Ch 30
ဝန်ထမ်းတွေက အလုပ်ရှာတွေပြီး ဆက်ဆံရေး အလွန်ကောင်းမွန်သဖြင့် သူတို့အားလုံးက ကျန်းဖုန်းနောက်ကနေ ဧည့်ရိပ်သာကို အပြုံးဖြင့် လိုက်သွားကြသည်။
ကျန်းဟွေ့က အလွန်ပင်ပန်းနေသဖြင့် ဆိုဖာပေါ်ဖို့ လဲလိုက်ပြီး ခဏလောက် နားနေသည်။
ချည်ငင်စက်လို့ဘဲ တစ်နေကုန် အလုပ်နေရှုပ်နေခဲ့တာ။ တကယ် ပင်ပန်းနေပြီ။
ကျန်းဟွေ့က Mall ရဲ့ ဂိုဒေါင်ကနေ ဝိညာဉ်အသီးအနှံကို ထုတ်ပြီး စိတ်နဲ့ ကိုယ်ကာယ အားဖြည့်ရန် ဖြေးညှင်းစွာ စားခဲ့သည်။
Immortal Cultivation Plane တွင် ကောင်းမွန်တဲဘ အရာများစွာ ရှိသည်။
စိတ်ဝိညာဉ်လက်ဖက်ရည်၊ စိတ်ဝိညာဉ်ဝိုင်၊ စိတ်ဝိညာဉ် သစ်သီး၊ စိတ်ဝိညာဉ် ထမင်း၊ စိတ်ဝိညာဉ် မုန့်၊ စိတ်ဝိညာဉ်သားရဲရဲ့ အသား၊ စိတ်ဝိညာဉ်ဆေး စသဖြင့်......
ကျန်းဟွေ့က စိတ်ဝိညာဉ် စွမ်းအင်ပါရှိတဲ့ အရာမှန်သမျှ စားရတာကို ကြိုက်သည်။
သူမက အမေနဲ့ညီမငယ်အတွက် အစားအသောက်များကို မကြာခဏဝယ်ကာ စားစေပြီး ရဲ့ရှောင်ယွီအတွက် တခါတရံ ပေးကာ စားစေပြီး သူတို့ရဲ့ ကျန်းမာရေးကောင်းကာ အသက်ရှည်စွာ နေထိုင်စေခဲ့သည်။
ဒါတွေ စားပြီးတဲ့နောက်မှာ အမေရော ညီမလေးရော ကျန်းမာရေး ကောင်းမွန်ပြီး သူမတို့ရဲ့ အသားအရည်ပါ ကောင်းမွန်လာသည်။
Hercules Pill ကို သောက်ပြီးတာနဲ့ သူမတို့က အလွန်သန်မာလာပြီး သူမနဲ့အတူ စန္ဒာနဲ့ လက်ဝှေ့ကိုလေ့ကျင့်ကြသည်။ အနာဂတ်တွင် ကိုယ်ခံပညာ ကျွမ်းကျင်သူကလွဲလို့ သာမန် အမျိုးသားများက သူမတို့ကို အနိုင်ကျင့်နိုင်မည် မဟုတ်ပေ။
ကျန်းဟွေ့က အမေနဲ့ ညီမငယ်တို့ရဲ့ စွမ်းအားကို မြှင့်တင်ရန် ကူညီပေးပြီး အနာဂတ်တွင် သူမ အလုပ်ကိစ္စများ ဆောင်ရွက်ရန် အပြင်ထွက်တဲ့အခါ သူမတို့အတွက် စိုးရိမ်စရာ မလိုတော့ပေ။
ဒီတစ်ပတ်မှာ ခရိုင်စတိုးဆိုင်ဖွင့်ဖို့ ပြင်ဆင်ပြီး အတန်းပိုင်ဆရာမကို တစ်ရက် ခွင့်တိုင်ထားသည်။
ကျောင်းအုပ်ဆရာမက မကြာခဏ ခွင့်တိုင်သည်ကို မြင်တဲ့အခါ အနည်းငယ် မကျေမနပ် ဖြစ်နေသည်။
ကျန်းဟွေ့ရဲ့ အသနားခံမှုအောက်တွင် ကျန်းဟွေ့ရဲ့ အဆင့်က ထိပ်ဆုံး 3 ယောက်စာရင်းတွင် ရှိနေသည်ကို တွေ့ရသဖြင့် ကျောင်းအုပ်ဆရာမက နောက်ဆုံးတွင် တုံ့ဆိုင်းစွာ သဘောတူလိုက်သည်။
ဒါပေမဲ့ စာမေးပွဲတွင် အဆင့်ကျသွားပါက ခွင့်ထပ်တိုင်လို့ မရတော့ဘူးလို့ ကျောင်းအုပ်ဆရာမက သတိပေးခဲ့သည်။
