༺༺༺༺༺༺༻༻༻༻༻༻
حلقة (55)
#جُمِّلت أخلاقها
✍🏻كاتبة الجنوب
______________بسمه تعالى _______________
صوتها الناعم مثل صوت الأطفال
نعم إنها طفلتي المدللة إعتنيتُ بها الى إن كبرت وأصبحت كقطعة سكر الكل يطلبها لكي تحلي أيامه لم أحافظ عليها فذابت هذه قطعة واصبح مكانها مراً لا يطاق
_أيسرر!!!
_لا الوريث يمريتي
لحضات صمت رجعتني لياا ساعة ولياا وقت أيامنا الحلوا مجنت اتوقع راح أودعها مجنت أتخيل راح تروح لغيري لو أدري جان ما تركتها ولا ثانيه.
_شذكرك بيه
_شذكرني وآنه شوكت نسيتج حتى اذكر، كل يوم أون عليج كل يوم، آمنه ليش تعوفيني جمعت فلوسي وإجيتج ملكيتج كبرتي ونفس هاي السنة منتضرينها من السنين اجت بس انتي ماكو كملت غرفتي، الي بكل زاوية رسمت بيها حلم يجمعنا كلشي صار مهيأ، إلا انتي ردتج تنوريها بجمالج وتعطرينها بعطرج وتملينها بضحكاتج،
_أيسر إنساني
_أنساج شنسه منج وآنه فتحت عيني لگيتج كدامي ساندتني الكل عدها اصدقاء بس آنه إتخذتج صديق وكبرتي وكبر حبي وياج وصرتي مو بس رفقية دربي رفيقة روحي ما اتحرك بلياج زغيرونه جنتي طفرين گدامي توكعينه بمصايب
_اششش كافي
_لا مو كافي جنتي زغيرونه وكتيلي احبك وحفرتيها بگلبي وروحي من زغر آمنه تحبني ماكو يوم جبنه طاري فراگ ولا توقعت بيوم تزوجين غيري، شوفي هسه وين صفينه، سميتج مريتي وانتي طفلة وكبرتي وصرتي مرت ذاك ما يعرفج ولا يعرف اكو واحد ينوح عليج صرتي مرت ذاك الما يعرف لوعات الحب ولا ذايك مرا اجه وخذاج على حاضر
_أيسر كافي، كافيييي...
صار هدوء توقعت خلصت مكالمة اجيت اسده سمعت صوته وهو يكول
_زغيرة، جنت وانت زغيرون
حبنه بدا بنظرات العيون، كالو ترى ذوله يحبون من الزغر لما يكبروووون..
شهكاته مسموعه اول مرة اسمع صوته وهو يغني اول مرة اسمعه هو حزين، أخذ ونفس ورجع كال
على الجرف قعدنا ليالي .. ذاك النهر والنخل عالي
تغيرنا واكبرنا ياغالي .. ظل النهر والنخل عالي
مثل نجمة والقمر .. كبر حبنا وازدهر
بعيونك حبيبي .. نبتدي دروب السفر
_ هاي اغنية كل ما أسمعها اذكرج كأن نكتبت النا كعداتنا على جرف نهر و الأول ما تعلمت السباحة جنتي انتي سبب آمنه جنتي ما تتحملين زعلي، تراضيني حتى لا اضوووج تعاي شوفي حال أيسر شلونه بلياج، عايش على ذكراج ،
زادت شهكاته طفيت المكالمة وغلقت جهاز كله، لكيت نفسي غركانه بدموعي شذكرك بيه أيسر منين طلعتلي اليوم،
ابني يبجي وآنه ابجي وياا، لا دموعي ينشفن ولا دموع ابني لحضات ودخل عز الدين ردت اتمالك نفسي واسيطر على دموعي بس ما كدرت
_شنو صاير عدكم فاتحه اجيبلكم ملايه، شبيكم تبجون
_ما ادري بس يبجي ما يسكت
_خوش والله وتبجين وياا، انطيني ابني والله بلوا اسكت ابني مدري مرتي ياهله وحطو بحضنها ياهل والابو يبتلش
مسحي دموعج مسحيهن خرعتي الولد، وانت ثاني آنه مو كتلك صير زلمة كاعد بحضن امك وتبجي شنو هاي ، اي عفيه صير سبع ابني زلمة
هاي شوفي خليته يضحك، شلون گشرا حلوا مثل ابوه ابو گشرا، شبيج تباوعين معاجبج مو، ختولي هاي امك ام دميعه ..
