البارت الـ71
عند بتال وهديل"
اتصل عليها لكن لا رد كانت تتروش وجوالها مرمي على السرير بعد ما يأس اتصل على ابوها:السلام عليكم يا عمي شلونك؟
ابوها:هلا ياولدي بخير ابشرك وانت كيفك كيف البنوته والاهل؟ عساكم بخير؟
بتال:بأفضل حال الحمدلله سكت وهو مو عارف كيف يقوله انو ملاذ تبي هديل اا اقول يا عم اتصل على هديل ماترد عسى ما شر؟
ابوها:ماشر ان شاء الله بس بغرفتها خلك على الخط بشوفها لك.
طلعت ولبست ملابسها ووزعت اللوشن على جسمها واخر شي بخرت شعرها الا سمعت صوت الباب وابوها يناديها:هلا يابابا ادخل.
دخل وهو يبتسم لها:وش فيك يابنتي ماتردين على الجوال؟ ابتسمت بحُب وقامت باست راسه:مثل ما تشوف كنت اخذ شور وتو طلعت بغيت شي؟
ابوها:لا زوجك الي يبي يتصل عليك ماتردين.
عقدت حواجبها:زوجي؟ اوك خلاص هات الجوال عطاها الجوال وبعد عنها:اهلاً السلام عليكم.
بتال:وعليكم السلام انا عند الباب افتحيه.
كبرت عيونها بصدمه وهي مابعد تجهز وشعرها مبلل وببجامتها الي كانت ورديه وفيها رسومات بسيطه:اوكِ تمام جايه.
افتحت الباب وهي تشوفه ماسك ملاذ وعيونها كلها دموع: بسم الله عليها شفيها!
صغر عيونه بعصبيه :ادخلي لحد يشوفك.
ميلت فمها ودخلت:تفضل.
دخل وعطاها ملاذ:خذيها من صحت من النوم وهي تصيح تبيك وبعد صلاة الفجر كذا بجي اخذها.
حطت عينها بعينه وهي مو عاجبها الوضع ابداً:تراها بنتي مثل ماهي بنتك تطمن!
طلع وهو يتذكر امال دمعت عيونه ومسحها بسرعه.
البارت الـ72
« يوم جديد »
بعد ما جهز همام : يمه وين البخور ؟ امه : جيتك جيتك اخذ البخور امه : عقبال يوم ابخرك بعرسك وافرح فيك ابتسم : امين هيام : همام ركز معي وبدت تشرح له بعض التوصيات : يلا لا تتاخر في امان الله طلع .
جهزت نفسها وطلعت تجلس بالصاله ابوها ابتسم : ياحلو بنيتي ابتسمت له و رن جوالها قامت وباست راس ابوها : يلا بابا همام ينتظرني ابوها : في امان الله طلعت له .
بالطريق ، همام : كيفك اليوم ؟ اثيل : الحمدلله بخير ناظرها : دوم ان شاء الله اثيل وهي تناظر ميداليه سيارته : هذا انت ؟ همام : اي كان عمري ثلاث سنين وقتها ضحكت : ليه معصب ؟ ابتسم : ما لبسوني ثوب ولبسو اخواني وتعرفين عرق الغيره طق ، ضحكت على كلامه:قربنا؟ همام:اي يلا انزلي تعدلت ثم نزلوا وبدأو يشوفون البيت همام : عجبك ؟ هزت راسها بأيه : جداً ! همام : نقول بسم الله وبعدما اتفق مع راعي البيت وقع العقد وطلعوا ناظرها ووبتساىه جذابه: اوعدك وعد رجال بأني احبك واصونك اكون لك الام والاب والاخت والاخ والصديق والزوج اوعدك ابتسم وسلمها المفتاح : اللهم اجعله منزل مبارك نفتح صفحه جديده ونكون عائله ونشوف اطفالنا يلعبون قدامنا ويكبرون قدامنا اثيل وهي تمسح دموعها : الله يبارك فيك وطلعو يخبرون اهلهم .