ကျန်းဟွေ့က သူမရဲ့ အဆင့်ကျသွားမည် မဟုတ်ကြောင်း ထပ်ခါတလဲတလဲ အာမခံ ခဲ့သည်။
အခု သူမ ကိုယ့်ကိုယ်ကိုယ် ယုံကြည်မှုရှိပြီး စိတ်ဝိညာဉ်စမ်းရေကို အလွန်အကျွံသောက်ကာ Hercules Pill ကို သောက်ထားသောကြောင့် သူမရဲ့ လက်ရှိ ဦးနှောက်က အရင်ဘဝကထက် တစန်းထက်ပိုမြင့်သည်။
မှတ်ဉာဏ်ပိုကောင်းလေ သင်ယူရ ပိုလွယ်လေ ဖြစ်သည်။
အပေါ်ဆုံးက အိမ်ကို အလှမဆင်ရသေးဘူး။ ကျန်းဟွေ့က ဒီည ဘယ်မှာ အိပ်ရမလဲ တွေးလိုက်သည်။
Mall တွင် ရောင်းရန် အိမ်များစွာ ရှိတာကို သူမ ရုတ်တရက် သတိရလိုက်သည်။
ခေတ်မီ တိုက်ခန်းများနဲ့ လယ်ယာအိမ်များ ရှိသည်။
Technology plane တွင် ခေါက်တဲများနဲ့ ဗီလာများလည်း ရှိသည်။
Immortal plane တွင် လေ့ကျင့်နေတဲ့သူတွေက ပိုကောင်းသည်။ ရိုးရှင်းတဲ့ မှော်လက်နက်ကို သယ်ဆောင်နိုင်တဲ့ ဝင်းအပြင် ဝိညာဉ်လက်နက် သယ်ဆောင်နိုင်တဲ့ Ling Tian farm နဲ့ နတ်သမီးအဆင့် ခရီးဆောင် နတ်သမီး စံအိမ်တို့လည်း ရှိသည်။
Immortal Mansion ကို ဝယ်ယူရန် လိုအပ်တဲ့ အကြွေစေ့ကလည်း ကြောက်စရာကောင်းလှအောင် မြင့်မားလှသည်။ ဧရိယာအလိုက် တွက်ချက်ထားသော်လည်း ဈေးအသက်သာဆုံး တစ်ခုမှာ အကြွေစေ့ သန်း 100 ကုန်ကျသည်။
သေသေချာချာ နှိုင်းယှဉ်ကြည့်ပြီးနောက် ကျန်းဟွေ့က Immortal Cultivation Plane ကနေ သယ်ဆောင်ရလွယ်ကူသော အိမ်ဝင်းတစ်ခုကို ဝယ်ယူရန် အကြွေစေ့ တစ်သန်း သုံးစွဲခဲ့သည်။
ကျန်းဟွေ့က ခရီးဆောင် အိမ်ခြံဝင်းကို ထုတ်ယူပြီး Mall ရဲ့ နေရာတွင် ထားလိုက်သည်။
ခရီးဆောင် အိမ်ဝင်းသည် အမှန်က Xiu Xian Plane ရဲ့ ထုတ်ကုန်တစ်ခု ဖြစ်သည်။ အိမ်က ထွင်းထုထားတဲ့ ထုပ်တန်းများနဲ့ ဆေးခြယ်ထားသော အလွန်ရှေးကျသော အဆောက်အအုံ ဖြစ်သည်။ အိမ်က လက်ရာမြောက်ပြီး အလွန်လှပသည်။ အိမ်ကို ပိုင်ရှင်ဆန္ဒအတိုင်း ကြီးနိုင် သေးနိုင်ပြီး ကျန်းဟွေ့က အလွန်နှစ်သက်သည်။
ခရီးဆောင် အိမ်ဝင်းတွင် အဓိကအခန်း 3 ခန်းရှိပြီး ဘယ်နဲ့ ညာ အတောင်ပံ 3 ခန်းရှိသည်။ ပြောင်းပြန်အခန်းတွင် အသုံးအဆောင်၊ မီးဖိုချောင်နဲ့ ရေချိုးခန်းကျယ်ကြီး တစ်ခု တပ်ဆင်ထားသည်။
သယ်ဆောင်က လွယ်ကူသော ဝင်းအတွင်းတွင် ဝိညာဉ်ဖွဲ့စည်းပုံစံနဲ့ သန့်စင်မှုပုံစံများ စုစည်းမှုလည်း ရှိသည်။