مسحت دموعي ابتسمت ابتسامه صغيرة
_اي هيج اريدج آمنه القوية ام لسان ما يطيح دمعتها اكبر واحد بعد مو ياهل زغيرون خليج قوية مثل النار شكد ميذبون بيها تاكله أكل وتحوله رماد..
كلتها بإبتسامة (أريدج نار گبرا تلهب لهب)
ضحك وهو يكول
_حافظة الدرس عدل
_بس ابوك يا عز الدين حتى لو صرت نار مراح اكدر عليه
_افااا انتي بت بندر مدكدرين على زاير وهو رجال شايب
_كلماته سم من يكولها، بعدين انت ليش متوكف بطريقه لو ابوي ما كادر بس على امي
_ابوي واحترمه، تركني وطلع
وآنه اصيح
_اخخخ من برودك اخخخ
لتهيت بأبني وباقي شغل ونسيت موبايل لليل حطيت راسي ارتاح، ذكرت موبايل اوووف شهل نسيان عندي بقيت ادورا بالغرفه ماكو اختفى ماكو اله أي أثر، لطمت على خدي بس لا عز الدين ماخذة
لا، لا ما يسويها تركت الغرفة بقيت أدور خارج الغرفة،
_شجاي دورين
_اصبيحه مشفتي موبايلي
_لا وين شفته
_عمة انتي مشفتي
_وآنه شسوي بي حتى آخذه لا اعرفله ولا شي انتي ورجلج نهار كله تتخابرون
_اووو عمه جاي اسئلج آنه اذا شفتي قابل كتلج ماخذته
_امشي بغرفتج ندورا آنه وياج وين يروح قابل يطير تلكينه، تلكينه بس انتي منثوله حتلو كدامج مشوفينه..
دخلنه للغرفة بقيت ادور وهي دور وياي لهناك كالت
_هذا هو
_وين لكيتي
_هناا مشفتي صاير جوا لفراش
خبصتينه اروح انام احسن
_اووو انتي ثانيه مشفته، بعدين هسه وكت نووم توا ظلمت الدنياا
_اووو انتي بطرانه بيه حيل أسهر،
تركتني وراحت فتحت الموبايل لأن جان مقفول اجتلي رسالة من رقم، فتحتها مكتوب
_لا تخافين مني بس حبيت اعرف اخبارج مرتاحه وياهم لا
وهذا رقمي حفظي يمج، أيسر بعده على كلامه شوكت ما تخافين من شي بس صيحي أيسر، وراح تلكينه موجود ما أخلي احد يأذيج .
فرحت بكلامه وحسيت بأمان
رديت عليه
_زينه الحمدلله ومرتاحه وهذا رقمك حفظته يمي.
رد عليه بسرعه!!!
_اذا احد مو زين وياج عوفيهم ما مجبورا تبقين، ولو آمنه اعرفها ما تسكت اذا احد ضرها تاخذ حگها أضعاف
_ان شاءلله، بس تعرف العمر اله دور وآمنه مو نفسها ذيج لدور مصايب
_خليج هيج مرتاحه احسن
_اي
_ما ودي اروح احب اسمع كل أخبارج
_اخباري زينه
_بس گلبي كارصني عليج، الله عليج اي احد يغثج كوليلي عليه
_اي
_لا تختصرين احب اسمع اخبارج، آمنه
_هاا
_لا تعوفيني خلينه نتواصل
_خوش.
وانفتح الباب...
_انتي هههييي ليش اصيرين خبيثه والله لأخلي يرجعج منين ما جابج
_ليش شسويت
_الله فقيرة خطيه ولج انتي مثل الحية دخلتينه بس صوج هذا الفاهي مبقيج على ذمته
_عموو
_عمه عماج لا عمج ولا شي، جابج وخلاج عله على گلبي
_اوووف غير افتهم شمسويه
_اول شي غطي رگبتج وانتي تحجين وياي بس مگيوله تطلع البنت على امها
_وهاي لبسنه الحجاب، احجي يا عمي المحترم شمسويه
_منو داخل بنص البستان، مخرب الأكو والماكو
_اول شي من تريد تدخل اكو باب يندك يا محترم وثاني شي انت شفتني بعينك حتى تجي تتهمني
_شوفي هاي غرفة ابني وشوكت ما اريد ادخللها مو انتي لتمنعيني عسى ما هسه أكسرها على راسج وبعدين بس انتي هنا غريبه سنين أزرع محد تجرأ وداس زرع برجليه
_اي حقك كله ألماس وذهب بالبستان هو خلك حشيش يابس مثل وجهك
_انتي هههيي محد معلمج على احترام
_معلميني زين بس اذا تريد أعلمك
_ولج شهل جسارا وياي مكد ابوج آنه
_والله انت ما محترم وتريد الناس تحترمك، هذا آنه وهذا اسلوبي
_وحدة وكحة ملفي لبيتي
_والله يا محترم اختياركم محد طكم بعصا وكلكم أخذوها
_والله مندري طلعين بت الكح...
