جُمِّلْت... أخلاقها //باللهجة العراقية //

حلقة( 59) جزء الثاني

༺༺༺༺༺༻༻༻༻༻
حلقة (59)

#جُمِّلْت أخلاقها

________________بسمه تعالى _____________'

باردة والكل نيام اباوعلهم واحد واحد الكل موجود  مسدحة حتى روسهم غاطينها ميبينون غير كود بطاطين مكودة وآنه گلبي متفركس على هاي فرخة وين راحت وياهو ماخذها، فراش واحد فارغ

عرفته فراش عمتي لأن تركتها نايمه حواليه  مرعوبة وجسمي يرعش ما ادري من البرد مدري من الخوف دخلت بكل غرف ماكو حتى المطبخ

والحمام ماكو صحت بصوت عمة يا عمة.... وين انتي بس ماكو رد، معقولة أخذتها للبستان ستغربت ما معقولة بس ماكو حل غير أدور عليها بكل مكان فتحت الباب خارجي.... هوا بارد طخني  يگص گص بداية الصبح جو ضبابي بارد ماكو شمس 

وعمتي مصيوبه ماكو بس كون الفرخة عدها، ولو ما اطلعت عدها ساعتها شسوي بحالي، يا يمه حياة الأم صعبة أثاري، شلون انطاج گلبج يزهرة....اخخخ منج  من تركتي كود لحم وراج ما حسبتي حساب زمن شلون يدولب بيهم امشي وأدردم  ويه حالي خضار بستان بارز مغسول بقطرات ندى يلمع لمع زايدة جمال، عمة عمة.... وينج انتي هنااا!!

ماكو حس يرد عليه بقيت افتر بالبستان اقتربت صوب نهر واسمع صوت طفل يبجي دوهنت وبقيت اركض مفزوعة بس لا غركانه ركضت ركضت شفت عمتي موجوده وصلت يمها والكاها غاطة لبنية بالنهر!!! ضربت على وجهي صخام صخمني

_هاي ليش هيج

_غير تتقوى عضامها

_يا عظام عمة مفركسه لبنيه ماي بارد ودنيا باردة ثلج دجيبي

اخذتها منها نزعت حجابي ولفلفتها بي وركضت بيها للبيت، عمتي بقت دردم بس بالي مو يمها رحت طيران للبيت وصلت للغرفة لفيتها لف بطانيه،

صارت حمرا  وجسمها ثلج من برودة، ما ادري هاي هم عدها عقل، أخذتها بأحضاني... ادفي يمه ما انطيج الهم يعذبوج هذول ما عدهم رحمة مو بشر دخيلك ربي شنو من گلب شايلين دقايق واجت وراي

_شبيج حسبالج راح اضرها اخذتيها واجيتي تركضين بيها، عمي هاي بت ابني ماكو اعز من احفادي

_ عمة الله هداج غاطتها بنص نهر وماي ثلج وادكولين ما اريد أضرها

_ترى زين الها يقوي اعضامها خو متردينها مايعة مثلج اصلاً خلفتي كلهم سويتلهم هيج وهل تشوفينهم صلبين جسريين ما يهابون شي ابد

_هذا تعذيب يا زين الها

_وانتي شتفتهمين البارحة صارت ام واليوم مسويه روحها تعرف هيي يا الله تريد تعلمني علمي نفسج أول آنه مربيتلي دزگت زلم مشوربة صارت لا انتي ولا عشرة منج يعلموني سامعة خبرا مالت عمر مو بيوم ويومين

_والله يا عمة آنه أربي بتي ما عليكم بتربيتها!!!

_ههههه خابصتنه بيها تررى يومين ثلاثه اكلج روحي بيتكم ما مخليتج يمي طول العمر گحط ما عدنه جهال، والله لو ما نفسه والله موصي بيها والنه أجر وثواب من مداراتج جان هسه گلت ل هبار ياخذج، ما معطلين عليج بس اكول خطيه بت هبار لازم اداريها، اسوي لعيون ابني والله فوكاها مراضيه، وبعدين انتي شطلعج بهل برد ونوب لا لافة روحج لا شي متخافين وانتي نفسه متخافين من هوا نفاس حسبالها هيين ضروسج يطيحن هرفي الوكت وعظامج يتكسرن، لو ماشفتي بتج وشطتي حسبالج بگناها كحط جهال،

_يمه خلونه نام

_وصمه تصمج كوون كومي ضاله نايمه لضهاري

_اخخخ مو بيت ميخلون واحد يرتاح، وينك هبار تعال أخذ مرتك وخلصنه

_هوو وينه ماراح لشغل مووو.

