عند الكايد"
وصل المستشفى وهو بيموت خوف على ابوه تنهد براحه لما وصل ودخل الغرفه الي اهله مجتمعين فيها وحتى الخوذه حقت الخيل كانت عليه: بسم الله وش صاير؟ شلون صار يايبه؟
مرام وهي تضحك عليه:على هونك على هونك ياخوي شيل الخوذه طيب.
الين:جاي مستعجل ومو شايف قدامك ابوي مافيه الا العافيه بس دامه شافك بيتعب اكيد.
التفت عليها وضرب راسها:اسكتي بالبزر صدق وش صار عبدالرحمن خبص راسي اقسم بالله.
ريان:خله يجي قبل رايح بجيب ست الحسن من بيت اهلها ولا يدري وش فيه ابوي بس قلنا له وخاف بدون يجي يشوفه
الكايد:لا بارك الله فيه طيب متى بتطلع؟
ابوه:اليوم ياولد مابوه شي بس اهلك مبالغين بس يدي انرضت بس
الكايد:اجل خلونا نطلع مُخيم اليوم ونغير جو عن الخرعه الي صارت اليوم.
مرام نقزت:عاش اخوي عاش.
عند الغيد"
طلعت من النادي وهي مصدومه من امره اليوم واتصلت عليها اختها وهي تعطيها خبر عن المخيم الي بيطلعونه:اوكِ اسمعي انا خاطري بأيسكريم بجيب سيارة الي يبي يطلع يشتري بس اسمعي جيبي لي ملابس لاانو مامعي شي ولا ودي ارجع البيت بعد كمان اسمعي فيه جنب المخيم مكان كله خيول قولي للبنات نطلع نتسابق والي ماتبي تروج تلعب دباب تمام؟
تيماء:زين زين ازعجتينا يلا توكلي تبين فروتك؟ انا ونجلاء بناخذها بس اريج ماتبي بتلبس جكيتها الطويل.
الغيد:اي ماعليه جيبي لي نفسكم برد يلا دحدري وقفلت جوالها وهي تضحك.
انتهى.
#في_شتاء_عُمري_الاقي_بك_دفاي.