_وهسه عرفت الي ملفيها شنو وبت منووو شراح اسوي
_لمي ملابسج وهسه أشمرج على بيت اهلج وأخلص منج
_ههههه آنه محترمه ما اطلع إله بشور زوجي
_والله ضحكتيني لج انتي ما تمشين مناا الا بشوري رجلج هذا لا يحل ولا يربط
_وهاي كعدتي وما تحرك مناا وانت بكيفك
ضرب باب حيل وهو يكول
_السالفة سالفة عناد اعلمج يبت بندر
وعافني وطلع، الواحد شكد ما يكون قوي بس كلام يجرح، مثل سجين يجرح بالگلب، كل مرا اسكت عنه بس الي يصير فقير ميعيش، سواله هوسه
وراح اشتكى عليه يم ابوي، وابوي مل منه، كل يوم سالفة شكل وعز الدين دائماً بجانبي وهو يسمي دجاجة كدام مرته لا يحل ولا يربط وبديت، اصير النار التلهب لهب وكل اليضرني أضرا أضعاف....
*****
_الو الوو، نحن هناا
_هاي مني مشرفتنه اليوم
_خوخه بشحمها ولحمها...
_اول مرا اسمع خوخ بي شحم ولم
_اووو سليم عن لعيارا
_هههه شلونج
_زينه وانت
_زين بشوفت عيونج
_تخجلني بكلماتك
_جذابة ما تخجلين.
_اي كدامك دميه بدون خجل وحياء
_هاا زين يعني عندج مشاعر
_على طاري دميه اكو نفر وعدني بدميه تجنن
_منووو آنه، شوكت گلت
_سوي روحك ناسي
_شوو انتي تردين تقفصيني لو شنوو
_مو حگي اذا دللت عليك
_عمي حگج، وهاي لعبة صارت جاهزة وبعد رايده شي غيرا
_بكيفك كلشي يجي منك حلوو
_حبيبتي انتي حلوا
_شكلت
_ولا شي
_حسبالي
_شكد دلوعات البنات
_والله آنه أختلف عنهن ماميتي مدلعتني
_اي غير بزر الكعدة
_اكيد
_شجاي تكتبين على طين
_شغله بس دور وجهك لا شوفها
_هاي هي صايرين راح أغمض
_من اكول حلال انت افتح عينك
_يلا بسم الله
دقايق وصار هدوء عرفت هي بتعدت
_يلا وينج افتح
جاني صوتها من بعيد
_اي فتح
فتحت عيوني لكيتها راسمه گلب وبنصه سهم وبجهة ثانيه مكتوب احبك وحرف s
_اياا ملعونه على هاي سالفة ركضت وراهاوآنه اصيح تحبيني مووو وهي تضحك، ابتسامتي ملت وجهي واكو شعور تحرك بداخلي اي يا خوخة طلعتي نفس مشاعري
منا وجاي اشتغل حالي حال اخواني وجيبها لبيتي، ما اخليج ترحين لغيري وطز بالمدرسة الما توكل خبز، من يومها سكنت بيت عمتي، فتحتلي عمتي الباب وستقبلتني بالهلا ومرحبا، واليوم سعد تصير زوج بتي بقيت أذب كل فلس احصله
عليها وكل يوم هدية شكل، ومحد بيهم انتبه بطلت من المدرسة وصار كل همي شلون ادبر لفلس حتى ازوج بي...
*****
_هاا يخوي جاهز على شغل جديد
_والله يا سالم خايف لا يبطلنه ساعتها لا سالمين من شغلتنه أصليه ولا شغل جديد
_كول يا الله والله آنه متفائل، راح يقبلونه
_هو انت دائماً هيج متفائل، حتلو الدنيا مطيحه حضك
_شتريدني أدك ونوح مثل نسوان.