_لاا االا لااا شلون يروح ويعوفني..

_هههه شلون يعوف ست الحسن وجمال معلعلة يمي لك هبااار وينك كووووم تعال شوف مرتك
كام هبار يفرك بعيني

_شبيج يمه حسج اريد انخمد

_تعال شوف مرتك

_شبيها صخاامو مرتي

_كوووم كافي نوووم

جر روحها متنرفز اجه صوبنه وعيونه على بته حاطتها بحضني دنك طبع بوسة على خد بته وهوو ايكول

_صباح الخير بنيتي يمه شلون ترفة تخبل

_امبارك عليك جابتلك لبنيه ومتونس بيها، لو ولد سويت

_اي صدك حور مرة ثانيه جيبينه ولد

حور: مو هي سالفة بيدي

_جاا منوو غير انتي نگيتي اريد بنية ساعدني ليكول تطلع عمالة وتعبانه من البيت

_يمه عوف بتك صحتلك علمود مرتك

_اشبيها

_سبحت بتك بالنهر حتى عظامها تقوى واجتلي فايرا ليگول بايكتها وتراددني فوكاها!!

_شنووو!!  مسبحتها بالنهر وبهل البرد صدك جذب يمه مشوفينها ترفه هسه وكت سباحة

_شوف هذا ثاني انتم شفهمكم

_لا بس انتي تفتهمين باردة، باردة يا سباحة هسه عظمها ترف زين ما موتيها

_عيني طفل ما يحس بالبرودة

_لا صدك، والله انتن عجايز مصيرلجن جارا.
_ما مربيه قبل اول مرة

_اووو راح تزعل علينا ست الوالدة

_اروح احسلي وهاي بتكم بكيفكم ربوها مثل ما تردون آخر عمري يعلموني على تربيه.

عافتنه وطلعت...

_احنه نربيها احسن تربيه اكلج هي شسمها

_سوي روحك متعرف اسمها

_حتى نسيته

_مسرا

_شنوو معناتها

_راح تحول حياتنا كلها افراح ومسرات

_ايبااه واسميها سعدية بدل هل اسم صعب

_مسرا اربع احرف وين صعوبة

_اوووف بكيفج بس الولد معليج آنه اسمي مريد ابني سمينه بهيج اسماء فاهيه

_اي بلا شسمي

_اسد نمر هيج اسماء،

_اعوذ بالله اسماءك متوحشه

_احسن من اسمائج المايعة ابني اريده خشن

_اي بركة بأمك تغط بنص النهر 

_لا الولد تغطه بشط العرب حتى يقوي اعضامه احسن

_والله امك بلوى

_اششش اجت اجت، هاا يمه شجايبتلها بعد

_والله گلبي ما ينطيني اعوف هل بنيه بيد مرتك المايعة جبتلها حليب دافي دفي بطنها واله هاي مرتك هلضعفاتها وتريد لبنيه تشبع منها

_منين جبتي هذا الحليب من هايشه

_اي تازا توا حلبته انطيني نطيني خلي انكطلها

_عمة توها راضعة وهذا حليب دسم

_انت ما سكت مرتك ام حلك الفاهي

سويت حركة بوجهي ما عاجبني وهي جرت لبنيه مني باوعت على هبار صافن على وجهي سوا حركة بس حتى اسكت

هبار: اكول يمه قصرتي لو ماخذتها وخالتها جوا هايشه وهم ترضع منها احسن من ما تعبتي نفسج ورحتي حلبتيها

حور: هبااار

_لا تخافين ما اسويها مو كعدتي تخوزرين ابني

هبار: اشبيج حور خليها  حتى اصير بت هايشه مو بتج

طكتها عمتي ضحكة وهي ادكول

_تحن على هايشه اكثر منج

هما يضحكون وآنه متنرفزة من وضعهم بقينه يومين يمهم ومطلعت عليه يومين كأنها سنة...

