البارت الـ81
« ميقات الإحرام »
ختم إحرامه بالصلاه ركعتين وطلع متجهه لمكه ، في حدود الحرم نزل من اوبر وبدا يمشي لداخل الحرم بعد ما دخل لصحن الطواف وبدات مناسك العمره ، انتهى بالصفا والمروه وبعد ما خلص طلع للساحات الخارجيه يريح وشاف طفل صغير يبتسم له جلس على ركبته يسأله عن سعر قص الشعر الطفل : بعشره ريال جلس على الكرسي وبدا الطفل يقص لنياف شعره طلع حساب الطفل وعطاه كرواسون وراح للباصات ، وبعد ما نزل راح واخذ شور بارد وارتمى على السرير بجوع سحب جواله من جيبه بجوع:الجوع كافر انا مسلم شكلي بطلب من البيك وبعد حوار طويل مع نفسه قرر يطلب وطلب له و ما هي الا عشر دقايق ووصل ثم ارتمى على السرير بتعب ونام .
«عند الفجريٓه »
قام صلى ونزل يفطر وبعد الفطور طلع يشتري التمر وماء زمزم لصاحبه امه وعائله مشاري ونسايبه طلع احر حبه زمزم وكمل طريقه لبيت صاحبه امه فيها من ريحه امه دق الباب وفتح له طفل صغير نياف ابتسم : عمه فاطمه هنا ؟ الطفل راح ينادي جدته الجده : مين عند الباب ؟ رفعت راسها وصاحت ببكي : ياوليدي ليه ما عاد تزورني ؟ ابتسم وسلم على راسها والله ياعمه تعرفين اشغال الدنيا دخل لها زمزم والتمر والهدايا : اعذريني على القصور ياعمه الجده فاطمه : تعبت نفسك تفضل نياف ابتسم ودخل يسولف معها شوي يرضي خاطرها ، بعد نص ساعع سلم عليها وطلع لاجل يلحق طيارته للرياض
«بأراضي الرياض »
طلع من المطار متىجهه لبيت ابو يقين عطاه عطاياه من مكه ورجع لبيته دق الباب على بيت يقين بما انهم جيران فتحت نجد : هلا؟ نياف : خذي الاغراض وطلع لبيته يريح بعد يوم مُتعب ولكن راحه وجبر يغمر قلبه بسبب رجوعه للرحمن فاطر السماوات والارض .
البارت الـ82
«بيت ام عبدالعزيز»
قرب يوم الزواج ومابقى الا ٣ليالي وهم شبه ماخلصو اغراضهم،رشا:يابنت اخلصي صار لي ساعه واقفه عند الباب ولا طلعتي!
تخصرت وهي تضحك:تراني عروسه لاترفعين صوتك علي يا قليلة الحياء انتي.
ابتسمت شادن وبصوت شبه عالي:لاه لاه كدا قويه على قلبي مااقدر اصبري يا دموعي اصبري.
ملاك:خير بتوحشينا احس مابي انا مش موافقه خليه يدور غيرك مالي شغل.
هديل ودموعها على خدها:انهيار جماعي.
رشا:خلاص ارتبطتي! خليه ينفعك خليه يخرجك خليه يمنشن لك في الفديوهات والبوستات الي بتضحكك.
مسحت دموعها وهي تضحك:يارب تتزوجين بعدين يا رشا يارب يا كريم ياربي وانت ربي يارب رشا بعدي.
رشا:جطيعه فال الله ولا فالك امشو يلا لا اسحب عليكم ترا تراني اسويها ها!
حركت يدها بتهديد:انا اقول اعقلي وامشي يلا.
«بعد نص ساعه بالطريق»
وصلو المكان الي كان كله فساتين وجنبه محل مسكات. هديل:قايز خلونا نتوزع عشان لا يضيع الوقت ناس تدخل معي وناس تشوف المسكه.
شادن:لا خلاص ندخل مع بعض صدقيني يمدي.
دخلو وبدت تدور على الفستان الي خُلق لّجلها وفعلاً حصلته كان عباره عن سواريه ساده ونافش بس الي كان محليه اكثر وبارزه الطرحه الي كانت طويله وكلها ورد ابيض لبسته وهي توريهم وتبكي حزن على فراق اهلها وكأنها بتفارقهم ولا فرحتها.
طلعت من غرفة القياس وعيونها كلها دموع:وش رايكم وش رايكم وين بناتك امي؟
طلعو خواتها وهم كل وحده لابسه فستان مع الحجاب وميتين ضحك اما عن صاحبة المحل الي كانت تناظرهم وتضحك، ملاك:مرهه نار وانتي وش رايك؟
هديل:خير وجع تخلون الوحده تبكي غصب يع.
مسكت يدها رشا وهي ترقصها: الفرحه فرحتنا والفرحه جمعتنا مبروك مبروك.
الام:الناس الناس يا بنات فشلتونا ادخلو خلاص.
دخلو وفصخو الفساتين وخذت الخياطه قياساتها وطلعو يشوفون لها مسكه.
البارت الـ83
«عند بتال»
طلع من غرفته وتوجهه للمطبخ وهو يدور على امه: يا نبع الحنان صار لي ساعه اناديك شدعوه ماتردين؟
امه بزعل:مانتبهت لك. ميل فمه بستغراب:علامك؟
الام:اجلس اجلس! الحين وشوله تزعج البنت عشان تاخذ ملاذ! والله ان ملاد صارت تبي هديل اكثر منك! الحين بتصير زوجتك وان عيالك ان شاء الله ولا تثق فيها ياخي استح على وجهك!
ضحك على عصبيتها:بس؟ طيب يمه اشتقت لبنتي وش اسوي بعد مش بس هي امها حتى انا ابوها.