သူမက ထိုအိမ်တွင် အချိန်တိုင်း နေထိုင်နိုင်သော်လည်း ထိုအိမ်ကို သန့်ရှင်းရေးလုပ်ရန် မလိုအပ်ဘဲ အမြဲတမ်း သန့်ရှင်းပြီး ဖုန်ကင်းစင်နေမည် ဖြစ်သည်။
(နေချင်သွားပြီး သန့်ရှင်းရေး လုပ်စရာမလို့လို အပျင်းကြောထူလို့ ရပြီ။)
ကျန်းဟွေ့က Morden Plane ကနေ အိပ်ရာကြီး တစ်ခု၊ မွေ့ယာ၊ ဗီရို၊ ကော်ဖီစားပွဲ၊ ဆိုဖာနဲ့ တခြားပရိဘောဂများအပြင် နေ့စဉ်သုံး ပစ္စည်းများကိုလည်း ဝယ်ယူခဲ့သည်။
နေရာတကျ ထားပြီးနောက် ဝန်ထမ်းအသစ်တွေကို တည်းခိုခန်း ခေါ်သွားတဲ့ ကျန်းဖုန်းက ပြန်ရောက်လာသည်။
ကျန်းဟွေ့ ကျန်းလုံကို စတိုးဆိုင်တံခါး ပိတ်ခိုင်းပြီး သူနဲ့ ကျန်းဖုန်းက အပြင်မှာ နေပြီး ကျန်းဟွေ့က ခြံဝင်းထဲ ဝင်သွားခဲ့သည်။
ခရီးဆောင် အိမ်ဝင်းရဲ့ ဧည့်ခန်းတွင် ထိုင်ပြီး ကျန်းဟွေ့က စိတ်ဝိညာဉ် အသီးအနှံများနဲ့ သရေစာများကို စားကာ စိတ်ဝိညာဉ် လက်ဖက်ရည် သောက်ရင်း Mall တွင် ကြီးမားတဲ့ ဝယ်ယူမှုများကို ဆက်လက်ပြုလုပ်ခဲ့သည်။
အခု အကောင့်တွင် အကြွေစေ့ ငါးသန်းကျော်ရှိနေပြီး ဖြစ်သဖြင့် သူမ ဝယ်ယူ သုံးစွဲရန် လုံလောက်မည် ဖြစ်သည်။
သူမက ပစ္စည်းကောင်းတချို့ကို အရင်စုဆောင်းပြီး ဂိုဒေါင်တွင် ထားကာ လိုအပ်တဲ့အခါ အချိန်မရွေး ထုတ်ယူနိုင်သည်။
ခရိုင်စတိုးဆိုင် မဖွင့်မီ ကုန်ပစ္စည်း 10 သန်းကျော်ကို တစ်ကြိမ်တည်း ဝယ်ယူခဲ့သည်။
ကျန်ရှိသော အကြွေစေ့များအားလုံးကို ဖြုန်းနေသော်လည်း ငွေသား သန်းဆယ်နဲ့ချီသော ငွေပေးချေမှု ကို ပြန်လည်ရရှိပြီးနောက် ပြန်လည်အားသွင်းနိုင်သည်။
ကျန်းဟွေ့ရဲ့ ခန့်မှန်းချက်အရ တစ်လအတွင်း သန်း 100 ကျော် ရှိသော ဈေးဝယ်စင်တာကို ပိုင်တဲ့ ချမ်းသာတဲ့ အမျိုးသမီးတစ်ယောက် ဖြစ်လာမည် ဖြစ်သည်။ ထိုအချိန်တွင် သူမက စိတ်ကူးယဉ် ခရီးဆောင် နတ်သမီး အိမ်တစ်လုံးကို ဝယ်နိုင်တော့မည် ဖြစ်သည်။
သူမက နေ့စဉ်နဲ့အမျှ တိုးတက်လျက်ရှိနေသည့်ကို မြင်လိုက်ရသဖြင့် စိတ်ထဲတွင် အလွန်သက်တောင့်သက်သာ ရှိလာသည်။
ကျန်းဟွေ့ ခရီးဆောင် အိမ်ဝင်းရှိ မာစတာခန်းတွင် ကောင်းကောင်းအိပ်ပျော်သွားခဲ့သည်။ သူမ နိုးလာပြီးအခါ အပြင်ဘက်ကို ကြည့်လိုက်တော့ မနက် 4 နာရီထိုးခန့်နီးပြီ။
ပုံမှန်အားဖြင့် သူမက မနက် 4 နာရီခန့်တွင် အိပ်ရာထလေ့ ရှိပြီး အခုအချိန်တွင် ခန္ဓာကိုယ်အကျင့်အရ နိုးလာခဲ့သည်။