_وهاي بتي نورت بيتها

_اخخخ من امك مدري ليش ما طايقتني

_لو عمة حبت الجنة جان ابليس دخل للجنة، هاي مثلها دائماً ادكوله للجناين فحالج من حالهن

_ما معطله على حبها اهم شي تتركني لحالي كافي عليه ابنها

_ليش اشبي ابنها

_ترى ما ناسيه ذيج لليله من كلت سطيت على بيت يعني انت من تطلع نص الليل تروح تبوك

_وانتي ما قصرتي رحتي شهرتيني شهيرا نص مستشفى عرفو هبار حرامي، هسه عوفج من حرامي سويتيني نذل وحقير

_شسوي من كثر ألم

_وما لكيتي غير هبار

_لتغيير سالفة انت حرامي

_لا مو حرامي

كالها وطلع من البيت

_اي اشرد يا هبار وين تروح تاليتها راجع يمي ايصير خير

"" ""

اول ليلة الي بيت اهلي لا فراشي نفسه ولا جهالي يمي كل شوي افز ما غمضتلي عين سمعت أذان الفجر كلت اكوم اذكر ربي، هدوء البيت الأبرا اذا طيح ينسمع صوتها رحت توضيت سمعت صوت

عماد بغرفته وهو يصلي ويتلو ايات بصوت خاشع يريح الگلب بقيت واكفه استمع صوته والله زمن خله عماد بهذا ايمان الفضل كله يرجع لنرجس هي علمتنا على حب الله وعلى التزام بصلاتنا وزرعت ايمان بگلب عماد،

توجهت لصلاتي واني فرحانه ل عماد على هذا تغيير صارله، كملت صلاتي وطر الفجر وكشف الوكت وآنه احوس بفراشي اريد واحد يكعد ماكوو لهناك يلا سمعت طكطكه عرفت اكو واحد كعد كمت اشوف منو منهن كعدت توجهت صوب المطبخ جان الكا عماد

لازم قوري جاي بيده وجاي يسوي الجاي

_صباح الخير

_صباح النور قندة كاعدة شعجب

_سمعت حركة كلت اشوف منو كعد

_حسبالج نسوانه يكعدن لج هذن يسهرن لوجه الصبج مكابلات تلفزيون والصبح نايمات اكوم اسويلي لكمه واروح لشغل

_سودة عليه انطيني، انطيني آنه اسويلك اليوم

_شعجب ما نايمه

بديت اسويله ريوك واحجي ويااا

_انتم مدللينهم وما عدهن عمة تكمز فوك روسهن من الصبح، شايف اذا أخذتني نومه وما كعدت ساعتها ليكول مسويه جريمة

_اوو، شسالفتها والبقية شلونهم وياج

_كلهم زينين بس عمتي حاقدة عليه من يوم زوجت بي ومن عرفت سالم مزوج حقدت بعد اكثر

_لأن ما زوج بتهاا موو عرفت سالفة سالم وابوي عوجه من راحو حجزو لبنيه وتالي ماخذاها

_شكد حجيت ويه سالم تراجع انت ما هاويهه شكو توكفوها جان ما صار الي صار نوب عمتي كل ما حجت وكالت ما ردتج لبني بس ابوج قنعنه ياخذ بتنا

_قنعهم لو رادوها من الله حتى ما يدفعون بيج مهر

_حتى ابوي استغرب من اجالي وشاف حالي مو
مثل نسوان ليعرسن لا غرفة مثل عالم لا هديمات وعلوا راضيه لا يوميه مطلعتلي مصيبه شگون احجيلك خليها مطبطبه واله هاي مصيبه أخيرة شيب الراس

_شنو من مصيبه يا ستار

_اتهموني بشرفي وركبت عار امي براسي وبديت اسولفله كل سالفة

_الله لا ينطيهم لا تخافين الله موجود ويكشفهم الج، هو انتي غلط تزوجين واحد يعرفنه يبقون عايرونج بسالفة امج

_ما ينسوون هاي الناس اخخخ منهم

_ههه السوته مو شويه، نوب شايفه هاي الناس العدها غيرة طمطم سالفة الا كرابتنا ما يطمطمون سالفة لا يفضحوج فضيحة، واحد يسولف للثاني

_ليش هل حقد.

