༺༺༺༺༺༺༻༻༻༻༻༻
حلقة (43)
#جُمِّلْت أخلاقها
✍🏻كاتبة الجنوب
_____________بسمه تعالى _____________
اما عن ابي فأنا امتلك ذلك الحنون صاحب الإبتسامه الجميلة في يديه الأمان لا يشبه هذا العالم، يسعد بأبتسامة صغيرته وهي تركض اليه بكأس من الماء البارد لكي تضم حمله بشربة ماء لا بإبتسامة ابنته تزول همومه،
ذلك الأب حمل اضعاف اليأس وتعب وهموم الحياة ولا زال يقدم المزيد، لا يحرمنا من شيء حتى تلك الفاكهه يجلبها لنا وهي غير ناضجه ونحن نتمتع بطعمها اللذيذ،
انا ابن ذلك الفلاح الذي طاب مر الحياة وشرب من كأس الهموم لكن نحن شربنا بكأس لذيذ كان ابي نشيطاً يحب الحياة
أنا ابنة ذلك الرجل الذي لم يشمت او يشتم او يحرض ولم آراه يوماً يرد الشر بالشر بل علمني على حب الله ومؤمنه بإرادته...
أنا ابنة من تجلى وانحنى ضهره وافتخر لكوني انتمي لذلك الأب الجميل...
تعلمت من ابوي العيشة صعبة والفلس ما يجي على الحاضر واذا تتعب بي يكون لذته أحلى، ومن اصرفه احسبله الف حساب تعلمت من ابوي الفلوس مو وصخ دنيا لفلوس تخليك غني والكل تهابك،
علمني على تعب وما اشتغل بدون مقابل حتى لو كان ابوي !!
اشتدت صعوبة الحياة ويوم عن يوم ترتفع اسعار واشياء جدد دخلت بحياتنا بعد ما كان حصار واكلنه بسيط هسه صار كلشي موجود بس يرادلة فلوس وابوي ما عنده شغله غير البستان دفن عمرا بي صار نادراً ما يطلع للشارع ، الفلس ما يجي
بسهوله والبستان ميوكل خبز هنن زرعات وصرنه نحرس عليهن بس حتى لا طير ياكله ينام الظهر وكل شوي فاز يباا بسه روحي هشي الطير لا ياكل زرعات وآنا اركض واصير مثل فزاعت الخضرا ما اخلي طير ياكله وعلى ما يكبر الا وآنا رجليه متكطعه بالروحه والجيه
ومن يكبر المحصول نبيعه على محل يمنه هو محل واحد يبيع عليه خضروات يشتري من عدنه ويعرف حالة ابوي ضعيفه يخلينه العزل اخر شي يتبقى من سلعته الجايسه والخايسه يبيعها على ابوي بسعر رخيص وجيبها للبيت امي تاخذه وتنظفه تكص الخايس وتبقي الزين واحنه نفرح بيهم المشمش والخوخ وبقيت الفواكة شكد جان بي لذة واحنه ناكله ونتسابق
منو يخلص اول جنت اعرف ابوي مو بسهولة جيبنه لگمه نسد جوعنه تحز بنفسي من اسمعه ايكول كعدت على رنگات ويروح يطلب من سالم وعماد اريد فلوس اعيش جهالي ينطونه شي بسيط ميسد الحاجه، ابو محل ضل يراعينه ناخذ ويسجل علينا دين وبوقت محصول يسد دينه بقى يزرع انواع خضرا والجت (احد حشائش الحيوانات) يسوي على شكل ضبات ويشدهن بخوص سعف ويحطهن يم الباب اكعد آنا ونورس زغيرونه ونبيع واحنه
نتأمل واحد يشتري من عدنه دائماً اردد بگلبي يارب يشترونه مني حتى اصير عندي فلوس وخاصة ابو الغاز من يفوت من اسمع صوته من بعيد وابقى اردد بگلبي يارب يارب كون يشتري لأن ابو الغاز عنده عربانه ويقودها حيوان واكيد يحتاج اكل، تعلمنه،
واحلى سعادة جانت من يخلص كلشي واروح ابوي وجهي مليان فرح لأن اليوم بعته كله وشترو مني ومرات يذبل وارجعه محد مشتري وارجع بخيبت أمل
اليوم آمنه يمنه وفرحانين بيها بعد ما خلصنه شغلنا وليل يجمعنا سوا نلتم وآمنه سوالفها ما تخلص عن بيت الحوثي، كل بيت يختلف عن ثاني والواحد من يدخل بيت اول مرا راح يتعجب على تقاليدهم احنه كلنا بشر بس ما مشابهين بقيم واخلاقنا
_يباا عذريني ما عزمتكم وزين من عدهم جابوج بس هل تشوفين وضعي واخوانج هم ماادري شمالهم ما تجمعو بيناتهم ولمو فلس على فلس حتى ايسوون قدر الج هم مابيهم خير
_خيولون هسه اله عزيمه بعدين اخواني هم ما عدهم يا دوب معيشين رواحهم
_يباا الوضع اختلف مو مثل قبل جان قبل شغل موجود هسه حتى شغل طار....
