بيت اهل بتال"
صحى وهو يحس وجهه ذبلان ناظر السرير وشاف بنته صاحيه وجالسه تلعب شالها بهدوء وهم يستنشق ريحتها: ياريحة امال وصار يبتسم لانها فيها لمحه منه بس مبسمها وعيونها نفس امها بالضبط لبس ترنك كامل ومشط شعره ولبسها ونزل وشاف امه وخواته جالسين مع بعض:مساء الخير.
كلهم:ياهلا ياهلا بالمحمول مو الحامل.
ضحك وهو عارف انهم يقصدون ملاذ: والحامل ولا ماله رب؟
رغد وهي تضحك:كلش ماله رب.
الام:اقول بس ماعليك منهم ياوليدي تعال اجلس بس.
عهد:مو كأنو نفسيته كويسه؟ افضل من قبل؟ يارب الثبات يارب
نور بستغراب:اي والله غير الله يثبته بس شوفي ينفتح موضوع الزواج يزعل.
عهد:ماالومه بس صدق خلاص لمتى يعني بنته بتكبر وهو مايقدر الحين يمسكها لحاله صح حنا مو مقصرين بس برضو.
نور:الله يعين.
الام:وولدي ماناقصه الا العروس.
زياد:يمه واحنا؟
الام:انت اضبط نفسك بعدين يصير خير
نور:اوهححح تقدر تتخطى ياخوي وجلست تطبطب عليه.
بتال بضيق:يمه تكفين اعتقينا من ذا الموضوع كل مره تسولفين لي فيه واقولك لا.
عهد هزت راسها بمعنى خليه علي وغيرت الموضوع:ايوه يمه يلا زوجي زياد خلاص حتى هو عاقل وكل شي.
الام عقدت حواجبها:شلون ازوجه وهو حياته كلها نوم وزوجته تجي تتشكى لي بعدين ولدك ينام وولدك ينام وقتها شسوي؟
كلهم ضحكو على عصبيه امهم عليه.
اما عهد غمزت لباتل عشان يقوم معها غرفة الضيوف وفعلاً قامو:طبعاً بما اني الاخت الي تحبونها وتسمعون كلامها اسمع كلامي بدون كلمه لما اخلص اوكِ؟
بتال:اوكِ تكلمي.
عهد تربعت وجلست تناظر بعيونه:ياخوي الحين بنتك صغيره وشوف عمرها سنه بس صغيره واكيد انت مابتقدر تسوي كل شي نفس الام واحنا مو مقصرين والله ونحبها بس برضو لازم تأسس لك عائله وتجيبون لها اخوان وخوات نفسنا يعني انا مو جالسه اضغط عليك بس بنت الحلال موجوده بعد وانت شفت اسلوبها معنا كيف وشفت كيف هم لطيفين لاتستعجل ابداً وفكر بالموضوع زياده عشان لاتلومني ولا نلوم نفسك وصدقني مابتندم ابداً.
ابتسم على لطافتها وحط يده بيدها:والله مدري شقولك يااختي بس مو قادر اتقبل احد واخاف اظلم البنت معي.
عهد: ان شاء الله مراح تظلمها ابداً وانت فيك الخير بس فكر المهم انا بروح اخلص شغلي وانت فكر والحين روح ارضي امي.
ناضرها بحنيه:سمي طال عمرك
انتهى.
#في_شتاء_عُمري_الاقي_بك_دفاي.