_ليكول احنه مجرمين وياها بنفس جريمه بس اخخخ منها شكد حذرتها

_منوو حذرتها

_زهرة 

_ليش انت تدري

_اي جنت اشوفها من تلتقي وياا، وتهددني اذا أوصل ابوي عوفج من هاي سالفة

_اخخخخ شكد شايل بكلبك يخوي،

_كرهت نسوان كلها

_اي كرهتهن وآنه شفتك شلون تتراجف على وجدان البارحة

_لج هاي غير هاي روح وريه تعب سنيني هاي حاربت نفسي واهلي في سبيل احصلها ومن صارتلي صرت اسعد انسان

_االله يحفضها الك شلون صارت

_زينه الحمدلله  بس ما مصدك راح اصير ابوو

_كبرنا يا عماد كبرنا

كملت سفرة وكعدنا ناكل ونسولف لهناك كعد سالم واجه ياكل ويانه سريع وكل شوي كال يلا تأخرنه

_انت كل يوم ادكول تأخرنه

_لا يوم نرجع من وكت لهيج اريد اروح من وگت خف ايدك عماد وانتي قندة عاشت ايدج من زمان ما ماكلين من ايدج

_صدك ذكرتينه بأيام قبل،

سالم: زمن تايرات محركه

قندة: اوو لا ذكروني

_خرب هاي بعدها من تضحك تهتز نوب سمينه ومنا تنهز راح  ايصير هزة ارضيه،

_لك عماد كافي راح تموت علينا يلا مشينا نروح
مسحت دموعي مال ضحك ودعتهم ب الله وياكم راحو وعافوني وحدي بهذا البيت، غسلت اماعين ريوك نضفت المطبخ طلعت شمس طلعت بالبستان واتحسر عليه جان ابوي ايده بي يخبل من زرع وهسه يابس

مابي روح رحت صوب وردة بنفسجيه الي تحبها آمنه حتى ما لكيت الها أثر، كلشي يروح اذا انسان شال ايده وما اهتم بي باوعت صوب بيت ام ضاري البييت مثل مهجور معقولة محد بي رجعت للبيت خايب ظني كلشي يتغيير بمرور زمن محد يبقى على حاله، دخلت للبيت هدوء كل نيام كعد ابني ولتهيت وياا الا أن كعدت دجلة وكبل وجها للطبخ شوي لكيت ونيس اسولف وياها،

لهناك يلا كعد سليم وفز من شاف نفسه متأخر، وطلع على سريع حتى ما أكل شي ويه آذان ظهر، رجع دخل للغرفة وهو يصيح

_قندة، قندة

_هاا سلووم

_مدام انتي هناا تعاي ساعديني

_وين رحت

_مواعد ولد بعتله دجاج

_ياا شگون سويت انت مو تحبهن

_بس احب خوخه اكثر

_هسه شتريد اسوي

_نظف الغرفة

_وغراضها وين وديهم

_بالمخزن

_انتضر الولد هسه يجون

_ما اريد احد منهم

_هاي هي امشي

بدينا نعزل الغرفة ربع ساعة ودخلو الولد

سالم: هاي شنو شصاير هناا

مدنك راسه يحجون وياا ميجاوب ضرب سالم على باب حيل

_غير يحجي ويفضها

قندة: خويه على كيفك بس هو يريد يعرس بهاي غرفة ويريد يرممها

_وما يعرف يحجي ايبلغنه لو بكيفه يتصرف

سليم: غرفتي هاي ورايد اعرس بيها شنو ميصير

_اذا تعرس هناا ما فكرت بخواتك من يجن وين نخليهن بالمطبخ ينامن

_شنو تريدني ابني

_اي حالك من حالنه ابني

_ما عندي فلوس

_شلون تعرس

_بعت دجاجات وراح أرمم الغرفة

_وفلوس مهر وفلوس غرفة وباقي تكاليف زواج هي اذا على غرفة سهله

_ليش آنه قابل يتيم مو عندي اخوان وابو

_ابوي من تحرك من هذا البيت كال كلمن ويكوون نفسه ويزوج وهو يادوب كادر يعيش العنده

_عوفك من ابوي انتم تشتغلون عدكم فلوس زوجوني

_اي ما ناسينك نزوجك بس انت بعدك صغير كمل دراستك وذيج ساعة ازوج

_اشو انت ما مقتنع مو اكلك بطلت

ركض فتح كنتورا طلع ورقه منه ونطاها بيد سالم

_شوف حتى صدك هاي ورقة فصلي من مدرسة
_ليش هيج دمرت مستقبلك واحنه حاطين أملنه بيك ونكول راح يتخرج

تالي تطلع مفصول وليش، فصلوك

_من كثر غياباتي، اشتغلت وجمعت فلوسي وهسه بس اريدكم تخطبولي عود العرس الله كريم.