نرجس: انت دفنت روحك بهل بستان وعفت كل شغل زين
_الله كاتبلي هيج
_لا والله محد گلك ابقى، والزرع انت ردتها هسه انت طالع شايف وادم يلا ضال على زرعات
_الله ما ينسى عبده وهو مقسم الأرزاق
_ونعم بالله بعد شحجي راسه يابس هذا ابوج لو تحجين وياا منا الباجر ما يطلع من الكاع باقي حارس حلال حجي عمران وعلوا منطينه شي، هاي من يروحلها يجيلك معصب لأن ما منطته شي لو منطته شي قليل وما إجازي بكلمة طيبه لا كلامها كله زفر فوك ما حارسلكم البيت وراعي ارضكم ومداريها هاي جزاته، بس صوج ابوج مجلب بيهم
_دكتورا العيشه تطلب مني واذا اطلع منهم وين اروح آنا وفريخاتي لا اكو شغل ولا بيت نسكن بي وين نروح ما ادكليلي
آمنه بويه كملي سوالفج شلونهم بيت الحوثي وياج معليج ب أمج
_يا يباا عدهم حيوانات شكثر وخطيه مسكينه اصبيحة كلشي طايح على راسها، وعدهم عمهم مخبل يمه اول ما شفته غير فززني خلاني اطيح غميانه ليكول شايفه شبح وبقيت احجيلهم وهما مندمجين وياي احلى لمة لمة الاهل بس ما نحس بيها اله لمن نفقدهم....
في زاوية أخرى من الرواية
احلى شي من امي ادكول بدلو اروح بيت خالي اطفر طفرة كارثيه واتأنق للآخر واول واحد يمر على بالي عماد دكات گلبي تزداد ما اعرف شلون وشوكت هيج تعلقت بي صرت أتخيله وأغفى على صورته بالي أدمنت سماع موسيقى وانا تخيل كل تفاصيله سبحان الله يألف قلوب جنت ما اطيقه
بس هو جبرني وخلى حبه بوسط گلبي من يوم حادثة وهو ودخل للسجن بسببي بهذا موقف كبر بعيني..
اول ما اوصل بيت خالي ابو رافد اروح للنهر دائماً اشوفه جاي من الصيد ابقى انتضرا، لحد ما اشوفه نبقى يومين وثلاثه وآنا عيني صوب نهر ما يوم رجعنه للبيت اذا ما شفته.
