༺༺༺༺༺༺༻༻༻༻༻༻
حلقة (37)
#جُمِّلْت أخلاقها
✍🏻كاتبة الجنوب
___________بسمه تعالى _______________
تسائلتُ كثيراً
_هل الحب ينسى.
_وهل ننسى اول دقات قلوبنا وهي تنبض لمن نحب
_هل ننسى أول نظرة حب التقت بها أعيننا
_هل ننسى اول حديث وأول مسكت يد حنونه هل ننسى لا نحن لا ننسى نحن نتناسى...
حور كعدت على صوت هوسه شكوو اليوم شصاير يربي فركت عيني اووف والله نعسانه بعدني رفعت راسي شفتها ساعة 5 يعني توا طالع الفجر جاا شنو هاي الهوسة ركضت الهم وبگلبي أردد يا ربي سترك وصلت يمهم الكل مخبوصه ولد عمي كولهم
موجودين الوجوه ما تستبشر بين هل هوسه بنص حديثهم وصوتهم العالي اسمع اسمه راافد هنا صار عندي عمه عيون ما جنه كلهم مجتمعين عطت
بصوت شبي رافد لفتت أنظارهم التفتت عليهم ما أحس الا نجريت وايد صارت على حلكي حجه بهمس
_اشش شبيج تخبلتي
_داخله بنص الزلم اصيحين شبي رافد
_آمنه فدوة حجيلي شبيهم والله سمعتهم يحجون برافد كوليلي مابي شي
_انتي ما تبطلين من رافد هسه يجون كفخونج رجال شكده شكبرا بناته اكبر منج وانتي ميته بي
_اهووو ترى شابعه من هذا الحجي ادكليلي لو اروح ادخل عليهم وعرف شبيهم
_مخبله والله سوينها راح اكلج بس انتي كضي گلبج المهجوم ولا صرخين ولا شي الي خلق رافد خلق غيرا
_لا لا ما يمووت كولي غيرها رااف....
اششش وصمه تصمج انتي ورافد ما مات
بس مختفي من البارحه ما رجع للبيت وجاي ادورون عليه فضحتينه خرب
_قنعيني هذا حجيتي صح
_والله شبيج
_يعني وين يروح وليش مختفي
_والله ما حاطني بجيبه حتى اعرف كل هاي اسئلتج كتلج مختفي وبس
بقينه واگفين قريب منهم نتصنط عليهم شيكولون وحور العوبه كتلت روحها من البجي ليگول زوجها مو ابن عمها،
القلق والخوف باين على ملامحهم كلامهم بنتر وهما يتوعدون يلكون رافد الليل كله ما موجود طالع بسيارته من العصر وبعد ما اله ذكر،
توقعو بليل يرجع وهسه يرجع وبعد شوي يرجع وطلع الفجر وهو ماكو اولاد عمي كلهم جمعو بيتنا احمد صاحب منصب بالدولة، ولحسن حضهم ما موجود بالبصرة رايح غير محافظة،
ايمن ورا سقوط شكلت حكومه جديدة هو تعيين بالشرطة اتحاديه، انطى خبر عن كل مراكز الموجودة بالبصرة ، لهناك كالو ما يصير نبقى حاطين رجل على رجل وننتظرهم، كومو ندور بالمستشفيات، صارو مجاميع وطلعوا ايدورون،.
لساعات واحنه ننتظر وماكو احد اجه لبيوت فرغن بس نسوان، نريد احد يطمنه ماكو، كاعدين ننتظر وعينه على باب بلگت احد يجي، رافد مو أي رافد جبيرنا يعني جبير احفاد وجبير خبرة يرجعوله بكل زغيرة وجبيرا، دارس ومثقف وعلاقته طيبه ويه الكل وغاطهم بخيرا، لاف العالم لف خسارته جبيرة عليهم،
_هييي كاعدات وطباخ فارقة شنو اليوم ماكو أكل ماكو زقنبوت يطيح ببطونجن كون
امنه: شتردين دجله!!
