دخلت تصور بدون فستان وهي تلبس اكسسواراتها وعليها الروب والابتسامه مُ مفارقتها بذات انو حواليها اهلها.
ابتسمت وهي تشوف امها ماسكه دموعها.
المُصوره:يلا حبيبتي البسي فستانك بصورك برا.
هذا فستانها ولبسته بمساعدة خواتها وامها وبعد ماخلصت طلعت صورت واخر شي صورت مع اهلها
الساعه ٧ونص بدت المعازيم تجي واثيل معهم دخلت لها تركض وهي تنافخ:اعذرينا يا عروسه بس سوالف همام ماتخلص بسرعه المهم تهبلين ياربي ياربي يقولون الورد باخذ من اوصافك جمال ولا الورد لا لمح جمالك ذبل!!! بسم الله حصنتك بأسم الذي خلق الجمال فجملك
ضحكت لها:لا تحاولين تراضيني بس احبك يا تيسه يلا البسي الكل وصل.اثيل وهي تلبس:غمضي عيونك بس خليني البس براحه لااجيب لك همام بقولك لا تناظرين في حرمي ،هديل:تكفين عندي وعندك خير. واستمر الوضع لما وقت الزفه الي كانت عبارة عن هب السعد بصوت فطومه طلعت بكامل طلتها واناقتها وملاذ كانت لابسه فستان ابيض ساده وطرحه كلها ورد وبيدها مسكه صغيره مشت وهي تبتسم للكائن الصغير الي جنبها والابتسامه مُ مفارقتها رغم خوفها ناظرتها اثيل ودمعت عيونها وهي تأشر لها بمعنى لا تخافين وصلت عنده وباس راسها وملاذ كانت ماسكتها ثم راحت تسلم على اهلها ابتسم لها عبدالعزيز وراح يرقص مسك يدها ورقص معها واخيراً طلعو اخوانها وابوها وضلو لحالهم بتال:مبروك. هديل بصوت شبه خافت:الله يبارك فيك قامو خواته وشغلو لهم ٣اغاني تقريباً رقصو عليها مع بعض وطلع. زفرت براحه وهي تنادي اثيل:امانه يخوف يخوف احس جاني هبوط.
غمزت اها وهي تضحك:معليه بعدين تتعودين.
دقتها بكتفها:كريهه جو البنات كلهم على المسرح وجلسو يرقصون حواليها اما اثيل كانت معها بالوسط ويسولفون بنفس الوقت يرقصون
بعدها صار وقت العشاء والمعازيم راحو يتعشون وهو دخل يصور معها وبعد ماخلصو طلع وجلست ترقص مع البنات شوي ثم طلعت له وخذت ميمي وانتهى العرس على خير وكان كله بهجة.
البارت الـ90
«في البادل»
دخلت وهي لابسه لبس رياضي بما انو النادي نسائي وحاطه النص كاب على شعرها الي كان عباره عن ذيل حصان،جلست على الكرسي تربط شوزها.
لمحتها ليال وجت يركض:الحقييييي.
الغيد بخوف:وراك وشو وش صار؟
ليال وهي تمثل البكي:تخيلي ناس كلمو امي!! بنهار
ابتسمت وصغرت عيونها:خلاص كبرتي الله يوفقك بعدين جاك نصيبك وشوله تعارضين اهلك؟
ليال بنكبه:شوفي هو مااقولك اني مابي اتزوج بس ياخي دقيقه مو الحين تخيلي اقوله بروح البادل يقول لا احتمال اصيح واقلب الدنيا على راسه.
قامت الغيد وهي تضحك:يلا حياتي امشي بس العبي مراح يحرمك حالفه مااطلع الا وانا مكسره راسك لاانو اليوم عندي شغل بالليل حتى نادي الخيل مااقدر اروح واليوم الي بعده عازمتني مرام اخت الكايد على عرس ولازم اروح.
كبرت عيونها بصدمه:اوه ذا الثقيل تزوج!
الغيد:لا وين اخوه غيث. وراحو يلعبون.
«بيت ام سلمان»
بعد ما جهزت الام ونجلاء:يلا يا الغيد تأخرنا على الناس،الغيد بصوت عالي عشان تسمعها:طيب وقامت حطت العطر الي تحبه واخيراً اختمت كشختها بصوره ونزلت:يلا مشينا.
بعد نص ساعه بالطريق وسلمان مُش سايعته الفرحه واخيراً بيتزوج ويحقق مُبتغى اهله.
الغيد:لا تتحمس زياده عن اللزوم تراها ماتدري مين بيخطبها بس رافضه ويمكن ترفضك الله واعلم.
سلمان:فال الله ولا فالك يا ابليس واخيراً وصلو.
دخلت ليال وهي منزله عيونها بحياء ولا هي داريه مين الخُطاب. ضحكت الغيد وهي مغطيه وجهه وبصوت خافت:بسس بنت.
رفعت انظارها وشافت الغيد وكبرت عيونها بصدمه: وجع انتِ!!! الغيد:صيري رزينه جنب امي يا الخايسه
ام سلمان: ما شاء الله محلاها اللهم صلي على النبي طالبين القرب منكم ياام ليال والشور عندكم خذو راحتكم. امها:والله لنا الشرف نناسبكم بس.
قرصت ليال بخوف:بس ! يوه ياويلك تطلعين ماتبين الزواج،ليال:اصبري وجع. امها:الشور عند البنت وان شاء الله خير ،ام سلمان:ان شاء الله وننتظر منكم الرد ياعمري. عند الباب بعد ماطلعت امها:والله ياويلك ترفضين ياويلك،ليال بحياء:دامك انتي اخته من الحين سلمي على الاهل.
الغيد:يع عليك وطلعت سلمان:ها بشرو.
الغيد:ماتبي تتزوج،سلمان:اقول مالت على الي يعتمد عليك الغيد:ركز بسواقتك وانتظر منها خبر. ابتسم بوناسه:الحين نتعشى على حسابي.