كاعدة وادعي ربي يجي وآنا مشتاقتله حيل لحضات واشوفه جاي من بعيد نرسمت ابتسامتي على وجهي دكات گلبي زدادت تخربطت اموري انتضرته يوصل وعيوني صوبه والغريب محد وياا بس هو، كلما يقترب بلم تزداد دگات گلبي اقترب اكثر وصل صوبي ونظراته محاوطاتني هسه
شيكول عليه اوو يكول الي كوله اهم شي اشوفه وأكحل عيني بشوفته اخذ الحبل بلم وربطه وكل شوي رافع راسه وعينه اتجاهي ارتب بنفسي
بس حتى شوفني حلوا وباقيه انتظرا ينطق بكلمة فتت گلبي وهو بس يخزر بعينه تقربت يمه أخذت منه العدة تجرأت و رفعت تك حاجب وآنا اكوله
_ماكو سلام لبت خالك شدعوا
ما حجه شي نزل من بلم أخذهم مني ودار وجها يريد ايروح رتبت حجابي ونزلت خصلات من شعري بس حتى انرفزه سحبته من ايده التفت وهو مستغرب من سويته بقى صافن بوجهي
_ليش تغيرت
ملامح وجها تحولن الى غضب..
_تغطين شعرج لا اهلسه الج هلس غطي لا اكسر سنونج وخربط وجهج
_هاي شبيك شمسويه
_وهذين مطلعتهن شنو نسيتي بيت خالج متروس ولد
_وهسه وينهم ولد اشوف ماكو احد
_لعد آنا شنو كدامج بت خالج
_هههه عادي تكدر تلبس حجاب وصير بت خالي.
_اي مو هو بالحجاب استغفر الله تحجي واحد كوا انتي شعندج هناا
_اتانيك
_وليش بلا
_هيج حتى اسلم عليك.
_وعليكم السلام، يلا روحي
_جاا وانت ما تروح
_لا راح ابسط هنااواكعد
_لعد آنا هم ابسط وياك واكعد
_وجدان.
_عيونها!!
_استغفرالله ربي واتوب اليه،
_من اتصير يمي شكد تستغفر
_وهذا ينحسب عليج حسنات
_لعد خوش، مديت ايدي اريد اريد الزمه وبتعد وهو يكول
_شبيج انتي ليش هيج وكحه
_ليش شمسويه
_عيرتني بعارها وركبتني حمارها
_بيمن عيرتك
_اهلج عيروني سووني مو خوش زلمه
_منو كال عنك مو خوش اله اكص لسانه
_بويه عوفينه منهم ما اريد تنصابين بمكروه
_عيرتني بعارها وركبتني حمارها، مو هيج صح كلتها موو
_شنو تردين تحفظينها حضرتج قابل نشيد وطني
_كل كلمه ادكولها عبارة عن نشيد ترن بإذني وحجاياتك كل يوم تمر بإذني اخخخ من يجي ليل.
تنهد وهو يكول
_يا بت الحلال روحي للبيت لا تصيرين حجوا بيد العالم
_انت ليش كل همك العالم، كل هذول عالم ما يهموني تهمني نفسي وبس لا تخاف من العالم مراح ياكلوك واذا عن سجن صارت مرا وحده مراح اسمح ايصير مرة ثانيه
_ايباااه ما تسمح هيج واحد شافنه ما يفكر بسوالف شيطانيه اعوذ بالله
_ليش هسه احنه شمسوين واكفين ونسولف شحلاتنه وانت ابن خالي قابل غريب وشيفكرون خلي فكرون تقربت منه وهو بتعد
_وجدان انعلي شيطان
_هههه شبيك
_بويه والله آنا ما اريد تجيلج حجاية بسببي صارت مرا بعد ما تتكرر بتعدت عن هذا الأمر يا بويه
_هناا الحجي كول صرتي ما تعجبيني او شفتلك وحده وحبيتها بعد تولي وجدان ما تجي من جوا ايدها غير السجون مو هيج بس هو مو صوجك صوج هذا يشتاقلك بس من اليوم، اله ادوس على گلبي وبعد ما خليك شوف وجه وجدان
عفته ورحت، اسمعه ايصيح ولج يا بنيه وآنا ماكو جمعن دموعي على شكل كتل تعبت والله تعبت منه وهو بارد مثل ثلج اكيد شافله وحده واله ليش ما يقبل احجي وياا ليش هيج تغيير وياي، كل شوي نازلة
دمعتي وامسح بيها ركضت للحمام وفرغت كل دموعي كلبي يوجعني عليك اخخخ منك يا عماد شوكت تحن..
