في المُخيم"
وصلو المُخيم والين راحت تشوف الي جنبهم:شوف فيه العاب بروح العب واجيكم لينوه تجين معي؟.
لينا:لا بالله تخسين اجي معك الحين يصير فيها اوادم ويخرشوني توكلي لحالك.
راح ريان وسحبها من كتفها:امشي امشي بكل مكان تفشلينا يالبزر.
إلين وهي تمثل الزعل:يوم قلت بلعب صرت بزر صح!
الام:امشي لا بارك الله فيتس ادخلي مُخيمنا اكيد فيه الكايد حاسب حساب انو فيه بزران عندنا.
مرام:بذي امي صادقه
الكايد وهو يضحك:ادخلو عاد فلشتونا قدام العرب ادخلو.
وفيه الجهه الثانيه"
كانت جالسه عند النار وتدفي يدها وشعرها كله على وجهها ومو منتبهه للي حولها.
تيماء:الي تفكرين به يتهنى.
ابتسمت الغيد:ماافكر بشي والله جالسه اتعلم باقي الاشياء تعرفين السباق مابقى عليه شي غير اليوم ونكسر راس المغرور.
تيماء:واضح انك ناويتها عليه بس قومي يلا نروح والي ودها تركب دباب تركب وهنا فيه خيل ترا امي انخرشت منه تو قلت لها انتظري تجي الغيد وتغير مكانه.
الغيد:امانه المُخيم فيه؟
تيماء: اي والله وفتحت جوالها توريها نجلاء كيف كانت تمسح عليه.
قامت الا بصوت امها تناديها: يابنتي طلعي ذا صدقه للناس الي حولنا فيه كثير منه واذا رجعتي نحط الاكل.
الغيد سندا كتفها على امها:ابشر ابشر الحين اطلع.
وطلعت ولبست عبايتها ولبست الطرحه بشكل عشوائي وحطت اللثمه على وجهها ومرت على مُخيمين واعطتهم الي عندها وجينا للمُخيم الثالث وقفت عند الباب ونزلت من الخيل وهي تطق الباب وفعلاً فتحو لها مرام وامها:سمي بغيتي شي؟
ابتسمت لهُم بلطف:ابد ياروحي سم الله عدوك بس عندنا الزايد وحبينا نعطي جيراننا ومنهم انتو.
الام:يعطيك العافيه يابنتي ماقصرتي.
طلع يشوف مين وهو معصب انو اهله فاتحين الباب للغرباء:مين يمه ووش السالفه؟
الام:بنت نعمه جايه تعطينا اكل يعطيها العافيه.
طلع وهو يشوفها بتركب الخيل:جايه ترمين فضلاتكم علينا ياخي وش ذا الناس خلو عندكم ذرة رحمه على الاقل.
الغيد:ماتعلمت الردى نفسك علشان كذا مراح ارد عليك يلا بالعافيه يالخاله.
الام:معليه يابنتي امسحيها بوجهي.
الغيد:عادي ياروحي حصل خير ورتبت طرحتها الي طاحت على كتفها وانتثر شعرها طالعها بحُقد ودخل وهو وده لو يسوي شي بس.
انتهى.
#في_شتاء_عُمري_الاقي_بك_دفاي.