_اريد آكل شريد بعد ليش ما طابخه يحور
آمنه: يعني متشوفين العالم مخبوصه وانتي دورين أكل
_يا عالم المخبوصه وين العالم
_مو راحو يدورون على رافد
_واحنه شعلينا بالزعيم رافد واذا هو ماكو بححح احنه نكتل روحنا من الجوع، مات ونشطل بگبرا احنه لازم نموت ورا وانتي حور شبيج موته روحج هيج لو هاي حجه جديدة حتى لا طبخين
_ليش تفاولين عليه بالموووووت هو شمسويلج كاعده وصرخين علينا شترددددين..
كمزت على حور صميت حلگها
_ليش عوفيها تكمل خلي اشوفها شتغرد بلا
_لا ماكو شي روحي لغرفتج وهسه نسويلج زقنبوت
_زقنبوت بحلگج ازغر جهالج آنا
رايحه بس اذا رجعت ولكيتج نفس هاي كعده وما مسويه اكل ساعاتها ما تلومنين نفسج، وهاا اليوم رفعتن صوتجن عليه ف حسابجن يم حبيبي سلووم، انتي يا حور يا عانس عيديها مرة ثانيه الا اهجولج من البيت، وخلي نرجس تلفيج ويلا على لمطبخ كدامي لشوف
_ما ناخذ اوامر من احد
_اي صح بس آوامري وآنا مو اي احد
دخلت وسدت الباب
_حور الخاطر الله عوفي سالفة رافد كافي ترجفين عليه
_شايفتني يوميه يمه ولج صارلي قرن مشايفته ولا حاجيه وياا
_جا هل دموع شنوو
_معرف آمنه معرف
_اوووف يربي كافي تبجين ،ما يصيرله شي هسه يلكو قابل وين يروح
_معقوله ندعم بالسيارة ويجوز يموووت
_اششش كافي مابيه شي ليش، تفاولين عليه
_حور راح اموت كل شوي فكرة شكل
_طلعي افكار من راسج، امشي نسوي أكل حگ هاي ام ثرب ههه شلونه لقب الجديد
_بعد انتي ام ألقاب، بس هذا مو جديد لقب مستعمل
_صح مستعمل ادورلها على غير لقب بس هسه هذا طلع وياي على اقل خلاج تبتسمين وگفن صب
دموع وهسه نتوجه للمطبخ ونغيير شوي جو
_هو المطبخ بي تغيير جو كولي، اطبخ ل دجله واخاف من الضرب مال سالم
_لا وداعتج هسه اكدر اخليها بدون أكل لا اخاف منها وضرب متعلمه عليه عادي على كولت سليم جسمج يحگج اذا ما نضرب بس خاف يجي ايسري وميت من الجوع
_اليوم أيسري وين راح لقب الوريث
_ههه هذا مال ايام طفوله، ايام جنت راعبه كل زعاطيط ايام جانت هيبه وهسه صرت وصلة مسح كدام دجله راحت الهيبه
_وين ادكدرين عليها
_ههه وراها ظهر قوي اخونه جبير ما نكدر، امشي، امشي
بقينه نطبخ شوي غيرنه جو بلطميات ملا باسم الكربلائي حافظة جم مقطع من كل لطميه وأرجع أعيد وأخذنه الواهس واحنه نكمل الغدة، بعدها شغلت التلفزيون وحور متنعت من حجي وطاكتها صفنان
بلگوا جبرتها تاكل جم لگمه، الخاتونه دجله كعدت مثل البومه أكلت ودخلت للغرفتها، من يوم ما سالم جابلها تلفزيون بقت ما تطلع من الغرفة واذا وصلت يمنه سويلها مشكله وتدخل، للعصر ومحد بين منهم وحور عينه على ساعة وعلى باب
_لهناا وخلص صبري خلي البس حجابي واروح بيت عمي.