البارت الـ73
« نياف »
قام بتعب وكأن الحياه ترجع تعيد السيناريو لكن هذي الحياه وراح يوقف على العمال لاجل يحاسبهم بعد ما انتهو من العمل وكمل بيت مشاري فاضت دموعه وطلع اتصل على يقين وصوته مبحوح ورايح : السلام عليكم يقين بتعب : وعليكم السلام نياف : بيتك جاهز امرك؟ يقين بتعب : ايوه
ناظرت نجد بتعب : بروح بيتي تعالي اسكني معي انتي وماما وبابا مابي لوحدي
نجد دقيقه بشوف امي طلعت وهي تشوف امها جالسه تجهز الغداء لهم باست راسها وابتسمت بخوف انها ترفض:يمه مشاري موصي صاحبه على ارض وما شاء الله خلصت واتصل على يقين تجي بس ماتبي تروح لحالها وقالت نسكن معها شرايك؟
الام:لا يابنتي ذا بيتي ومااقدر اتركه روحي انتي واختك واحنا كل يوم بنزوركم وانتبهي لها ابتسمت وحضنتها وطلعت تجهز اغراضها وبعد ماخلصو اتصلت عليه وطلعو نياف : ناقصك شي ؟ يقين : لا وصلها بيتها ونزل فتح الشنطه : هذي مقاضي البيت ، البيت فاضي مافيه شي يقين : ما كان تكلفت وبدت نجد تدخل الاغراض والشنط وترتبها ودخل هو بيته .
« نجد »
ليه جاب كل ذا ؟ يقين بغصه : انا والبيبي وصيه مشاري الله يرحمه نجد : ماشاءالله والنعم فيه بعد ما رتبت قامت تجهز الاكل وتركت منه لنياف
نجد : يقين حبيبي الاكل على الطاوله يلا ؟
يقين : ما اشتهي نجد بحزن : عشان الي ببطنك على الاقل، يقين:امانه لا تضغطين علي نجد : ليه ما تحفظين امانته وتحمينها ترا قطعه من مشاري ببطنك ! لازم تهتمين بصحتك عشانه ! قامت وجلست على الطاوله نجد وهي تلبس عبايتها : بوصل الاكل واجي القاك مخلصه صحنك وطلعت لبيت نياف دقت الباب عليه طلع وعيونه ذبلانه تعب والدخان بيده
نجد بخوف: حرام عليك ! نياف بتعب : بغيتو شي؟
نجد:لا بس ياليت تترك الدمار الي بيدك وتركز على انك مو لحالك! انت مشاري وصاك على روحين روحك وروح اختي! والثالث بالطريق! عموماً هذا الاكل وحطته على الارض ومشت وهي ودها لو رمت الدخان من يده.
البارت الـ 74
« بعد اسبوع »
خلال هالفتره كانت تهتم بصحه اختها وتراقب نياف طلع بعد المغرب وتسحبت لبيته ودخلته كان كل شي مرمي حاله يرثى لها قامت ترتبه وتغسل لبسه وترتب كل شي فتحت درجه وشالت بكتات الدخان ورمتها سحبت ورقه وكتبت فيها : الاكل بالفرن ولو صدق تعز مشاري اترك الدمار الي تاخذه لان لو مشاري حي ما بيرضى لك هالحال دخل البيت وكان متغير عليه مرتب ومبخر جلس يقرا الورقه فتح الدرج ما حصل بكتاته قام ودخل المطبخ طلع الاكل واكل منه عرف انها هي ارتمى على السرير ونام .