_لا يخوي خليك هيج بواهسك، بلگت هل مرا اكو نتيجة
رفع ايده وهو ايكول
_يارب
_شوف من هسه اكلك احنه اخوان ولا يمكن يفركونه راسي على راسك
_لا لو اثتينه لو ما نشتغل
_اي حسبالي، اليمك خوش ناس يقبلونك وآنه ابقى حلك
_وبدينا كل يوم نروح وذابين كل حيلنا بهذا شغل لا يوم ولا يومين واحنه نشتغل الي أن شافونه أكفاء وختبرونا،
وبيوم كال خلص انتم صرتو ايديه يمنه ولا يمكن أتخله عنكم، ثبتت قدمنه بهاي شغله وصار اسمنه مقاوليين وزادن فلوسنه وكدرت اكمل غرفتي وكلشي يخص العرس وفاجئتهم من حددت موعد الزواج،
وبقو يطافرون مثل النمل ،
_نرجس مو انتي امي
_اكيد يا عماد شهل حجي
_لعد كملي شغلج عرسي بهيج يوم
_يااا يوم منى من اشوفك عريس، وبقت تهلهل ويه كولاتها ورجت المكان رج وآنه اضحك عليها،
الفرحة ما واسعتني وآنه اشوف كل هل تحضيرات لعرسي وأخيراً راح اشوف وجدان بالفستان الأبيض راح تكون اميرة الحفل،
البيت نملىء ناس خواتي موجودات حور وبطنها شكبرها وكل شوي صايحه
_مابيه تعبانه
أرجع اباوع على آمنه لازمه ابنها وهو بس يصرخ
_لا هاي هيه خواتي كل وحدة مبتليه بروحها، قندة وين ما اجت موو
_هي هاي يا عرس حضرت حتى تحضر عرسك يا عماد
_ليش شعدها
_مسوية عملية لأبنها
_حصل خير، هاي كرومي ماخذها فصليه أنسوها
_اتصلت وهي تتعذر منك
_كليلها مو مقبول
_يوصل يخوي
_بعدين انتي هههيي تمشين ولازمه ظهرج شايفة اذا خربتي العرس ادهربج وانطيج دفرا اوصلج لهبار.
_ههههه لا تخاف بعد وكت
_شكوو تفتر عليهن لا تخاف عسى ما تمطر صواريخ هم تزوج.
_هاا أيسرو صرت ضدي
_اوو عمي زوج وفضها
_عريس لحد حاجيني
_اووو صدك نفسه، أخذ سطل وبقى يغني وآمنه تساعده وونترس البيت فرح وسعاده، وعماد ما خلاهم وكل شوي وكلهم استغفر الله، وهما مستمرين ما بطلو
اشوف آمنه شلون مندمجه ويه أيسر هذول شما گبرو من ينجمعون يرجعون اطفال ويندمجون سوا شلون حلوين واحد لايگ للثاني بس القدر اخخخخ من القدر ما راد يجمعهم، أخذت ابنها وبحجة ابنج يبجي سحبتها من يم أيسر.
_آمنه لا تنسين نفسج انتي على ذمة رجال وأيسر صح ابن عمج بس يبقى رجال محرم عليج وهم لا تنسين بداخلكم اكو مشاعر لا تهيجونها بتصرفاتكم
_وهسه شتردين
_ابتعدي عنه آمنه بتعدي، ترى عيونج فاضحتج وبعدها تلمع من ينذكر طاريه
_لا تخافين احنه ولد عم ورجعنه اصدقاء وبس، وخليني فرحانة خلصانه من سجن بيت الحوثي.
_آمنه لا تنسين احنه بنات زهرة وبتصرف صغير راح يكولون عنج مثل امها
_حجي الناس لا يقدم ولا يأخر خلي كولون الي كولونه
تركتني ومشت ورجعت نفس مكانها وأيسر ما تحرك من المكان، عفتهم خليهم بس بالمناسبات يلتقون قابل كل يوم مشاوفين بت عمه ونفس اخوها
اقنع نفسي بهاي كلمات توجهت صوب نرجس الغاطه بنص الطبخ
_تحتاجين مساعدة
_لا عيني نخاف عليج منتورط من هبار لو صار ابنه بي شي
ضحكت على سوالفها وأخذت منها صغيرة أحلى شي ابوي يخلف ويانه راح يكونون اعمارهم متقاربة بين اطفالنا واطفاله، اخذتها وافتر بيها بالبيت رحت صوب الولد هوستهم كايمه يحطون اضوية يرتبون مكان للكراسي سمعت صوت سيارة طبكت اخذني فضول اعرف منو اجه
فتحت الباب واشوف رافد بكامل اناقته منتجي على سيارة ولازم ورقة وقلم معرف شنو يسجل الولد يحجون وياا وهو يكتب بكل ثقة وكبرياء، نظراتي عليه
تمر سنوات هو يصغر ما يكبر وايكول شايب عمي آنه العجوز كدامه استغفرت ربي آنه على ذمة رجال ما يصير انظر رجال ثاني بس يربي هذا مو أي رجال هذا رافد متعلمه عليه وما أخجل منه،
انضربت بكتفي التفتت لكيتها آمنه
_عيونج راح يرحن رحمي بحالهن.