_عفيه روحي بس لا تتأخرين
_لا بسرعه وأرجع
_كومي سدي وراي باب, خلي اشوف شصار بيهم
فتحت الباب جاي اطلع صار بوجهي عماد
_وأخيراً واحد بيين
_ وين رايحه
_بيت عمي نشوف شصار عليكم
_تعاي، رجعي، هوسه وكايمه يمهم
_وطاحو برافد وين
_اي
حجينه اثنينه سوا
_شبي
_وين لگو
_على كيفجن
_هسه غير ادكول وين
جيبيلي ماي
ركضت حور ولأول مرة وجابتله واجت
_شهل سرعة هيج الفضول يكتل
_اي غير ننتظركم من صبح ماكو
_مدام هيج سوولي جااي، اشوف دلال
_كاافي عاد تحجي لو اروح بيت عمي واسمع منهم
_يلا احجي
_شتردون تعرفون
_عن رافد
_شبي رافد
_عماااد
_يلا كافي شقه هو منو رافد
_هااا رجعنه
_بويه رافد مخطوف جان ظاهر مسلبينه لأن ما خذين سيارته!!
_ياا خطيه
_وشلون لكوو
_مخدر ومشمور بمكان فارغ، بالصدفة واحد مار وشايفه ومبلغ عليه الشرط وصلنه
_وهسه هو وين
_ياهو
_رااااافد
_شبي.
_هسه مو وكتها احجي
_خخخخخ ، نايم بالمستشفى
_ليش شبي
_مابي شي بس إجراءات فحص وإجراءات الشرطة باليل يطلع، بعد احد عنده سؤال آخر ليكول استجواب كاعد بالإجرام ويحققون وياي! ولو حتى رافد ما حققو وياا هيج اي تفضلي استاذة آمنه
_زين هو شلون وين لگا هذا وخطفه.
_والله يا خواتي عزيزات بس هذا عرفناه بعده رافد ما حجانه شي، يلا حضرن ملابسي وسولي جاي من مساع احجي بويه بلعومي طگ.. زين يا خواتي غزيزات يا كان وخواتها
_شبيج ضليت تخربط
_من وراجن عمي
_اوو عماد روح اسبح يا اخو كان
_اوووف منجن مساع تتوسلن وهسه طردن مال كتل انتن، بس تدرن كان جم اخته عدها
_خمسه
_وانتن خمس خوات
_ شوفوني شكد عبقري جبتها صح
ضحكنا عليه وعلى سوالفه
همست بإذن حور مو كتلج مابي شي، إبتسمت وأخيراً،
لليل كالو طلع يوم ثاني اجت نرجس ورحناا كلنا سوا حتى دجله وياناا،
حور: احس دكات گلبي الكل سامعها مر زمن طويل عن آخر
مرة شفته بيها، شكرت ربي من رجع سالم دخلناا للبيت استقبلونا ودخلنا للمكان كاعد بي وحده ورا ثانيه سلمن عليه الا آنا دنياا ما واسعتني لو بيدي مو بس اسلم عليه احضنه، كلتله حمدالله على السلامة بإبتسامه بادلني الإبتسامه ورجع عليه
ب الله يسلمج
_كعدنا دقايق وام رافد سولف عن موقفها من اختفه رافد وام سمر ماالها صووت.
باوعتلها هاي شبيها هيج خانسه، فجأ ذكرت اخوها واكيد عدها اخوان ثانييين كلت بگلبي اذا ما طلعتي لو اخوانج ورا سالفة رافد ما اطلعة آنا حور
تركتها
وآنا مستغله الوضع وطاكتها صفنات بوجها وبعقلي عايشه بأحلى قصة حب، نرجس سألت رافد شلون صار وياك وشلون خطفوك
وبدا يسولف...