ကျန်းဟွေ့က ဆေးကြောပြီးတဲ့နောက်မှာ လက်ဝှေ့နဲ့ ကန်သွင်းခြင်း အတက်ပညာအနည်းငယ်ကို ခြံဝင်းထဲတွင် လေ့ကျင့်ခဲ့သည်။
ချွေးထွက်လာပြီးနောက် သူမ ခန္ဓာကိုယ် ပိုသန်မာလာသလို ခံစားရသည်။
ကျန်းဟွေ့က ရေချိုးပြီး ထိပ်တန်းပုံစံ အဖြူရောင် လက်တိုအင်္ကျီနဲ့ အနက်ရောင် A-line စကတ်ကို ဝတ်ကာ ဆံပင်ကို စည်းလိုက်ပြီး မိတ်ကပ်ကို ပေါ့ပေါ့ပါးပါး လိမ်းခြယ်ကာ ပန်းရောင် နှုတ်ခမ်းနီကို ဆိုးလိုက်သည်။
အဝတ်အစား ဝတ်ပြီးနောက် မှန်ကို ကြည့်တဲ့အခါ ကျန်းဟွေ့က အသက်အနည်းငယ် ပိုကြီးသွားသလို ခံစားရပြီး ဆယ်ကျော်သက် မိန်းကလေးတစ်ယောက်လို နုပျိုနေတော့မည် မဟုတ်ပေ။
ကျန်းဟွေ့က Mall ကနေ ဆိုင်ဝန်ထမ်းများအတွင် အလုပ်အဝတ်အစားများကို ဝယ်ယူခဲ့သည်။
အရောင်းဝန်ထမ်းနဲ့ ရုံးအလုပ် အဝတ်အစားများက အမျိုးသားရော အမျိုးသမီးပါ ဘောင်းဘီ အနက်ရောင်နဲ့ ရှပ်အင်္ကျီ အပြာနုရောင် ဖြစ်သည်။
အထမ်းသမားများက အနက်ရောင်အစင်းလိုင်း အင်္ကျီနဲ့ အပြာရောင် ဘောင်းဘီတိုကို ဝတ်ဆင်ရမည် ဖြစ်သည်။
အလုပ်အင်္ကျီရဲ့ ဘယ်ဘက်ရင်ဘတ်တွင် Wan Jie Electric City ဆိုတဲ့ စာတန်းကို ရေးထိုးထားသည်။
ဝန်ထမ်းတစ်ယောက်ကို ဝတ်စုံ နှစ်စုံ ထုတ်ပေးသည်။
ကျန်းဟွေ့က တခါတည်း အစုံ 100 ဝယ်ပြီး ဂိုဒေါင်ထဲ ထည့်ထားလိုက်သည်။ ဝန်ထမ်းအသစ် 17 ယောက်ရဲ့ ဝတ်စုံကလွဲလို့ ကျန်တာကို ဂိုဒေါင်ထဲတွင် ထည့်ထားလိုက်သည်။
ပထမတစ်ခါကို အလကားပေးသည်။ အလုပ်ကိစ္စကြောင့် ပျက်စီးသွားပါက အခမဲ့ လဲလှယ်နိုင်သည်။ ဒါပေမဲ့ တခြားကိစ္စကြောင့် ပျက်စီးသွားပါက ပိုက်ဆံနဲ့ ပြန်ဝယ်ရမည် ဖြစ်သည်။
မနေ့က အင်တာဗျူးအပြီးတွင် ကျန်းဟွေ့က သူတို့ကို မနက် 9 နာရီမှာ အလုပ်လာခိုင်းသည်။
အခုချိန်မှစပြီး သူတို့က အလုပ်ချိန်ကို နံနက်ဆိုင်းနဲ့ ညဆိုင်း အဖြစ် ခွဲလိုက်ပြီး 8 နာရီကြာ လုပ်ကိုင်ရမည် ဖြစ်သည်။
5 ရက်ကြာ လုပ်ငန်းခွင် ဥပဒေကို 1995 ခုနစ် မေလ 1 ရက်နေ့တွင် စတင်အကောင်အထည် ဖော်ခဲ့ပြီး 6 ရက်တာ အလုပ်ချိန်စနစ်အဖြစ် ဆက်လက်တည်ရှိနေသည်။
အားလပ်ရက်များတွင် အချိန်ပို ဆင်းပါက အချိန်ပိုလုပ်ခကို သီးခြားတွက်ပေးမည် ဖြစ်သည်။
ကျန်းဟွေ့က အထက်ပါအကြောင်းအရာများကို သူတို့အားလုံးကို ရှင်းပြသည်။