_شبيج
_وين كلامج قبل شوي وانتي مزوجة ولا تهيجين مشاعر
وهسه لعيون مغوركه وعينج على حبيب الگلب
_وسعي فهمج عدل، جاي اسكت طفلة وصار بوجهي أغمض
_وانتي ردتيها من الله حتى توسعين نضرج زين
_اوو يا آمنه انتي تعرفين معزت رافد عندي شكد، هو مثل ابوي حالي من حال بناته وصارلي واجد مشايفته اجت عيني صوبه وشفته.
طكتها ضحكة خلته ينتبه، ضميت راسي حتى ليشوفني
_هاي سويتي عزا عزاج
_تعال، تعال
_آمنه لا صيرين قليلة تربية
_شبيج شوفه من قريب احسن من بعد
_عيب استحي
_مو هو نفس ابوج غير سلمين عليه
_آمنه شهل تصرفات
_اجه، اجه
_جذابة
_والله اجه
_آنه رايحه
_لا تفلتين خطيه، هذا سالم وياا
_شكلها نلاصت
سالم: شسون هناا
آمنه: نريد نسلم على ابو سمر شلونك ابو سمر
_هلا بيج آمنه
_شلونك ابو سمر
_اووو هاي حور، هاي شصاير بيج ولا عرفتج
_هيج متغيرة
_منقرضه أصلاً، ما كلج الأسد أكل شدكول سالم
_اووو هذا هبار مو شويه
_بنيتي حور شلونه وياج
هنا جمعن كل دموع بعيني بس ما اريد اثبتلهم اختياري خطأ ضغطت على نفسي هواي حتى ابينلهم آنه بأتم السعادة
_زينه الحمدلله
_شنريد منجن غير تكونن مرتاحات
_شعجب موجود بالعراق
_والله خلصت شغلي هناك واجيت
سالم: زين لحكت حتى تحضر عرس عماد ولو انت نص اعراسنه محضرتهن
_ما توقتونه بتوقيت الصيح يلا عن إذنكم أترخص
_مرخوص ابن العم، رجع التفت الي وخصص نظرة عليه وهو يكول
_أهم سلاح نواجه به الدنيا هو الثقة بالنفس، فإنّ هناك من الناس من يبلغ بهم الضعف أنهم لا يجرؤون على أن يكونوا ما يريدونه حتى في خيالهم، لا تخشى شيء، وتحدى، وحاول، وثابر.
حور ضعفانه وجسمج هلكان ان شاءلله ما تكونين ضعفتي من الداخل
سالم: ابو سمر هي من يوم يومها معصعصه وهسه حامل شتريدها
_الحمل يضعف الجسد مو روح، مع السلامه
هذا انت يرافد من يوم يومك فاهم حور عدل انت الوحيد تعرف شنو داخلي لو اضم على الناس كلها الا انت عارفني زين راح رافد وكلماته بقت ترن بإذني، دائماً من تخلي ثقتك بإنسان وتعرف كله كلامه صواب تبقى تركز بكل كلمه يكولها وتحفظها لأن تعرف مراح ايكول كلام عابر،
_يلا بنات نحضر روحنه للزفة كالتها آمنه والكل تسابق منو يخلص الأول ومنو تطلع الأجمل، الا حور مالها خلك حتى روحها ..