_طلعلي واحد هو موكلش جببر بس وسط زلم أشرلي وطاح على بنيد السيارة وهسه تاخذني كتله يابه آنا مو سايق تكسي وهو ماكو مصر الا توصلني وسوا روحه متخربط وتعبان، من حسن حظي
أخذته دخلني منطقه خاليه من بشر وكفنه بمكان بي مثل خرابه الظاهر اكو واحد ينتظرا، كال راح انطي لفلوس وأرجع لا تتحرك شوي دخل طلعلي واحد ثاني وشايل بيده باكيت عصير ولزم عليه اله اشربه وشربيته ما حسيت بعد الا وآنا بالمستشفى
اخذو سيارتي ومحفظتي بيها جم فلس وشمروني
تغييرن ملامحه الى غضب واعصاب خطيه ضجت على حالته
_حمد لله ابو سمر اهم شي طلعت سالم لفلوس تروح وتجي وهنن جيبنك لو انت تجيبهن،
_آنا اجيبهن بس يجن بتعب
_ميخالف كول الحمدلله، هسه مو زين بس خدروك ما كتلوك
رجعت سألت دجله
_يعني شلون خدروك
_ما سمعين حاطيله بالعصير
_شلون يعني بالعصير
رد عليها رافد
_هو باكيت صح ما مفتوح بس هما شيسوون ضربون العصير بأبرة مخدر بعد وين ينعرف
_يااا شنو هاي مثل مسلسل
_هو ياخذون افكار من افلام ويطبقون من الواقع الي يريد يحصل فلوس يسوي مستحيل، بعد فلوس وجايه على حاضر لا تعبانين بيها ولا شي ياخذوها على حاضر
_الله ينتقم منهم ما يخافون الله،
بعدنا كاعدين وشوي اجه ابوي ورا ابو رافد وختمها عمي ايراني وياه ولده محاوطينه، بعد من رجعوله ولده ما تركهم وصارت جمعه عائليه وبدا ابوي يعرف على نرجس وجهاله من نرجس ختمها وهو اكله
_هاي حور وهاي آمنه تعرفهن.
_صلوات على محمد كلولي عندك بنات شابات الله يحفظهن
وان شاء الله جم يوم ونجيلك خطابة لو ما تنطيني يخوي
_
_اذا ما نطيها لخوي انطيها المن مو احسن مت الغريب، بس يا بو ايمن خلي اولادك يرجعون أصلهم ويرجعون الدينهن وبناتي موجودين
_شقصدك يا ابو سالم
_امبين ما كايليك تركو ملتنا وتحولو على ملت رجل امهم،
_شلوووو ن
امبين ما كايليك
نزلو روسهم مثل لمسوي جريمه رجع كال حقك بس هما يرجعون دينهم ما يبقوون هيج مو صح ولدي
هزو براسهم بمعنى اي
بس جان حجي لسان لأن لليوم وهما على ملت دينهم ما يقبلون تركوها، مرت يومين وهم رجع طلبنه، واجه وياا ولده وهو يكول
_ناخذ حور لإبني ايمن وهاي حلوا ل أيسر اثنينهم حلوين راح جيبونه جهال حلوين نفسهم
باوعت ايسر بتسمت باوعلي بدون رد ولا ابتسامه.
رجع كال لحجاية نهت عمري ونهتني ودمرتي، ونهت كل احلامي وكل أمالي وهو يكول ويباوع على ايمن
_اذا اتريدها انت أخذها
ايمن: والحبيات لا عيني انت أخذتها
تفاجأت من شمرون بينه ليكول سلعة رخيصه عدهم
صرخت عليهم
_ما اريدكم لا انت ولا انت سمعتووو، صرخت عليهم وطلعت....
يتبع
البارت قصير بس انا متعمدة أنزله هلكد حتى مو بس تقرون وترحون كتبولي توقعاتكم...
الحلقة الجايه شقيه احداثها!!
انتظروتي
احبكم...