8 နာရီခွဲ မတိုင်ခင် ရှောင်လီ၊ ရှောင်ယန်၊ အန်ရန်၊ ဝူတာ့ချွမ်းနဲ့ ဧည်ရိပ်သာမှ ဝန်ထမ်းအားလုံးကို စုဝေးခိုင်းခဲ့သည်။
ကျန်းဟွေ့က သူတို့တစ်ယောက်ချင်းစီကို အီလက်ထရွန်းနစ် နာရီဝင်ကိရိယာ တစ်ခုကို ပေးခဲ့ပြီး အလုပ်လာသည့်အခါ ငွေရှင်းကောင်တာ ဘေးရှိ နာရီလက်တံစက်တွင် နာရီထည့်ခိုင်းသည်။ တကယ်လို သူတို့က အချိန်မီ နာရီမထည့်ပါက သူတို့ကို ပျက်ကွက်သည့်ဟု ယူဆနိုင်သည်။ ထိုအရာ အနာဂတ်တွင် တက်ရောက်သူ အပြည့်ရှိတဲ့ ဘောနပ်စ်များကို ထုတ်ပေးမှုကို အကျိုးသက်ရောက်စေမည် ဖြစ်သည်။
ဆွေးမျိုး သို့မဟုတ် သူငယ်ချင်းအိမ်တွင် နေထိုင်သည့်သူများက 9 နာရီမထိုးခင် ရောက်လာရမည် ဖြစ်သည်။
ဝန်ထမ်း 17 ယောက်လုံး ရောက်လာတာကို တွေ့လိုက်ရသဖြင့် ကျန်းဟွေ့က အရောင်းနဲ့ ဝန်ဆောင်မှုတွင် ကျွမ်းကျင်စွာ သင်တန်းပို့ချပေးသည့် အပြင် လုပ်ငန်းခွင် ဖြစ်ပေါ်လာနိုင်သည့် မမျှော်လင့်ထားတဲ့ အခြေအနေများကို ဘယ်လို ရင်ဆိုင်ဖြေရှင်း တုံ့ပြန်ရမည်ကို သင်ကြားပေးခဲ့သည်။
ကျန်းဟွေ့က ace အရောင်းသမားများရဲ့ အရောင်းလက်စွဲတစ်ခုကိုလည်း ပေးခဲ့သည်။ သူမ သင်တန်းရဲ့ အကြောင်းအရာတွေကို ထပ်ခါတလဲတလဲ လေ့လာနိုင်စေဖို့ အတွက်ပါ ပါရှိသည်။
ကျန်းဟွေ့က သူတို့ကို လေ့ကျင့်ပေးပြီးနောက် တနင်္လာနေ့ မွန်းလွဲပိုင်းတွင် ကျန်းလုံနဲ့အတူ Jiang Cheng ကို ပြန်လာခဲ့သည်။
သူမက ကျန်းဖုန်းကို ဆက်နေရန် တောင်းဆိုခဲ့ပြီး ဝန်ထမ်းများကို ဆက်လက် လေ့လာရန် တောင်းဆိုခဲ့သည်။
ဆိုင်မဖွင့်ခင် 3 ရက်အလိုတွင် ဝန်ထမ်းတွေကို ကြော်ငြာ လက်ကမ်းစာစောင်ကို ဝေပေးခိုင်းခဲ့သည်။
ကျန်းဟွေ့ကလည်း ကျန်းဖုန်းကို 7 ရက်ဆက်တိုက် စာမျက်နှာအပြည့် ကြော်ငြာတစ်ခု လုပ်ဖို့ Yang Cheng သတင်းစာတိုက်ကို သွားခိုင်းခဲ့သည်။
ကျန်းဟွေ့က တီဗိကြော်ငြာ မစတင်ခင် Pearl River မြစ်ဝကျွန်းပေါ်တစ်လျှောက်ရှိ စတိုးဆိုင်များ ဖွင့်လှစ်သည့်အချိန်ထိ စောင့်ဆိုင်းလိုသည်။
ဗုဒ္ဓဟူးနေ့တွင် အိပ်ဆောင်ကို အလှဆင်ပြီးခဲ့သည်။
ကျန်းဖုန်းက ကျန်းဟွေ့ရဲ့ သန့်စင်တဲ့ ကမ္ပည်းပြားကို အသုံးပြုပြီး လေထုထဲရှိ အန္တရာယ်ရှိသော အရာများကို သန့်စင်ရန်၊ မွေ့ယာနဲ့ ပါးလွှားသော ကုတင်တစ်ခု ချကာ ဧည့်ရိပ်သာတွင် နေထိုင်သော ဝန်ထမ်းများကို ပြောင်းရွှေ့စေခဲ့သည်။