عماد عصب رفع ايده راد يضربه وكال استغفرالله

عماد: وصلت سادس ومضل شي حتى تتخرج وتاخذ شهادتك وترفع روسنه تطلعنه بسالفة عرس ليش، طايرا هي بس كلي

_مااريد يتعدى يوم وهي مو يمي انتم بس هموني

سالم: شنفهم هاي عماد كدامك هم جان ميت على وجدان وشكد بقى مو سنين هسه ما ازوجو

_آنه غير اختلف على عماد، ما بقيت استوعب
الدراسة ولا رايدها طيفها يلاحكني بكل مكان ما اكدر استغني عنها ولا لحضة انتم مجاي تفهموني شسووووي بس حتى صدكون

سالم: اششش كافي اعصابك هاي حياتك واحنه علينه نصحناك متريد دراسة شراح تشتغل واذا زوجتها شراح تاكلون

_اشتغل اي شي

عماد: سليم بطل عناد زواج ماكو وآنه باجر رايح للمدير وأقنعه يرجعك

_انتم لازم توكفون بطريقي ما اريد ارجع للمدرسة افهم عماااد

_ترجع غصبن عليك وزواج ماكو

ركض طلع مسدس حطه على راسه صرختتت لا سليم

_طلقة وحده براسي واخلص منكم ومن دنيا

_هاي كله علمود عرس

_اي وتعرفون كلش زين اسويها وساعتها كولو عدكم آخ اسمه سليم وترحموله

تقرب سالم  منه نزل من ايده مسدس، وصاح عماد عوفه كاافي بعدين اروح ابوي واگله، على شنو بعد تكتل روحك

_اذا طلعتو جذبون عليه، انسو اخوكم سليم والله اكتل نفسي وأخلص

_كتلك اروح ابوي ويصير خير، وانتضرني الگالي بيت واطلع مناا

وانت اخذ غرفتي

عماد: خيولي علمود هذا تعوفنه وتطلع

_لا مو علموده بس آنه مقرر من زمان لشوكت يبقن نسوانه يتعاركن وحده ماطيق ثانيه عاد نبعدهم ويصيرن حبايب.

يحجي بصوت ناصي حتى لا يسمعن
_والله ما ادري شبيكم

_صدك احسن النه يعني انت ما جزعت من مشاكلهن

_متت منهن

_هاا،  نوب خاف من وراهن نتخارب احنه

_هاي هي بكيفك الي تريده سوي

تركنه عماد بأعصاب فايرا وطلع من البيت الوضع توتر،

_بعدين اروحةابوي ويصير خير

قندة: من تروح انطيني خبر اروح وياك بيت ابوي

_ليش ضجتي موو هم حكج شفتي منه بس عرايك من امس لليوم

_لا بس اريد اشوف ابوي كلبي طاك عليه

_هاي هي، شوفيهن مخلصن زغنبوت متنه جوووع
بيومها مدينه سفرة لا عماد اكل ولا سليم بعد الصار الواحد ماله خلك ياكل بس مجبور سد جوعته
للعصر رحنه بيت ابوي جنت حيل فرحانه بشوفتهم وهماا هم فرحو من شافوني، واخواني صغار كل شوي حاضنه واحد بس حضناتي ما يروي اشتياقي
بده سالم يحجي على سواية سليم والكل يستمع وبس خلص سالم حجي انتفض ابوي وهو يكول

_ما لكا الا هاي يزوجها آنه اعلمك سليم وطلع وسالم.راح ورا ونرجس صفكت ايد بيد. وهي ادكول

_راح عصبي ابوج بس لا يصير شي

_لا اشبيج ما يصير شي

_ان شاءلله،  تعاي كولي شلونهم عيالج وياج.

_اوو خليني ساكته بس نرجس واعرفها مثل ام النا تحب تعرف كلشي يخصنه وبديت اسولفلها عن وضعي

_وينه هذا سليم

_هلا بيك عمي هذا هو موجود

دخل سريع بس شافة عاط

_عايف دراستك وتريد تزوج

_ي يبااا اريد ازوج

_ازوجك بس مو هاي طايشه،

_لا يباا ما اريد غيرها

_واذا اكلك ماكو حل غير زوجني، شوف يبااا جمعت فلوسي بس روحو ويااي

_يباا هاي ما تفيدك مو شايفها تجينه
شكد شايله دلع وتكبر واله شقاها الماصخ
حول طبع فلوسه وهاي فلوسي جاهزات بس اريدكم تخطبولي وهذا سالم اجه