« الصباح »
قام وسوا فطوره وطلع بالجلسه الخارجيه طلع الاستاند والكانفس والالوان وبدا يرسم اي شي يجي بباله ترك الرسمه بمنتصفها وطلع يمشي بالحي بدات تمطر الدنيا رجع لبيته وجلس على عتبه الباب ودموعه تسبق المطر
« نجد »
صرخت : المندوب وصل ! لبست عبايتها واخذت المظله وطلعت عند الباب وصل المندوب واستلمت الطلبيه التفتً نجد حزنت عليه: نياف تعال معنا بوريك شي مهم ودخلت راحت جري عند يقين:البسي عبايتك وطرحتك سريع وتعالي شوفي وش طلبت ! وفعلا لبست ودخل نياف وهو مغير ملابسه الي كانت مبلله مويه:السلام عليكم
يقين:وعليكم السلام وجلست تفتح طلبيتها كانت مستلزمات النونو ابتسمت يقين لانها تدري انها تحاول تغير نفسيتها : رهيبه الجوده نجد : اتحداه يجحد ! من خالته عاد يقين ضحكت : بدينا بالمذله بردها بزارينك ! نجد وهي تلعب بالالعاب الي بيدها : يصير خير بعدين كم باقي لك ؟ يقين : اليوم دخلت شهري خلاص
نياف وهو واقف:الله يتمم عليك يارب بكرا بنطلع ناخذ باقي المقاضي بعد.
يقين ابتسمت بحزن على حاله:نياف انا وانت نفس الشي واعرف وش تمر فيه لكن ذا قضاء وقدر مشاري وصاك علي بس حتى انت وصية مشاري لي اعتبرني اختك ولو احتجت شي كلمني.
البارت الـ75
يوم ثاني»
دخلت النادي وهي رابطه شعرها ذيل حصان والتعب مو مفارقها جلست على عتبة الاسطبل وجلست تشوف مين دوره بالتدريب اليوم وسرعان ما قلب وجهه لما سمعت صوته:السلام عليكم.
الغيد:اهلاً وعليكم السلام.
لاحظ تعبها وجلس على عتبة الاسطبل جنبها لاكن بينهم شوية فراق:ترا تقدرين ترجعين بيتكم مو لازم عشانك صرتي مُدربه تجين بعز تعبك.
رفعت عيونها الي كانت اشباه الجمر من التعب:لازم نحارب تعبنا عشان حلمنا.
ابتسم لكلامها:اكيد والدليل لمًا تعبتي وقت السباق وجيتي تتسابقين معي عموماً مرام معي بس اتوقع راحت الجهه الثانيه.
الا بجيتها وهي ماسكه خيلة الغيد ووتمخطر فيها:اوه اوه غريب الصراحه.
ضحكو اثنينهم على كلامها وهم عارفين وش تقصد الكايد بغرور:اتركي عنك انحراف مخك شوي ونمشي.
شمقت له بقهر:اخوك مريض اعذريني!
ابتسمت بلُطف:تعالي نسولف.
وجلسو يمشون وكل وحده تسولف وقفت مرام وناظرتها وهي مبتسمه:انتي ماتحسين في اخوي؟
عقدت حواجبها بتوتر:شفيه مافيه شي كل يوم يجي يتمشكل معي ويروح!
دخلت يدها بكتف الغيد وكملت مشي :ماعليك من حركاته والله انه حنون اتعب وانا اقولك انو احن اخواني رغم انو فيه خباثه بس والله حنون وقت تعبتي حط كل اللوم عليه تدرين كل مره يجي يسولف يعطيني تلميحات بس مايبين انو لك بس فهمت احس.
الغيد ببتسامه:الكايد؟ حنون؟ ماضنتي
مرام وهي تضحك بصوت خفيف:والله حنون لايغرك انو مشكلجي ماعلينا حبيبتي تراك مصختيها متى نجيك؟
بققت عيونها بصدمه:ها؟
ابتسم الكايد وهو يناظرهم من بعيد عقد حواجبه بثقل:يلا يا مرام بنمشي.
ضحكت مرام وهي عارفه انو سمعها وغمزت لـ الغيد ومشت اما غيد صامله نفس مكانها ومصدومه.