အဆောင်တစ်ခုတွင် လူ 4 ယောက် နေထိုင်သည်။
လူ 4 ယောက် မပြည့်ရင်လည်းဘဲ နေထိုင်နိုင်သည်။
1986 ခုနစ် ဒီဇင်ဘာ 1 ရက်နေ့တွင် ပြည်နယ်မြို့တော်ရှိ Wan Jie Electric City ကို ဖွင့်လှစ်ခဲ့သည်။
ကျန်းဟွေ့က ခြင်္သေ့အကအဖွဲ့မှ လူများကို ဖျော်ဖြေပြီး ဗြောက်ရှည်များ ပစ်လွှတ်ရန် ဖိတ်ကြားခဲ့သည်။ ထိုမှသာ သူမ ဆိုင်းဘုတ်ကို ဖုံးအုပ်ထားတဲ့ အနီရောင် အထည်ကို ဆွဲကာ တရားဝင် ဖွင့်လှစ်ကြောင်း ကြေညာခဲ့သည်။
ရက်ပေါင်းများစွာ လူသိရှင်ကြား ကြွေးကြော်သံများနဲ့အတူ Wan Jie Electric City က မရေမတွက်နိုင်သည့် လူများရဲ့ အာရုံကို လျင်မြန်စွာ ဆွဲဆောင်နိုင်ခဲ့ပြီး လူတိုင်း ကြည့်ရှုရန် စတိုးဆိုင်ထဲသို့ ဝင်လာကြသည်။
တစ်နိုင်လုံးရှိ ရထားဘူတာရုံမှ ထွက်လာသော လူများသည် လမ်းကိုဖြတ်ပြီး ကြည့်လိုက်လျှင် ငါးထပ် အဆောက်အအုံထိပ်ရှိ ဆိုင်းဘုတ်ကို မြင်နေရသည်။
Wan Jie Electric City ရဲ့ ကြီးမားတဲ့ ဇာတ်ကောင် ငါးကောင်အပြင် ထိုဘေးတွင် လက်လီလက်ကား ရောင်းချမှုများလည်း ရှိပြီး ဘယ်ထုတ်ကုန်ကို ရောင်းချမည်ကို အကြမ်းဖျင်း ဖော်ပြထားသည်။
အထူးလေ့ကျင့်မှု တစ်ပတ်ကြာပြီးနောက် ရှောင်လီနဲ့ တခြားသူများက အစပိုင်းတွင် အနည်းငယ် စိတ်လှုပ်ရှားခြင်း မရှိသည့်အပြင် နောက်ပိုင်းတွင် အလွန်ကောင်းမွန်စွာ လုပ်ဆောင်ကြပြီး ထုတ်ကုန်အမျိုးမျိုးအကြောင်း ပြောတဲ့အခါတွင်လည်း အလွန်ကျွမ်းကျင်ကြသည်။
ဒါပေမဲ့ ကျန်းဟွေ့က ဒီခေတ်တွင် အီလက်ထရွန်းနစ် ထုတ်ကုန်များနဲ့ အိမ်သုံးပစ္စည်းများရဲ့ တင်းကျပ်မှုကို လျှော့တွက်နေဆဲ ဖြစ်သည်။
ကြော်ငြာလက်ကမ်းစာစောင်များကို အရင်က ဝယ်သူအများအပြား မြင်ဖူးကြပြီး ထိုစာထဲတွင် ဖော်ပြထားသော ဈေးများသည် ဌာနဆိုင်များ၊ ထောက်ပံရေးနဲ့ ဈေးကွက်ရှာဖွေရေး သမဝါယမများနဲ့ ပုဂ္ဂလိက လျှပ်စစ်ဓာတ်အား တချို့ထက် များစွာ ဈေးသက်သာသည်ကို မြင်တာကြောင့် ကုန်ပစ္စည်းများကို အမြန် မြင်တွေ့ချင်လာကြသည်။
ရလာဒ်အနေနေနဲ့ ဒီထုတ်ကုန်များရဲ့ အရည်အသွေး၊ စတိုင်လ် သို့မဟုတ် ဈေးနှုန်း ဘယ်လောက်ပင် ရှိနေပါစေ တခြားနေရာများထက် ပိုရောင်းကောင်းသည်။
အနီးအနားက လူများက ဝယ်ချင်နေကြတာကို မြင်တော့ ဝယ်သူတွေက တိုက်ရိုက် အော်ဒါတင်လိုက်ကြသည်။