_ازوجك احسن منها بس فك ياخه منها، 

_ما اريد غيرها، واذا ما زوجوني بطلقة وحدة اكتل روحي

عاط عليه وهو ايكول

_لو هذا مركب لو ما اركب،لو هاي صلفه لو ما تزوج

_لو هي لو اكتل روحي

_هي هاي تربيتي الك ترفع صوتك عليه علمود ابنيه
_عماد من راد وجدان محد وكف بطريقه ليش

وهنن مو خوات

_افهمني يبااا ما تناسك

_وآنه شايفها تناسبني ورايدها،

عاط عليه وتركه وطلع وهو ولا يمه...
يوم كامل شوي نسو سالفة مرتاحه بيت ابوي بس بالي يم جهالي وفجئه ندك طلع سليم معصب ولعيون حمر فزينه لما شفنا

_وين ابوي

نرجس موجود تعال يمي شبيك هيج معصب
_محد حاسبلي حساب حسبالهم زعطوط كدامهم
_ليش يمه تحجي هيج

_تدرين كلش زين بالسالفة

_اوووف تريد نصيحتي يمه هاي لبنيه مو مال زواج بنيه طايشه ما تنكحم والله شايفها من تجي هنا ما تحترم هذا ابوك تشاقي وشقاها يفشل وانواع الغلط تغلط وانت تريد تزوجها طبعاً ما يقبل

_انتم شعليكم آنه اريدها

_ليش شعلينه مو اهلك احنه

_امي ماتت من سنين، انتي مو امي معليج لا تدخلين وكافي طايحتلي يمه ويمه آنه مو ابنج.
تركها وطلع وهي تغيرت ملامح وجها قندة: لا ضوجين منه لأن صاير عصبي كال هيج

_لا على شنو اضوج بس انتم كلكم ما معتبريني امكم

_لا شلون انتي اجيتي وحتويتي عائلة بأكملها واذا على كلمة يمه ما ااكولها، اعتبرج صغيرة وفشلة اصيحلج يمه

_اهم شي كبرتو وصرتو ما تحتاجون احد
_لا احنه محتاجينج ولا ضوجين من حجي سليم ترى هسه هو عصبي

_لا شيلين بالج الام ما اضوج من ابناءها، امشي نشوف هذا لمخبل شعنده ويه ابوج.

اثنين واكفين نسمع ولا واحد دخل بينهم اثنينهم عصبين ابوي رافض وسليم قافل  وهو يكوله ازوجك احسن وزاد نقاش ختمها سليم هو ايكول

_انسه بيوم من ايام عندك ولد اسمه سليم وترحمولي وياكم وطلع.

ابوي ضل ايدك على راسه راح ابني راح

ابوي نجبر يوافق على زواج سليم ولا يخسر ابنه بيوم ثاني أخذ سالم وخطب خوجه ل سليم وقررو مشيه ورا يومين وفرح سليم بزواجه من خوخه..

_لج صبيحة كبرتي انتي بقيتي ما تفيدين

_اصلاً بعدني بعز شبابي

_اي صح هاي سعفه ما كدرتي كسرينها

_لأن مو دبدوبه مثلج

_لا عظامج خاويه يلا وردة جيبي عجين جيمت وعلكت التنور حطبات راح يصيرن رماد

وردة مناك واصيح

_ هاي آخر روايه بيدي

_يلا فضيها بسرعه

_اي آمنه شعندي مشغله مكينه هاي سرعة ايديناتي
_تجين لو اصيح عمي

_يبوووي جايه جايه

_ الخوف يعمي شوف

صبيحة: هيج ابوي راعبجن

آمنه: بس سلمولي هذا شويب بيدي اله ألزكه مكان العجين بالتنور

_لا تحجين على ابوي

_هسه اغطج هنا بتنور انتي وابوج

_آمنه

أخذت العصا وصرت أقلد عمي بمشيته بحجيه

_لج أوريده ليش ما لابسه جواريب مغطيه رجليج مو عيب حماج بلبيت وبعدين آنه شكلت ركبتج تغطينها مو بيضه تلج من بعيد.

