عند يقين"
كانت تكلم صاحبتها وهي جداً متوتره وخايفه ومنتظره الوقت الي يجي ابوها ويقولها انزلي.
وحرفياً جاها: يالله يا بنتي خليه يشوفك شوفه شرعيه.
يقين:امانه قول لماما تجي معي يوتر مره.
ابوها:افااا انتي كبرتي وتقولين امك تجي معك بعدين معليش انا اغار على زوجتي يلا قومي انزلي ضحكت عليه بحُب ونزلت بكامل اناقتها ودخلت وهو جالس على الكنبه وحاط رجل على رجل ويده مشبكين مع بعض
يقين ابتسمت بتوتر: السلام عليكم.
مشاري رفع عيونه لها : وعليكم السلام.
ابوها : الحين اتركو عنكم الحياء وشوفو بعض بترك لكم المكان شوي عشان لا تستحون ولكم ١٠ دقايق مشاري بقلبه:موافق موافق مشاري اعقل.
طلع ابوها وهم كانو جالسين مع بعض مشاري: يناظرها وهي تناظر بثوبه ، وجهي فوق ترا !
يقين حست بحراره من جرائته وتوترت اكثر
بعد ربع ساعه طلع من بيتها بروقان نياف : الاخبار ؟
مشاري عطاه نظره : لا شرايك اعلمك وش لابسه ؟
نياف : كل تبن وامشي قدامي غرقت وانت تنكت وطلعوا يتعشون
طلعت يقين غرفتها ونجد كانت نايمه وصارت تنقز:الله الله الله نجدوه قومي قومي قومي
نجد:هف استغفرلله وش صاير بعد؟
يقين:قومي قومي تكفين اقرصيني احس اني بحلم مو صدق.
قامت نجد وفعلاً قرصتها:ها صدقتي؟ يلا توكلي.
يقين:اي اي صدقت صدقت عورتيني وجع.
اما هو طلع وركب السياره وهو يشغل اغاني ويعلي صوتها ونياف منصدم من وضعه جلس يرقص بفرحه بشوفتها مشاري : اختار اي مطعم اعشيك فيه نياف بأبتسامه ويحسب منى اخر الشهر ناظره مشاري باستغراب ؟ نياف رفع ياده : يارب ما يوصلك ردها الا اخر الشهر ضربه مشاري : خيرر ! نياف عشان تعشيني واخر الشهر مطفر انا مشاري : تبن واختار مطعم نياف : اغلى مطعم بالرياض مشاري : ابشرر
دخلت عليها امها وجلست وهي ميته ضحك ونجد تضحك على شكلها لما امها جت جلست
الام: ها عسى ما شر؟
نجد:يمه امسكي بنتك الخفيفه ذيييي ماصدقت على الله احد يخطبها وش مقصرين معك فيه؟
يقين:شدعوه مافيه شي يا ماما بس الولد مُريح مره ارتحت له.
نجد وهي تهمس لها بمعنى :انتِ مرتاحه له من قبل
يقين ضربت كتفها ورجعت تسولف مع امها عنه وهي توصف رزانته بكل حُب.
انتهى.
60لايك
#في_شتاء_عُمري_الاقي_بك_دفاي.