လူတစ်ယောက်က ဈေးဝယ်ရာမှာ ခေါင်းဆောင်ဖြစ်ပြီး ကျန်တဲ့သူတွေက အရမ်းနောက်ကျရင် မဝယ်ရမှာ ကြောက်တဲ့အတွက် ဘေးပတ်လည်ကို လှည့်ကြည့်ပြီး အရင်ဝယ်ချင်တာကို ဝယ်လိုက်သည်။
ဒီနေ့က ဆိုင်ဖွင့်တဲ့ ပထမဆုံးနေ့ ဖြစ်သည်။ ဝန်ထမ်း 17 ယောက်လုံး တိုက်ပွဲဝင်ရုံသာမက ကျန်းဟွေ့၊ ကျန်းလုံနဲ့ ကျန်းဖုန်းတို့ပါ ပါဝင်ခဲ့ကြသည်။
ကျန်းဟွေ့က နည်းပညာနဲ့ ပြုပြင်ထိန်းသိမ်းမှုအတွက် တာဝန်ရှိတဲ့ စက်ရုပ်တွေကို စေလွှတ်ခဲ့သည်။
အဲ့ဒီနေ့မှာဘဲ မြို့တော်စတိုးဆိုင်က မနက်ကနေ ညနေထိ လူတွေနဲ့ စည်ကားနေသည်။
ဝန်ထမ်းများက အလုပ်များသဖြင့် ရေသောက်ချိန်မရှိကာ အသံအနည်းငယ်ကွဲလာတာကို တွေ့လိုက်ရတဲ့အခါ ကျန်းဟွေ့က ငရုတ်ကောင်း လက်ဖက်ရည်တစ်အိုးကို အလျင်စလို ပြုလုပ်ပြီး လည်ချောင်းကို စိုဆွတ်စေသည်။
တစ်နေ့တာရဲ့ ကြိုးစား အားထုတ်မှုက ထိုက်တန်ပါသည်။ကြိုးစား အားထုတ်မှုက ထိုက်တန်ပါသည်။
နောက်ဆုံးဆိုင်ပိတ်အချိန်ထိ ဒီနေ့ရောင်းအားက ယွမ် သန်း 1.1156 ထိ မြင့်မားခဲ့သည်။
ရှောင်လီနဲ့ တခြားသူတွေက ဒိနံပါတ်ကို ကြားတဲ့အခါ သူတို့ စကားမပြောနိုင်လောက်အောင် ထိတ်လန့်သွားကြသည်။
ဒီနေ့တွင် ရောင်းရငွေက တစ်သန်းကျော်ထိ မြင့်မားနေတာက အလွန်ကြောက်စရာ ကောင်းလှသည်။
လောင်ပန် ဘယ်လောက် ဝင်ငွေရမှာလဲ။
ဒီအရောင်းသမားတွေလဲ ငွေအများကြီး ရနိုင်သလား။
ဒါကို တွေးပြီး ရှောင်လီနဲ့ တခြားသူတွေက အနည်းငယ် စိတ်လှုပ်ရှားသွားကြသည်။
ကျန်းဟွေ့လည်း အရမ်းကျေနပ်သည်။ ဒီနေ့ခတ် ရောင်းအားက အဓိကအားဖြင့် အ်မ်သုံးဆောင် ပစ္စည်းများနဲ့ နာရီများကဲ့သို့ ကုန်ပစ္စည်းများရဲ့ တန်ဖိုးမြင့်မားမှုကြောင့် ဖြစ်ပြီး အများစုက လက်ားရောင်းချချိန် တိုက်ရိုက်လာရာက် ကြပြီး သူတို့အားလုံးက သောင်းနဲ့ချီ ဝယ်ယူကြသည်။
သူတို့ရဲ့ ကျော်ကြားမှု မြင့်မားပြီး လက်ကားရောင်းချမှု ပမာဏ တိုးလာတဲ့အခါ အရောင်းအဝယ်က ဆက်လက် မြင့်တက်လာနိုင်သည်။
1980 နဲ့ 1990 ခုနစ်များအတွင်း လက်ကားရောင်းချမှုတွင် ပါဝင်သူ အများအပြားသည် ဘီလီယံနာများ ဖြစ်လာကြောင်း ကျန်းဟွေ့ ကြားသိခဲ့ရသည်။
နောက်ပိုင်းမျိုးဆက်များတွေမှာ လူသိများတဲ့ လျှပ်စစ်ပစ္စည်း ထုတ်လုပ်သူ အနည်းငယ်လိုဘဲ သူတို့အားလုံးက ဘီလီယံနာ ဆယ်ဂဏန်း ဒါမှမဟုတ် ဘီလီယံ ရာချီ တန်ကြေးရှိသည်။