_حاضر عمي انت بس وخر عينك مني ولا صير زايغ، عيونك راح يرحن من كثر ما مركز بينه

_احترمي نفسج لا اجي اكطع هاي على راسج

_ما فالح بس بتكطيع العصا على روس اوكف حدك عمي لا اجيب اخواني شنقوك من ركبتك ويعلكوك

اصبيحه: اي لو غاب قط العب يا فار خبزن خبزن كاعدات تتحجن اتحداجن تحجن وياا هيج

وردة: والله اجيب اهلي عليه بس هاي مسكينه اهلها فقرة

_اهلي صح فقرة بس عندي السان وادافع عن نفسي بس مرات الواحد يتعب ويخونه تعبير وايصير طعم لأعداء

_معركة داخلين ويه بيت حوثي مو بيت كطيعه كون هذا رجلج اجه أمنوو

بقيت اخبز وهي تشلع الخبزة واصبيحه مكابلتنه اجه عز الدين تقرب صوبي

_الله يساعدهم، ومد ايده ياخذ الخبزة عاطت عليه ورده

_لا تاكل من هاي تموت مرتك

آمنه: عساني اموت وأخلص منكم

عز الدين: جا ما آكلها أخاف على مريتي

_يمه الحب يمه

آمنه: كلاوات

_اه كلاوات، مو جايبلج خبر حلو

_شنو خبر يخص اهلي

_اي

_كول شنو

_سليم باجر خطوبته

ضربت على خدي عزا عزاك سليم شيخطب هذا مو بالمدرسة

_والله اليوم كلولي باجر خطوبته حضري روحج أوديج

_لا تشاقة وياي

_جاي احلفلج

_ياخذ خوخه هاا

_اندري خوخه مدري مشمشه

وردة: دوهنت لبنيه بهذا خبرك

_بلا شعليه ما على لرسول الا بلاغ كملي خبزاتج ومشينه.

بقيت مصفنه ما متوقعه سليم يزوج وبهاي سرعة بس اكيد خوخه تارسه عقله وخلته يترك المدرسة اي ماكو غيرها اخخخ منهن النسوان، كملت خبزاتي وحضرت ملابسي وتوجهت بيت اهلي، عرفت قنده موجوده بيت ابوي وأصريت اروح بيت ابوي لزمت سليم ألومه جان هواي حجي بداخلي بس من شفت ابتسامته وفرحته مردت أخربها باركتله وطلعت،

واجتمعنه آنه وقندة بيت ابوي وخلصنه الليل سوالف وضحك جان ناقصنه حور

_لج هاي مو حور صارت مرت هبار
شلون هبار هوو

_ما تجي

نرجس: لا ما تجي توها والده شيجيبها
_خلي نخلص من خطوبة سليم ونروح،
_شعجب ما بقيتي هناك

_يا يمه مشتاقتلج هوايه كلت لازم اروح اشوف امي

_عن لعيارا وكولي ما تشتهين ادكابلين وجدان ودجله

_لا يمه نسوان اخواني شريد منهم بعدين تدرين علاقتي بوجدان مثل الفار والبزون ودجله احبها هواي

قندة: بعده لسانج طويل
_لا زاد ضعفين من ورا ابو علاء وابنه

_اشبيهم غير مشيبتهم انتي

_ابو علاء ما ينجرع مثل نار نهار وليل تلهب، وابنه ابرد من ثلج آنه شصير

_تحركين بكلبج

_عليج نوور

_نامن باجر وراجن خطوبة

_ليش يمه ما ترحين

_لا ما اروح

_هاا ليش

_سدي موضوع نامي

تركتنا وطلع وسولفتلي قندة خلاف بينها وبين سليم

وبيوم ثاني رحنه وبسه ونورس راحن ويانه وامي ما قبلت تروح، سليم من شافها ما اجه تركنه وراحلها

_زعلانه مني هيج ما تحجين وياي ولا تباوعين بوجهي أهون عليج مو ادكولين ابني، ايصير اليوم اعقد بدونج

_لا منو كال امك عندك خوات هنن بدال امك

_بس آنه اريدج انتي، انتي امي ربيتيني وهذا احلى يوم ما تكونين وياي

_لا روح اخذ الي رايدها كلبك آنه شنوو

_ما قابلة موو

_لو شايفتها تصلحلك جان بنفسي رحت خطبتها الك الشي مراضيه بي ما اروحله

_ادري انتي زعلانه عليه لأن حجيت عليج، عذريني يمه

_ابوك وخواتك كلهم وياك معليك مني

_كلكم وكفتو ضدي بس راح اثبتلكم هي تستاهل كلشي اسوي ومناسبه الي راح يجي ليوم وتتندمون لرفضكم الها شوفو بعينكم، ركع الباب وطلع

بسة: صعدنه بالسيارة الي هي بس وحده ما عزم ناس غير احنه وبيت عمي ابو رافد، امي ما قبلت تجي وسمعت اشكال الحجي عليها وبدل ما افرح بالخطوبة ضجت من كلامهم على امي وهما ايكولون مرت اب بعد، محد كال هاي بتها خطيه تسمعنه واحنه نحجي عليها لا الكل نظر امي بنظرة حاقدة