الام:وليه انت تعدها حرمه لِك ولا تأمن فيها.
باس راسها:خلاص حقك علينا والله اليوم اوديها ولا اخذها بس يلا قومي تجهزي بنروح نشوف القاعه.
نور:تراني بجي معك سمعتك.
بتال: والله البلشه انتي مين عزمك!
نور:اسكت بس اسكت يلا مشينا خواتي البسو البسو مافيه وقت مافيه وقت.
طلعو وكلهم لابسين العبايات وكل وحده منهم لابسه كعب وعد:يلا مشينا حُبي؟ حط يده على راسه وهو ميت ضحك على اشكالهم وركبو السياره والاغاني ماليه السياره والرقص النهائي.
بعد ماوصلو وقفت رغد عند الديجي وشغلت زقة "هب السعد" وفكت حجابها وجلست تمشي نفس العروس ووعد تغني بالمايك وعهد تضحك وتوثق لـ هديل جلست على الارض وهي تنفخ على نفسها:اف خلاص تعبت خلاص انزلي انتي الثانيه.
الام ببتسامه وهي تمثل العصبيه:الحمدلله والشكر بس جايين تشوفون ولا تستهبلون انتو! لا بارك الله في عدوكم من بنات
بتال:امشو امشو لااكسر المايك فوق راسكم.
رغد بتشميق:وايدددد غثيث حده يغث وطلعو.
البارت الـ 84
« الفجر »
كل شوي يزيد عليها الالم ذرفت دموعها بسبب الطلق نجد بتوتر سحبت حوالها واتصلت على اهلها ابو نجد : مين يدق بذا الوقت ؟ نحد بتوتر : بابا انا نجد تعال يقين بتولد ! فز ولبس هو وام نجد واسرعو لبيت يقين .
« في غرفه العمليات »
صراختها تتعالى خوف بنفس الوقت الم يقين بخوف وترجف : ابغا ماما ! الدكتوره : لا تخافين وبدات تهديها وتخفف عليها . بعد مرور ساعه وربع طلعت الدكتوره : مبروك البنوته ربي يحفظها لكم ناظرتها نجد وسجدت وهي تبكي طلعوها من غرفة العمليات لغرفه ترتاح فيها ودخلو اهلها يسلمون عليها ويباركون لها نجد بتلفت : وين البيبي ؟ امها : شوي يجيبونه وجلسو معها يغيرون نفسيتها وبعد مرور وقت جابو لها بنتها نجد باستغراب : ليه حجمها كذا صغير ؟ ابوها بضحك : كنتي كبرها شالتها ام نجد وحطتها بحظن يقين : هذي بنيتك ابتسمت يقين : بسميها هناي مشاري كان يبي الاسم ونزلت دمعتها بحُرقه وهي كان ودها يشوف بنتها ويمسكها بين يده نجد بتصفير : العب يالاسم البطل ! قرب ابو يقين لجل يشيل هناي ويوريها نياف الي متشفق لشوفتها.
قرب من باب غرفتها ودق الباب ابو نجد : سم وانا عمك نياف برجفه واضحه بصوته : ياعم تسمح لي اذن باذنها ؟ ابو نجد : سم وقرب من الباب وعطاه هناي قربها عنده واذن باذنها وختمها ببوسه على خدها : يارب انك تحفظها ناظر عمه : وش سميتوها ؟ ابو نجد : هناي ناظرها والمشاعر تحيى بداخله ويتذكر كيف كان مشاري يعشق الاسم.
البارت الـ85
«في اسواق الرياض»
مرام:ماما بدخل ذا المحل يمكن اشوف الفستان الي خلق لِـ اجلي. الام:انتي مايعجبك العجب ولا الصيام برجب! الي اصغر منك خلصو وانتي بارده! اخلصي علينا يختي! بروح اشوف راعي الحنا ذا وبجي واشوفك مخلصه. ابتسمت بخوف:ابشري.
جلس على الكرسي الي كان بالمحل وفتح سناب النادي ولمح الغيد وهي تدرب واحد عقد حواجبه بستغراب: هيه بنت مرام وين امي!
مرام:ها قالت بتشوف راهي الحنا وبتجي وبعدين غريبه جالس مارحت معها!
الكايد:مانتبهت تعالي شوي مو ذي الغيد؟
ابتسمت بخُبث:اي هي قالت بيجي واحد اسمه بسام يتدربه واتوقع انو هو.
غمض عيونه بعصبيه وعشان مايبين لها ضحك بقهر:اوكِ يلا اخلصي لااني بروح عند العيال وانتي تبيني اوديك بيت صديقتك عشان البطاقه هذي امي جت.مرام وهي شبه تبكي:صياح كله منك ومن حبيبتك ذي بعلم امي.
قرصها لما اقبلت امه:ها يابنت ماخلصتي!
مرام:لا امي شفت فستان احمر بوريك هو وراحت توريها وفعلاً خذته بقناعه وطلعت.
بعد ماوصلو بيت الغيد ارسلت لها اجل تصور مرام: يابنتي طلعي راسك شوي مااشوفك.
الغيد:يالخايسه اخواني هنا والله ان يجلدوني بسرعه انزلي لااجلدك بدال يجلدوني.
ضحكت وهي تناظر الكايد:بس وقف ذا البيت ونزلت:امسكي ذي البطاقه وياويلك لو ماتجين وبعدين انتبهي لافعالك يا كنتنا لا تنجلدين.
الغيد:وش كنته روحي روحي بسرعه قبل احطك في الوسط واهبد فيك يالخسيسه.
طلعت وهي تناديه:يلا ياولد خلصت.
الكايد وهو سرحان:ها طيب يلا مشينا.
ومشو وهو في باله لو الولد جنبه مراح يرحمه.