نروح يم عروستنه
ضجيج الناس وأهازيجهم وأفراحهم وصوت دقات طبول وذلك الفستان الأبيض يلمع من بعيد وهمسات ام صالون، بروج الأحمر راح تكونين الأميرة اليوم، افرحي اليوم فرحك يا عروسة وهاي تكون آخر لمسه الي، تقربي على لمرايا وشوفي جمالج،
صرت مقابيل المرايا وآنه اشوف شكلي غير ضحكت وآنه اكول
_شكد حلوا آنه
_انتي مناقصج جمال تبارك الرحمن بياضج شايع المكان ولون الأبيض خلاج تشعين اكثر، ابتسمتلها وآنه افكر بداخلي شراح يكول عماد من يشوفني، نسيت نفسي وشلت فستان ثگيل واريد اطلع صاحوو
_وين
_مو خلصتو اروج للعريس
_اول مرة اشوف العروس مستعجله انطينه مجال يجي عريس ياخذج
تأفأفت ورجعت لمكاني وآنه كاعدة على جمر وأنتضرهم يجون وكل بالصالون يضحكون عليه حقهم ما يعرفون بنيران الحب وميعرفون شكد واحد جاهد بس حتى يبقى ويه الي يحبهم
ربع ساعة كاعدين وكل شوي اكول وين صارو بآخر اتصال كالو وصلنا يلا طلعو بعد ضليت ما اشوف وفرح گلبي وآنه اودع صالون واسمع دعوات من الكل وهما يتمنولي بالسعادة وخطيه شكد فرحانه
غطوني وخنكوني وما اكدر اشوفه بس اسمع صوته وهو كل شوي فاز هاا طلع شعرها هاا مكياجها مبين غطوها لا أحركم اليوم، وصلنا للبيت نزلني بدون ما يدخل للبيت، استقبلوني بالهلاهل قليل ناس بيتنا الكل بيت العريس، ماكو غير جوارين وصفكاتهم وهوساتهم وخوخه طفر بالنص
دقايق وكالو
_اجو، اجو
والكل وكفو يستقبلونهم، ودخلو بأهازيجهم وكولاتهم شوي ودخل عماد بكامل أناقته وجماله بقاط اسود وقميص أبيض
وكفت على حيلي تقرب مني طبع بوسة على جبيني لكيت نفسي اذب روحي عليه حضنته حيل وصرخات بنات ب وووووو
وهمس يم أذني
_خزيتينه من احتركت عشيرتج شكد وكحه
_غير صرت حلالي
_بس مو كدام العالم من خرا بيج، تضحك ام حلك
تركته كعدنه وهلاهل وكولات ماليه بيت همست يم أذنه
_مكلت شلون طالعة
_تموتين، خوش صابغيج صبغه
_عماد
_جا مجذب
_اعلمك بعدين
_والله محضرلج عصا اكطعها على راسج
_هههه همزين كلت خلي ادورلي صوندة آخذها وياي
_لا هاي هي داخلين حرب مو عرس
_عرسانه اليوم ما ناوين ترحون
_هاا عمه طردتينه،
_هههه غير هي هاي عادات
_والله عجبني كراسيكم خلوني كاعد ومسترخي
_والناس البرا لتاني
_ما عدنه عشه خلي يرحون
آمنه: يلا عماد كافيك شنو ماكو اغنية ما هوسناها
_ولج اخوج اليوم بالضيم عنده حرب ويه المغول بالصوندات
_امشو هناك كملو حربكم
_خايف وجسمي كله يرجف
_عماد
_هاا عروستنا نروح بأمرج عيني تفضلي، آمنه غطيها زين
_اي نعرف نعرف
وصعدنه بسيارة وهاي آنه متوجه لأكمل سعادتي ويه حبيب روحي اول خطواتي أخطيها بالبيت همس يم أذني
_يا تعب السنين هاي انتي دخلتي لبيتج بكل خطوة تخطينها كولي الله، محمد، وعلي يحرسوج من كل شر..
طمأنيت بكلماته وبديت أردد الله ومحمد وعلي حسيت بشعور الراحة مو طبيعية وهو لامس ايدي، لحضات وصارت هوسه ومن بين هاي هوسه اجه صوت ايكول
_إلحك اخوك
ترك ايدي وراح مرعوب الكل اجتمعت يم الباب
حتى تعرف صاير
آمنه: يمه هذا سليم طلعت مرعوبه اجالي صوت أيسر
_هييي دخلن طالعات يم زلم
_حبوبي بس گلي سليم بي شي
_مابي شي روحي
_ما نشوف غير دخل سليم سريع ويتوعد ويتحلف والوجه صاير أحمر
_ولك عمة شبيك مدكلي تعود من الشيطان
ما رد عليها شوي طلع بيده مسدس وبقينا نصرخ راح سليم راح....
يتبع...
لا تنسون تصويت وتعليق حلو مثلكم..
غلسو على سحكات لأن افلاونزا ساطرتني سطر
احبكم كلش هواية، اليوم الحلقة خاليه من هبار