عماد: صحت ردتها ترجع ماكو تركتني وراحت نار وفارت بصدري الغبيه تجي بس تحرك گلبي بقيت واكف انتظرها تطلع ماكو كل شوي واحد مادلي راسه وتعال سولف وجادل وآنا مشتعل سلفة سلفاي مليت من انتظار وما اكدر ادخل يمهم بشكلي
الوصخ وريحتي الزفرة تركتها ولميت جويلاتي ورحت بيتنا وآنا نار تفور بگلبي اول ما فتحت الباب حور، عطت بوجها
.
_حضريلي ملابس وماي بسرعه اشرب بسرعه يلا
_هدي شبيك معصب؟
_روحي ولي من كدامي من الله ياخذ النسوان كون،
ما حجت اي كلمة سبحت لهناك هديت لكيت حور كاعده وحدها وصافنه من شافتني اجيت فزت مرعوبه
_استغفرت ربي هسه هاي شذنبها المسكينه خوفتها بطبعي ابد ما عيط على خواتي لأن المرا رقيقة على اتفه شي ضووج قبلت راسها وآنا اعتذر منها فرحت هواي، وهذيج وجدان ما كدرت افرحها واطيب خاطرها بكلمه تنهدت وانا اطلب الصبر من ربي..
آمنه /ودعت اهلي ورجعت بيتنه وآنا ميته قهر على فراكهم اخذني عماد الدين للسجن مو للبيت لتزمت سكوت طول طريق الا أن وصلت للبيت نزلت من سيارة صارت بوجهي انعام
_ههه اجت المسعده
_وعليكم السلام هذا سلامج الظاهر
_اي والله هذا العندي
_خوش تعرفين اصول سلام، فريت ايدي وعبرتها من شفت اصبيحه جايه من بعيد رحتلها تلكتني بذاك سلام حلو صحت
بصوت عالي اسمع بيها انعام
_اي هذا حجي وسلام المعدل مو بعض الناس
عفتها قبل لا تحجي ودخلت للغرفة وآنا اتحلف بيها كافي سكتت هواي بعد ما اتحملها،
كعدت ارتب بالغرفة وارجع ملابسي لمكانهم ما طولت هواي اندك الباب وبسرعة انفتح، طلعت انعام
_هههي انتي اليوم العشه عليج كومي سوينه لأن زاير يريد اكل هرفي الوكت، مو بس اجيتي وغطيتي راسج بالمخدة
_المخدة شعليها
_ولج آنا من جنت عروس شايلة البيت شيل مو مثلج هسه.
_اي اكول طلكوج
_شقصدج
_ لو بي خير وخير ما عافة الطير
_انتي ما تعرفين شصاير بحياتي حتى تحكمين بكيفج وعيديها مرا ثانيه شوفي انعام شراح سوي بيج،
تركتني وراحت، عفتها
وكملت بيدي ودخلت للمطبخ، وبقيت اتفنن بالأكل، كلهم بلبيت ضلو يحبون طبخي بعد ما جنت كلشي ما اعرف هسه الكل تصيح آمنه و آمنه تطبخ
وصرت وحدة منهم ولسانهم ما يخلى من اسم آمنه كل شوي صاحو آمنه سوي هذا وآمنه ودي ذاك يلا خلصت من اخواني طلعلي اخس منهم،
مرا وبليلة ظلمه بعد ما الكل نام وصار هدوء طفيت الأضويه اجيت انام واسمع صوت عمتي من يم شباك الغرفة اصيح
آمنه، آمنه....
يتبع...
تتوقعون منو صاحب صوت...
لا تنسون تصويت وتعليق حلو مثلكم واذا عجبتكم شاركوها مع اصدقاءكم، وهل مرا حلقة قصيرة اعوضكم بالحلقات جايه ان شاءلله وهسه أنام لأن ما نايمه غير خمس ساعات اكثر رواية تعبت بيها وان شاءلله تعبي ميروح خالي بلاش
احبكم
تصبحون على خير....