وصلنا للبيت اكثر خطوبه باهته خطوبة سليم، اول وحده نزلت، سمعت عمتي وهي اصيح

_اجوو دخلي بدلي لا اصيح ابوج عليج ما ادري عليمن بس صايرا عصبيه ومن شافتنه داخلين حولت عصبيتها الى ابتسامه، بقينا كاعدين لهناك يلا طلعت خوخه لابسه تنورا وقميص لبس عادي ومحاطه اي مكياج على وجها وبس واحد يحجي وياها نترت وامها ادكول عوفوها هاي دلوعة،

آمنه: واذا دلوعه المن تعرسوها خليها تدلع عليكم

_هو منو دلعها غير اخوج نهار كله يمها ويجيب ويخلي بيدها روحي شوفي غرفة متروسه العاب وهدايا.

سكتت آمنه والوضع معاجبها صاحو عليها يمهرهم السيد، أخذوها وراحو شوي وكامت الهلاهل من كل صوب

وبدن البنات يشغلن اغاني ويركصن مطولنه هواي ورجعنه للبيت كلنا فرحنه على فرحة سليم الي كان طاير من فرح وايكول أخذتها

_خوخايتي صارت مرتي

وقصة حبنه راح تنتهي بزواج

رجعنه ويه ابوي لبيتهم، وبدينه نسولف ونضحك على خطوبة وامي ويانه

_يمه ليش ما اجيتي فاتج

_بعد، والله فرحانه على فرحت سليم الله يسعده شريد منه

_يمه تدرين ما حسيت بيها فرحانه عروسه ومزوجه على حب وهيج ضايجه

_تدرين بنات عمتي يحبن نووم تلكيها ما نايمه لأن شكلها مثل لمنعس

_لا قندة حسيتها مراضيه

نرجس: تلكى احسن منه وبجمالة

_مادري والله

_لا ادكولين هيج تمنوله السعادة

_والله لو حور موجودة

_اشبيها، باجر اروحلها

_اخذيني وياج

_نامي تبقين تحجين وتتأخرين وما ادكعدين اعوفج واروح

_لا لا اروح اريد اشوف حور وهي أم شلون حالها
ضربتني امي بالمخدة

_مثل حالج مخبلة الولد

_لا يمه حور امفهيه تلكينها بس يبجي ضربه راجدي
_اي بعد انتي مجربه ضربتها

_اخخخخ ايديهه اضعاف ليكول بيها حديد مو عظام

_اي وهسه صايرا فارا كدام هبار

_أنكووو.

_وثول نامييي

_هاي خبالي يطلع تالي ليل

_الله يساعده

ضحكنه عليها وبيوم ثاني توجهنه الحور لابسه
عباتي واصيح يلا آمنه فضيها

_اي هسه بس انطيني مجال

ابو سالم: هاا يباا وين رايحات

_يم حور

_يباا آمنه كايله رجلج

_يباا ما يحجي من ارجع اكله

_يباا ما اريد اصيرلج مشاكل وانتي كلما تجين عمج يجي وراج يراقبج خاف طلعين

_شلي غرض بي رايحه اختي مرايحه الغريب
_ما يقبلون

_يا يباا هسه هو وين يدري

_ما تعلمين على ساعة وهو هناا

_من يجي كلوله نايمه بالحمام اي شي المهم اطلع مو جزعت نفسي

مع سلامه يباا

_تندلون بيتها

_هاي بسه ويانه

_الله وياكم  وصلو سلامي لحور

_يوصل

راحن مناا واندك الباب ودخل ابو علاء بحجة ايشوف حفيدة،

استقبلنا... بروح طافرة ونعرف شنو غاية هاي جيه

_نورس يمه صيحي ابوج كوليله ابو علاء اجه
ركضت نورس صوب بستان وهي اصيح

_يباا يبااا اجه ابو علاء

_لاااا، مو كتلها لا ترحين هسه شيخلصنه منه بقى يصفك ايد بيد

شكولة....

يتبع...

برأيكم تصرف نرجس صح لو غلط؟  صح هي ثبتت انها  مرت ابو؟ لو حرصاً عليه؟

لا تنسوون تفاعلكم وانتضرو الحلقة 60 قبل الأخيرة....

وكل عام وانتم بالف خير سنة سعيدة عليكم يارب..