«عند ام نايف»
يلا يابنتي تعالي المجلس عشان الشوفه.
هديل:شادن تكفين قومي انتي ادخلي مابي خلاص.
شادن وهي تخفف عنها التوتر:قومي ادخلي بشوفك من الشباك ادخلي وارفعي راسك لا تستحين وشوفيه نفس ماهو يشوفك كلكم لكم حق بذا الشي واذا ماشفتي كويس قولي لخالتي.
هديل:اوكِ بس تكفون لاتتركوني.
امها:يلا يابنتي احنا حولك يلا.
دخلت بكامل اناقتها ومو قادره ترفع راسها من الحياء جلست وهي تشوفه حاط بنته جنبه وجالس يلعبها وبصوت شبه مسموع:السلام عليكم.
رفع راسه وهو يشوفها مقبله عليه:وعليكم السلام وعدل جلسته وسبحته ماوقفت من التوتر.
ابوها:ياعيالي انتو فاهمين بالزواج والحين كلكم شافو بعضكم زين ادا ماشفتها كويس علمنا ندخلها لك ثانيه وانتي كذالك اتركو الحياء على جنب شوي وخذو راحتكم احنا بنوقف جنب المجلس .
رفعت راسها وبهمس خفيف:بابا امانه لاتطلع خليك معي بس شوي.
الاب:بطلع يابنتي عشان لاتستحون منا وبجلس مع عمك برا هذا خواتك يشوفونك من الشباك وعبدالعزيز بيكون جنبك.
طلع وهي حاطه يدها على قلبها تكلم بهيبته وصوته الحاد:شلونك يا هديل.
هديل بتوتر:بخير الحمدلله.
وجلس يكلمها وهي ترد بكلمة ورد غطاها ودخل عبدالعزيز وانقذها من الموقف الصعب:عساكم خلصتو ماخربنا عليكم؟
بتال: اي خلصنا يعطيك العافيه.
عبدالعزيز ببتسامه من حلاوة اسلوب بتال:يلا اجل هديل تعالي وانا بنادي ابوي.
طلعت وهي حاطه يدها على قلبها وشافت شادن ورشا وهم طالعين لها وسحبوها بغرفة الضيوف:ها بنت شصار.
هديل:مدري ياخي احياناً احسه يبي يتزوجني عشان ينسى زوجته وخايفه من ذا الشي وحيل.
رشا بتفكير سريع:ويمكن عشان بنته!
هبدتهم شادن على كتفهم:وش ذا التفكير انتي وهي! مُستحيل يظلمك يا بنت الناس مُستحيل.
رشا:اه يالوصخه بعد ذا الصدق!.
هديل:خلاص امشو ندخل مانبي نحسسهم بشي.
-«٦٠لايك»
#في_شتاء_عُمري_الاقي_بك_دفاي.