သူမက အခုမှစပြီး ဂုဏ်ယူလို့ မရဘူး။
အားလုံးတစ်နေလုံး ပင်ပန်းနေကြပြီး ကျန်းဟွေ့က ပြုံးပြီး လူတိုင်းကို "ဒီနေ့ အားလုံး အလုပ်ကြိုးစားပြီး ငါတို့ဆိုင်က ဖွင့်ပွဲကြီး ဖြစ်တယ်။ ညစာစားဖို့ အားလုံးကို စားသောက်ဆိုင်ကို ဖိတ်တယ်။ ကြိုက်သလောက် စားလိုရတယ်။ ပြီးတော့ ကျွန်မတို့ ဆိုင်ရဲ့ သာယာဝပြောမှုကို လူတိုင်းခံစားနိုင်ဖို့အတွက် လူတိုင်းကို ဟုန်ပေါင်း ပေးပါမယ်။"
ဝန်ထမ်းတွေက ဒါကိုကြားတော့ ချက်ချင်း "ရှဲ့ရှဲ့ လောင်ပန်။ လောင်ပန် အရမ်း သဘောကောင်းတာဘဲ။"
စတိုးဆိုင် ပိတ်ပြီးနောက် ကျန်းဟွေ့က ညစာစားရန် အနီးအနားရှိ ကြယ်ပွင့်အဆင်ရှိ စားသောက်ဆ်ိုင်ကို ခေါ်သွားခဲ့သည်။
Yang Cheng ရဲ့ အရသာရှိတဲ့ အဆာပြေမုန့်များအပြင် Yang Cheng ရှိ နံနက်ခင်း လက်ဖက်ရည် သောက်ခြင်းနဲ့ ညနေခင်း လက်ဖက်ရည် သောင်ခြင်း ယဉ်ကျေးမှုတို့က နိုင်ငံတစ်ဝှမ်းတွင် အမြဲလိုလို နာမည်ကြီးသည်။
Yang Cheng ကို လာလည်သူ တော်တော်များများက ဒီနေရာမှာ အစားအသောက် မြည်းစမ်းဖို့ နေရာရှာကြလိမ့်မယ်။
ရှောင်လီနဲ့ တခြားသူတွေက Yang Cheng ရှိ အရသာရှိသော သရေစာများနဲ့ အစားအသောက်များအကြောင်း ကြားသိခဲ့ရသော်လည်း ဒီကြယ်ပွင့်အဆင့်သတ်မှတ်ထားသော စားသောက်ဆိုင်တွင် သွားရောက်လည်ပတ်ပြီးနောက် ဆင်းရဲမွဲတေမှုက သူတို့ရဲ့ စိတ်ကူးကို ကန့်သတ်လ်ိုက်ကြောင်း သိလိုက်ရသည်။
စားရန် အလွန်နူးညံ့သော အနောက်တိုင်း နဲ့ တရုတ်အစားအစာများ၊ ပန်းကန်များ၊ အပူနဲ့ အနံ့ထွက်နေသော အစားအစာများ၊ ပင်လယ်စာ ဂျုံယာဂု၊ ဆားအရိုးဂျုံ၊ ဝက်သားဟင်းချို၊ အမဲသားလုံးစွတ်ပြုပ်၊ အမဲသားခေါက်ဆွဲ စသဖြင့်....
ကျန်းဟွေ့က သူတို့ တွေဝေနေပြီး ဘယ်အရသာရှိတဲ့ အစားအသောက်တွေ မှာရမလဲ မသိတာကြောင့် သူတို့အတွက် အမှတ်အသားဖြစ်တဲ့ ဒင်းဆမ်းနဲ့ အရသာပေါင်း များစွာကို မှာလိုက်ပြီး ကျွေးဖို့ ဆုံးဖြတ်လိုက်သည်။
ပျော်ရွှင်စွာ အုပ်စုလိုက် စားသောက်နေကြချိန် ရုတ်တရက်လည်ပင်းမှာ ရွှေဆွဲကြိုးထူထူနဲ့ လက်မောင်းမှာ တက်တူးထိုးထားတဲ့ နဂါးစိမ်းတက်တူးနဲ့ လူတစ်ယောက်က ကျန်းဟွေ့ဆီ လျှောက်လာပြီး ကျန်းဟွေ့ကို အပြုံးလေးနဲ့ "လှလိုက်တာ။ လက်ဖက်ရည်သောက်ဖို့ ဖိတ်ခေါ်ပါတယ်။"